ПЬРСЕД ЩАҺЬЛА
Паши Ньхӧмандьне Чь Гәрәке Бькьм?—Пʹара 2: Амьнийа Хԝә Хԝәй кә
Кʹьтеба Пироз дьбежә ԝәки Йаһоԝа «тʹӧ ԛәнщийе жь сәр ԝан набьрʹә, кʹижан кӧ дьжин беләкʹә» (Зәбур 84:11). Чь те һʹәсабе «дьжин беләкʹә»? Әв те һʹәсабе кӧ әм созед хԝәйи кӧ мә дайә Йаһоԝа, гава жийина хԝә тʹәсмили ԝи кьрийә, хԝәй дькьн (Ԝаиз 5:4, 5). Ле тӧ ча дькари паши ньхӧмандьне амьнийа хԝә хԝәй ки?
Ве готареда
Бәрдәԝам кә чәтьнайада тәйах кә
Рʹеза сәрәкә: «Гәрәке әм бь гәләк щәфакʹьшандьне бькʹәвьнә Пʹадшатийа Хԝәде» (Кʹаред Шандийа 14:22).
Әв чь те һʹәсабе: Һʹәму Мәсиһи жийина хԝәда ԝе рʹасти чәтьнайа бен. Һьнә чәтьнайи, йед ӧса ча ԛәрфкьрьн йан пәйкʹәтьн ԝе жь бо ве йәке рʹасти мә бен, кӧ мә сафи кьрийә бьбьнә Мәсиһи. Ле чәтьнайед пʹәрава у сьһʹәт-ԛәԝатева гьредайи, рʹасти һʹәму мәрийа тен.
Чь һивийа мә йә: Дәрәщед жийина мә һәргав ԝе бенә гӧһастьне у щарна жи ԝе ӧса бә кӧ тә хԝәш нәйе. Кʹьтеба Пироз дьбежә ԝәки чәтьнайед һʹәму мәрийа дькарьн һәбьн, у фьрԛи тʹӧнә әԝ Мәсиһи нә йан на (Ԝаиз 9:11).
Тӧ чь дькари бьки: Гава зани тӧйе рʹасти чь чәтьнайа бейи, дькари пешда сәва ве йәке хԝә һазьр ки. Ԝан чәтьнайа һʹәсаб кә ча мәщал, кӧ баԝәрийа хԝә ԛәԝи ки у һе зедә итʹбарийа хԝә Йаһоԝа бини (Аԛуб 1:2, 3). Ԝәʹдә шунда тӧйе жи мина Паԝлосе шанди бькарьби бежи: «Әз һәр тьшти бь сайа ԝи дькарьм, йе кӧ ԛәԝате дьдә мьн» (Филипи 4:13).
СӘРҺАТИЙА РЕАЛИ. «Зутьрәке паши ньхӧмандьна мьн, бьред мьни мәзьн жь рʹастийе дур кʹәтьн, де-баве мьн нәхԝәш кʹәтьн у паше щәм мьн жи проблемед сьһʹәт-ԛәԝатева гьредайи пешда һатьн. Һеса бу ԛьдум бькʹәвьм у бир кьм кӧ мьн хԝә тʹәсмили Йаһоԝа кьрийә. Ле мьн соз дабу ԝи, ԝәки ԛьрара ԝи жийина мьнда щийе фәрз бьгьрә. Һәма әве йәке али мьн кьр ԝәки ԝан чәтьнайед хԝәда тәйах кьм».—Карен.
Ширәт: Һе зедә дәрһәԛа Усьв пебьһʹәсә. Дәрһәԛа ԝи тӧ дькари бьхуни кʹьтеба Дәстпебун сәре 37-да ӧса жи 39-41. Бьфькьрә кӧ ньшкева чь чәтьнайи рʹасти ԝи дьһатьн, у әԝи ча әԝ чәтьнайи алт дькьрьн? Йаһоԝа ча али ԝи дькьр?
Тәрʹа аликʹарийа зедә лазьм ә?
Бьхунә:
«Чаԝа бәр Кӧл-Дәрда Тәйах кьм?»
Бьдә кʹьшандьне:
Бәрдәԝам кә щерʹьбандьнада тәйах кә
Рʹеза сәрәкә: «Ле һәр кәс дьбә машоԛе дьлһавьжийед хԝә, дьхапә у те щерʹьбандьне» (Аԛуб 1:14).
Әв чь те һʹәсабе: Әм гьшк жи щар-щара дьбьнә машоԛе хԝәстьнед хԝә. Һәрге әм хԝәстьнед хԝә контрол нәкьн, әв дькарә мә бәрбь кьред хьраб бьвә.
