Малпәред Сосйал; жь Зийане Хԝә Хԝәй кьн

ЧЬМА ӘВ ЙӘК ФӘРЗ Ә: Анәгори гәләк һащәтед дьн, малпәред сосйал дькарьн йан аликʹарийе бьдьнә мә, йан жи зийане. Һьнә Мәсиһи сафи кьрьн нәдьнә хәбате малпәред сосйал. Һьнәк жи дьдьнә хәбате әван малпәра, сәва кӧ тʹәви малбәт у һәвалед хԝә бькарьбьн текли бьн. Хенщи ԝе йәке Мире-щьна дьхԝазә ԝәки әм малпәред сосйал нә бь билани бьдьнә хәбате, кӧ бь ԝе йәке наве хԝә у рʹӧһʹанийа хԝә хьраб кьн. Ԝәк Иса әм гәрәке принсипед Хәбәра Хԝәде бьдьнә хәбате, чь кӧ ԝе али мә бькьн дәрәщед хоф тедәрхьн у хԝә дур бьгьрьн (Лԛ. 4:4, 8, 12).

ЧАԜА ХԜӘ ХԜӘЙ КЬН:

• Малпәред сосйал бь билани дьдьнә хәбате. Чахе әм гәләк сьһʹәта дәрбаз дькьн бәр малпәред сосйал, әв йәк дькарә жь ԝе ԝәʹде ԛимәт мә дур бьгьрә, чь кӧ әм дькарьн бона Йаһоԝа бьдьнә хәбате

  Принсипед Кʹьтеба Пироз: (Әф. 5:15, 16; Флп. 1:10)

• Жь информасийа беитʹбар хԝә дур дьгьрьн. Чахе әм дьньһерʹьн шькьлед нәщайиз әв йәк дькарә мә бәрбь порнографийайе у бенамусийе бьвә. У чахе әм дьхуньн әʹламәтийед рʹабәра у малпәред ԝан әв йәк жи дькарә баԝәрийа мә зийан кә

  Принсипед Кʹьтеба Пироз: (Мт. 5:28; Флп. 4:8)

• Шькьл у коментарийед нәщайиз данайньн. Дьле бәндә хапинок ә, ләма жи әԝ дькарә һʹӧкӧм кә ль сәр шькьл у коментарийед нәщайиз, кʹижан кӧ әм датиньн ль сәр малпәред сосйал. Бь рʹасти, әв ӧса жи дькарә наве кәсәки хьраб кә у бона ԝи бьбә кәвьре лькʹӧмандьне, жь бо чи жи баԝәрийа ԝи дькарә сьст бә

  Принсипед Кʹьтеба Пироз: (Рʹм. 14:13; Әф. 4:29)

БЬНЬҺЕРʹӘ ВИДЕО «МАЛПӘРЕД СОСЙАЛ БЬ БИЛАНИ БЬДӘ ХӘБАТЕ» У ПАШЕ ШЕԜЬР КӘ, КӦ ЧАԜА ЖЬ ХОФИЙА ВЕ ЙӘКЕ ХԜӘ ДУР БЬГЬРЬН: