Кани бона «Бәрнама Щьвине, Бьжин у Хьзмәт кьн»
4-10 СЬБАТЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | РОМАЙИ 1-3
«Бәрдәԝам кә Исафа Хԝә Һин кә»
(Рʹомайи 2:14, 15) Нәщьһуйед кӧ Ԛануна ԝан тʹӧнә, гава бе һʹәмде хԝә хԝәстьнед Ԛануне дьԛәдиньн, бәле әԝә бе Ԛанун ьн, хԝәха бона хԝә дьбьнә ԛанун. 15 Чьмки әвана дьдьнә кʹьфше, кӧ хԝәстьна Ԛануне дьле ԝанда ньвисар ә. Исафа ԝан жи шәʹдәтийа ве йәке дьдә у фькьред ԝан щарна ль ԝан нәһәԛ дькьн, щарна бесущ дькьн.
Исафа Тʹәмьз бәр Хԝәде
6 Щарна һәла һе мәрьвед кӧ Йаһоԝа нас накьн жи, фәʹм дькьн кӧ һәнә тьштед рʹаст у нәрʹаст. Кʹьтеба Пироз дьбежә: «Фькьред ԝан щарна ль ԝан нәһәԛ дькьн, щарна бесущ дькьн» (Рʹомайи 2:14, 15). Мәсәлә гәләк мәрьв заньн, ԝәки нәрʹаст ә бькӧжьн у дьзийе бькьн. Дьԛәԝьмә әԝана фәʹм накьн чьма нәрʹаст ә, ле бь рʹасти әԝана гӧһ дьдьнә исафа хԝә. Йаһоԝа исаф пʹешкʹеши инсанәте кьрийә, чь кӧ али мәрийа дькә тедәрхьн чь йә рʹаст у нәрʹаст. Дәрте ԝәки әԝана ӧса жи гӧһ дьдьнә принсипед Хԝәде йане һинкьрьнед сәрәкә, кʹижан кӧ Йаһоԝа дайә мә, ԝәки али мә бькә жийина хԝәда сафикьрьнед рʹаст бькьн.
(Рʹомайи 2:15) Чьмки әвана дьдьнә кʹьфше, кӧ хԝәстьна Ԛануне дьле ԝанда ньвисар ә. Исафа ԝан жи шәʹдәтийа ве йәке дьдә у фькьред ԝан щарна ль ԝан нәһәԛ дькьн, щарна бесущ дькьн.
Исафа Тʹәмьз бәр Хԝәде
8 Һьнә мәрьв дьфькьрьн, ԝәки гӧһ бьдьнә исафа хԝә әԝ те һʹәсабе бькʹәвьн бәр байе һәстед хԝә. Ԝана тʹьре дькарьн бькьн әԝ чь кӧ дьхԝазьн, һʹәта кӧ ԝана хԝәш те. Ле һәстед мә нәкʹамьл ьн, у әԝана дькарьн мә бьхәльфиньн. Щарна һәстед мә ӧса ԛайим ьн, кӧ дькарьн сәр исафа мә һʹӧкӧм кьн. Кʹьтеба Пироз дьбежә: «Дьл жь һәр тьшти зедәтьр хапиноки йә у ԛәлс ә; . . . кʹи дькарә ԝи фәʹм бькә?» (Йерәмйа 17:9). Дьԛәԝьмә әм дьфькьрьн, ԝәки әԝ йәк рʹаст ә, ле бь рʹасти әв ӧса нинә. Бәʹса хәбәре, пешийа кӧ Паԝлос бьбуйа Мәсиһи, әԝ щьмәʹта Хԝәде дьзерʹанд у баԝәр дькьр ԝәки әԝ рʹаст дькә. Әԝ дьфькьри кӧ исафа ԝи рʹаст ә. Ле ԝәʹдә шунда әԝи гот: «Һʹакьме мьн Хӧдан ә» (1 Корьнтʹи 4:4; Кʹаред Шандийа 23:1; 2 Тимотʹейо 1:3). Чахе Паԝлос пеһʹәсийа кӧ Йаһоԝа ча дьньһерʹи сәр кьред ԝи, әԝи фәʹм кьр кӧ гәрәке бе гӧһастьне. Демәк пешийа кӧ тьштәк бькьн, әм гәрәке жь хԝә бьпьрсьн: «Йаһоԝа чь дьхԝазә кӧ әз бькьм?»
9 Чахе тӧ кәсәк һʹьз дьки, тӧ нахԝази дьле ԝи йан ԝе бешини. Әм Йаһоԝа һʹьз дькьн, ләма жи әм нахԝазьн тьштед ӧса бькьн кӧ ԝи хԝәш нәйе. Тьрса мә кӧ дьле Йаһоԝа бешиньн гәрәке гәләк мәзьн бә. Әв йәк рʹьнд те кʹьфше жь мәсәла Нәһәмийайе. Әԝ щийе бьльнд дьгьрт у дькарьбу һеса дәԝләти буйа, ле әԝи әв мәщал инкʹар кьр. Гәло чьма? Әԝи мәʹнийа ве йәке зәлал кьр: «Жь бәр тьрса Хԝәде тьштәки ӧса нәкьрьм» (Нәһәмийа 5:15). Нәһәмийа нәдьхԝәст тьштед ӧса бькә, чь кӧ Йаһоԝа ԝе хԝәш нәһата. Мина Нәһәмийа тьрса мә жи бәр Хԝәде һәйә, йане әм дьтьрсьн тьштед ӧса бькьн, чь кӧ ԝе дьле Йаһоԝа бешинә. Чахе әм Кʹьтеба Пироз дьхуньн, әм педьһʹәсьн кӧ чь Ԝи хԝәш те. (Бьньһерʹә Әʹламәтийа Зедә 6).
Хьзна Кʹьтеба Пироз Бьгәрʹьн
(Рʹомайи 3:4) Тʹӧ щар! Дә бьра Хԝәде рʹаст бә у һʹәму мәрьв дәрәԝ, чаԝа ньвисар ә: «Ԝәки готьнед хԝәда тӧ рʹаст дәрейи у диԝана хԝәда тӧ сәркʹәви».
