Кʹьтеба Пироз Чь Дьбежә Дәрһәԛа Тʹәшԛәлед Тʹәбйәте?
Щаба Кʹьтеба Пироз
Хԝәде мәʹнийа тʹәшԛәлед тʹәбйәте нинә, кʹижан кӧ иро дьԛәԝьмьн, ле бь рʹасти әԝ хәм дькә бона ԝан һʹәму мәрийа, кʹижан кӧ зийане дьстиньн. Пʹадшатийа Хԝәде ԝе бьдә һьлдане ԝан һʹәму тьшта, жь бо чь жи мәрьв дьчәрчьрьн, һәла һе тʹәшԛәлед тʹәбйәте жи. Хенщи ԝе йәке, Хԝәде бәрдьлийе дьдә ԝан мәрьвед щәфадити (2 Корьнтʹи 1:3).
Әм чьма дькарьн баԝәр бьн, кӧ тʹәшԛәлед тʹәбйәте щәзакьрьна жь Хԝәде нинә?
Хԝәде чь щурʹәйи аликʹарийе дьдә мәрьвед щәфадити кӧ жь бо тʹәшԛәлед тʹәбйәте зийане дьстиньн?
Гәло принсипед Кʹьтеба Пироз дькарьн али мә бькьн, сәва кӧ бона тʹәшԛәлед тʹәбйәте пешда һазьр бьн?
Әм чьма дькарьн баԝәр бьн, ԝәки тʹәшԛәлед тʹәбйәте щәзакьрьна жь Хԝәде нинә?
Тʹәшԛәлед тʹәбйәте щӧдә дьбьн жь ԝан ԛәԝьмандьнед тʹәбйәте, кʹижан кӧ бь ԛәԝата Хԝәде дьԛәԝьмин, у дәрһәԛа кʹижана кӧ дь Кʹьтеба Пирозда те готьне.
Тʹәшԛәлед тʹәбйәте гӧне хԝә тʹӧ кәси найиньн. Жь Кʹьтеба Пироз әм педьһʹәсьн, ԝәки Хԝәде тʹәбйәте дьда хәбате, сәва кӧ диԝана мәрьвед зӧлм бькә. Мәсәлә, чахе Хԝәде дӧ бажаред кәԝьн Содом у Гоморайе кʹӧта кьр, әԝи мәрьвед ԛәнщ, демәк Лут у дӧ ԛизед ԝи хьлаз кьр (Дәстпебун 19:29, 30). Хԝәде дьле мәрийа дьвинә, ләма жи гава ԝи чахи әԝи диԝана мәрьвед зӧлм дькьр, әԝи нета дьле ԝан заньбу (Дәстпебун 18:23-32; 1 Самуйел 16:7).
Тʹәшԛәлед тʹәбйәте ньшкева дьԛәԝьмьн. Хԝәде, пешийа кӧ ԛәԝата тʹәбйәте бьдә хәбате, сәва кӧ диԝана мәрьвед зӧлм бькә, әԝ пешда ԝанарʹа әʹлам дькә. Мәрьвед кӧ гӧһ дьданә Хԝәде, жь хәзәбе хьлаз дьбун (Дәстпебун 7:1-5; Мәтта 24:38, 39).
Щарна мәʹнийа тʹәшԛәлед тʹәбйәте хԝәха мәрьв ьн. Гәло чь щурʹәйи? Мәрьв тʹәбйәте хьраб дькьн, хенщи ԝе йәке әԝана ханийед хԝә ль ԝан щийа ава дькьн, кʹидәре кӧ гәләк щар әʹрдһәж, селав йан тьштед дьн дьԛәԝьмьн (Әʹйанти 11:18). Хԝәде нәһәԛ нинә, кӧ мәрьв сафикьрьнед нәрʹаст дькьн (Мәтʹәлок 19:3).
Гәло тʹәшԛәлед тʹәбйәте нишана рʹожед ахьрийе нә?
