Гәло Шәрʹе Һʹәмдьнйайе ԝе Дәстпебә?—Кʹьтеба Пироз Чь Дьбежә?

Нава 30 салед пашԝәхтийе, гәләк мәрьв дьфькьрин кӧ һәләԛәтийа ортʹа щурʹә-щурʹә ԝәлата баш ә у дьһа баш дьбә. Ле ньһерʹандьна ви щурʹәйи ль гора ԛәԝьмандьнед пашьн һатә гӧһастьне.

«Мәрьв бәр хԝә дькʹәвьн кӧ шәрʹе Газайеда ԝе һʹӧкӧм кә сәр һәремед дьн, чьмки Исраел тʹәви Һәзболаһ дәстпекьр сәр синора Лӧбнан шәрʹ бькә»—Reuters, 6 Чьләйе, сала 2024.
«Бона ԝәлатед рʹоавайе хофәкә мәзьн пешда һат, чьмки Иран чʹәкед навоки (атоме) дәстпекьр саз кә у кʹомед кӧ бьн дәсте Иранеда ньн, һʹьщуми сәр щурʹә-щурʹә територийа дькьн. Сәрда жи, Русйа у Чина пьштгьрийа Иране дькьн»—The New York Times, 7 Чьләйе, сала 2024.
«Русйа бәрдәԝам дькә һʹьщуми сәр Украинайе бькә у зийанәкә мәзьн бьдә ԝе»—UN News, 11 Чьләйе, сала 2024.
«Економика у әскәред Чинайе зедә дьбьн, насионализм Тәуԝанеда бәла дьбә у һәләԛәтийа Чинайе тʹәви Дәԝләтед Йәкбуйи хьраб дьбә, жь бо ве йәке шәрʹ һеса дькарә пешда бе»—The Japan Times, 9 Чьләйе, сала 2024.

Гәло Кʹьтеба Пирозда те готьне дәрһәԛа дәрәщед кӧ иро дьнйайеда дьԛәԝьмьн? Гәло әԝ йәк ԝе шәрʹе һʹәмдьнйайе пешда бинә?

Кʹьтеба Пирозда һатьбу пʹехәмбәртикьрьне дәрһәԛа ԛәԝьмандьнед пашԝәхтийе

Кʹьтеба Пирозда найе пʹехәмбәртикьрьне дәрһәԛа шәрʹе конкрет, йед кӧ әм иро бәр чʹәʹве хԝә дьвиньн. Ле теда һатьбу пʹехәмбәртикьрьне дәрһәԛа шәрʹе мәзьн, йа кӧ нишана рʹожед мәйә у «әʹдьлайийе жь дьнйайе» һьлдьдә (Әʹйанти 6:4).

Кʹьтеба Данийелда һатьбу пʹехәмбәртикьрьне кӧ «дь дәма даԝида» сәрԝеред һʹәмдьнйайе ԝе бона сәритийе «шәрʹ» бькьн, ԝәки щийе һәри бьльнд бьгьрьн. Жь бо шәрʹе хԝә, ԝанрʹа ве ордийа ԛәԝи у мәзьн лазьм бә у ӧса жи әԝана ԝе гәләк «хьзнед» хԝә, демәк гәләк пʹәра хәрщ кьн (Данийел 11:40, 42, 43).

Шәрʹе кӧ ԝе зутьрәке бьԛәԝьмә

Кʹьтеба Пирозда те готьне кӧ һʹале дьнйайе, пешийе ԝе алийе хьрабда һәрә, ле паше алийе башда. Иса пʹехәмбәрти кьрьбу кӧ «ԝе тәнгасийа мәзьн бә, йа кӧ жь дәстпека дьнйайе һʹәта ньһа нәбуйә» (Мәтта 24:21). «Тәнгасийа мәзьн» ԝе бәрбь шәрʹе Һармәгәдоне бьбә, йа кӧ те шьровәкьрьне ча «Рʹожа Мәзьнә Хԝәдейе Һʹәму Зорайийе» (Әʹйанти 16:14, 16).

Ле шәрʹе Һармәгәдонеда инсанәт ԝе хьлаз бә, нә кӧ бе ԛьрʹкьрьне. Бь сайа ви шәрʹи, Хԝәде ԝе һʹәму сәрԝертийед мәрьва бьдә һьлдане, бь сайа кʹижана гәләк шәрʹ пешда тен. Сәва һе зедә пебьһʹәсьн кӧ чаԝа шәрʹе Һармәгәдоне ԝе пәй хԝәрʹа әʹдьлайе бинә, ԝан готара бьхуньн: