Ча Шәрʹ у Тʹәвльһәвбун ԝе Бенә Һьлдане?

ХԜӘДЕ ԜЕ СӘРԜЕРТИЙЕД МӘРЬВА БЬДӘ ҺЬЛДАНЕ

Кʹьтеба Пирозда те готьне ԝәки шәрʹе Һармәгәдонеда Хԝәде ԝе һʹәму сәрԝертийед мәрьва кʹӧта кәa (Әʹйанти 16:16). Ԝи чахи «һʹәму пʹадшед дьнйайе» ԝе тʹоп бьн бона «шәрʹе ԝе Рʹожа Мәзьнә Хԝәдейе Һʹәму Зорайийе» (Әʹйанти 16:14). Һармәгәдон әв һәйә шәрʹе Хԝәде бона ве йәке, кӧ һʹәму шәрʹа бьдә һьлдане.

Хԝәде ԝе дәԝса сәрԝертийед мәрьва Пʹадшатийа хԝә дайнә, йе кӧ тʹӧ щар ԝе нәйе кʹӧтакьрьне (Данийел 2:44). Хԝәде Кӧрʹе хԝә, Иса Мәсиһ, бьжартийә сәва кӧ әԝ бьбә Пʹадше ве Пʹадшатийе (Ишайа 9:6, 7; Мәтта 28:18). Әв һәма әв Пʹадшатиb йә, дәрһәԛа кʹижани кӧ Иса һин дькьр дӧа бькьн (Мәтта 6:9, 10). Тʹәмамийа инсанәте ԝе бьн сәрԝертийа пʹадшатикеда бә, Сәрԝере кʹижани ԝе Иса бә.

Иса ԝе жь сәрԝеред мәрьва бь ве йәке щӧдә бә, кӧ һʹӧкӧме хԝә бона кʹара хԝә нәдә хәбате. Әв һәԛ ә у фьрԛийе накә ортʹа мәрьва, әԝе һьндава тʹӧ кәсида нәһәԛийе нәкә жь бо мьләт, бәрәк у култура ԝан (Ишайа 11:3, 4). Мәрьварʹа ԝе нәлазьм бә бона мафед хԝә шәрʹ бькьн. Гәло чьрʹа? Чьмки Иса ԝе бона һʹалхԝәшийа һәр кәси башԛә хәм бькә. «Әԝ йе кʹәсиб хьлаз дькә, кӧ гази дьке у йе бәләнгаз кӧ кʹомәкдаре ԝи тʹӧнә йә. . . . Жь зерандьне у зордарийе ԝан хьлаз дькә» (Зәбур 72:12-14).

Пʹадшатийа Хԝәде ԝе һʹәму чʹәка кʹӧта кә (Миха 4:3). Ԝе ӧса жи ԝан мәрьвед зӧлм кʹӧта кә, йед кӧ нахԝазьн шәрʹ бьдьнә сәкьнандьне у әʹдьлайе хьраб дькьн (Зәбур 37:9, 10). Һәр мәрьв, демәк мер, кʹӧлфәт у зарʹ ԝе сәр тʹәмамийа әʹрде бехофийеда бьжин (Һәзәԛел 34:28).

Бьн сәрԝертийа Пʹадшатийа Хԝәдеда мәрьв ԝе жь һʹале дьнйайейә баш ләзәте бьстиньн. Әԝе ԝан проблемед инсанәте сафи кә, йед кӧ дьбьнә мәʹнийа шәрʹ-дәʹԝа, кʹәсибийе, бьрʹчибуне у ве йәке, кӧ мәрьв бе мал-һʹал дьминьн. Бал һәр кәси ԝе хԝарьна баш тʹер-тʹьжә һәбә у әԝана ԝе малед башда бьжин (Зәбур 72:16; Ишайа 65:21-23).

Пʹадшатийа Хԝәде ԝе һʹәму зийане кӧ шәрʹ анибу, бьдә һьлдане. Әԝ те һʹәсабе нә кӧ тʹәне зийана физики, ле ӧса жи емосийали, кʹижан кӧ мәрьва жь бо шәрʹа стандьнә. Һәла һе әԝ мәрьв, йед кӧ әʹмьре хԝә ӧнда кьрьнә, ԝе бенә сахкьрьне (Ишайа 25:8; 26:19; 35:5, 6). Нәфәр ԝе диса тʹәвайи бьн у тʹӧ кӧл-дәрд ԝе нәкʹәвә бира ԝан, «чьмки тьштед бәре дәрбаз бун» (Әʹйанти 21:4).

ХԜӘДЕ ԜЕ ГӦНӘ БЬДӘ ҺЬЛДАНЕ

Чахе Пʹадшатийа Хԝәде сәрԝертийе бькә, һʹәму мәрьв ԝе тʹәне Хԝәдайе рʹаст, Йаһоԝа,c бьһʹәбиньн, йе кӧ «Хԝәдайе һʹәзкьрьне у әʹдьлайе» йә (2 Корьнтʹи 13:11). Мәрьв ԝе һин бьн кӧ ча тʹәвайи йәктийеда бьжин (Ишайа 2:3, 4; 11:9). Әԝед кӧ ль гора ве йәке бьжин чь кӧ һин бьн, ԝе жь гӧнә аза бьн у бьбьнә мәрьвед беԛьсур (Рʹомайи 8:20, 21).

ХԜӘДЕ ԜЕ МИРЕ-ЩЬНА У ЩЬНЕД ԜИ КʹӦТА КӘ

Пʹадшатийа Хԝәде ԝе Мире-щьна у щьнед ԝи кʹӧта кә, жь бо кʹижана кӧ һʹәму шәрʹ-дәʹԝ пешда тен (Әʹйанти 20:1-3, 10). Бе һʹӧкӧме ԝанә хьраб, ԝе «әʹдьлайи гәләк бә» (Зәбур 72:7).

Һун дькарьн баԝәр бьн, ԝәки созе Хԝәде кӧ шәрʹ у тʹәвльһәвбуна бьдә һьлдане, ԝе бе сери. Хԝәде һьм дькарә һьм жи дьхԝазә шәрʹа бьдә һьлдане.

• Билани у ԛәԝата Хԝәде һәйә кӧ шәрʹ у зӧлмийе кʹӧта кә (Ибо 9:4). Ԛәԝата Хԝәде дьгьһижә һәр тьшти (Ибо 42:2).

• Хԝәде нәфрʹәт дькә ве йәке, чахе мәрьв рʹасти кӧл-дәрда тен (Ишайа 63:9). Әԝ ӧса жи ԝан мәрьва нәфрʹәт дькә, йед кӧ зӧлмийе һʹәз дькьн (Зәбур 11:5).

• Хԝәде тʹьме созе хԝә тинә сери у әԝ нькарә дәрәԝа бькә (Ишайа 55:10, 11; Тито 1:2).