ԝ08 15/6 30 ¶5
Фькьред Сәрәкә жь Нәʹма Рʹомайарʹа
3:4. Чахе мәрьв зәмәте дькʹьшинә кӧ гьлийе ԝи ль гора гьлийе Хԝәде бә, ӧса әԝ избат дькә ԝәки «Хԝәде рʹаст» ә. Демәк мәрьв итʹбарийа хԝә гьлийед жь Кʹьтеба Пироз тинә у ль гора ԛьрара Хԝәде хԝә кʹьфш дькә. Чахе әм бь хирәт мьзгинийа дәрһәԛа Пʹадшатийе әʹлам дькьн у мәрийа дькьнә шагьрт, ӧса әм али ԝана дькьн бьвиньн у фәʹм кьн, ԝәки Хԝәде рʹаст ә.
(Рʹомайи 3:24, 25) Ле жь кʹәрәма ԝи у бь азакьрьна Мәсиһ Иса рʹастһʹәсаббуне пʹешкʹеш дьстиньн. 25 Хԝәде әԝ кʹьфш кьрьбу, кӧ әԝ бь хуна хԝә ль бәр гӧнед ԝан кʹәвә, йед кӧ ве йәке баԝәр бькьн. Хԝәде әв йәка кьр, кӧ рʹастийа хԝә бьдә кʹьфше, чьмки ԝи бь сәбьра хԝә гӧһ нәда ԝан гӧнед кӧ пешда һатьбунә кьрьне.
ԝ08 15/6 29 ¶6
Фькьред Сәрәкә жь Нәʹма Рʹомайарʹа
3:24, 25: Чь щурʹәйи «бь азакьрьна Мәсиһ Иса», мәрʹа те бахшандьне «гӧнед кӧ пешда һатьбунә кьрьне»? Чахе Йаһоԝа дәрһәԛа Мәсиһ пʹехәмбәртийа пешьн готьбу, йа кӧ Дәстпебун 3:15-да ньвисар ә, әв сала 33 Д.М.-да һатә сери, чахе Иса сәр стуна щәфайе һатә кӧштьне (Галт. 3:13, 16). Чахе Йаһоԝа әв пʹехәмбәрти әʹлам кьр, һьнге әԝи һʹәсаб дькьр кӧ кʹьрин ида һатийә дайине, чьмки тʹӧ тьшт нькарьбу рʹийа ԝи бьгьрта, кӧ әԝ ԛьрара хԝә бинә сери. Демәк ль сәр һʹиме ԛӧрбанбуна Иса Мәсиһ, кӧ гәрәке бьһата дайине, Йаһоԝа дькарьбу гӧне зӧрʹәтед Адәм бьбахшанда, кʹижана кӧ ԝе баԝәрийа хԝә, ви созе Хԝәде банийана. Бь сайа кʹьрине, ԝан һʹәмуйарʹа йед кӧ пешийа Иса дьжитьн, мәщал вәбу ԝәки жь мьрьне рʹабьн (Кʹар. Шанд. 24:15).
Хԝәндьна Кʹьтеба Пироз
(Рʹомайи 1:1-17) Жь Паԝлос, хӧламе Мәсиһ Иса, шандитийерʹа газикьри, бона бәлакьрьна ԝе Мьзгинийа Хԝәде кʹьфшкьри, 2 йа кӧ ԝи һе пешда ньвисаред пирозда бь заре пʹехәмбәред хԝә соз дабу. 3-4 Әва Мьзгинийа бона Кӧрʹе ԝи, Хӧдане мә Иса Мәсиһ ә, кӧ бь бәдәни жь рʹькʹьнйата Даԝьд бу у бь Рʹӧһʹе пирозийе, гава жь мьрьне рʹабу, ԛӧдрәтеда чаԝа Кӧрʹе Хԝәде хӧйа бу. 5 Бь ԝи мә кʹәрәма шандитийе станд, ԝәки бона наве ԝи һʹәму мьләта һин кьн, кӧ баԝәр бькьн у гӧһдар бьн. 6 Һун жи нава ԝанда газикьрийе Иса Мәсиһ ьн. 7 Жь ԝә һʹәмуйарʹа, һʹьзкьрийед Хԝәдейә пирозбунерʹа газикьри, кӧ Рʹомайеда дьминьн, кʹәрәм у әʹдьлайи бә, жь Хԝәдейе Баве мә у Хӧдан Иса Мәсиһ. 8 Бәре пешьн әз бь дәсте Иса Мәсиһ бона ԝә һʹәмуйа рʹазибуне дьдьмә Хԝәдейе хԝә, чьмки баԝәрийа ԝә тʹәмамийа дьнйайеда те готьне. 9 Хԝәде шәʹде мьн ә, әԝ Хԝәдейе кӧ әз нава Мьзгинийа Кӧрʹе ԝида бь дьл у щан хӧламтийе дькьм, әз һәр гав ԝә бир тиньм 10 у тʹьме нава дӧайед хԝәда һиви дькьм, кӧ бь әʹмьре Хԝәде щарәке рʹе бькʹәвә мьн, сәр ԝәда бем. 11 Чьмки әз гәләки һʹәйра дитьна ԝәда мә, ԝәки пʹешкʹешәкә рʹӧһʹани бьгьһиньмә ԝә, кӧ һун баԝәрийеда бьшьдьн 12 Аԝа готи әз жи тʹәви ԝә, әм дьл бьдьн бәр һәв, бь ԝе баԝәрийа мьн у ԝәйә һәр дӧ алийава. 13 Әз дьхԝазьм кӧ һун заньбьн хушк-бьрано, ԝәки гәләк щара мьн хԝәстийә бемә щәм ԝә, кӧ кʹәда мьн нава ԝәда жи һәбә, чаԝа нава нәщьһуйед майинда, ле һʹәта ньһа рʹе нәкʹәтийә мьн. 14 Әз борщдаре һʹәму мьләта мә, һьн йе йунанед пешдачуйи у һьн жи йе мьләтед пашдамайи, дәйндаре сәрԝахта у бефәʹма мә. 15 Аԝа әз бь дьл у щан дьхԝазьм Мьзгинийе бьдьмә ԝә жи, йед кӧ Рʹомайеда дьминьн, 16 Бәле әз Мьзгинийе шәрм һʹәсаб накьм, чьмки әԝ ԛәԝата Хԝәде йә, бона хьлазбуна һʹәму баԝәрмәнда, пешийе бона щьһуйа, паше нәщьһуйа. 17 Чьмки Мьзгини дьдә кʹьфше, кӧ Хԝәде чаԝа мәрьва рʹаст һʹәсаб дькә, дькә кьрасе хԝә, әв йәк жь сери һʹәта бьни бь баԝәрийе йә, чаԝа ньвисар ә: «Йе рʹаст ԝе бьжи, чьмки баԝәр дькә».
11-17 СЬБАТЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | РʹОМАЙИ 4-6
«Хԝәде Һʹьзкьрьна Хԝә Һьндава Мәда . . . да Кʹьфше»
(Рʹомайи 5:8) Ле бәле Хԝәде һʹьзкьрьна хԝә һьндава мәда һьнге да кʹьфше, гава әмә һе гӧнәкʹар бун, Мәсиһ бона мә мьр.
(Рʹомайи 5:12) Аԝа чаԝа бь мәрьвәки гӧнә кʹәтә дьне у жь гӧнә жи мьрьн һат, ӧса жи мьрьн сәр һʹәму мәрьва бәла бу, чьмки һʹәмуйа жи гӧнә кьр.
ԝ11 15/6 12 ¶5
Хԝәде Һʹьзкьрьна Хԝә Мәрʹа Әʹйан Дькә
5 Паԝлос әве пьрсе ӧса шьровәдькә: «Бь мәрьвәки гӧнә кʹәтә дьне у жь гӧнә жи мьрьн һат, ӧса жи мьрьн сәр һʹәму мәрьва бәла бу, чьмки һʹәмуйа жи гӧнә кьр» (Рʹом. 5:12). Мәрʹа һеса йә фәʹм бькьн әве йәке, чьмки Хԝәде бона мә да ньвисаре кӧ чь щурʹәйи жийина бәндә пешда һат. Йаһоԝа мәрьвед пешьн Адәм у Һеԝа әʹфьрандьн. Әʹфьрандар беԛьсур ә, ләма мәрьвед пешьн жи беԛьсур һатьнә әʹфьрандьне. Изьна ԝан тʹәне сәр тьштәки тʹӧнә бу, у һәрге ԝана гӧрʹа ве ԛануне нәкьрана, ԝе бьмьрана (Дәстп. 2:17). Ԝана сафи кьр пешбәри ԛануна Хԝәде һәрʹьн у ԝи инкʹар кьн ча Ԛанундар у Һьмзор (Ԛан. Дщр. 32:4, 5).
(Рʹомайи 5:13, 14) Бәри Ԛануне, дьнйайеда гӧнә һәбу, ле дәра кӧ ԛанун тʹӧнә, гӧнә найе һʹәсабе. 14 Ле бәле мьрьне жь Адәм гьрти һʹәта Муса һʹӧкӧм кьр, һʹәта сәр ԝан жи, йед кӧ мина Адәм гӧрʹа Хԝәде дәрнәкʹәтьн. Адәм мина тʹәрзәки ԝи бу, йе кӧ ԝе пәйрʹа бьһата.
ԝ11 15/6 12 ¶6
Хԝәде Һʹьзкьрьна Хԝә Мәрʹа Әʹйан Дькә
6 Паши ԝе йәке чахе Адәм гӧнә кьр, әԝи ча баве тʹәмамийа инсанәте, гӧнә дәрбази сәр һʹәмуйа кьр. Һәмьки зӧрʹәтед ԝи әв дәʹԝакьрьна Хԝәде инкʹар нәкьрьбун чаԝа кӧ Адәм кьр, ләма жи әԝана ве йәкеда нәһәԛ нибун; һьм жи һьнге ԛанун нәһатьбун дайине (Дәстп. 2:17). Ле чь жи һәбу гӧнә дәрбази сәр зӧрʹәтед Адәм бу. Бо ве мәʹнийе, гӧнә у мьрьн һʹӧкӧм дькьрьн һʹәта Хԝәде ԛанун бьда Исраелийа, кʹижан кӧ әʹшкәрә нишан дькьр кӧ әԝана гӧнәкʹар ьн. (Бьхунә Рʹомайи 5:13, 14.) Әв кӧ чаԝа гӧнә һʹӧкӧм кьрийә сәр мәрийа әм дькарьн бәрамбәри нәхԝашийа гьран бькьн, кʹижан кӧ жь де-бава дәрбази сәр зарʹа дьбә, мәсәлә нәхԝәшийа хуне, демәк Анәми. Һәмьки дьԛәԝьмә бал һьнә де-бава әв нәхԝәши әʹйан нәбә, ле жь ԝан дькарә дәрбази сәр зарʹед ԝан бә. Анәгори ве йәке, әм дькарьн дәрһәԛа гӧнә жи бежьн. Гӧнә кӧ жь Адәм дәрбази сәр мә буйә, әм хԝәха нькарьн ле хьлаз бьн. Әм һʹәмушк жи ви гӧнәйива гьредайи нә. У ахьрийа ԝе тʹьме мьрьн ә. Һьн жи әв дәрбази сәр һʹәму зарʹа буйә. Гәло дәрмане ви дәрди һәйә?
(Рʹомайи 5:18) Аԝа бь ви аԝайи пе нәһәԛике диԝана тʹәмамийа мәрьвайе бу, ӧса жи бь кьрьнәкә рʹаст һʹәму мәрьв ԝе рʹаст бенә һʹәсабе у жийине бьстиньн.
(Рʹомайи 5:21) Ԝәки чаԝа гӧнә бь мьрьне һʹӧкӧм кьр, ӧса жи кʹәрәма Хԝәде бь рʹастһʹәсабкьрьне һʹӧкӧм бькә, мә бьбә бәрбь жийина һʹәта-һʹәтайе бь сайа Хӧдане мә Иса Мәсиһ.
