Шәрʹе Украинеда Ида Сала Дӧдайә Бәрдәԝам Дьбә—Кʹьтеба Пироз Чь Һеви Дьдә?

Инийе, 24 Сьбате сала 2023, саләк тʹәмам бу кӧ шәрʹ Украинеда дәстпебу. Ль гора һʹәсабәке, ԝәкә 300 000 әскәред Украине у Русйайе ви шәрʹида һатьнә кӧштьне у бьриндаркьрьне. У дьбежьн кӧ ԝәкә 30 000 бьнәли һатьнә кӧштьне. Ле әв һәжмар дьԛәԝьмә дьһа зедә йә.

Йазьх, нә жи те кʹьфше ԝәки зутьрәке әв шәрʹ ԝе хьлаз бә.

«Жь ԝи чахива кӧ әскәред Русйайе кʹәтьнә Украине, нә жи те кʹьфше кӧ әв шәрʹ ԝе зутьрәке хьлаз бә. Найе кʹьфше кӧ кʹе ԝи шәрʹида ԝе сәркʹәвә, у нә жи те кʹьфше кӧ әԝана ԝе сафикьрьнәкә ӧса бьвиньн, ԝәки шәрʹ бьдьнә сәкьнандьне» («National Public Radio», 19 Сьбате, сала 2023).

Әв тьштәки нормал ә ԝәки гәләк мәрьв дьлтәнг дьбьн, кӧ жь бо ви шәрʹи у шәрʹед дьн, сәр тʹәмамийа дьнйайе гәләк мәрьвед нәнәһәԛ дьчәрчьрьн. Ле гәло Кʹьтеба Пироз чь һеви дьдә? Гәло ве бе ԝәʹдә кӧ шәрʹ бенә кʹӧтакьрьне?

Шәрʹе кӧ ԝе һʹәму шәрʹа бьдә һьлдане

Кʹьтеба Пирозда те готьнә дәрһәԛа шәрʹе кӧ ԝе инсанәте хьлаз кә, нә кӧ кʹӧта кә. Әв шәрʹе Һармәгәдоне йә у дәрһәԛа ви те готьне «шәрʹе ԝе Рʹожа Мәзьнә Хԝәдейе Һʹәму Зорайийе» (Әʹйанти 16:14, 16). Бь сайа ви шәрʹи Хԝәде ԝе һʹәму сәрԝертийед мәрьва бьдә һьлдане, жь бо кʹижана әв шәрʹед гьран пешда тен. Сәва кӧ пебьһʹәсьн чаԝа бь сайа Һармәгәдоне сәр әʹрде ԝе әʹдьлайи һәбә, ван готара бьхуньн: