Бәрдәwам кә бь Сәбьр Һивийе бә

Чьqас wәхт тӧ һивийа һатьна Пʹадшатийа Хwәде йи? Жийина тәда һәбун чәтьнайед ӧса, чахе тә бь сәбьр тәйах дькьр? (Рʹм. 8:25). Һьнә Мәсиһи, рʹасти нәфрʹәткьрьне у нәһәqийе тен, һьнәка жи давежьнә кәла у һәла һе дькӧжьн жи. Һәнә гәләк йед ӧса жи, кʹижан кӧ дьчәрчьрьн жь бо нәхwәшийа гьран йан жь бо салийед хwәйә мәзьн.

Гәло чь wе али мә бькә, wәки нава wан һʹәму чәтьнайада бь сәбьр һивийе бьн? Әм гәрәке һәр рʹож ба wәрийа хwә бьшьдиньн, демәк Кʹьтеба Пироз бьхуньн у сәр бьфькьрьн. Дина мә гәрәке ль сәр созед Хwәде бә (2 Кр. 4:16-18; Ибр. 12:2). Һьн жи гәләк фәрз ә кӧ әм дьле хwә дӧакьрьнеда Йаһоwарʹа вәкьн у рʹӧһʹе пироз жь wи бьхwазьн (Лԛ. 11:10, 13; Ибр. 5:7). Баве мәйи һʹьзкьри дькарә али мә бькә «бь думька дьреж сәбьр бькьн» (Кл. 1:11).

БЬНЬҺЕРʹЬН ВИДЕО «ӘМ ГӘРӘКЕ БЬ СӘБЬР БЬРʹӘВЬН; ЧʹӘʹВ БЬДЬНӘ МӘСӘЛЕД БАШ». ПАШЕ ЩАБА WАН ПЬРСА БЬДЬН:

• 

  Жийина хwәда әм рʹасти кʹижан дәрәща дькарьн бен? (Ԝз. 9:11)

• 

  Wәʹде чәтьнайа, чаwа дӧакьрьн дькарә али мә бькә?

• 

  Һәрге әм нькарьн хьзмәтийеда һаqас бькьн, чаwа кӧ мә бәре дькьр, чьма фәрз ә дина хwә бьдьнә ве йәке, чьqас кӧ әм ньһа дькарьн бькьн?

• 

  Чь али тә дькә рʹӧһʹанида qәwи бьмини у дина хwә бьди сәр хәлате?