Гәло Листькед Олимпийадайе Дькарьн бь Рʹасти Йәктийе Бькьнә Ортʹа Мәрьва?—Кʹьтеба Пироз Чь Дьбежә?

Һавине, сала 2024 ԝәʹде Листькед Олимпийадайе, пенщ милйард мәрьв ԝе тʹәмашә бькьн спортсменед жь 206 ԝәлата. Томас Бак, президенте Комитейа Һʹәмдьнйайе йа Листькед Олимпийадайе, ӧса дьбежә: «Әм пʹара ԛәԝьмандьнәкә ӧса ньн, йа кӧ йәктийе дькә ортʹа мәрьва. Ԝәрен әм пьштгьрийа готьна Олимпийадайе бькьн, кӧ һәр мәрьв гәрәке әʹдьлайеда у йәктийеда бьжи, фьрԛи тʹӧнә әм чьԛас жь һәв щӧдә дьбьн».

Гәло Листькед Олимпийадайе дькарьн бьгьһижьнә ве нете? Гәло әм дькарьн әʹдьлайа рʹаст у йәктийе бьстиньн?

Гәло әԝ листьк дькарьн әʹдьлайе у йәктийе пешда биньн?

Листькед Олимпийадайе йа исал, нә тʹәне спортева гьредайи нә, ле һе зедә тьштава. Әв листьк шьхӧлед политики у сосйалива гьредайи нә, йед кӧ мәрьва жь һәв башԛә дькьн. Дькʹәвьнә нав ԝан тьшта мафед мәрьва, расизм, щӧдәбуна религийайе у нәһәԛи.

Листькед һʹәмдьнйайе мина йед Олимпийадайе мәщале дьдьнә мәрьва ԝәʹде хԝә дәрбаз кьн. Ле листькед ӧса нә кӧ әʹдьлайе у йәктийе пешда тиньн, ле фьрԛийе дькьнә ортʹа мәрьва.

Кʹьтеба Пирозда һатьбу пʹехәмбәртикьрьне, кӧ рʹожа иро щәм мәрьва хәйсәт-һʹӧнӧред ӧса ԝе һәбьн, жь бо чь жи ԝанрʹа ԝе чәтьн бә йәктийе хԝәй кьн (2 Тимотʹейо 3:1-5). Сәва кӧ һе зедә пебьһʹәсьн дәрһәԛа ве пʹехәмбәртийе, бьхуньн готара бь наве «Гәло Кʹьтеба Пирозда Һатийә Пʹехәмбәртикьрьне, кӧ Ԝәʹде Мәда Мәрьв ԝе Чь Щурʹәйи бьн?»

Һеви бона әʹдьлайи у йәктийа дьнйайеда

Кʹьтеба Пирозда һәйә һевийа реали дәрһәԛа әʹдьлайи у йәктийа һʹәмдьнйайе. Әв соз дьдә, ԝәки мәрьв сәр тʹәмамийа дьнйайе ԝе йәктийеда бьжин, бьн сәрԝертийа әʹзмани бь наве «Пʹадшатийа Хԝәде» (Луԛа 4:43; Мәтта 6:10).

Пʹадше ве Пʹадшатийе, Иса Мәсиһ ԝе әʹдьлайе сәр тʹәмамийа дьнйайе пешда бинә. Кʹьтеба Пироз дьбежә:

•  «Бьра рʹожед ԝида рʹасти гӧл дә у әʹдьлайи гәләк бә» (Зәбур 72:7).

•  «Чьмки әԝ йе кʹәсиб хьлаз дькә, кӧ гази дьке. . . Жь зерандьне у зордарийе ԝан хьлаз дькә» (Зәбур 72:12, 14).

Һәла һе рʹожа иро, бь милйона мәрьв жь 239 ԝәлата бь сайа һинкьрьнед Иса йәктийеда ньн. Шәʹдед Йаһоԝа сәр тʹәмамийа дьнйайе һин бунә ча бьбьнә мәрьвед әʹдьлайиһʹәз. Сәва кӧ дәрһәԛа ве йәке һе зедә пебьһʹәсьн, бьхуньн готара жь Бьрща Ԛәрәԝьлийе, бь наве «Чаԝа Нәфрʹәтийе жь Дьле Хԝә Дәрхьн?»