ԝ11 15/6 13 ¶9-10
Хԝәде Һʹьзкьрьна Хԝә Мәрʹа Әʹйан Дькә
9 Чь те һʹәсабе гьлийе Йунани «рʹастдарийе тинә» йан «рʹаст бенә һʹәсабе»? Дәрһәԛа ве йәке ньвискʹарәки Кʹьтеба Пироз ӧса ньвиси: «Әв һәйә метафора ԛануни. Әв дьдә кʹьфше гӧһастьна һʹале мәрийа һьндава Хԝәде, нә кӧ гӧһастьн кӧ әԝ нав хԝәда дькә. Әв метафор, дьдә кʹьфше, ԝәки Хԝәде һакьмәки ӧса йә, йе кӧ мәрьвед гӧнәкʹар, һәԛ дәрдьхә».
10 «Һʹакьме тʹәмамийа дьнйайе» ль сәр чь һʹими мәрьве нәһәԛ, һәԛ дәрдьхә? (Дәстп. 18:25). Хԝәде жь һʹьзкьрьне Кӧрʹе хԝәйи тайе-тʹәне шандә сәр әʹрде у бь ве йәке һʹим дани. Иса нава щерʹьбандьнада, нәфрʹәткьрьн у ԛәрфкьрьнеда гәләк баш ԛьрара Баве хԝә ани сери. Әԝи һәла һе сәр стуна щәфайе бәр мьрьне жи тәйах кьр у амьнийа хԝә Хԝәдерʹа хԝәй кьр (Һәбԛ. 2:10). Бь ԛӧрбанбуна жийина хԝәйә кʹамьл, Иса кʹьрин пʹешкʹеши мә кьр, бь сайа чь жи әм дькарьн жь гӧнә у мьрьне аза бьн, кʹижан кӧ жь Адәм дәрбази мә буйә (Мәт. 20:28; Рʹом. 5:6-8).
Хьзна Кʹьтеба Пироз Бьгәрʹьн
(Рʹомайи 6:3-5) Һун ньзаньн әм кӧ йәктийа Мәсиһ Исада һатьнә ньхӧмандьне, мьрьна ԝида һатьнә ньхӧмандьне? 4 Бь ньхӧмандьне әм иди тʹәви мьрьна ԝи бунә у тʹәви ԝи һатьнә дәфьнкьрьне, ԝәки чаԝа Мәсиһ бь рʹумәта Баве жь мьрьне рʹабу, ӧса жи әме бькарьбьн жийина нуда бьжин. 5 Чьмки һәгәр әм мина мьрьна ԝи мьрьн тʹәви ԝи бун, әме ӧса жи мина рʹабуна ԝи жь мьрьне рʹабьн.
ԝ08 15/6 29 ¶7
Фькьред Сәрәкә жь Нәʹма Рʹомайарʹа
6:3-5: Чь те һʹәсабе Мәсиһ Исада һатьнә ньхӧмандьне у мьрьна ԝида һатьнә ньхӧмандьне? Чахе Йаһоԝа пәйчуйед Мәсиһ бь рʹӧһʹе пироз кʹьфш дькә, демәк ӧса әԝана тʹәви Иса Мәсиһ дьбьнә йәк у дьбьнә әндәмед щьвата Мәсиһ, Сәре кʹижани хԝәха Иса йә (1 Кр. 12:12, 13, 27; Кл. 1:18). Ньхӧмандьна ԝан Иса Мәсиһда нә. Мәсиһийед бь рʹӧһʹ кʹьфшкьри ӧса жи «мьрьна ԝида [Исада] һатьнә ньхӧмандьне», йане әԝана бь жийина хԝәԛӧрбанкьрьне дьжин у инкʹар дькьн әԝе мәщале кӧ һʹәта-һʹәтайе сәр әʹрде бьжин. Чаԝа мьрьна Иса мьрьна ԝан жи те һʹәсабе ԛӧрбан, ле мьрьна ԝан найе һʹәсабе кʹьрин. Ле ньхӧмандьна ԝан мьрьна Исада, һьнге хьлаз дьбә, чахе әԝана дьмьрьн у бона жийина сәр әʹзмана тенә сахкьрьне.
(Рʹомайи 6:7) Чьмки әԝе кӧ мьрийә, әԝ жь гӧнә азабуйи йә.
ԝ14 1/6 11 ¶1
Чь Һеви Һәйә Бона Кал-Баве Мьн?
Кʹәнге йед нәрʹаст ԝе бенә сахкьрьне, гәло әԝана ԝе бенә сущдаркьрьне жь бо кьред хԝәйи бәре? На. Рʹомайи 6:7-да те готьне: «Әԝе кӧ мьрийә, әԝ жь гӧнә азабуйи йә». Йед нәрʹаст бь мьрьна хԝә һʹәԛе гӧне хԝә ԝе бьдьн. Ләма жи әԝана ԝе нәйнә сущдаркьрьне жь бо кьред, кӧ пешийа мьрьна хԝә кьрьбун, ле жь бо кьред хԝәйә паше сахкьрьне, әԝана ԝе бенә сущдаркьрьне. Гәло чь мәщал ԝе ԝанарʹа бе дайне?
