ҺʹЬШЙАР БЬМИНЬН!
Гәрмайа Һәԝайе сәр Тʹәмамийа Дьнйайе Гәләк Бьльнд Дьбә; Кʹьтеба Пироз Чь Дьбежә?
Мәһа Тирмәһе сала 2022, жь һьнә һʹәсаба те кʹьфше, ԝәки гәрмайа һәԝайе сәр тʹәмамийа дьнйайе, гәләк бьльнд буйә:
«Сәрԝеред Чинайе ида щара дӧда ве мәһеда әʹлам кьрьн, ԝәки ԝәкә 70 шәһәрада гәрмайа һәԝайе ԝе ӧса бьльнд бә, кӧ гәләк хоф бә».—25 Тирмәһе, сала 2022, CNN Wire Service.
«Жь бо ве йәке кӧ тʹәмамийа Әԝропайеда һәԝа бь зедәйи гәрм буйә, гәләк ԝәлатада агьр мешәйа дькʹәвә».—17 Тирмәһе, рʹожнәма Нобәдәр.
«Рʹожа Ләʹде гәләк бажарада нав Дәԝләтед Йәкбуйида, температура һәԝайе гәләк бьльнд бу, у әв гәрмайи ԝәлетда жь алийе Рʹоһьлате һʹәта Башуре у Навәнда Рʹоавайе бәла бу».—24 Тирмәһе, сала 2022, рʹожнәма The New York Times.
Әв чь те һʹәсабе? Гәло ахьрийеда һʹале дьнйайе ԝе ӧса хьраб бә, кӧ жийин сәр тʹӧнә бә? Кʹьтеба Пироз чь дьбежә?
Дәрһәԛа зедәбуна гәрмайа һәԝайе Кʹьтеба Пирозда һатийә пʹехәмбәртикьрьне?
Бәле. Кʹьтеба Пирозда дәрһәԛа зедәбуна гәрмайа нав тʹәмамийа дьнйайе һатийә пʹехәмбәртикьрьне. Мәсәлә, Иса пешда готьбу, ԝәки әме «тьштед хоф у тьрс» бьвиньн (Луԛа 21:11). Жь бо зедәбуна гәрмайе, тьрсе гәләк мәрьва гьртийә у ԝана тʹьре кьред инсанәте ԝе әʹрде ԝеран кьн.
Гәло жийин сәр әʹрде ԝе кʹӧта бә?
На. Хԝәде әʹрд әʹфьрандийә сәва кӧ мәрьв һʹәта-һʹәтайе сәр бьжин (Зәбур 115:16; Ԝаиз 1:4). Әԝ ԝе нәһелә кӧ мәрьв әʹрде кʹӧта кьн, ле дәԝсе чаԝа кӧ әԝи соз дайә, ԝе ԛьрʹа ԝан мәрьва бинә, йед кӧ әʹрде «хьраб дькьн» (Әʹйанти 11:18).
Ԝәрен әм шеԝьр кьн дӧ пʹехәмбәртийа, кʹижан кӧ нишан дькьн ԝәки Хԝәде диса чь соз дайә:
«Ԝе чол у дәшта зьһа ша бьбә, ԝе бәрʹи дьлгәш бьбә, ԝәк гӧла кӧлилк бьдә» (Ишайа 35:1, ИМ). Хԝәде ԝе нәһелә кӧ жийин сәр әʹрде кʹӧта бә, ле дәԝсе әԝ ԝе гәш кә ԝан пʹаред әʹрде, йед кӧ зийан стандьнә.
«Чʹәʹве Тә сәр әʹрде йә, тӧ ԝе ав дьди, дәԝләмәнд дьки» (Зәбур 65:9). Хԝәде ԝе кʹәрәмед хԝә бьбаринә сәр әʹрде у әв ԝе бьбә щьнәт.
Сәва кӧ һе зедә пебьһʹәси ԝәки чаԝа гӧһастьна һәԝайе пʹехәмбәртийа Кʹьтеба Пироз тинә сери, бьхунә готар, «Гӧһастьна Климате у Ахьрийа Мә; Кʹьтеба Пироз Чь Дьбежә?»
Сәва кӧ һе зедә пебьһʹәси дәрһәԛа созе жь Кʹьтеба Пироз, кӧ әʹрд ԝе гәш бә, бьньһерʹә готар, «Кʹи ԝе Әʹрде Хьлаз кә?»