Сәрһати 110

Тимотʹейо Дьбә Аликʹарчийе Паԝлос

ӘВ ГӘДЕ щаһьл йе кӧ кʹеләка Паԝлос сәкьни йә, Тимотʹейо йә. Тимотʹейо тʹәви малбата хԝә дь Листрада дьминә. Наве дийа ԝи Әйньке йә, ле наве пирька ԝи Лойисе йә.

Ижар Паԝлос ида щара сьсийа һатьбу Листрайе. Ԝәкә саләк пешда, щара пешийе Паԝлос тʹәви Барнабас һатьбу Листрайе, әԝ ԝәʹде рʹеԝитийа ԝи пешьн бу. Ньһа Паԝлос диса һате Листрайе, ле ида тʹәви һәвале хԝә Силас.

Ле зани ижар Паԝлос чь готә Тимотʹейо? Әԝи гьлийе ӧса готе: «Тимотʹейо, дьхԝази тʹәви мьн у Силас бейи. Тӧйе али мә бьки ԝәʹде даннасинкьрьна мәрийарʹа дь ԝәлатед дурда».

Тимотʹейо щава хԝәда гот: «Бәле, әз дьхԝазьм тʹәви ԝә бем». Ӧса һьнә ԝәʹдә шунда Тимотʹейо малбате хԝә һишт у тʹәви Паԝлос у Силас рʹе кʹәт. Дәрһәԛа рʹеԝитийа ԝан әме һьнәки паше пебьһʹәсьн. Паши ԝе йәке ча Паԝлосрʹа ль сәр рʹийа Шаме Иса һатә хӧйане, ԝәкә 17 сал ида дәрбаз бьбу, ләма жи кʹа әм пешийе кьн пебьһʹәсьн нава ԝан сала чь сәре Паԝлос ԛәԝьмибу.

Те бира тә ча Паԝлос дьчу Шаме кӧ шагьртед Иса бьзеринә? Ле ньһа әԝ хԝәха шагьрте Иса йә! Паше ве йәке һьнә дьжмьн дьхԝәстьн Паԝлос бькӧштана, чьмки ԝана бәгәм нәдькьр кӧ Паԝлос дәрһәԛа Иса даннасин дькә. Һинге һьнә шагьрта али Паԝлос кьрьн кӧ әԝ хԝә хьлаз кә. Ԝана Паԝлос ль сәвәте дана рʹуньштандьне у жь диԝаред шәһәре ԝи пәйа кьрьнә дәре шәһәре.

Паши ве йәке Паԝлос чубу Әнтакйайе кӧ ль ԝьр даннасин бькә. Һәма ль ԝьр шагьртед Иса щара пешьн наве хԝә данин Мәсиһи. Паши ве йәке Паԝлос у Барнабас жь Әнтакйайе һатьнә шандьне рʹеԝитийе, сәва даннасинкьрьне дь ԝәлатед дурда. Ӧса дәрбәке әԝана һатьбун Листрайе, кʹидәре жи Тимотʹейо дьма.

Паше, ԝәкә саләк шунда Паԝлос ԝәʹде рʹеԝитийа хԝәйә дӧда, диса һатә Листрайе. Ле зани чахе Тимотʹейо тʹәви ԝан рʹе кʹәтьбу әԝана чунә кʹӧ? Һәла дина хԝә бьдә ԝи шькьли, бь рʹазийа хәритәйе әме ньһа чәнд жь ван шәһәра пебьһʹәсьн.

Пешийе әԝана чубун шәһәре незик бь наве Ԛонйа, у Әнтакйайе дӧда. Паше әԝана чунә шәһәре Тройа, Филипйа, Тʹесалоники у Бәройа. Ньһа дина хԝә бьдә Атʹинайе, Паԝлос ль ԝьр жи даннасин дькьр. Паше әԝана сал у нив дь Корьнтʹеда даннасин дькьрьн. Хьлазийа әԝана һьнә ԝәʹдә дь Әфәсида ман. Паше әԝана бь гәмийе дәрбази Ԛәйсәрийе бун, у рʹе кʹәтьн һʹәта Әнтакйайе. Ль ԝьр Паԝлос һьнә ԝәʹдә дьма.

Аһан һәма ӧса Тимотʹейо сәд-сәда километьрʹ тʹәви Паԝлос дәрбаз дьбу у «мьзгинийа хере» даннасин дькьр, у һьн жи щьватед ну вәдькьрьн. Тӧ дьхԝази чахе мәзьн би, мина Тимотʹейо бь амьнийе у һʹәлалийе Хԝәдерʹа ԛӧльх ки?

Кʹаред Шандийа 9:19-30; 11:19-26; сәре 13 һʹәта 17; 18:1-22.

[Хәрита]

(For fully formatted text, see publication)

Рʹома

Малта

Тʹесалоники

Бәройа

Корьнтʹ

Филипйа

Атʹина

Кьрета

Тройа

Әфәс

Миләтос

Колосйа

Әнтакйа

Ԛонйа

Листра

Әнтакйа

Ԛӧбрьс

Шам

Ԛәйсәри

Йафа

Оршәлим

БӘʹРА СЬПИ (БӘʹРА НАВБӘРЕ)