Хԝәндьна Кʹьтеба Пироз
(Рʹомайи 4:1-15) Әм иди чь бежьн бона Бьраһиме бавәʹшире хԝә, алийе бәдәнеда? Әԝи чь дит? 2 Һәгәр Бьраһим бь кьред хԝә рʹаст һʹәсаб бьбуйа, һьнге дькарьбу бь кьред хԝә бьфьрʹийа, ле нә ль бәр Хԝәде. 3 Ле кʹа ньвисар чь дьбежә? «Бьраһим баԝәрийа хԝә Хԝәде ани у әԝ йәк жерʹа рʹасти һатә һʹәсабе». 4 Аԝа һәгәр йәк шьхӧләки дькә, маше ԝи жерʹа найе дайин чаԝа пʹешкʹеш, ле чаԝа дәйн. 5 Ле һәгәр йәк шьхӧл накә, ле баԝәрийа хԝә ԝи тинә, йе кӧ нәпʹака бесущ дькә, бь ве баԝәрийе әԝ рʹаст һʹәсаб дьбә. 6 Даԝьд жи аһа хԝәзийа хԝә ль ԝи мәрьви тинә, йе кӧ Хԝәде бейи кьра ԝи рʹаст һʹәсаб дькә. 7 «Хԝәзиль ԝан, кӧ нәһәԛийед ԝан һатьнә бахшандьне у гӧнед ԝан һатьнә ньхамтьне. 8 Хԝәзи ль ԝи бәндәйи, кӧ Хӧдан ԝирʹа гӧнә һʹәсаб накә». 9 Гәло әва хԝәзийа ль сьнәтбуйийа те дайине, йан нәсьнәтбуйийа? Чаԝа мә гот, кӧ баԝәрийа Бьраһим жерʹа рʹасти һатә һʹәсабе. 10 Ле бәле кʹәнге һатә һʹәсабе? Пәй сьнәтбунерʹа, йан бәри сьнәтбуне? Нә кӧ пәй сьнәтбунерʹа, ле бәри сьнәтбуне. 11 У паше әԝи сьнәтбун нишан станд, чаԝа мора рʹастһʹәсаббуне, бь ԝе баԝәрийа хԝәйә бәри сьнәтбуне. Бь ви аԝайи Бьраһим бу баве һʹәму баԝәрмәндед нәсьнәтбуйи, ԝәки әԝ жи рʹаст бенә һʹәсабе у 12 ӧса жи бу баве сьнәтбуйийа, нә кӧ тʹәне йе сьнәтбуйийа, ле йе ԝан жи, кʹижан пʹега ԝе баԝәрийеда дьчьн, йа кӧ Бьраһиме баве мә һе бәри сьнәтбуне баԝәр кьр. 13 Әԝ созе Бьраһим у зӧрʹәта ԝирʹа һатә дайине кӧ дьнйайе ԝар бьн, нә кӧ бь кьред Ԛануне бу, ле бь ԝе йәке бу, кӧ ԝи баԝәр кьр у рʹаст һатә һʹәсабе. 14 Һәгәр тʹәне әԝед жь кьред Ԛануне бьбуна хԝәйе ԝар, һьнге баԝәри ԝе пʹучʹ буйа у созе жи бәтал буйа. 15 Чьмки Ԛанун һерсе рʹадькә. Дәра кӧ ԛанун тʹӧнә, ԛанунтʹәрʹьбандьн жи тʹӧнә.
18-24 СЬБАТЕ
ФЬКЬРЕД ԚИМӘТ ЖЬ ХӘБӘРА ХԜӘДЕ| РʹОМАЙИ 7-8
Бәрдәԝам кә бь Сәбьр Һивийе бә
(Рʹомайи 8:19) Һʹәму әʹфьрин жи бе сәбьр чʹәʹвньһерʹи хӧйабуна лаԝед Хԝәде нә.
ԝ12 15/7 11 ¶17
Бьра Йаһоԝа тә Бьвә Бәрбь Азабуна Рʹаст
17 Дәрһәԛа азайа рʹаст йа кӧ Йаһоԝа дьхԝазә бьдә хьзмәткʹаред хԝәйи амьн, Паԝлос дьбежә: «Бе сәбьр чʹәʹвньһерʹи хӧйабуна лаԝед Хԝәде нә». Паше әԝ дьбежә: «Кӧ әʹфьрине хԝәха жи жь ԝе хӧламтийа пʹучʹ аза бьн у тʹәви азайи у рʹумәта зарʹед Хԝәде бьн» (Рʹом. 8:19-21). «Әʹфьрин» те готьне дәрһәԛа ԝан мәрьва, йед кӧ ԝе сәр әʹрде бьжин, у кʹәрәма бьстиньн, кʹәнге лаԝед Хԝәде йед рʹункьри «хӧйабуна» хԝә әʹйан кьн. «Лаԝед» Хԝәде ԝе хӧйабуна хԝә әʹйан кьн, кʹәнге бь бәдәна рʹӧһʹ бенә сахкьрьне. Әԝана тʹәви Иса Мәсиһ ԝе дьне жь зӧлмийе тʹәмьз кьн у «әʹлаләтәкә ӧса мәзьн» дәрбази дьнйа тʹәзә кьн (Әʹйан. 7:9, 14).
(Рʹомайи 8:20) Бәле әʹфьрин жи бәр байе бәталийе кʹәтьн, нә кӧ бь һʹәмде хԝә, ле Хԝәде әԝ данә ве йәке. Ле бәле әԝ [һеви, ДТʹ] һәбу,
ԝ12 15/3 23 ¶11
Һеви Шабуне Мәрʹа Тинә
11 Йаһоԝа һеви да мәрьва чахе соз да ԝан, ԝәки пе аликʹарийа «зӧрʹәта», ԝе ԝана хьлаз кә жь «мәʹре бәре» демәк Шәйтʹан Мире-щьна (Әʹйан. 12:9; Дәстп. 3:15). Һʹиме лапи мәзьн у сәрәкә йе кӧ дькʹәтә нава ԝи зӧрʹәти Иса Мәсиһ бу (Галт. 3:16). Мьрьн у сахкьрьна Иса бу һʹиме ԛәԝи бона ԝе йәке, ԝәки мәрьв жь гӧнә у мьрьне аза бьн. Сәва кӧ әԝ һеви бе сери, лазьм ә ԝәки «хӧйабуна лаԝед Хԝәде» әʹйан бә. Демәк әԝед бьжарти йед кӧ хәлата әʹзман стандьн, тенә һʹәсабе пʹара «зӧрʹәта» дӧда. Әԝана ԝе хԝә әʹйан кьн кʹәнге тʹәви Иса дәстпекьн система Шәйтʹан кʹӧта кьн (Әʹйан. 2:26, 27). Пәзед дьн йед кӧ ԝе тәнгасийа мәзьн дәрбаз бьн, бона ԝан әԝ йәк ԝе бе һʹәсабе хьлазбун (Әʹйан. 7:9, 10, 14).
