Чьрʹа Шәрʹ у Тʹәвльһәвбун Бәрдәԝам Дьбьн?

ГӦНӘ

Хԝәде де-баве мәйи пешьн, Адәм у Һеԝа, дьлԛе хԝәда әʹфьранд (Дәстпебун 1:27). Әв йәк дьһатә һʹәсабе кӧ ԝана дькарьбу һʹӧнӧред Хԝәде әʹйан кьрана, мәсәлә, әʹдьлайи у һʹәзкьрьн (1 Корьнтʹи 14:33; 1 Йуһʹәнна 4:8). Ле Адәм у Һеԝайе гӧрʹа Хԝәде нәкьрьн у гӧнә кьрьн. У жь ԝана гӧнә у мьрьн дәрбази сәр мә һʹәмуйа бу (Рʹомайи 5:12). Жь бо ве йәке щәм мә фькьред нәрʹаст пешда тен у кьред мәда әʹйан дьбьн (Дәстпебун 6:5; Маркос 7:21, 22).

СӘРԜЕР

Хԝәде мәрьв ӧса нәәʹфьрандьнә, ԝәки хԝәха рʹебәрийа гавед хԝә бькьн. Кʹьтеба Пирозда те готьне кӧ мәрьв «гава дьмәшьн, әԝ нькарьн гавед хԝә рʹастә-рʹаст бавежьн» (Йерәмйа 10:23, ИМ). Ләма жи сәрԝеред дәԝләте нькарьн бь тʹәмами шәрʹ у тʹәвльһәвбуна бьдьнә һьлдане.

МИРЕ-ЩЬНА У ЩЬНЕД ԜИ

Кʹьтеба Пирозда те готьне кӧ «тʹәмамийа дьнйайе бьн һʹӧкӧме Йе Хьрабда йә» (1 Йуһʹәнна 5:19). ‹Йе Хьраб› әв һәйә Шәйтʹане Мире-щьна, әԝ йәки меркӧж у зӧлм ә (Йуһʹәнна 8:44). Әԝ тʹәви щьнед хԝә мәрьва һелан дькә, кӧ хьрабийе бькьн у шәрʹа пешда тиньн (Әʹйанти 12:9, 12).