ДӘРС 18

Гӧһдаред Хԝә Һьлдә Һʹәсаб

(1 Корьнтʹи 9:19-23)

ФЬКЬРЕД СӘРӘКӘ: Гӧһдаред хԝә һелан кә, ԝәки әԝана ԝәʹде тʹема тә бьфькьрьн, у тʹәхмин кьн, кӧ тьштәки керһати сәва хԝә педьһʹәсьн.

ӘВЕ ЙӘКЕ ЧАԜА БЬКЬН:

Шеԝьр кә әԝ тьштед кӧ гӧһдаред тә ида заньн. Дәԝса кӧ тʹәне бьԝәкʹьлини тьштед кӧ гӧһдаред тә ида пешда бьһистьнә, али ԝан бькә ԝәки сәр тʹема тә бь ньһерʹандьна тʹәзә бьньһерʹьн.

Фькьред кӧ рʹьнд нас ьн зу хьлаз кә, ле йед тʹәзә һеди-һеди шьровәкә.
Леколин кә у бьфькьрә. Һәрге дьбә, тӧ дькари нава тʹема хԝәда тьшт у ԛәԝьмандьнед ӧса бежи, чь кӧ рʹьнд нас ниньн, сәва кӧ фькьред сәрәкә зәлал ки. Кʹур бьфькьрә, һәла тʹема тә, чаԝа гьредайи йә тʹәви ԝан избаткьрьна, кӧ тӧ дьхԝази бежи йан бьԝәкʹьлини.

Чахе тӧ бона тʹема хԝә леколина дьки, бьфькьрә у пьрсед ӧса бьдә хԝә ча, «чь, чьма, чь чах, кʹидәре, кʹи у чаԝа». Һәрге тӧ һьнә пьрсед ӧса у щабед ԝан пьрса нава тʹәмамийа тʹема хԝәда пешда бини, бь ве йәке һинкьрьна тә ԝе керһати бә.
Нишан кә, кӧ кʹара тʹема тә чьда нә. Шьроԝәкә, ԝәки чаԝа фькьред жь Кʹьтеба Пироз дькарьн жийина һәр рʹожида али гӧһдаред тә бькьн. Шеԝьр кә дәрһәԛа һьнә дәрәщә, ньһерʹандьн у кьред ӧса, кʹижан кӧ бона гӧһдаред тә фәрз ьн.