(Рʹомайи 8:21) кӧ әʹфьрине хԝәха жи жь ԝе хӧламтийа пʹучʹ аза бьн у тʹәви азайи у рʹумәта зарʹед Хԝәде бьн.
ԝ12 15/3 23 ¶12
Һеви Шабуне Мәрʹа Тинә
12 Һʹәзарсалийа Сәрԝертийа Мәсиһ ԝе шабуне мәрьварʹа бинә! Ԝи чахи «лаԝед Хԝәде» ԝе бь щурʹе дьн хӧйабуна хԝә әʹйан кьн. Әԝана ԝе тʹәви Иса ча пʹадша у кʹаһин сәрԝертийе бькьн у али мәрьва бькьн кʹаре бьстиньн жь ԛӧрбана Иса. Бьн сәрԝертийа Пʹадшатийа Хԝәде «әʹфьрин» ԝе дәстпекьн жь гӧнә у мьрьне аза бьн. Мәрьвед гӧһдар ԝе «жь ԝе хӧламтийа пʹучʹ аза бьн». Һәрге әԝана Йаһоԝарʹа амьн бьминьн ԝәʹде Һʹәзарсалийа Сәрԝертийа Мәсиһ, у ԝәʹде щерʹьбандьна пашьн, наве ԝан ԝе кʹьтеба жийинеда бе ньвисаре. Әԝана ԝе «тʹәви азайи у рʹумәта зарʹед Хԝәде бьн» (Әʹйан. 20:7, 8, 11, 12). Әԝ бь рʹасти һевикә мәзьн ә!
Хьзна Кʹьтеба Пироз Бьгәрʹьн
(Рʹомайи 8:6) Ахьрийа фькьра бьнйатʹа мәрьвайе мьрьн ә, ле ахьрийа фькьра Рʹӧһʹ жийин у әʹдьлайи йә.
Те Бира Ԝә?
Чь фьрԛи һәйә ортʹа «фькьра бьнйатʹа мәрьвайе» у «фькьра рʹӧһʹ»? (Рʹом. 8:6).
Әԝед кӧ бь бьнийатʹа мәрьвайе дьжин, бьн һʹӧкӧме бәдәна хԝәйә гӧнәкʹарда дьжин. Һʹьш- аԛьле ԝан тʹәне сәр хԝәстьнед ԝан ә у әԝана тʹьме дәрһәԛа ԝан тьшта хәбәр дьдьн. Жийина ӧса ахьрийеда дьбә бәрбь мьрьне. Ле әԝ Мәсиһийед кӧ әʹмьре хԝәда шьхӧлед Хԝәде у ԛьрара ԝи датиньн щийе пешьн, әԝана бьн рʹебәрийа рʹӧһʹе пирозда дьжин. Ахьрийа ԝан, жийин у әʹдьлайи йә (ԝ16.12, рʹупʹ. 15-17).
(Рʹомайи 8:26, 27) Ӧса жи Рʹӧһʹе Пироз те һәԝара бетʹаԛәтийа мә, чьмки әм ньзаньн гәрәке чаԝа дӧа бькьн, ле Рʹӧһʹе Пироз хԝәха бь готьнед кʹәсәрә найенә сәр зар-зьмана, бона мә лава-навчетийе дькә. 27 У йе дьла әʹнәнә дькә занә фькьра Рʹӧһʹе Пироз чь йә, чьмки әԝ ԝәкә ԛьрара Хԝәде бона мәрьвед Хԝәде лава-навчетийе дькә.
ԝ09 15/11 7 ¶20
Дӧайед тә Чь Әʹйан Дькьн Дәрһәԛа Тә?
20 Щарна әм ньзаньн дӧайед хԝәйи шәхсида чь бежьн. Паԝлос ньвиси, «әм ньзаньн гәрәке чаԝа дӧа бькьн». «У йе дьла әʹнәнә дькә занә фькьра Рʹӧһʹе Пироз чь йә» (Рʹом. 8:26, 27). Йаһоԝа ӧса кьр, ԝәки Кʹьтеба Пирозда гәләк дӧа бенә ньвисаре. Гава әм дӧа дькьн, Йаһоԝа дӧайед мә ԛәбул дькә чаԝа һивикьрьн, у ләма жи һивикьрьна мә тинә сери. Йаһоԝа мә рʹьнд нас дькә, у занә кʹижан дӧа бона дәрәща мәйә. Чьмки әԝ дӧа бь рʹӧһʹе ԝийи пироз һатийә ньвисаре. Йаһоԝа щаба дӧайед мә дьдә чахе рʹӧһʹе пироз «навчетийе дькә». Ле һәрге әм һе рʹьнд Кʹьтеба Пироз бьзаньбьн һьнге ԝе дьһа зу бькʹәвә һәше мә, кӧ әм дӧайед хԝәда дәрһәԛа чь тʹәви ԝи хәбәр дьн.
