МИНА ИСА БЬЖИН
Һʹьзкьрьна Мә Те Кʹьфше, Чахе Пьштгьрийа Сафикьрьна Йаһоԝа Дькьн
Чахе бәндә жь щьвате те дәрхьстьне, бь ве йәке щьват те хԝәйкьрьне у йе гӧнәкʹар жи дькарә хԝә рʹаст кә (1 Кр. 5:6, 11). Чахе әм ве дәрәщеда пьштгьрийа сафикьрьна Йаһоԝа дькьн, әм һʹьзкьрьне дьдьнә кʹьфше. Ле чь щурʹәйи һʹьзкьрьн те кʹьфше? Нә чахе мәрьве мәйи һʹьзкьри жь щьвате те дәрхьстьне, дьле мә у дьле бьред жь комитейа диԝанкьрьне сәр ԝи дьшәԝьтә!
Йа лапә фәрз әԝ ә, кӧ бь ԝе йәке әм һʹьзкьрьна хԝә һьндава наве Йаһоԝа у нормед ԝийи пироз дьдьнә кʹьфше (1 Пт. 1:14-16). Әм ӧса жи һʹьзкьрьна хԝә һьндава йе жь щьвате дәрхьсти дьдьнә кʹьфше. Рʹаст ә әв сафикьрьн дькарә дьле мәрийа бешинә, ле бь рʹасти әв «бәре әʹдьлайийе жь жийина рʹаст» тинә (Ибр. 12:5, 6, 11). Һәрге әм бәрдәԝам кьн тʹәви йе жь щьвате дәрхьсти йан йе кӧ хԝәха щьват һиштийә, хәбәр дьн, ӧса әме шьхӧле Йаһоԝа пе һʹьше хԝә бькьн (Йер. 30:11). Әм һивийе нә, ԝәки әԝ мәрьв ԝе вәгәрʹьн щәм Баве мәйи дьлован. Ле һʹәта һьнге әм бәрдәԝам дькьн пьштгьрийа сафикьрьна Йаһоԝа бькьн у һәр тьшти дькьн кӧ һәләԛәтийа хԝә тʹәви Йаһоԝа ԛәԝи хԝәйи кьн (Иш. 1:16-18; 55:7).
БЬНЬҺЕРʹЬН ВИДЕО ДРАМАЙЕ «БЬ ТʹӘМАМИЙА ДЬЛЕ ХԜӘ АМЬНИЙЕ ХԜӘЙИ ДЬКЬН», У ПАШЕ ЩАБА ԜАН ПЬРСА БЬДЬН:
Чахе зарʹ жь Йаһоԝа дур дькʹәвә, әв йәк чь еше де-баварʹа тинә?
Щьват чаԝа дькарә пьштгьрийа нәфәред малейә амьн бькә?
Кʹижан сәрһатийа Кʹьтеба Пироз нишан дькә, ԝәки чьԛас фәрз ә кӧ амьнийа мә Йаһоԝарʹа жь амьнийа һьндава нәфәред мале ԛәԝитьр бә?
Әм чь щурʹәйи амьнийа хԝәйә һьндава Йаһоԝа сәр амьнийа һьндава малбәтерʹа дьгьрьн?