ФЬКЬРЕД QИМӘТ ЖЬ ХӘБӘРА ХWӘДЕ | ИБО 6-10
Ибойе Амьн, Дьлтәнгийа Хwә да Кʹьфше
Һʹале Ибо гәләк хьраб бу. Әwи ӧса жи бь нәхwәшикә гьран нәхwәш бу, ле йәкә амьнийа хwә хwәй кьр. Ләма жи Шәйтʹан ӧса кьр, кӧ бь фькьред нәрʹаст у дьлтәнгийе, амьнийа Ибо бьдә ӧндакьрьне. Се һʹәвалед Ибо һатьбун бәрбь wи. Пешийе, әwана бәрбь һʹәмуйа дьлбинийа хwә Иборʹа данә кʹьфше. Паше әwана wәкә һʹәфт рʹожа тʹәви Ибо рʹуньштьбун у тʹӧ тьшт нәдьготьн кӧ әw рʹьһʹәт кьн у бәр дьле wида бен. Ле паше чахе wана дәстпекьр хәбәр дьн, хәбәрдана wан тʹьжә нәһәqкьрьне у шәрʹа бу.
Нава чәтьнайед гьранда, Ибо Йаһоwарʹа амьн ма
6:3; 7:16; 9:20-22; 10:1, 12
Жь бо тәʹли-тәнгийед гьран, щәм Ибо ньһерʹандьна нәрʹаст пешда һат. Әwи нәрʹаст фькьри, кӧ йан чь Хwәдерʹа йәк ә әwе wирʹа амьн бьминә, йан на
Жь бо дьлтәнгийа хwә Ибо ида нькарьбу фәʹм кьра, кӧ дьбәкә мәʹнийа чәрчьрандьна wи тьштәки дьнда бу
Рʹаст ә һʹале Ибо гәләк хьраб бу, ле әwи бәрдәwам дькьр у дәрһәqа Йаһоwа гьли дькьр wанарʹа, кʹи кӧ әw нәһәq дәрдьхьстьн