Кʹьтеба Пироз Мина Нәйньке Бьдә Хәбате

Аԛубе шанди Кʹьтеба Пироз бәрамбәри нәйньке кьр, кӧ нишани мә дькә, ԝәки чь дьле мәда нә (Аԛуб 1:22-25). Гәло әм ча дькарьн Кʹьтеба Пироз мина нәйньке бьдьнә хәбате?

Һʹәмде хԝә бьхунә. Һәрге әм ләзә-ләз хԝә нәйнькеда бьньһерʹьн, дьбәкә әм кемасикә хԝә тедәрнәхьн. Мина ве йәке, сәва кӧ әм тедәрхьн һәла чьда сәр хԝә бьхәбьтьн, әм гәрәке Кʹьтеба Пироз бь һʹәмде хԝә бьхуньн.

Хԝә бьньһерʹә, нә кӧ кәсед дьн. Гава әм бәре нәйньке дьдьнә сәр кәсед дьн нә кӧ сәр хԝә, дьбәкә әм тʹәне кемасийед ԝан бьвиньн. Мина ве йәке, әм дькарьн бь сайа Кʹьтеба Пироз кемасийед кәсед дьн тедәрхьн. Ле әв йәк ԝе али мә нәкә, ԝәки әм кемасийед хԝә рʹаст кьн.

Сәрԝахт бә. Һәрге әм бь зедәйи дина хԝә бьдьнә кемасийед хԝә, йед кӧ нәйнькеда дьвиньн, дьбәкә әм дьлтәнг бьн. Ләма жи чахе әм Кʹьтеба Пироз дьхуньн, гәрәке сәрԝахтийе бьдьнә кʹьфше. Һәрге Йаһоԝа жь мә беԛьсуртийе дәʹԝа накә, әм жи гәрәке ве йәке жь хԝә дәʹԝа нәкьн (Аԛуб 3:17).