Жийин Щьнәтеда Чь Щурʹәйи Бу?

Йаһоԝа гәләк тьштед баш да Адәм у Һеԝайе. Дәстпебун 1:28

Йаһоԝа жьна пешьн Һеԝа әʹфьранд, кӧ әԝ Адәмрʹа бьбә жьн (Дәстпебун 2:21, 22).

Йаһоԝа һʹьш у бәдәна бекемаси да ԝан у әԝана беԛьсур бун.

Мала ԝанә Щьнәтеда, демәк Еденеда, чʹәм-кани, даред емишдар у һʹәйԝан һәбун. Әԝ бахчә, гәләк бәдәԝ бу.

Йаһоԝа тʹәви ԝан хәбәр дьда у әԝ һин дькьрьн. Һәрге ԝана гӧрʹа ԝи бькьра, ԝе Щьнәтеда һʹәта-һʹәтайе бьжитана.

Хԝәде гот, кӧ тʹәне жь дара ԛәдәхәкьри нәхԝьн. Дәстпебун 2:16, 17

Йаһоԝа бахче Еденеда дарәк нишани Адәм у Һеԝайе кьр у гот, кӧ һәрге әԝана жь бәре ве даре бьхԝьн, ԝе бьмьрьн.

Мәләкәк мьԛабьли Хԝәде рʹабу. Әв мәләке зӧлм, Шәйтʹан Мире-щьна йә.

Шәйтʹан нәдьхԝәст, кӧ Адәм у Һеԝа гӧрʹа Хԝәде бькьн. Ләма жи әԝи бь дәве мәʹр готә Һеԝайе, кӧ һәрге әԝ бәре ԝе даре бьхԝә, ԝе нәмьрә, ле бьбә мина Хԝәде. Ле әв йәк дәрәԝ бу (Дәстпебун 3:1-5).