К′ЬТЕБХАНӘЙА ОНЛАЙН йа Бьрща Qәрәwьлийе
К′ЬТЕБХАНӘЙА ОНЛАЙН
Йа Бьрща Qәрәwьлийе
К′öрди Кöрманщи (Кирили)
ö
  • һ
  • ә
  • w
  • q
  • ö
  • К′ЬТЕБА ПИРОЗ
  • Ә′ДӘБЙӘТ
  • ЩЬВАТ
  • ijwyp сәре 102
  • Гәло Лазьм ә Әз Мәкʹтәбе Бьһельм?

Дәрһәqа wе йәке т′ö видео т′öнә

Бьбахшиньн, wәʹде вехьстьна видео шаши пешда һат.

  • Гәло Лазьм ә Әз Мәкʹтәбе Бьһельм?
  • Пьрсед Щаһьла
  • Бьнсәри
  • Т′емед Мина Wе
  • Чьрʹа һьнә щаһьл дьхԝазьн мәкʹтәбе бьһельн
  • Ахьрийа сафикьрьна тә
  • Сафикьрьна рʹаст
  • Чь Бькьм Һәрге Әз жь Мәкʹтәбе Ԝәстийамә?
    Пьрсед Щаһьла
Пьрсед Щаһьла
ijwyp сәре 102
Хорте щаһьл мәʹдәкьри жь мәкʹтәбе у һәвалдәрсханед хԝә дьчә.

ПЬРСЕД ЩАҺЬЛА

Гәло Лазьм ә Әз Мәкʹтәбе Бьһельм?

«Әз мәкʹтәбе нәфрʹәт дькьм». Дьбәкә тӧ жи ӧса дьфькьри у дьхԝази жь мәкʹтәбе дәрейи. Ве готареда һьнә ширәтед баш һатьнә дайине кӧ ве дәрәщеда чь бьки.

  • Чьрʹа һьнә щаһьл дьхԝазьн мәкʹтәбе бьһельн

  • Ахьрийа сафикьрьна тә

  • Сафикьрьна рʹаст

  • Һьнә щаһьл чь дьбежьн

Чьрʹа һьнә щаһьл дьхԝазьн мәкʹтәбе бьһельн

Вьра чәнд мәʹни һатьнә дайине кӧ чьрʹа һьнә щаһьл дьхԝазьн мәкʹтәбе бьһельн:

  • Чәтьнайед һинбунева гьредайи: «Нишанед дәрсед мьн дьһа хьраб дьбьн».

  • Бетʹалаши: «Йәкә кʹара һинбуне тʹӧнә».

  • Чәтьнайед материали: «Әз гәрәке бьхәбьтьм ԝәки али малбәте бькьм».

Ахьрийа сафикьрьна тә

Кʹьтеба Пироз дьбежә: «Йе аԛьл дина хԝә дьдә гавед хԝә» (Мәтʹәлок 14:15). Әм чь дькарьн жь ве йәке һин бьн? Һәрге тӧ дьхԝази мәкʹтәбе бьһели, ԝе баш бә бьфькьри кӧ әв йәк ԝе чь ахьри пәй хԝә бинә.

Хԝә бьпьрсә:

  • «Һәрге әз мәкʹтәбе бьһельм, ахьрийеда әзе бькарьбьм һеса хәбатәкә баш хԝәрʹа бьвиньм?»

    «Бьфькьрә, кӧ рʹожәке тӧйе бьхԝази хәбате хԝәрʹа бьвини, кӧ әʹбура малбәта хԝә бьки. Гәләк мәзьне хәбате дьхԝазьн кӧ щәм ԝан мәрьвед хԝәнди бьхәбьтьн. Ле тӧйе ча бькарьби хәбате бьвини һәрге хԝәндьна тә тʹӧнә бә?» (Щулйа).

  • «Һәрге әз мәкʹтәбе бьһельм, гәло ахьрийеда әзе бькарьбьм һеса чәтьнайа сафи кьм?»

    «Мәкʹтәб тә бона жийина ахьрийе һазьр дькә. Ахьрийеда, һәләԛәтийа тә тʹәви мәрьва, щерʹьбандьнед тә у хәбата кӧ тӧ бьки, ԝе мина дәрәщед мәкʹтәбе бьн» (Данийел).

  • «Һәрге әз мәкʹтәбе бьһельм, ахьрийеда фәрәсәтед мьнә ӧса ԝе һәбьн, кʹижан кӧ ԝе мьнрʹа лазьм бьн»?

    «Дьбә кӧ тәрʹа һинбуна мәкʹтәбеда бекер те кʹьфше, ле чахе тӧ 23 сали би у гәрәке пʹәра рʹаст хәрщ ки, ԝи чахи тӧйе ша би кӧ мәкʹтәбеда математикайе рʹьнд һин дьбуйи» (Анна).

Сафикьрьна рʹаст

  • Аликʹарийе бьхԝазә. Кʹьтеба Пироз дьбежә: «Бь к’ома шеԝьркьра» мәрьв пешда дьчә (Мәтʹәлок 11:14). Һәрге нишанед тә ньмьз дьбьн, жь де-баве хԝә, дәрсдар йан жи мәрьвәки дьн, аликʹарийе бьхԝазә кӧ дьһа рʹьнд һин би.

    «Һәрге һинбун тәрʹа чәтьн ә, ԝе баш бә тʹәви дәрсдаре хԝә хәбәр ди. Щарна дьбә кӧ тӧ дьфькьри, ԝәки чәтьнайед тәда дәрсдар ә нәһәԛ. Ле те бькарьби дәрәще рʹаст ки, һәрге дәрсдаррʹа хәбәр ди» (Едԝард).