Чь һивийа мә йә: Паши ньхӧмандьне жи «тәмед мәрьвайейә хьраб» дькарьн пешда бен (2 Пәтрус 2:18). Һәрге тӧ зәԝащеда нини, дьбәкә рʹасти щерʹьбандьнәкә ӧса бейи, кӧ тʹәви кәсәки бькʹәви һәләԛәтийа сексуал.
Тӧ чь дькари бьки: Пешийа щерʹьбандьна пешда хԝәрʹа сафи кә, ԝәки те нәһәли кӧ хԝәстьнед тә сәр тә һʹӧкӧм кьн. Иса гот: «Тʹӧ кәс нькарә дӧ ахарʹа хӧламтийе бькә» (Мәтта 6:24). Тӧ дькари хԝәха бьжбери, ԝәки кʹи ԝе ахайе тә бә. Йаһоԝа бьжберә. Хԝәстьна тәйә нәрʹаст чьԛас жи ԛәԝи бә, тӧйе бькарьби нәһели кӧ сәр тә һʹӧкӧм кә (Галати 5:16).
Ширәт: Тедәрхә кʹижан ьн алийе тәйи ԛәԝи у сьст. Һәвалед ӧса хԝәрʹа бьжберә, йед кӧ ԝе али тә бькьн, ԝәки һе зедә хәйсәт-һʹӧнӧред баш нав хԝәда пешда бини. Хԝә дур бьгьрә жь ԝан мәрийа, щийа у дәрәща, йед кӧ ԝе рʹийа тә бьгьрьн рʹастийе бьки (Зәбур 26:4, 5).
Тәрʹа аликʹарийа зедә лазьм ә?
Бьхунә:
«Ча Нәкʹәвьмә бәр байе Щерʹьбандьне?»
«Чь Бькьм, ԝәки Дәрһәԛа Сексе Нәфькьрьм?»
Бәрдәԝам кә хирәта хԝә ԛәԝи кә
Рʹеза сәрәкә: «Һʹәта хьлазийе ԝе хирәте бьдә кʹьфше, . . . Әм нахԝазьн кӧ һун хԝәрʹанәдити бьн» (Ибрани 6:11, 12).
Әв чь те һʹәсабе: Һәрге мәрьв дина хԝә надә хәбата хԝә, әԝ дькарә һеса һʹәԝаса хԝә ӧнда кә у бьбә йәки хԝәрʹанәдити.
Чь һивийа мә йә: Паши ньхӧмандьне дьбәкә тә шабунәкә мәзьн сәр хԝә тʹәхмин дькьр у хирәта тә зәʹф бу. Дьле тә бь һʹьзкьрьна һьндава Йаһоԝа тʹьжә бу. Ле дьбәкә ԝәʹдә шунда тә дина хԝә дайе, ԝәки нә һеса йә һәр тьштида гӧрʹа Йаһоԝа бьки. У әве йәке дьԛәԝьмә тӧ сьст кьри у хирәта тә кем кьр (Галати 5:7).
Тӧ чь дькари бьки: Бәрдәԝам кә тьштед рʹаст бькә һьнге жи гава хԝәстьна тә тʹӧнә әве йәке бьки (1 Корьнтʹи 9:27). Чь жи һәбә тʹьме незики Баве хԝәйи әʹзмана бә, һе зедә дәрһәԛа ԝи пебьһʹәсә, һәр гав ԝирʹа дӧа бькә у дьле хԝә жерʹа вәкә. Хенщи ԝе йәке бәрдәԝам кә һәвалтийе бькә тʹәви ԝан мәрийа, кʹижан кӧ һʹьз дькьн Йаһоԝарʹа хьзмәт кьн.
Ширәт: Бир нәкә ԝәки Йаһоԝа гәләк тә һʹьз дькә у һазьр ә али тә бькә. Нәфькьрә ԝәки дьле ԝи тәрʹа ша набә жь бо ԝе йәке, кӧ тә хирәта хԝә ӧнда кьрийә. Кʹьтеба Пироз дьбежә: «Әԝ ԛәԝате дьдә йе вәстийайирʹа у йед сьст ԛәԝи дькә» (Ишайа 40:29, ДТʹ). Ԝәʹдә шунда әԝ ԝе али тә бькә кӧ хирәта хԝә диса вәгәрʹини.
Тәрʹа аликʹарийа зедә лазьм ә?
Бьхунә:
Бьньһерʹә:
Тʹәмамкьрьн: Һәрге тӧ амьнийа хԝә Йаһоԝарʹа хԝәй дьки, тӧ дьле ԝи ша дьки! (Мәтʹәлок 27:11) Йаһоԝа ԝе тәрʹа фьрнаԛ бә, кӧ тә Әԝ бьжартийә, у ԝе һәр тьшти бьдә тә чь кӧ тәрʹа лазьм ә, сәва нәкʹәви тʹәлькед Мире-щьна.