Гәло Шәʹдед Йаһоԝа сәр Һәвԛәтандьне Ча Дьньһерʹьн?
Дәрһәԛа зәԝаще у һәвԛәтандьне, әм ньһерʹандьна Кʹьтеба Пироз һьлдьдьн һʹәсаб. Хԝәде ӧса зәԝащ саз кьрийә, кӧ жьн у мер тʹӧ щар жь һәв нәԛәтьн. Ль гора Кʹьтеба Пироз бона һәвԛәтандьне тʹәне мәʹник һәйә, әԝ һәйә ԛави (Мәтта 19:5, 6, 9).
Гәло Шәʹдед Йаһоԝа аликʹарийе дьдьнә ԝан жьн-мера, йед кӧ зәԝащеда һәвдӧ фәʹм накьн?
Бәле. Әԝана аликʹари дьдьн бь сайа:
Әʹдәбйата. Әԝ әʹдәбйәт жьн-мера һелан дькьн кӧ нава проблемада жи зәԝаща хԝә хԝәй кьн у ԛәԝи кьн. Мәсәлә, бьньһерʹьн готар «Зәԝащеда Амьни Хԝәй кә», «Чаԝа Һин бьн Бьбахшиньн?», у «Чаԝа Зәԝащеда Итʹбари Вәгәрʹиньн?»
Щьвата. Сәр щьвин у щьватед мәйи мәзьн, әм һәртʹьм ширәтед керһати дьстиньн, йед кӧ али жьн-мера дькьн һәләԛәтийа хԝә баш кьн.
Рʹуспийа. Рʹуспийед щьвате бь ве йәке али жьн-мера дькьн, кӧ ширәтед жь Кʹьтеба Пироз ԝанрʹа дьхуньн, мәсәлә йед ӧса кӧ Әфәси 5:22-25-да ньвисар ьн.
Һәгәр Шәʹдеки Йаһоԝа дьхԝазә жь жьн йан мере хԝә бьԛәтә, гәло лазьм ә кӧ пешийе әԝ изьне жь рʹуспийа бьхԝазә?
На. Һәла һе ви чахи жи гава жьн-мер дәрһәԛа проблемед хԝә рʹуспийарʹа гьли дькьн у аликʹарийе дьхԝазьн, изьна рʹуспийа тʹӧнә дәԝса ԝан тьштәки сафи кьн (Галати 6:5). Ле чахе кәсәк ньһерʹандьна Кʹьтеба Пироз һьлнадә һʹәсаб у сафи дькә жь һәвалзәԝаще хԝә бьԛәтә, диса жи сәр һʹиме Кʹьтеба Пироз изна ԝи кәси тʹӧнә йәки дьнрʹа бьзәԝьщә (1 Тимотʹейо 3:1, 5, 12).
Шәʹдед Йаһоԝа сәр башԛәжитьне ча дьньһерʹьн?
Кʹьтеба Пироз йед зәԝьщи һелан дькә кӧ ви чахи жи жь һәв дур нәкʹәвьн, чахе гәләк проблемед ԝан һәнә (1 Корьнтʹи 7:10-16). Һәгәр әԝана дӧада аликʹарийе жь Хԝәде бьхԝазьн, принсипед Кʹьтеба Пироз бьдьнә хәбате у һьндава һәвда һʹьзкьрьне бьдьнә кʹьфше, һьнге әԝана дькарьн һеса гәләк проблема сафи кьн (1 Корьнтʹи 13:4-8; Галати 5:22).
Ле ван дәрәщед гьранда кӧ жере тенә готьне, һьнә Шәʹдед Йаһоԝа сафи кьрьнә ԝәки жь һәвалзәԝаще хԝә башԛә бьн:
Гава әԝ инкʹар дькә малбәта хԝә хԝәй кә (1 Тимотʹейо 5:8).
Алийе физикида зийане дьдә малбәта хԝә (Зәбур 11:5).
Алийе рʹӧһʹанида зийане дьдә. Мәсәлә, чахе һәвалзәԝащ зоре дькә, кӧ әԝ ԛанунед Хԝәде пʹепәс кә. Ван дәрәщада Шәʹде Йаһоԝа дькарә сафи кә жь һәвалзәԝаще хԝә дур кʹәвә, ԝәки «гӧрʹа Хԝәде» бькә, нә кӧ мәрьва (Кʹаред Шандийа 5:29).