Жь Рʹезед Маргинал Кʹаре Бьстинә

Кʹьтеба Пирозда йа Ԝәлгәрʹандьна Дьнйайа Тʹәзә, рʹезед маргинал дьдьнә кʹьфше, кӧ щурʹә-щурʹә пʹаред Кʹьтеба Пироз һәвва гьредайи нә у дина мә дькʹьшиньн сәр рʹезед дьн. Әв рʹезед маргинал әшкәрә дькьн, кӧ гьлийед Кʹьтеба Пироз чьԛас һәвва гьредайи нә. Кʹьтеба Пирозда хьлазийа һьнә хәбәра рʹезед маргинал бь һʹәрф йан һәжмаред бьчʹук кʹьфшкьри нә. Сәва кӧ ԝан рʹеза Кʹьтеба Пирозә нәшьркьрида бьвиньн, кʹеләка рʹупʹеле йан жи ортʹеда бьньһерʹьн чаргоша зьрав. Ле сәва кӧ сәр jw.org йан JW Library^® ԝан рʹеза бьвиньн, бьтькиньн сәр ԝан һʹәрф йан һәжмара у әв рʹез ԝе вәбьн.

Һьнә нетед рʹезед маргинал әв ьн:

Ԛәԝьмандьнед мина һәв: Рʹезед маргинал дьдьнә кʹьфше ԝәки дәрһәԛа ԛәԝьмандьнәке кӧ әм дьхуньн, Кʹьтеба Пирозда щийед дьнда жи ньвисар ә. Мәсәлә, бьньһерʹьн 2 Самуйел 24:1 у 1 Дирок 21:1.

Канийа гьли-готьна: Рʹезед маргинал әшкәрә дькьн, кӧ гьли-готьнәк жь кʹидәре һатийә һьлдане. Мәсәлә, бьньһерʹьн Мәтта 4:4 у Ԛануна Дӧщари 8:3.

Пʹехәмбәртийа кӧ һатә сери: Рʹезед маргинал тьштәки кӧ һатьбу пʹехәмбәртикьрьне у әв йәк кӧ әв пʹехәмбәрти ча һатьбу сери, һәвва гьредьдә. Мәсәлә, бьньһерʹьн Мәтта 21:5 у Зәкәрйа 9:9.