Ибо Нава Щерʹьбандьнада Амьнийе Хwәй кьр

Ибо дь wәлате Утседа дьжит, чахе кӧ Исраели дилед Мьсьре бун. Рʹаст ә Ибо жь щьмәʹта Исраели нибу, ле әw хьзмәткʹаре Йаһоwайи амьн бу. Әw хwәйе малбәтәкә мәзьн бу, у пʹьрʹ дәwләмәнд бу. Гәләка qәдьре wи дьгьртьн. Ибо ширәткʹаре пʹьрʹ баш у һакьмәки һәq бу. Әwи ӧса жи һьндава мәрьвед кʹәсиб у бәлангазда, мәрʹд бу. У бь тʹәмами әw мәрьвәки амьн бу.

Ибо әʹшкәрә да кʹьфше, кӧ Йаһоwа дь жийина wида Кәсе гьринг бу

1:8-11, 22; 2:2-5

• Шәйтʹан дит кӧ Ибо амьн ә. Әwи гӧһдарийа Ибо һьндава Йаһоwада данәни бьн шьке; ле кьрә бьн шьке әw, кӧ Ибо нә бь дьләки тʹәмьз Йаһоwарʹа хьзмәт дькә

• Шәйтʹан гот, кӧ Ибо сәва кʹара хwә Йаһоwарʹа хьзмәт дькә

• Сәва кӧ щаба пьрса Шәйтʹан бьдә, Йаһоwа һишт кӧ Шәйтʹан Ибойе амьн бьдә щерʹьбандьне. Шәйтʹан һʹәму алийава бь тәʹли-тәнгийа Ибо да щерʹьбандьне

• Чахе Ибо һʹәта хьлазийе амьнийа хwә хwәй кьр, һьнге Шәйтʹан амьнийа һʹәму мәрьва кьрә бьн шике

• Ибо гӧнә нәкьр, нә жи Хwәде нәһәq кьр һʹәму тьштед хьрабда, чь кӧ дьһатьнә сәре wи