Хԝәндьна Кʹьтеба Пироз
(Рʹомайи 7:13-25) Ԝәки ӧса йә йа ԛәнщ мьнрʹа бу мьрьн? На хер! Ле әв кьре гӧнә бу, кӧ бь йа ԛәнщ мьрьн сәр мьнда ани. Әв йәк аһа бу, ԝәки һʹӧнӧре гӧнә кʹьфш бә у бь тʹәмийе һе гӧнәкʹарийа гӧнә кʹьфш бә. 14 Бәле әм заньн кӧ Ԛанун рʹӧһʹани йә, ле әз хун у гошт ьм, хӧламәки гӧнәрʹа фьроти. 15 Чьмки әз фәʹм накьм чь дькьм. Нә кӧ ԝи тьшти дькьм, чь кӧ дьхԝазьм, ле ԝи тьшти дькьм, чь кӧ бәр чʹәʹве мьн рʹәш ә. 16 Ле һәгәр әз тьште нә бь дьле хԝә дькьм, Ԛануне бәгәм дькьм, кӧ әԝ ԛәнщ ә. 17 Ле аԝа нә кӧ әз ԝе йәке дькьм, ле бәле гӧне кӧ нава мьнда дьминә дькә. 18 Әз заньм кӧ нава мьнда, аԝа готи бьнйатʹа мьнда, тʹӧ тьште ԛәнщ наминә, чьмки хирәта мьн ԛәбул накә, ле әԝ йәк мьнрʹа ль һәв найе. 19 Бәле ԝе ԛәнщийа кӧ дьхԝазьм бькьм накьм, ле хьрабийа кӧ нахԝазьм ԝе дькьм. 20 Һәгәр әз ԝи тьште нә бь дьле хԝә дькьм, иди нә кӧ әз дькьм, ле әԝ гӧне кӧ нава мьнда дьминә, әԝ дькә. 21 Аԝа әз ԛанунәке дьбиньм: Гава дьхԝазьм кӧ ԛәнщийе бькьм, бе һʹәмде мьн дьбә хьраби. 22 Әз бь кʹурайийа дьле хԝә ԛануна Хԝәде бәгәм дькьм, 23 ле ԛанунәкә дьн нава хԝәда дьбиньм кӧ мьԛабьли ԝе ԛануна һʹьше мьн бәгәм кьрийә дькә шәрʹ у мьн дькә һесире ԛануна гӧна, йа кӧ нава мьнда йә. 24 Әз чь мәрьвәки һесир-бәләнгаз ьм! Кʹи ԝе мьн жь дәсте ви ԛальбе пʹучʹи-мьри хьлаз кә? 25 (Шькьр жь Хԝәдерʹа, бь сайа Хӧдане мә Иса Мәсиһ!) Бь ви аԝайи әз хԝәха бь һʹьш-аԛьле хԝә хӧламтийе ԛануна Хԝәдерʹа дькьм у бь ԛальбе хԝә хӧламтийе ԛануна гӧнарʹа дькьм.
25 СЬБАТЕ–3 АДАРЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | РʹОМАЙИ 9-11
«Мәсәла Дәрһәԛа Дара Зәйтʹуне»
(Рʹомайи 11:16) Һәгәр гьрька һәвире пешьн һʹәлал ә, тʹәмамийа шкәве пева һʹәлал ә. У һәгәр рʹаԝ пироз ьн, чʹьԛьл жи перʹа пироз ьн.
ԝ11 15/5 23 ¶13
Чьԛас Кʹур ә Занәбуна Хԝәде!
13 Паԝлосе Шанди ԝана йед кӧ бунә рькʹьнийата Бьраһим, бәрамбәри чʹькʹьле дара зәйтʹунейә симболик дькә (Рʹом. 11:21). Әԝ дара зәйтʹунейә жь бахчә, дьдә кʹьфше, ԝәки ԛьрара Хԝәде ԝе бе сери, йа кӧ әԝи бь пәймане тʹәви Бьраһим гьреда бу. Кʹока ԝе даре пироз ә, у әԝ Йаһоԝа әʹйан дькә йе кӧ әʹмьр дьдә Исраела рʹӧһʹани (Иша. 10:20; Рʹом. 11:16). Ле бьстийе даре әʹйан дькә Иса Мәсиһ, чьмки әԝ йе сәрәкә йә жь рʹькьнийата Бьраһим. Ле һʹәму чʹьԛьлед даре тʹәвайи, әʹйан дькьн «һʹәсабе ԝан», йед кӧ жь рʹькʹьнийата Бьраһим щийе дӧда дьгьрьн.
(Рʹомайи 11:17) Һәгәр жь ԝан чʹьԛьла һьнәк шкәстьн, ле тӧ, нәщьһу дара зәйтʹунейә бәйани буйи, дәԝса ԝан һати сәрвакьрьне у тʹәви ԛьнйата рʹаԝед зәйтʹуне буйи,
(Рʹомайи 11:20, 21) Рʹаст ә. Әԝана жь дәст нәбаԝәрийе шкәстьн у тә бь баԝәрийе һʹим гьрт. Кʹӧбар нәбә, ле бьтьрсә. 21 Чьмки һәгәр һʹәйфа Хԝәде чʹьԛьлед бьнйатʹи нәһат, һʹәйфа ԝи ԝе тә жи нәйе.
ԝ11 15/5 24 ¶15
Чьԛас Кʹур ә Занәбуна Хԝәде!
15 Йаһоԝа чь кьр сәва кӧ ԛьрара хԝә бинә сери? Паԝлос шьровәдькә, ԝәки дәԝса чʹьԛьлед шькәсьти йед дара зәйтʹунейә жь бахчә, ԝе чʹьԛьлед дара зәйтʹунейә бәйани пеԝа бенә ԛьмтандьне. (Бьхунә Рʹомайи 11:17, 18.) Бь ԝе йәке, йед кӧ бь рʹӧһʹе пироз кʹьфшкьри, кӧ жь мьләте майин бун, у нава кʹижанада әʹндәмед щьвата Рʹоме жи һәбун, бь симболик һатьбун ԛьмтандьне дара зәйтʹунейә симболиква. Ӧса әԝана бунә пʹарәкә рькʹьнийата Бьраһим. Пешийе әԝана мина чʹьԛьлед дара зәйтʹунейә бәйани бун, мәщала кʹижана тʹӧнә бу, бьбуна пʹарәкә ԝе пʹәймана мәхсус. Ле Йаһоԝа дәри бәр ԝан вәкьр, ԝәки бькарьбьн бьбьнә Щьһуйед рʹӧһʹани (Рʹом. 2:28, 29).
(Рʹомайи 11:25, 26) Әз нахԝазьм хушк-бьрано, кӧ һун һаш жь ве сӧрʹе тʹӧнәбьн, кӧ һун хԝә дәԝса зана данәйньн. Пʹарәкә мьләте Исраеле ԝе сәрһʹьшк бьминә, һʹәта һʹәсабе ԝан нәщьһуйед кӧ ԝе хьлаз бьн, тʹәмам бә. 26 Пәй ве йәкерʹа тʹәмамийа Исраеле ԝе хьлаз бә, чаԝа ньвисар ә: «Азакьр ԝе жь Сийоне бе у бехԝәдетийе жь Аԛуб дур хә.
