Чь Бькьн Һәрге Сьһʹәт-Ԛәԝата Мә Ньшкева Хьраб бу?

Дьԛәԝьмә сьһʹәт-ԛәԝата ԝә ньшкева хьраб буйә. Һәрге әре, демәк һун заньн ԝәки ча нәхԝәши дькарә мә ԛьдум бьехә у ԛәнщкьрьн жи дькарә гәләк бьһа сәр мә рʹуне. Чь дькарә али ԝә бькә? Һәрге мәрьвәки ԝә йан һәвале ԝә нәхԝәш ә, ча һун дькарьн аликʹарийе бьдьне? Рʹаст ә Кʹьтеба Пироз кʹьтеба медисинайе нинә, ле теда һуне гәләк принсипа бьвиньн, кӧ ԝәʹде гьранда ԝе али ԝә бькьн.

Ширәтед кӧ ԝе али ԝә бькьн

• Метода ԛәнщкьрьнейә баш бьгәрʹьн

  Кʹьтеба Пироз чь дьбежә: «Ле гава Иса әв йәк бьһист ԝанарʹа гот: ‹Сахләм нә һʹәԝще һʹәким ьн, ле нәхԝәш›» (Мәтта 9:12).

  Чь те һʹәсабе: Чахе лазьм ә, аликʹарийа дохдьра бьхԝазьн.

  Бьщерʹьбинә: Ԛәнщкьрьнәкә лапә баш бьстиньн, кӧ ԝәрʹа дәст дьдә. Щарна бь билани йә ньһерʹандьна чәнд дохдьра пебьһʹәсьн (Мәтʹәлок 14:15). Избат бьн, ԝәки ԝә һʹәму нишанед нәхԝәшийа хԝә зәлал гьли кьр у рʹаст жь дохдьр фәʹм кьр (Мәтʹәлок 15:22). Һе зедә информасийа дәрһәԛа нәхԝәшийа хԝә у методед ԛәнщкьрьне, леколин кьн. Чахе зани кӧ чь һивийа тә йә, дьһа һеса дьбә алийе емосийалида хԝә һазьр ки у сафикьрьна рʹаст бьки.

• Хәйсәтед баш хԝәй кьн

  Кʹьтеба Пироз чь дьбежә: «Һиндарийа ԛальб кери» бәдәне те (1 Тимотʹейо 4:8).

  Чь те һʹәсабе: Хәйсәтед баш сәр сьһʹәт-ԛәԝата мә баш һʹӧкӧм дьбә.

  Бьщерʹьбинә: Хԝәрʹа бькә хәйсәт кӧ һәргав спортева мьжул би, хԝарьна керһати бьхԝи у рʹьнд хәԝа хԝә бьстини. Дьԛәԝьмә тӧ ида һини нәхԝәшийа хԝә буйи, ле дохдьр дьбежьн, ԝәки һәрге тӧ ԝәʹдә у ԛәԝате хәрщ ки кӧ тьштед баш хԝәрʹа бьки хәйсәт, сьһʹәт-ԛәԝата тә ԝе баш бә. Ле пешийа кӧ тьштәкә тʹәзә бьки, избат бә ԝәки әв ԝе зийане нәдә сьһʹәт-ԛәԝата тә у мьԛабьли ԛәнщкьрьна тә нинә.

• Аликʹарийе бьхԝазьн

  Кʹьтеба Пироз чь дьбежә: «Һәвал һәр гав һʹьз дькә, бьра буйә бона рʹожа охьрме гьран» (Мәтʹәлок 17:17).

  Чь те һʹәсабе: Һәвалед тә дькарьн али тә бькьн ԝәʹде гьранда тәйах ки.

  Бьщерʹьбинә: Һәваләкә хԝәйә незикрʹа дьле хԝә вәкә. Хәбәрдана ԝә ԝе алийе емосийалида ԛәԝате бьдә тә у шабуне бькә дьле тә. Һәмьки, һәвал у нәфәр дьхԝазьн али тә бькьн, ле дьԛәԝьмә ньзаньн чь алида. Ләма жи зәлал ԝанрʹа бежә кӧ тӧ һʹәԝще чь йи. Жь ԝана һивийа гәләк тьшт нибә у тʹьме шекьрдар бә. Ле сәва кӧ тӧ бь зедәйи нәԝәсти, тәрʹа лазьм ә синора дайни, мәсәлә сафи ки кӧ чьԛас щар у сәр чьԛас ԝәʹдә әԝана дькарьн бен ԝәки тʹәсәлийа тә бькьн.

• Ньһерʹандьна позитив хԝәй кьн

  Кʹьтеба Пироз чь дьбежә: «Дьле ша мина дәрмане керһати йә, ле дьле хәм у хәйал һʹьшкбуна һәстуйа йә» (Мәтʹәлок 17:22).

  Чь те һʹәсабе: Ньһерʹандьна позитив у һеви дькарьн али тә бькьн дьлрʹьһʹәтийе хԝәй ки.

  Бьщерʹьбинә: Һини дәрәща хԝәйә тʹәзә бә у бьфькьрә сәр ԝе йәке кӧ ԛәԝата тә дьгьһижә чь. Хԝә бәрамбәри кәсед дьн нәкә, у сьһʹәт-ԛәԝата хԝәйә ньһа бәрамбәри йа бәре нәкә (Галати 6:4). Нетед ӧса дайнә пешийа хԝә, кӧ бькарьби бини сери, чьмки әв йәк ԝе емосийед баш нав тәда пешда бинә (Мәтʹәлок 24:10). Чьԛас дәсте тә те, али мәрьва бькә. Гава али мәрьва бьки, тӧйе шабуне бьстини у ԝе ньһерʹандьна позитив нав тәда пешда бе (Кʹаред Шандийа 20:35).

Гәло Хԝәде дькарә һʹале тәйи гьранда али тә бькә?

Кʹьтеба Пироз нишан дькә, ԝәки Йаһоԝа Хԝәдеa дькарә али мәрьва бькә, чахе әԝ нәхԝәш ьн. Рʹаст ә Хԝәде иро бь кʹәрәмәти мәрьва ԛәнщ накә, ле мәрьвед кӧ Хԝәде һʹьз дькьн дькарьн аликʹарийе бьстиньн бь ван щурʹа:

Дьлрʹьһʹәти. Йаһоԝа дькарә «әʹдьлайийа Хԝәде кӧ жь һәр һʹьш-аԛьли дәрбазтьр ә», бьдә мә (Филипи 4:6, 7). Әв әʹдьлайи, йан жи дьлрʹьһʹәти, дькарә али мәрьва бькә бь зедәйи хәмгин нәбьн. Хԝәде әве әʹдьлайе дькә дьле ԝан мәрьва, йед кӧ ԝирʹа дӧа дькьн у дьле хԝә жерʹа вәдькьн (1 Пәтрус 5:7).

Билани. Йаһоԝа дькарә биланийе бьдә мә сәва кӧ әм сафикьрьнед рʹаст бькьн (Аԛуб 1:5). Чахе мәрьв принсипед жь Кʹьтеба Пироз леколин дькә у тинә сери, әв биланийе ԛазанщ дькә.

Һевийа дәрһәԛа ахьрийа бәхтәԝар. Йаһоԝа ахьрикә ӧса соз дьдә: «Тʹӧ рʹуньштийе ль ԝьр нәбежә: ‹Әз нәхԝәш ьм›» (Ишайа 33:24, ИМ). Әв һеви али мәрьвед кӧ гьран нәхԝәш ьн жи дькә, ԝәки ньһерʹандьна позитив хԝәй кьн (Йерәмйа 29:11, 12).