Гәло Чьма жь бо Политикайе Һаԛас Тʹәвльһәвбун Пешда Тен?—Кʹьтеба Пироз Дәрһәԛа Ве Йәке Чь Дьбежә?

Сәр тʹәмамийа дьнйайе ортʹа мьләтада рʹийе политикайеда, нәфәʹмдари у щӧдәбун пешда тен. Тʹәшкиләтәкә леколине, һʹәсабәкә ӧса дьдә, кӧ сала 2022-да, «65% мәрьвед гьһишти жь 19 ԝәлата дьбежьн, кӧ ԝәлате ԝанда рʹийе ԝе йәкеда кӧ мәрьв пьштгьрийа щурʹә-щурʹә партийа политикайе дькьн, нава ԝанда гәләк шәрʹ-дәʹԝ у проблем пешда тен».

Дьбәкә ԝә тедәрхьстийә, ԝәки ԝәлате ԝәда жи жь бо политикайе тʹәвльһәвбун нава мәрьвада пешда те? Гәло чьма? Гәло әԝ йәк дькарә бе сафикьрьне? Ԝәрен әм шеԝьр кьн һәла Кʹьтеба Пироз дәрһәԛа ве йәке чь дьбежә.

Мәʹнийед тʹәвльһәвбуне

Кʹьтеба Пирозда пешда һатьбу готьне, кӧ «рʹожед ахьрийеда» гәләк мәрьв жь бо хәйсәт-һʹӧнӧред хԝәйә хьраб ԝе нькарьбьн әʹдьлайе хԝәйи кьн.

• «Рʹожед ахьрийеда зәманед хьраб ԝе бен. Мәрьве бьбьнә хԝәһʹьз, . . . берʹәʹм» (2 Тимотʹейо 3:1-3).

Рʹаст ә гәләк мәрьв алийе хԝәда һәр тьшти дькьн ԝәки сәрԝеред политики пешдачуйи бьн, ле диса жи әԝ йәк бош-бәтал ә. Фькьр у ньһерʹандьна мәрьва жь һәв щӧдә дьбә, ләма жи әԝана нькарьн һәвкʹарийе бькьн, ԝәки проблема сафи кьн. Кʹьтеба Пирозда гәләк сал пешда дәрһәԛа ԝе йәке һатьбу готьне.

• «Сәрԝәрийа зьламәки, ль сәр йәки дьн, бь хәсара [зийана] ԝи йә» (Ԝаиз 8:9).

Ле Кʹьтеба Пирозда те готьне дәрһәԛа сәрԝерәки, йе кӧ ԝе һʹәму проблемед инсанәте бьдә һьлдане.

Сәрԝере дьлован

Кʹьтеба Пирозда дәрһәԛа сәрԝерәки мәхсус те готьне, кʹи кӧ дькарә һʹәму проблема сафи кә. Әԝ һәйә Иса Мәсиһ. Ԛәԝат, мәщал у хԝәстьна Иса һәйә, ԝәки әʹдьлайе у йәктийе бькә нава инсанәте.

• «Бьра рʹожед ԝида рʹасти гӧл дә у әʹдьлайи гәләк бә» (Зәбур 72:7).

• «Һʹәму мьләт жи хӧламтийа ԝи бькьн» (Зәбур 72:11).

Иса сәрԝерәки лапи баш ә, чьмки әԝ бона мәрьва хәм дькә у дьхԝазә али ԝан бькә, илаһи али ԝан кʹе кӧ рʹасти нәрʹастийе тен.

• «Әԝ йе кʹәсиб хьлаз дькә, кӧ гази дьке у йе бәләнгаз кӧ кʹомәкдаре ԝи тʹӧнә йә. Дьле ԝи ль бетʹаԛәт у кʹәсиба дьшәԝьтә у нәфса бәләнгаза хьлаз дькә. Жь зерандьне у зордарийе ԝан хьлаз дькә» (Зәбур 72:12-14).

Һе зедә пебьһʹәсьн дәрһәԛа Пʹадшатийа Хԝәде, демәк сәрԝертийа әʹзмана, сәрԝере кʹижани Иса йә. Пебьһʹәсьн дәрһәԛа ԝе йәке, кӧ чаԝа һун дькарьн жь сәрԝертийа ԝи кʹаре бьстиньн у пьштгьрийа ԝи бькьн.

• Бьньһерʹьн видео Чь йә Пʹадшатийа Хԝәде?

• Бьхуньн готар «Пʹадшатийа Хԝәде—Сәрԝертийа бе Корупсийа».