Нәхԝәшийед Емосийали Проблема Һʹәмдьнйайе йә
«Әз тʹьме бәрхԝә дькʹәвьм, һәла һе һьнге жи гава мәʹни бона ве йәке тʹӧнә».
«Чахе әз хԝә баш тʹәхмин дькьн, ԝи чахи тьрс дькʹәвә дьле мьн, чьмки әз заньм кӧ ньшкева дькарьм дәстпекьм бона тьштәки бәрхԝә кʹәвьм».
«Әз дьхԝазьм тʹәне бона хәмед рʹожәке бьфькьрьм, ле щарна хәмед чәнд рʹожа мьн дьчәрчьриньн».
Ԝәрʹа нас ьн әԝ гьлийед ԝан мәрьва щәм кʹижана нәхԝәшийед емосийали һәнә? Гәло тӧ йан кәсәк жь мәрьве тәйи незик рʹасти ԝе нәхԝәшийе һатьнә?
Баԝәр бә ԝәки тӧ тʹәне нини. Иро нав тʹәмамийа дьнйайеда мәрьв чаԝа хԝәха, ӧса жи мәрьве ԝанә незик жь бо нәхԝәшийа емосийали дьчәрчьрьн.
Әм әʹщебмайи наминьн, кӧ гәләк щурʹед стресе жь бо ве йәке һәнә, чьмки әм зәманед хьрабда дьжин (2 Тимотʹейо 3:1). Ль гора һʹәсаба леколинкьрьнәке, нав тʹәмамийа дьнйайеда ԝәкә жь һʹәйшт мәрьва йәк, жь бо нәхԝәшийа емосийали дьчәрчьрә. Жь бо нәхԝәшийа COVID-19, сала 2020 бәрхԝәкʹәтьн у депресийа нав мәрьвада, сәр 26 у 28 сәләфа зедә бьбу.
Рʹаст ә лазьмә кӧ әм бьзаньбьн иро чьԛас мәрьв жь бо нәхԝәшийа емосийали дьчәрчьрьн, ле дьһа фәрз әԝ ә, кӧ тӧ у мәрьве тәйи незик сьһʹәт-ԛәԝат бьн.
Сьһʹәт-ԛәԝата емосийали чь йә?
Сьһʹәт-ԛәԝата емосийали әԝ ә, чахе тʹӧ тьшт тә әʹщьз накә, тӧ бәр стресед бьчʹук тәйах дьки, хәбата хԝә рʹьнд тини сери у жь әʹмьре хԝә ләзәте дьстини.
Нәхԝәшийа емосийали . . .
НАЙЕ ҺʹӘСАБЕ кемаси йан жи сьстбуна мәрьва.
ӘԜ ТЕ ҺʹӘСАБЕ нәхԝәшийа ӧса, йа кӧ стресе пешда тинә, һʹӧкӧм дькә сәр һʹьше мәрьва, емосийа у хәйсәте ԝан.
Гәләк щар жь бо ве нәхԝәшийе, мәрьварʹа чәтьн ә тʹәви мәрьвед дьн һәвалтийе бькьн у шьхӧлед хԝәйә һәррʹожи биньн сери.
Фьрԛи тʹӧнә мәрьв чәнд сали йә, жь чь мьләти йә, жь кʹижан бәрәки йә, религийайе йә, хԝәнди йә йан на, дәԝләти йан кʹәсиб ә, нәхԝәшийа емосийали щәм һʹәмуйа дькарә пешда бе.
Аликʹарийе бьстиньн ԝәʹде нәхԝәшийа емосийали
Һәрге тӧ йан жи мәрьве тәйи незик тʹәхмин дькьн, кӧ һун хәйсәтда һатьнә гӧһастьне, хәԝа хԝә настиньн, мәʹде ԝә тʹӧнә, һун кʹәтьнә стресе йан хәмгин бунә, дьԛәԝьмә ве дәрәщеда аликʹарийа һʹәким ԝәрʹа лазьм бә. Гәло тӧ жь кʹидәре дькари аликʹарийе бьстини?
Мәрьвәки билан йе кӧ ԝәʹдәки сәр әʹрде дьжит, демәк Иса Мәсиһ, хәбәред ӧса гот: «Сахләм нә һʹәԝще һʹәким ьн, ле нәхԝәш» (Мәтта 9:12). Әԝ мәрьвед кӧ жь нәхԝәшийа емосийали дьчәрчьрьн, гәрәке аликʹарийа медисинайе бьстиньн, сәва кӧ сьһʹәт-ԛәԝат бьн у шабуне жь әʹмьре хԝә бьстиньн. Һәрге нәхԝәшийа ԝан мәрьва дьреж дькʹьшинә, ԝе бь билани бә кӧ әԝана ԛәнщкьрьна хԝә дәрәнги нәхьн.a
Рʹаст ә Кʹьтеба Пироз кʹьтеба медисинайе нинә, ле диса жи ширәтед ԝе дькарьн бона сьһʹәт-ԛәԝата мәйә емосийали керһати бьн. Әм ԝә бь дьл у щан тʹәглиф дькьн дина хԝә бьдьн готаред дьн жь ве журнале, кʹидәреда ԝе бе шьровәкьрьне, кӧ чаԝа Кʹьтеба Пироз дькарә али мә бькә бәр нәхԝәшийед емосийали тәйах бькьн.
a Бьрща Ԛәрәԝьлийе һелан накә, ԝәки конкрет кʹижан метода ԛәнщкьрьне бьжберьн. Һәр кәс гәрәке хԝәха щурʹе ԛәнщкьрьне бьжберә у хԝәха сафикьрьна бькә.