МИНА ИСА БЬЖИН

Тә Хԝә бона Чәтьнайед Економики Һазьр Кьрийә?

Әм әʹщебмайи наминьн, гава жь бо һʹале дьнйайе чәтьнайед економики пешда тен. Ле чьрʹа? Чьмки әм рʹожед ахьрийеда дьжин у Кʹьтеба Пироз тʹәмийе дьдә мә, ԝәки гӧмана хԝә нәдьн «сәр һәбука пʹучʹә дәрәԝ» (1 Тим. 6:17; 2 Тим. 3:1). Гәло мәсәла Йәһошәфат Пʹадша чь мә һин дькә дәрһәԛа һазьркьрьна бона чәтьнайед економики?

Гава дьжмьн Йәһошәфат дьданә тьрсандьне, әԝи гӧмана хԝә да сәр Йаһоԝа (2 Др. 20:9-12). Әԝи ӧса жи пешда щьмәʹт һазьр кьр, бь ве йәке кӧ бажар ԛәԝи кьрьн у зомед әскәра данин (2 Др. 17:1, 2, 12, 13). Мина Йәһошәфат, әм жи гәрәке итʹбарийа хԝә Йаһоԝа биньн у пешда хԝә бона чәтьнайа һазьр кьн.

ӘМ ЧА ДЬКАРЬН ХԜӘ БОНА ЧӘТЬНАЙЕД ЕКОНОМИКИ ҺАЗЬР КЬН?

Рʹӧһʹанида хԝә һазьр кьн: Чь кӧ щәм ԝә һәйә, бь ԝан рʹази бьн у итʹбарийа хԝә һьндава Йаһоԝа ԛәԝи кьн, кӧ әԝе бона һʹәԝщед ԝәйә һәррʹожи хәм бькә (Мт. 6:26; 1 Тим. 6:8). Хԝәрʹа сафи кьн, ԝәки жь бо рʹазикьрьна ԝан һʹәԝщед хԝә, принсипед Кʹьтеба Пироз нәтʹәрʹьбиньн (Рʹм. 2:21). Бьфькьрьн кӧ һуне ча хԝарьна рʹӧһʹани дәстхьн, һәрге лус йан жи интернет тʹӧнә бә. Хԝәрʹа һьнә әʹдәбйәтед нәшьркьри хԝәй кьн, у һәрге дьбә пешда әʹдәбйәтед әләктроник хԝәрʹа бькʹьшиньн.

Алийе материалида хԝә һазьр кьн: Дәйнед зедә нәкьнә стуйе хԝә у хәрщед хԝә кем кьн, һʹәта кӧ чәтьнайед економики пешда нәһатьнә (Мтʹл. 22:7). Һәрге дьбә, башԛә хԝәрʹа хԝарьн у тьштед лазьм хԝәй кьн. Һьнәк дькарьн хԝәрʹа бахче хԝәда пʹьнщар йан жи хӧрәкед дьн бьчиньн, сәва кӧ пʹәре зедә хәрщ нәкьн.

БЬНЬҺЕРʹЬН ВИДЕО ТӘ ХԜӘ ҺАЗЬР КЬРИЙӘ БОНА ТʹӘШԚӘЛА?, У ПАШЕ ЩАБА ԜАН ПЬРСА БЬДЬН:

Дәрәщә жь видео «Тә Хԝә Һазьр Кьрийә бона Тʹәшԛәла?» Сәр шькьл Кʹьтеба Пироз, чәнтʹе рʹәве, тʹел у авакʹар нәԛьшкьри нә.

Әм чь дькарьн бькьн, ԝәки бона тәнгасийа хԝә һазьр кьн?

Your answer

Дәрәщә жь видео «Тә Хԝә Һазьр Кьрийә бона Тʹәшԛәла?» Бьра шьхӧле авакьрьнеда аликʹарийе дьдьн у тьшта авта баркʹешда щиԝар дькьн.

Ча әм дькарьн хԝә һазьр кьн, ԝәки аликʹарийе бьдьнә кәсед дьн?

Your answer