Һʹьзкьрьне Малбәтеда Бьдьнә Кʹьфше

Һʹьзкьрьн йәктийа малбәте ԛәԝи дькә. Бе һʹьзкьрьне малбәтеда чәтьн ә йәктийе хԝәйи кьн у тʹәви һәв шьхӧлкʹарийе бькьн. Чаԝа жьн-мер у де-бав дькарьн һʹьзкьрьне малбәта хԝәда әʹйан кьн?

Малхе кӧ жьна хԝә һʹьз дькә, һʹәԝщә, ньһерʹандьн у һәстед ԝе һьлдьдә һʹәсаб (Әф. 5:28, 29). Әԝ гәрәке алийе физикида бона малбәта хԝә хәм бькә у бь сайа Ԛӧльхкьрьна тʹәви Малбәте али ԝан бькә незики Йаһоԝа бьн (1 Тим. 5:8). Жьна кӧ мере хԝә һʹьз дькә ԝе гӧрʹа ԝида бә у «ԛәдьре мере хԝә бьгьрә» (Әф. 5:22, 33, ДТʹ; 1 Пт. 3:1-6). Һәрдӧ жи гәрәке һазьр бьн һеса у зу бьбахшиньнә һәв (Әф. 4:32). Де-бавед кӧ зарʹед хԝә һʹьз дькьн, һʹәԝщед зарʹед хԝә һьлдьдьн һʹәсаб у ԝана һин дькьн Йаһоԝа һʹьз бькьн (Ԛн.Дщ. 6:6, 7; Әф. 6:4). Гәло зарʹ мәкʹтәбеда рʹасти чь чәтьнайа тен? Әԝана чь дькьн, ԝәки нәкʹәвьнә бәр байе һәвалед хԝә? Һәрге малбәтеда һʹьзкьрьн һәйә, һәр кәс ԝе хԝә хԝәйкьри у бехофийеда тʹәхмин кә.

БЬНЬҺЕРʹЬН ВИДЕО «ҺʹЬЗКЬРЬНА КӦ ТʹӦ ЩАР КʹӦТА НАБӘ МАЛБӘТЕДА БЬДЬНӘ КʹЬФШЕ» У ПАШЕ ЩАБА ԜАН ПЬРСА БЬДЬН:

• 

  Малхе кӧ жьна хԝә һʹьз дькә, чаԝа дьдә кʹьфше кӧ ԝе ԛимәт дькә у бона ԝе хәм дькә?

• 

  Жьна кӧ мере хԝә һʹьз дькә, чаԝа ԛәдьр һьндава ԝи дьдә кʹьфше?

• 

  Де-бавед кӧ зарʹед хԝә һʹьз дькьн, чаԝа али ԝан дькьн кӧ һʹьзкьрьне һьндава Хәбәра Хԝәде пешда биньн?