ДӘРС 4

Рʹезед жь Кʹьтеба Пироз Рʹаст Бьдә Хәбате

(Мәтта 22:41-45)

ФЬКЬРЕД СӘРӘКӘ: Һʹәта кӧ рʹеза жь Кʹьтеба Пироз бьхуни, һʹьше гӧһдаред хԝә бона вә йәке һʹазьр кә.

ӘВЕ ЙӘКЕ ЧАԜА БЬКЬН:

Бьфькьрә чьма тӧ дьхԝази әве рʹезе бьхуни. Һәр рʹезәке ӧса бьхунә, кӧ али гӧһдара бьки, ԝәки фькьред сәрәкә бьвиньн, кʹижан кӧ тӧ дьхԝази кʹьфш ки.

Һәрге тӧ рʹезед жь Кʹьтеба Пироз дьхуни, дина хԝә бьдә рʹезед пешийа ве. Ӧса жи чахе тӧ рʹезе кʹьфш дьки, йан дина хԝә дьди гьлийе кәсәки, йан наве кʹьтебе һьлдьди, избат бә кӧ тӧ хԝә шаш наки.
Тʹьме дина хԝә бьдә К′ьтеба Пироз. Гава тӧ хәбәр дьди тʹәви мәрьвед кӧ Хԝәде баԝәр дькьн, дина ԝан бьдә сәр К′ьтеба Пироз, ча «Хәбәра Хԝәде». Ӧса тӧйе нишан ки, ԝәки жь хԝә һин наки, ле фькьред Хԝәде дәрбази ԝан дьки.
Һʹәԝаса мәрийа һьндава рʹезед К′ьтеба Пироз пешда бинә. Пьрсе бьдә, щаба к′ижани кӧ рʹез дьдә. Дәрһәԛа проблемәке гьли кә, к′ижан кӧ пе рʹеза Кʹьтеба Пироз дькарә бе сафикьрьне. Йан жи принсипәке бежә, йа кӧ пе сәрһатикә К′ьтеба Пироз зәлал дьбә.

Бьфькьрә, һәла гӧһдар ида чь заньн дәрһәԛа ве тʹемайе у ԝан рʹеза. Һәла һе т′емәкә рʹьнд нас жи ӧса шьровәкә, ԝәки мәрьварʹа һʹәԝас бә бьбьһен у бькарьбьн һе баш фәʹм бькьн.