Һин бә Ԝәки дь Хьзмәтеда Һе Щерʹьбанди Би; Али Мәрийа Дькьн Бьбьнә Шагьрт

ӘВ ЙӘК ЧЬМА ФӘРЗ Ә: Йаһоԝа тʹохьме рʹастийе дадчькинә дьле ԝан мәрийада, йед кӧ «бона жийина һ′әта- һ′әтайе к′ьфшкьри бун» (Кʹр.Шн. 13:48; 1 Кр. 3:7). Ләма жи әм тʹәви Ԝи шьхӧлкʹарийе дькьн у һʹәму ԛәԝата хԝә хьзмәтеда дьдьнә хәбате кӧ али ԝан мәрийа бькьн, кʹижан кӧ гӧһ данә мьзгинийа хере (1 Кр. 9:26). Әԝед кӧ Кʹьтеба Пироз һин дьбьн, гәрәке фәʹм бькьн, кӧ ньхӧмандьн фәрз ә сәва кӧ хьлазкьрьне ԛазанч кьн (1 Пт. 3:21). Әм али ԝан мәрийа дькьн бьбьнә шагьрт, ԝанарʹа даннасин дькьн у һин дькьн гӧһастьна бькьн жийина хԝәда, ӧса жи кӧ әʹмьре хԝә тʹәсмили Йаһоԝа кьн (Мт. 28:19, 20).

ЧАԜА БЬКЬН:

• Бькә бира шагьрта, ԝәки нета һинбуна ԝанә Кʹьтеба Пироз әԝ ә, кӧ али ԝан бькьн Йаһоԝа «нас кьн» у дьле ԝи ша кьн (Йн. 17:3).

• Али ԝан бькә рʹӧһʹанида пешда һәʹрьн у тьштед ӧса нав хԝәда бьгӧһезьн, ча хәйсәтед хԝәйә хьраб у һәвалтийа хьраб

• Пешийа у паши ньхӧмандьне ԝана ԛәԝи кә у һелан кә (Кʹр.Шн. 14:22).

БЬНЬҺЕРʹӘ ВИДЕО «ЙАҺОԜА ԜЕ АЛИ ТӘ БЬКӘ», У ПАШЕ ЩАБА ԜАН ПЬРСА БЬДӘ:

• Кʹижан тьрс дькарә рʹийа һьнәка бьгьрә, кӧ жийина хԝә тʹәсмили Йаһоԝа кьн у бенә ньхӧмандьне?

• Чаԝа рʹуспи дькарьн али шагьрта бькьн, ԝәки әԝана рʹӧһʹанида пешда һәрʹьн?

• Ишайа 41:10, чь мә һин дькә дәрһәԛа Йаһоԝа?

• Рʹаст ә әм гӧнәкʹар ьн, ле диса жи кʹижан хәйсәт-һӧнӧр али мә дькьн Йаһоԝарʹа хьзмәт кьн у дьле ԝи ша кьн?