ДӘРС 6

Рʹезед жь Кʹьтеба Пироз Зәлал Шьровәкә

(Йуһʹәнна 10:33-36)

ФЬКЬРЕД СӘРӘКӘ: Чахе тӧ рʹеза жь Кʹьтеба Пироз дьхуни, дәрбера дәрбази сәр фькьрәкә дьн нәбә. Избат бә, ԝәки гӧһдаред тә зәлал дьвиньн һәвгьредана орʹта рʹезе у фькьра кӧ тӧ шьровәдьки.

ӘВЕ ЙӘКЕ ЧАԜА БЬКЬН:

Гьлийе сәрәкә башԛә кә. Паши хԝәндьна рʹезе, кʹьфш кә ԝан гьлийа, йед кӧ рʹастә-рʹаст фькьред сәрәкәва гьредайи нә. Тӧ дькари әве йәке бьки, һәрге бьԝәкʹьлини ԝан гьлийа, йан жи пьрсәкә ӧса дайни, ԝәки гӧһдаред тә диса фькьред сәрәкә тедәрхьн.

Һәрге тӧ щурʹә-щурʹә гьлийа дьди хәбате сәва кӧ нета рʹезе шьроԝәки, баԝәр бә, ԝәки гӧһдар диса жи ԝе бькарьбьн зәлал бьвиньн, кӧ чаԝа гьлийе жь Кʹьтеба Пироз, фькьред сәрәкәва гьредайи нә.
Фькьред сәрәкә бьдә кʹьфше. Һәрге әʹсәйи лазьм ә тӧ рʹезе бьхуни, шьроԝәкә кӧ чаԝа гьлийе сәрәкә жь рʹезе, фькьред тәва гьредайи нә.

Һʹәта тӧ рʹезе шеԝьр дьки, бьра Кʹьтеба Пироз щәм тә вәкьри бә. Әв йәк али гӧһдара дькә бьвиньн һәвгьредана ортʹа гьлийе тә у рʹеза кӧ тә хԝәнд.
Бьра шьровәкьрьна тә һеса бә. Дина хԝә нәдә ԝан гьлийа, йед кӧ фькьред сәрәкәва гьредайи ниньн. Һьлдә һʹәсаб, һәла гӧһдаред тә чь ида заньн дәрһәԛа ве тʹемайе. Ӧса ԝе тәрʹа һеса бә сафи ки, кӧ кʹижан фькьра тӧ гәрәке зәлал ки, ԝәки ԝанарʹа фәʹмдари бә.