ҺЬШЙАР БЬМИНЬН!
Мәрьв Зьравԛәти Дьбьн жь бо Ԛачахтийа бь Ԛьрме—Кʹьтеба Пироз Чь Дьбежә?
Мәһа Тирмәһе сала 2022-да, ԛачахтийед пе ԛьрме кӧ нав тʹәмамийа дьнйайеда дьԛәԝьмьн, мәрийа зьравԛәти дькьн:
«Кӧштьна политикванәки навдар жь Жапонйайе [Шинзо Абе, кӧ бәре Сәрокԝәзир бу], тьрс кьрә дьле бьнәлийед ԝәлет у мәрьвед нав тʹәмамийа дьнйайе гәләк әʹщебмайи ман, чьмки Жапонйайеда ԛачахти һьндьк ә у ԛанунед һьндава хәбьтандьна чʹәка, сәрт ьн».—10 Тирмәһе, сала 2022, The Japan Times.
«Копәнһагенеда ԛачахәки дькʹанеда се мәрьв кӧштьн, жь бо чь жи бьнәлийед Дәнмарке зьравԛәти бун».—4 Тирмәһе, сала 2022, Reuters.
«Африкайа Башуре: Шәһәре Соԝетода, ресторанәкеда ԛачахәки 15 мәрьв гӧлә кьрьн».—10 Тирмәһе, сала 2022, The Guardian.
«Дәԝләтед Йәкбуйида, 4 Тирмәһе, ԝәʹде щәжьне ԛачахәки 220 мәрьви зедәтьр кӧштьн».—5 Тирмәһе, сала 2022, CBS News.
Ле гәло гӧмана мә һәйә, кӧ зордари ԝе бе һьлдане? Кʹьтеба Пироз чь дьбежә?
Кʹӧтабуна Зордарийе
Кʹьтеба Пироз ԝәʹде мә нав кьрийә «рʹожед хьлазийе», кӧ мәрьв ԝе сәрт, зӧлм у зордар бьн (2 Тимотʹейо 3:1, 3). Ԛачахтийед ви щурʹәйи тьрсе дькьнә дьле мәрийа (Луԛа 21:11). Ле Кʹьтеба Пироз соз дьдә, ԝәки ԝәʹдәки ӧса ԝе бе, кӧ зӧлми тʹӧнә бә у мәрьв ԝе «ль ԝаре аштийе, ль авайед әԝлә у ль дәред рʹьһʹәт у бехәм рʹуне» (Ишайа 32:18, ИМ). Зӧлми ԝе чь щурʹәйи кʹӧта бә?
Хԝәде ԝе мәрьвед зӧлм у чʹәка кʹӧта кә.
«Нәпʹаке жь сәр рʹуйе әʹрде ӧнда бьн һәрʹьн» (Мәтʹәлок 2:22).
«[Хԝәде] шәрʹа дьдә сәкьнандьне, һәр чар ԛӧлбед дьнйайе, тир-кәвана дьшкенә, рʹьма һур-һури дькә у мәртʹала бь егьр дьшәԝьтинә» (Зәбур 46:9).
Хԝәде ԝе сәбәбе зӧлмийе бьдә һьлдане у мәрийа һини әʹдьлайе кә.
«Ԝе тʹӧ кәс ль сәр тʹәвайа чʹийайе мьни пироз, хәсаре нәдә у ԝеран нәкә. Чьмки чаԝа ав дәрйа [бәʹр] тʹьжә дькә, дьнйа жи ԝе бь занина Хӧдан тʹьжә бьбә» (Ишайа 11:9, ИМ).
Һәла һе ньһа жи Хԝәде нав тʹәмамийа дьнйайеда мәрийа һин дькә, ԝәки жь зӧлмийе хԝә дур бьгьрьн у чʹәкед хԝә бькьнә «һʹәсьне гисьне» у бона бещәркьрьна әʹрде бьдьнә хәбате (Миха 4:3).
Сәва кӧ һе зедә пебьһʹәсьн дәрһәԛа ԝәʹдәки бехоф, кӧ Кʹьтеба Пироз соз дьдә, бьхуньн готар «Дьнйакә Бехоф—Гәло Әв Йәк Реали йә?»
Сәва кӧ дәрһәԛа кʹӧтакьрьна зордарийе һе зедә пебьһʹәсьн, бьхуньн готар «Сәр Әʹрде ԝе Әʹдьлайи бә!»