Проблема Тʹәнебунева Гьредайи Зедә Дьбә—Кʹьтеба Пироз Чь Дьбежә

Ль гора һʹәсабен ԝан пашԝәхтийаa, һәр мәрьве чара хԝә тʹәнебунеда тʹәхмин дькә.

• «Фьрԛи тʹӧнә әм чәнд сали нә, йан кʹидәре дьжин һәр кәс жь мә дькарә тʹәнебуне сәр хԝә тʹәхмин кә». Чидо Мпемба, йе кӧ щабдар ә бона Тʹәшкиләта Сахләмийейә Һʹәмдьнйайе.

Гәләк мәрьв дьфькьрьн кӧ тʹәне мәрьвед әʹмьрда мәзьн йан кәсед кӧ хԝә жь мәрьва дур дьгьрьн, тʹәнебуне сәр хԝә тʹәхмин дькьн, ле бь рʹасти кәсед щаһьл, мәрьвед сьһʹәт-ԛәԝат, пешдачуйи у йед зәԝьщи жи, дькарьн тʹәнебуне сәр хԝә тʹәхмин кьн. Тʹәнебун дькарә хьраб һʹӧкӧм кә сәр сьһʹәт-ԛәԝата физики у емосийали.

• «Вивек Мурти хирурге сәрәкә, йе кӧ жь Дәԝләтед Йәкбуйийә, дьбежә: «ʹТʹәнебун жь һәстед хьраб зедәтьр ә». Әԝи ӧса жи гот: «Әԝ йәк кӧ мәрьв хԝә жь кәсед дьн дур дьгьрә, мина ве йәке йә, гава мәрьв рʹоже 15 льб щьхаре дькʹьшинә, чь кӧ мьрьне пешда тинә».

Кʹьтеба Пироз чь дьбежә

Әʹфьрандаре мә нахԝазә ԝәки әм хԝә жь мәрьвед дор-бәри хԝә дур бьгьрьн. Нета Хԝәде ве йәкеда йә, кӧ мәрьв жь һәләԛәтийа тʹәви һәв шабуне бьстиньн.

• Принсипа Кʹьтеба Пироз: «Хԝәде гот: ‹Нә баш ә кӧ мер тʹәне бьминә›» (Дәстпебун 2:18).

Хԝәде дьхԝазә ԝәки әм һәләԛәтийа хԝә тʹәви ԝи незик кьн. Әԝ соз дьдә кӧ ԝе хԝә ль мә бьгьрә һәрге әм ԛәԝате бьдьнә хәбате, кӧ хԝә ль ԝи бьгьрьн (Аԛуб 4:8).

• Принсипа Кʹьтеба Пироз: «Чьԛас бәхтәԝар ьн кәсед кӧ фәʹм дькьн, ԝәки әԝана һʹәԝще Хԝәде нә, чьмки Пʹадшатийа әʹзмана йа ԝан ә» (Мәтта 5:3).

Хԝәде дьхԝазә ԝәки әм тʹәви мәрьвед дьн ԝирʹа хьзмәт кьн. Һәрге әм ӧса бькьн әме хԝә бәхтәԝар тʹәхмин кьн.

• Принсипа Кʹьтеба Пироз: «Бьра әм бона һәвдӧ хәм бькьн, ԝәки һʹьзкьрьне у ԛәнщикьрьнеда һелана бьдьнә һәв. Бьра әм дәст жь льһәвщьвине нәкʹьшиньн, . . . ле әм дьл бьдьнә һәв» (Ибрани 10:24, 25).

Сәва кӧ һе зедә информасийа керһати пебьһʹәсьн дәрһәԛа ве йәке, кӧ чаԝа хԝә жь тʹәнебуне хԝәй кьн, бьхунә готара бь наве «Тʹәнебун Ԝәʹде кӧ Комуникасийа Гәләк Бәлабуйи йә».