Бь Сайа Һәвалтийе Тʹәнебуне Алт кьн—Чаԝа Кʹьтеба Пироз Дькарә Аликʹарийе Бьдә

Сала 2023-да експертед кӧ пьрсед сьһʹәт-ԛәԝатева лекʹолин дькьн, дьбежьн кӧ тʹәнебун әв нәхԝәшикә гәләк гьран ә. Ле гәло тʹәнебун дькарә бе алткьрьне?

•  Вивек Мурти хирурге сәрәкә, йе кӧ жь Дәԝләтед Йәкбуйи йә, дьбежә: «Тʹәнебун дькарә хьраб һʹӧкӧм кә сәр сьһʹәт-ԛәԝат у һʹалхԝәшийа мә». Әԝ ӧса жи дьбежә: «Ле чʹарә һәйә». Гәло чь? «Әм һәр рʹож дькарьн гавед бьчʹук бавежьн, сәва кӧ тʹәви мәрьва һәләԛәтийа хԝә ԛәԝи кьн».a

Нә тʹәне кәсед кӧ хԝә жь мәрьва дур дьгьрьн, тʹәнебуне сәр хԝә тʹәхмин дькьн. Мәрьв дькарә хԝә тʹәне ԝи чахи жи тʹәхмин кә, гава дор-бәри ԝи тʹьжә мәрьв ьн. Ле мәʹнийа тʹәнебуне чь нибә жи, Кʹьтеба Пироз дькарә аликʹарийе бьдә. Теда ширәтед ӧса һәнә, йед кӧ дькарьн али мә бькьн, кӧ әм бькарьбьн тʹәнебуне алт кьн у тʹәви мәрьва һәләԛәтийа хԝә ԛәԝи кьн.

Принсипед Кʹьтеба Пироз йед кӧ дькарьн аликʹарийе бьдьн

Хәбәрданеда мәсәләкә баш бә. Әԝ найе һʹәсабе кӧ тʹәне тӧ гәрәке дәрһәԛа һәстед хԝә гьли ки, ле ӧса жи бькарьби гӧһ бьди мәрьва, чахе әԝана дәрһәԛа һәстед хԝә гьли дькьн. Тӧ чьԛас һе зедә һʹәԝасе һьндава мәрьва пешда бини, һаԛас һәләԛәтийа ԝә ԝе дьһа ԛәԝи бә.

•  Принсипа Кʹьтеба Пироз: «Тʹәне ль кʹара хԝә нәгәрʹьн, ле бьра һәр кәс ль кʹара һәвале хԝә жи бьгәрʹә» (Филипи 2:4).

Тʹәви щурʹә-щурʹә мәрьва һәвалтийе бькә. Һазьр бә кӧ тʹәви мәрьвед жь тә бьчʹуктьр йан мәзьнтьр һәвалтийе бьки, ӧса жи тʹәви щурʹә-щурʹә мьләт у култура.

•  Принсипа Кʹьтеба Пироз: «Дьле хԝә мәрʹа вәкьн» (2 Корьнтʹи 6:13).

Сәва кӧ һе зедә информасийа пебьһʹәсьн кӧ ча әм дькарьн тʹәви мәрьвед дьн һәләԛәтийа ԛәԝи саз кьн, бьхуньн готара бь наве «Чаԝа Һәвалтийе Саз кьн.»...