Бона Ахьрийа Рʹожед Ахьрийе Һазьр бьн

Ԝан «рʹожед ахьрийеда» әм рʹасти гәләк кӧл-дәрда тен у әм заньн кӧ дәрәщә ԝе дьһа хьраб бьн (2 Тим. 3:1; nwtsty әʹламәтийа һинбуне ль сәр һʹиме Мт. 24:8). Чахе тʹәшԛәлед тʹәбийәте дьԛәԝьмьн, щьмәʹта Йаһоԝа тʹьме ԝәʹдәда рʹебәрийе дьстинә, кӧ чаԝа сәре хԝә хԝәйи кә. Һәрге әм ньһада гӧһдар бьн у хԝә һазьр кьн, ԝәʹде тʹәшԛәлед тʹәбийәте әме чаԝа рʹӧһʹанида ӧса жи физикида бенә хԝәйкьрьне (Лԛ. 16:10).

• Алийе рʹӧһʹанида һазьр бьн: Хԝәрʹа бькьнә хәйсәт, кӧ тʹьме шьхӧле рʹӧһʹанива мьжул бьн. Щурʹә-щурʹә методед хьзмәтийеда кʹар бькьн. Бәр хԝә нәкʹәвьн һәрге һун сәр ԝәʹдәки жь әндәмед щьвате һатьнә ԛәтандьне (Иш. 30:15). Һуне тʹӧ щар жь Йаһоԝа у Иса нәйенә ԛәтандьне (od 176 ¶15-17).

• Алийе физикида һазьр бьн: Щәм һәр нәфәре мале гәрәке чәнтʹе бона рʹәве һәбә. Теда гәрәке хԝарьн, ав, дәрман у тьштед дьн һәбьн, кӧ дькарьн ԝе дәрәщеда лазьм бен, чьмки дьԛәԝьмә һун мәщбур бьн сәр ԝәʹдәки дьреж жь мале бьрʹәвьн (Мтʹл. 22:3; g17.5 4, 6).

БЬНЬҺЕРʹЬН ВИДЕО «ТӘ ХԜӘ ҺАЗЬР КЬРИЙӘ БОНА ТʹӘШԚӘЛЕД ТʹӘБЙӘТЕ?» У ПАШЕ ЩАБА ԜАН ПЬРСА БЬДЬН:

• 

  Ча әм дькарьн алийе рʹӧһʹанида бона тʹәшԛәлед тʹәбийәте һазьр бьн?

• 

  Чьма гәрәке . . .

  • рʹуспи һаш жь мә һәбьн?

  • тьштед лазьм һазьр кьн?

  • пешда шеԝьр кьн кӧ чь щурʹә тʹәшԛәлед тʹәбийәте дькарьн бьԛәԝьмьн у ԝан дәрәщеда әм чь гәрәке бькьн?

• 

  Бь кʹижан се тьшта әм дькарьн али ԝан кәса бькьн, йед кӧ рʹасти тʹәшԛәлед тʹәбийәте тен?

ПЬРСЕ БЬДӘ ХԜӘ: «Жь дәрәща пандемийа COVID-19 әз чь дәрс һин дьбьм, кӧ пешда хԝә һазьр бькьм?»