Проблемед Сьһʹәт-Ԛәԝате—Пʹадшатийа Хԝәде ԝе Чь Бькә

«Хьлазийа пандәмийайе COVID-19 һʹәмдьнйайеда, найе һʹәсабе, ԝәки COVID-19 ида бона сьһʹәт-ԛәԝата мәрьва тʹәмамийа дьнйайеда хоф нинә.. . . Чахе пандәмийа дьн дәстпебә—у әв йәк ԝе әʹсә бьԛәԝьмә—әм гәрәке һазьр бьн».—Доктор Тедрос Аданом Гебрейасас, директоре сәрәкә йе Тʹәшкиләта Сахләмхԝәйикьрьнейә Һʹәмдьнйайе, 22 Гӧлане, сала 2023.

Гәләк мәрьв бәрдәԝам дькьн бьчәрчьрьн жь зийана физики у психики, йе кӧ пандәмийа COVID-19 пәй хԝәрʹа һишт. Гәло сәрԝер у тʹәшкиләтед кӧ бона сьһʹәт-ԛәԝата мәрьва хәм дькьн, ԝе бона пандәмийа дьн һазьр бьн, у хенщи ве йәке жи, али мәрьва бькьн нәхԝәшийен, жь бо кʹижана әԝана ида ньһа дьчәрчьрьн, алт кьн?

Кʹьтеба Пироз дьбежә дәрһәԛа һʹӧкӧмәтийе, кʹижан кӧ ԝе бькарьбә бона сьһʹәт-ԛәԝата мә хәм бькә. Теда ньвисар ә, ԝәки «Хԝәдайе әʹзмана ԝе пʹадшатийе кʹьфш кә», демәк сәрԝертийе (Данийел 2:44, ДТʹ). Ԝәʹде сәрԝертийа ве пʹадшатийе «ԝе тʹӧ р’уньштийе ль ԝьр нәбежә: ‹Әз нәхԝәш ьм›» (Ишайа 33:24, ИМ). Сьһʹәт-ԛәԝата һәр кәси ԝе баш бә, чаԝа щаһьлтийеда (Ибо 33:25).