МИНА ИСА БЬЖИН
Бәлакьрьна Мьзгинийе у Һинкьрьн Фәрз ьн, сәва кö Мәрьв Бькарьбьн Бьбьнә Шагьрт
Иса тʹәми дабу пәйчуйед хwә, wәки һәрʹьн у мәрийа бькьнә шагьрт (Мәт. 28:19). Дькʹәтә нава ве йәке бәлакьрьна мьзгинийе у һинкьрьн. Щар-щара әм гәрәке жь хwә бьпьрсьн: «Чаwа әз дькарьм хьзмәтийа ви щурʹәйида, һе щерʹьбанди бьм?»
БӘЛАКЬРЬНА МЬЗГИНИЙЕ
Дәwса кö һивийе бьн, wәки мәрьв хwәхә бенә щәм мә, әм гәрәке бь хирәт йед «һежа» бьгәрʹьн (Мәт. 10:11). Чахе әм мьзгинийе бәла дькьн, әм гәрәке һʹьшйар бьн у һәр мәщаләки бьдьнә хәбате, сәва кö бькʹәвьнә хәбәрдане тʹәви мәрьвед кö рʹасти мә тен (Кʹар. Шанд. 17:17). Лидйа бу шагьрт бь сайа wе йәке, кö Паwлосе шанди бь дьл у щан мьзгинийа Хwәде гиһандә wе (Кʹар. Шанд. 16:13-15).
«Тʹова хwә сьбәһе бьчинә у һʹәта еваре арамийе нәдә дәсте хwә» (Wаиз 11:6)
БЬНЬҺЕРʹӘ ВИДЕО «БӘРДӘWАМ КЬН ‹ТЬМЕ› ХЬЗМӘТ КЬН; НӘФОРМАЛ У МАЛ БЬ МАЛ» У ПАШЕ ЩАБА WАН ПЬРСА БЬДӘ:
Чаwа Самуйел жийина хwәйә һәррʹожида нишан кьр, wәки әw бь хирәт тʹохьме рʹастийе дьчанд?
Чьма әм гәрәке һәр щурʹә хьзмәтийада кʹар бькьн?
Һәр рʹож тö тʹәви кʹе дькари дәрһәqа мьзгинийа Пʹадшатийе хәбәр ди?
ҺИНКЬРЬН
Сәва кö мәрийа бькьнә шагьрт, әм гәрәке һе зедә бькьн, нә кö тʹәне wанарʹа әʹдәбйәта бьһельн. Хенщи wе йәке әм гәрәке сәрледанед дöбарә бькьн у һинбуна Кʹьтеба Пироз жи дәрбаз кьн, сәва кö али wан бькьн рʹöһʹанида пешда һәрʹьн (1 Корн. 3:6-9). Ле һәрге әм бь дьл qәwате дьдьнә хәбате кö дәрһәqа Пʹадшатийе мәрийа һин кьн, у кʹара ве йәке һьндьк ә? (Мәт. 13:19-22). Диса жи әм гәрәке бәрдәwам кьн бьгәрʹьн wан мәрийа, дьле кʹижана кö wәк «әʹрде» qәнщ ә (Мәт. 13:23; Кʹар. Шанд. 13:48).
«Мьн дачʹьканд, Аполо авда, ле Хwәде гиһанд» (1 Корн. 3:6)
БЬНЬҺЕРʹӘ ВИДЕО «БӘРДӘWАМ КЬН ‹ТʹЬМЕ› ХЬЗМӘТ КЬН; ЛЬ WАН ЩИЙА КʹИДӘРЕ ГӘЛӘК МӘРЬВ ТʹОП ДЬБЬН У ШАГЬРТА ҺАЗЬР КЬН» У ПАШЕ ЩАБА WАН ПЬРСА БЬДӘ:
Чаwа Сьлеман у Мәрийаме, тʹохьмед рʹастийе ав дьдан дьле Һәзәqел у Абигайледа?
Һʹәму щурʹә хьзмәтийада, öса жи ль wан щийа, кʹидәре кö гәләк мәрьв тʹоп дьбьн, нета мә гәрәке чь бә?
Чаwа әм дькарьн һе зедә дина хwә бьдьнә һинкьрьна мәрьвед дьн?