Фькьред Сәрәкә Бьԝәкʹьлинә

Гәло щара ӧса дьбә, кӧ паши лекʹолине, найе бира тә кӧ тә чь хԝәндийә? Һәрге әв проблем бал тә һәйә, ԝе баш бә ԝәки тӧ паши лекʹолине фькьред сәрәкә диса щарәке бьԝәкʹьлини.

Гава тӧ лекʹолин дьки, щар-щара бьсәкьнә у фькьред лапи фәрз хԝәрʹа бьньвисә. Дина хԝә бьде кӧ Паԝлосе шанди ча али ԝан мәрьва кьр, йед кӧ нәʹмед ԝи дьхԝәндьн, әԝи гот: «Фькьра ԝан тьштед мә пешда готьн әв ә» (Ибрани 8:1). Бь ван гьлийа әԝи али ԝан кьр, ԝәки әԝана нета хәбәрдана ԝи фәʹм бькьн у һәвгьредана ве йәке бьвиньн.

Дьбәкә тӧ паши лекʹолине дькари бона ԝәкʹьландьна фькьред сәрәкә ԝәкә 10 дәԛа башԛә ки. Һәрге фькьред сәрәкә нәйенә бира тә, бьнсәрийа йан жи щьмлед пешьн йед абзаса бьньһерʹә. Һәрге тӧ тьштәки тʹәзә һин буйи, бь гьлийед хԝә ве йәке шьровәкә. Ԝәкʹьландьна фькьред сәрәкә ԝе али тә бькә, ԝәки тӧ ԝан фькьра бир нәки у дьһа баш фәʹм ки, кӧ әԝ ча дькарә кʹаре тәрʹа бинә.