К′ЬТЕБХАНӘЙА ОНЛАЙН йа Бьрща Qәрәwьлийе
К′ЬТЕБХАНӘЙА ОНЛАЙН
Йа Бьрща Qәрәwьлийе
К′öрди Кöрманщи (Кирили)
ö
  • һ
  • ә
  • w
  • q
  • ö
  • К′ЬТЕБА ПИРОЗ
  • Ә′ДӘБЙӘТ
  • ЩЬВАТ
  • my сәрһати 99
  • Дь Отʹаха Жорьнда

Дәрһәqа wе йәке т′ö видео т′öнә

Бьбахшиньн, wәʹде вехьстьна видео шаши пешда һат.

  • Дь Отʹаха Жорьнда
  • Сәрһатийед Кʹьтеба Пироз
  • Т′емед Мина Wе
  • Шива Пашьн, йа Иса
    Дәрсед ԛимәт жь Хәбәра Хԝәде
  • Дәрбазкьрьна Щәжьна «Шива Хӧдан», Наве Хwәде Рʹумәт Дькә
    Чь Һин Дькә Кʹьтеба Пироз?
  • Кʹижан Шива Сьвьк Дәрһәԛа Пʹадшайе Әʹзмана Мә Һин Дькә?
    Бьрща Ԛәрәԝьлийе Дәрһәԛа Пʹадшатийа Йаһоԝа Әʹлам Дькә (Бона Һинбуне) — 2019
Сәрһатийед Кʹьтеба Пироз
my сәрһати 99

Сәрһати 99

Дь Отʹаха Жорьнда

ДӦ РʹОЖ дәрбаз бу, у ньһа ида евара рʹожа пешәме йә. Иса у 12 шагьртед ԝи сәва кӧ Щәжьна Нане Шкәва дәрбаз кьн, ԛате жорьн дь отʹаха мәзьнда тʹоп бунә. Ле дьвини кӧ мерәк жь отʹахе дәрдькʹәвә. Әв Щьһуда Исхәрйоти йә. Әԝ дьчә щәм кʹәшиша кӧ Иса бьдә гьртьне.

Рʹожәк пешда Щьһуда чубу щәм кʹәшиша у ԝанарʹа гот: «Һәрге әз Иса бьдьмә дәсте ԝә, һуне чь бьдьнә мьн?» Ԝана жи жерʹа соз дан: «Әме си зива бьдьнә тә». Ләма жи Щьһуда жь отʹахе дәркʹәт, чу щәм кʹәшиша кӧ нишани ԝан кә һәла Иса кʹидәре йә. Әв кьред ԝи чьԛас бехӧдан ә. Ӧса нинә?

Щәжьна Нане Шкәва хьлаз бу, у ньһа Иса дәстпедькә еварәкә башԛә дәрбаз кә. Әԝи нан һьлда да шагьрта у гот: «Әва бәдәна мьн ә, кӧ бона ԝә те дайине». Паше кʹас жи һьлда, да ԝан у гот: «Әва хуна мьн ә, кӧ бона ԝә те рʹетьне. Һун һʹәму жи жь ве вәхԝьн». Кʹьтеба Пироз ве щәжьнерʹа дьвежә «Шива Хԝәдан» йане «Евара Хԝәдан».

Рʹожа Щәжьне бира исраелийа дькьр, кӧ мьлйакʹәте Хԝәде дь Мьсьреда чаԝа кʹеләка малед ԝан «дәрбаз бу» у дәсте хԝә нәда ԝан, ле һʹәму нӧхрийед мала Мьсьрийа кӧшт. Ньһа Иса дьхԝазә ԝәки шагьртед ԝи тʹӧ щар ԝи бир нәкьн у һәр гав бира хԝәда бьгьрьн, ԝәки чаԝа әԝи әʹмьре хԝә сәва ԝан бәрва да. Ләма жи Иса дьвежә шагьртед хԝә, ԝәки әԝана әв әʹйда фәрз һәр сал дәрбаз кьн.

Паше шива Евара Хԝәдан, Иса готә шагьртед хԝә, кӧ әԝана гәрәке мерхас бьн у дь баԝәрийеда ԛәԝин бьн. Хьлазийе ԝана зәбурәк Хԝәдерʹа стьра у чун. Ле ԝи чахи ида гәләк дәрәнг бу, дьбәк жи ида ԛәрәбәрбанг бу. Гәло ве шәве әԝана ԝе бьчуна кʹидәре? Ԝәрә әм пебьһʹәсьн.

Мәтта 26:14-30; Луԛа 22:1-39; Йуһʹәнна сәре 13 һʹәта 17; 1 Коринтʹи 11:20.

    Әʹдәбйәтед Кʹӧрди Кӧрманщи (2011-2025)
    Дәрк′әвьн
    Бьк′әвьн
    • К′öрди Кöрманщи (Кирили)
    • Бьшиньн
    • Бьqәйдәкьрьн
    • Copyright © 2025 Watch Tower Bible and Tract Society of Pennsylvania
    • Qәйде Хәбьтандьне
    • Политика Конфиденсийалийе
    • Гöһастьна Конфиденсийалийе
    • JW.ORG
    • Бьк′әвьн
    Шандьн