Бәле, Кʹьтеба Пироз пʹехәмбәрти кьрийә, ԝәки рʹожед ахьрийе ԝе тʹәшԛәлед тʹәбйәте бьԛәԝьмьн (Мәтта 24:3; 2 Тимотʹейо 3:1). Дәрһәԛа ԝәʹде мә Иса гот: «Щи-щийа ԝе хәлайи-щәлайе у ә′рдһ′әже бьбьн» (Мәтта 24:7). Зутьрәке, Хԝәде ԝе ԝан һʹәму тьшта бьдә һьлдане, чь кӧ еше, кӧл-дәрда у тʹәшԛәлед тʹәбйәте пешда тиньн (Әʹйанти 21:3, 4).
Хԝәде чь щурʹәйи аликʹарийе дьдә мәрьвед щәфадити кӧ жь бо тʹәшԛәлед тʹәбйәте зийане дьстиньн?
Хԝәде бь сайа К′ьтеба Пироз Бәрдьли Дьдә йед Щәфадити. К′ьтеба Пироз мә дьдә баԝәркьрьне, ԝәки Хԝәде бона мә хәм дькә у дьле ԝи дешә чахе әм дьчәрчьрьн (Ишайа 63:9; 1 Пәтрус 5:6, 7). Әԝ ӧса жи соз дьдә, кӧ ԝе бе ԝә′дәки ӧса, чахе тʹәшԛәлед т′әбйәте ԝе ида т′ӧнә бьн. (Бьньһер′ә «Р′езед жь К′ьтеба Пироз кӧ бәрдьлийе дьдьн.»)
Хԝәде бь сайа хьзмәткʹаред хԝә аликʹарийе дьдә йед щәфадити. Хԝәде хьзмәткʹаред хԝә һелан дькә, ԝәки әԝана чʹәʹв бьдьнә Иса. Кʹьтеба Пирозда һатьбу пʹехәмбәртикьрьне, ԝәки Иса ԝе бәр дьле дьлшкәстийада бе у дьлбинийе бьдә йед дьлтәнг (Ишайа 61:1, 2). Хьзмәткʹаред Хԝәде ԛәԝате дьдьнә хәбате, сәва кӧ ве йәкеда пʹегәһа Исада һәрʹьн (Йуһʹәнна 13:15).
Хԝәде хьзмәткʹаред хԝә ӧса жи дьдә хәбате, сәва кӧ аликʹарийе бьдә ԝан мәрийа, йед кӧ жь бо тʹәшԛәлед тʹәбийәте зийане дьстиньн (Кʹаред Шандийа 11:28-30; Галати 6:10).
Шәʹдед Йаһоԝа ль Порто Рикойе паше тʹәшԛәла тʹәбйәте, аликʹарийе дьдьн
Гәло Кʹьтеба Пироз дькарә али мә бькә, кӧ пешда хԝә сәва тʹәшԛәлед тʹәбйәте һазьр кьн?
Бәле. Рʹаст ә Кʹьтеба Пироз нәһатийә ньвисаре, сәва кӧ бона тʹәшԛәлед тʹәбйәте мә һазьр кьн, ле диса жи принсипед ве аликʹарийа мәзьн дьдьн. Мәсәлә:
Пешда һазьр бә. Кʹьтеба Пироз дьбежә: «Йе аԛьл хьрабийе кӧ дьбинә һʹәвза хԝә дькә» (Мәтʹәлок 22:3). Ԝе баш бә пешда бьфькьрьн, кӧ әме чь бькьн һәрге ньшкева тʹәшԛәлә дәстпебә. Мәсәлә, әм дькарьн һьнә һащәта бона аликʹарийа бь ләз һазьр кьн, у ӧса жи тʹәви малбәте шеԝьр кьн, кӧ һуне кʹӧ рʹасти һәв бен, гава тʹәшԛәлә дәстпебә.
Пешийе әʹмьре хԝә хьлаз кә. Кʹьтеба Пироз дьбежә: «Мә т′ӧ тьшт нәанийә дьне у әме нькарьбьн т′ӧ тьшти жи бьбьн» (1 Тимотʹейо 6:7, 8). Әм гәрәке һазьр бьн, мала хԝә у һәбуна хԝә бьһельн, сәва кӧ әʹмьре хԝә хьлаз кьн, чьмки әм заньн, ԝәки әʹмьр һәр тьшти ԛимәттьр ә (Мәтта 6:25).