Тӧ Һазьр и сәва Евара Биранине?

Бона Иса Щәжьна Дәрбазбунейә пашьн мәхсус бу. Мьрьна ԝи незик дьбу у әԝи дьхԝәст шива Щәжьне тʹәви шагьртед хԝә бьхԝә у щәжьна тʹәзә кʹьфш кә, демәк Шива Хӧдан. Әԝи Пәтрус у Йуһʹәнна шанд, ԝәки һазьрийа щәжьне бькьн (Лԛ. 22:7-13; бьньһерʹә шькле сәр рʹуйе пешьн). Әԝ йәк дьдә кʹьфше, кӧ чьԛас фәрз ә хԝә бона Евара Биранине һазьр кьн, йа кӧ ԝе 27 Адаре дәрбаз бә. Дьԛәԝьмә щьватеда ида щийе дәрбазкьрьне, готарван, симбол у тьштед дьн һатьнә кʹьфшкьрьне. Ле диса жи һәр кәс жь мә башԛә чь дькарә бькә, ԝәки бона Евара Биранине хԝә һазьр кә?

Дьле хԝә һазьр кә. Бәрнама хԝәндьна Кʹьтеба Пироз, кʹижан кӧ пешийа у паши Евара Биранине те дайине бьхуньн у сәр бьфькьрьн. Әв бәрнамә һәйә брошуреда «Һәр Рʹож Ньвисаред Пироз Леколин Бькьн». Һун дькарьн һе зедә информасийайе жь буклета «Рʹебәри Бона Һинбуна Кʹьтеба Пироз» пебьһʹәсьн. (Ӧса жи бьньһерʹьн «Бьжин у Хьзмәт кьн Бәрнама Щьвине» йа мәһа Нисане, сала 2020.) Малбәт дькарьн ԝәʹде ԛӧльхкьрьна тʹәви малбәте информасийа бона леколинкьрьне һьнә әʹдәбйәтада бьвиньн, мәсәлә ванда: «Индекса әʹдәбийәта Бьрща Ԛәрәԝьлийе» у «Рʹебәрийа леколинкьрьне бона Шәʹдед Йаһоԝа».

Мәрьва тʹәглиф кә. Бь тʹәмами кампанийа тʹәглифкьрьнеда кʹар бькә. Бьфькьрә, тӧ кʹе дькари тʹәглиф ки. Дьԛәԝьмә ԝан мәрьва тʹәглиф ки, кʹижанарʹа тӧ сәрледане дьки, йед кӧ бәре Кʹьтеба Пироз һин дьбун йан жи мәрьвед нас у бьра-пьсмамед хԝә. Рʹуспи гәрәке хәм бькьн, ԝәки хьзмәткʹаред кӧ рʹӧһʹанида сьст бунә тʹәглиф кьн. Бир нәкә, ԝәки тӧ дькари сәр малпәра мә jw.org адрес у ԝәʹде дәрбазкьрьна Евара Биранине бьвини бона ԝан мәрьва, йед кӧ мьһала тәда нажин. Бона ԝе йәке бьтькинә ДӘРҺӘԚА МӘ у бьжберә «Биранин».

Диса чь әм дькарьн бькьн, ԝәки һазьр бьн?