  • Дәрәще бь тʹәмами бьдә бәр чʹәʹве хԝә. Кʹьтеба Пироз дьбежә: «Даԝийа тьштәки жь дәстпека ԝе ԛәнщтьр ә» (Ԝаиз 7:8). Чахе тӧ мәкʹтәбе хьлаз ки, ԝе хәйсәт-һʹӧнӧр у фәрәсәтед тәйә ӧса һәбьн, кʹижан кӧ жийина тәда ԝе кери тә бен.

    «Паши мәкʹтәбе дьбә кӧ дәрс у екзаминед тә ида тʹӧнә бьн, ле әв йәк кӧ тә мәкʹтәбеда әԝ чәтьнайи дәрбаз дькьр, ԝе али тә бькә кӧ жийина хԝәда һеса бәр чәтьнайа тәйах ки у нәкʹәви стресе» (Вера).

    Хорте щаһьл ԝәʹдә зутьр жь ԛәйке дәрте. Дәрсдар у һәвал дьхԝазьн ԝи бьдьнә сәкьнандьне.

    Һиштьна мәкʹтәбе мина ԝе йәке йә, кӧ тӧ ԝәʹдә зутьр жь ԛәйке дәрейи, ле ԝе дьһа баш бә ԛәйкеда бьмини!

  • Сафикьрьнед хԝә әʹнәнә кә. Кʹьтеба Пироз дьбежә: «Һәр кәсе ләз к’әти ә’сә зьраре тинә» (Мәтʹәлок 21:5). Ләз нәкʹәвә у нәфькьрә, ԝәки мәщаләкә тәйә дьн тʹӧнә у гәрәке мәкʹтәбе бьһели. Тӧ дькари бь онлайне йан жи малда тʹәви дәрсдар, һинбуна хԝә бәрдәԝам ки.

    «Мәкʹтәб тә һин дькә хәбатһʹьз би, проблема сафи ки, у шьхӧлкʹарийе тʹәви мәрьва бьки. Кʹара һинбуне ԝе бадиһәва нибә. Ләма жи һежа йә мәкʹтәбе нәһели» (Бенжамин).

Фькьра сәрәкә: Мәкʹтәбе хьлаз кә, чьмки ӧса тӧйе дьһа рʹьнд һазьр би, кӧ ахьрийеда щабдарийа һьлди сәр хԝә.

Һьнә щаһьл чь дьбежьн

Аннабел.

«Чахе тӧ әʹрзе бона хәбате тʹьжә ки, мәзьне хәбате ԝе һьнге бьхԝазе тә ԛәбул кә, һәрге тә мәкʹтәб хьлаз кьрийә. Һинбуна тә ԝе мәзьне хәбатерʹа бьдә кʹьфше, ԝәки чахе тӧ шьхӧл дәстпедьки, те бькарьби һʹәта хьлазийе бини сери. Ле һиштьна мәкʹтәбе сафикьрьнәкә нәбилани йә» (Аннабел).

Коел.

«Ӧса дькарә бе кʹьфше кӧ дьһа һеса йә мәкʹтәбе бьһели. Ле тәрʹа тʹьме ԝе лазьм бә бәр чәтьнайед әʹмьр тәйах ки, ләма жи тӧ гәрәке һин би чәтьнайа сафи ки. Мәкʹтәб тә һазьр дькә, ԝәки бона әʹмьр гьһишти би» (Коел).

Брин.

«Әʹмьре мәзьнда дьбәкә тәрʹа лазьм нибә кӧ ча пьрсед математикайе сафи ки. Ле гәрәке бьзаньби ча ԝәʹде хԝә рʹаст хәрщ ки, шьхӧле хԝә ԝәʹдәда бини сери у һәла һе шәбәԛе зу һʹьшйар би жи. Те ԝан һʹӧнӧра бь сайа мәкʹтәбе дәстхи» (Брин).

Ԝәкʹьландьн: Гәло лазьм ә әз мәкʹтәбе бьһельм?

  • Ахьрийа сафикьрьна тә. Бьфькьрә кӧ чаԝа һиштьна мәкʹтәбе ԝе ахьрийе сәр хәбат, пʹешә у фәрәсәтед тәйә кӧ бәр чәтьнайа тәйах ки, һʹӧкӧм бә.

  • Аликʹарийе бьхԝазә. Һәрге нишанед тә ньмьз дьбьн, жь де-баве хԝә, дәрсдар йан жи мәрьвәки дьн, аликʹарийе бьхԝазә кӧ дьһа рʹьнд һин би.

  • Дәрәще бь тʹәмами бьдә бәр чʹәʹве хԝә. Мәкʹтәбеда тӧ нә кӧ тʹәне занәбуне дьстини, ле һе зедә тьшт һин дьби. Мәкʹтәб тә һин дькә леколина бьки, ԝәʹдәда хәбата хԝә хьлаз ки у щабдарийе хԝә бини сери.

  • Сафикьрьнед хԝә әʹнәнә кә. Һәрге жь бо һьнә дәрәща тӧ мәщбур и мәкʹтәбе бьһели, бьфькьрә кӧ бь онлайне йан жи малда тʹәви дәрсдар, һинбуна хԝә бәрдәԝам ки.

    Әʹдәбйәтед Кʹӧрди Кӧрманщи (2011-2025)
    Дәрк′әвьн
    Бьк′әвьн
    • К′öрди Кöрманщи (Кирили)
    • Бьшиньн
    • Бьqәйдәкьрьн
    • Copyright © 2025 Watch Tower Bible and Tract Society of Pennsylvania
    • Qәйде Хәбьтандьне
    • Политика Конфиденсийалийе
    • Гöһастьна Конфиденсийалийе
    • JW.ORG
    • Бьк′әвьн
    Шандьн