Чаԝа Бьдьнә Хәбате Щурʹед Бәлакьрьна Мьзгинийе

Бьред мә гәләк ԛәԝате дьдьнә хәбате, сәва кӧ щурʹед бәлакьрьна мьзгинийе һазьр кьн, у гәләк хьзмәткʹара тʹәхмин кьрьнә кӧ әԝ пешанин бона мьһала ԝан керһати нә. Һʹәмдьнйайеда дәрәщә жь һәв щӧдә дьбьн, ләма жи хьзмәткʹар дькарьн хьзмәтийеда ван пешанина бь щурʹе хԝә дәстпекьн, йан жи тʹемед ӧса шеԝьр кьн, кʹижан кӧ бона мьһала ԝан лайиԛ ьн. Ле һәрге рʹебәри бона кампанийа мәхсус те дайине, һьнге гәрәке пәй ве рʹебәрийе һәрʹьн. Нета мә әԝ ә, ԝәки тʹәмийа Иса биньн сери, демәк мьзгинийа Пʹадшатийе әʹлам кьн (Мт. 24:14).

Гава хушк-бьра пе дәрса дәрдькʹәвьн кӧ щурʹе бәлакьрьна мьзгинийе нишан кьн, һьнге әԝана гәрәке әԝе тʹемайе шеԝьр кьн, йа кӧ «Бәрнама Щьвинеда» йә. Һәрге кʹьфшкьри нинә кӧ тьштәки нәгӧһезьн, һьнге әԝана дькарьн хԝәха пьрс, рʹез, пьрса вәкьри у дәрәща, кʹижан кӧ ԝе мьһала ԝанда керһати бьн, бьжберьн, ле тʹема бьра диса әв бә. Әва гӧһастьна ве рʹебәрийе йә, кʹижан кӧ «Бәрнама Щьвинеда», йа сала 2020, мәһа Һʹәзиране, сәр рʹупʹела 8-да һатьбу дайине.