ԝ11 15/5 25 ¶19
Чьԛас Кʹур ә Занәбуна Хԝәде!
19 Нета Йаһоԝа дәрһәԛа «Исраела Хԝәде» бь щурʹе мәхсус те сери (Галт. 6:16). Паԝло гот ԝәки, «тʹәмамийа Исраеле ԝе хьлаз бә» (Рʹом. 11:26). «Тʹәмамийа Исраеле», демәк һʹәму әʹндәмед Исраела рʹӧһʹани, ԝе хьзмәт кьн ча пʹадша у кʹаһин ԝи ԝәʹдәйида, кӧ Йаһоԝа кʹьфш кьрийә. Тʹӧ тьшт нькарә рʹе Йаһоԝа бьгьрә, кӧ нета хԝә бинә сери!
Хьзна Кʹьтеба Пироз Бьгәрʹьн
(Рʹомайи 9:21-23) Чьма һʹӧкӧме щерʹкәр сәр ахе тʹӧнә кӧ жь ԝе һʹәрʹийа стьрайи һьн дәрданед бона рʹумәте чекә, һьн жи бона берʹумәте? 22 Ле чь ве йәкерʹа һәйә, һәгәр Хԝәде бәри кʹьфшкьрьна һерс у ԛәԝата хԝә, бь думька дьреж гәләки сәбьра хԝә ль ԝан дәрданед һежайи һерсе бинә, йед кӧ ӧндабунерʹа һазьр сәкьни нә? 23 Ԝи әв йәк кьр, ԝәки дәԝләмәндтийа рʹумәта хԝә ԝан дәрданарʹа бьдә кʹьфше, йед кӧ бунә хԝәйе ве рʹәʹме, кʹижан кӧ ԝи пешда һазьр кьрьбун, ԝәки әԝ тʹәви рʹумәта ԝи бьбуна.
ԝ13 15/6 25 ¶5
Бьра Ширәта Йаһоԝа Тә Бьгӧһезә
5 Чь дьбә чахе кәсәк нахԝазә, ԝәки Һостәйе Мәзьн ԝи бьгӧһезә? Хԝәде дәмен ӧсада һʹӧкӧмәтийа хԝә ча дьдә хәбате? Бьдьнә һʹьше хԝә, ԝе чь биньнә сәре ԝе һʹәрʹи, һәрге пе ԝе нәйе чекьрьне әв, чь кӧ гәрәке жь ԝе чебә. Һостайе щерʹа дькарә жь ԝе һʹәрʹийе дәрданәкә дьн чекә, йан жи әԝе һʹәрʹийе бавежә! Бь рʹасти һәрге Һостә нькарә чекә әԝ чь кӧ дьхԝазә, әԝ хԝәха нәһәԛ ә. Ле әм нькарьн дәрәща Һостәйе Мәзьн Йаһоԝада, ӧса бежьн (Ԛан. Дщр. 32:4). Һәрге мәрьв нахԝазә кӧ Һостәйе Мәзьн ԝи бьгӧһезә, демәк проблем ԝида нә. Әԝ йәк кӧ Йаһоԝа ԝе чь щурʹәйи мәрьв бьгӧһезә, гьредайи йә ԝи мәрьвива, йед кӧ хԝә тʹәсмили Йаһоԝа дькә, ԝәки бьбә дәрданед керһати. Мәсәлә Мәсиһийед бьжарти, «йед кӧ бунә хԝәйе ве рʹәʹме», бунә «дәрданед бона рʹумәте». Ле әԝед кӧ мьԛабьли Һостәйе Мәзьн дәртен, ахьрийа-ахьрийе дьбьнә «дәрданед һежайи һерсе . . ., йед кӧ ӧндабунерʹа һазьр сәкьни нә» (Рʹом. 9:19-23).
(Рʹомайи 10:2) Әз шәʹде ԝана мә, кӧ әԝ һьндава Хԝәдеда хԝәйихирәт ьн, ле әв йәк бе занәбун ә.
it-1 1260 ¶2
Хирәт
Хирәтийа Нәрʹаст. Мәрьв дькарә бь дьл хирәт бә, ле шашийа бәрдә у мьԛабьли Хԝәде һәрʹә. Әв йәк ԛәԝьми тʹәви Щьһуйа, йед кӧ ԛьрʹна йәкеда дьжитьн. Әԝана дьхәбьтин кӧ Ԛануна Муса рʹаст биньн сери. Ле Паԝлос да кʹьфше, ԝәки жь бо кемасийа занәбуна ԝан, хирәта ԝан нәрʹаст ә. Ләма жи ԝана нькарьбу рʹастийа жь Хԝәде ԛазанщ кьрана. Ле сәва кӧ әԝе рʹастийе ԛазанщ кьн у рʹаст бенә һʹәсабе, ԝанарʹа лазьм бу фәʹм кьрана кӧ әԝана шаш бунә, у гәрәке бь Мәсиһ бәрбь Хԝәде һәрʹьн (Рʹом 10:1-10). Хирәта Шаԝуле жь Тарсусе жи һәма ӧса бу, әԝи хԝә гәләк һʹәбандьна Щьһуйа гьртьбу, әԝи «беһʹәсаб щьвина Хԝәде дьзеранд» у пәй ԝан дькʹәт. Әԝи Ԛанун ӧса һур бь һур дьани сери, ԝәки хԝә дьда кʹьфше кӧ ԝе йәкеда «беләкʹә» йә (Галт. 1:13, 14; Фили. 3:6). Ле бь рʹасти хирәта ԝи һьндава һʹәбандьна Щьһуйа нәрʹаст бу. Ле Йаһоԝа дит, ԝәки дьле ԝи тʹәмьз ә, у ләма жи бь сайа Иса рʹәмтийа нәһежа һьндава ԝида да кʹьфше, у әԝ да сәр рʹийа һʹәбандьна рʹаст (1 Тимтʹ. 1:12, 13).
Хԝәндьна Кʹьтеба Пироз
(Рʹомайи 10:1-15) Хушк-бьрано! Дӧа у хԝәстьна дьле мьн жь Хԝәде бона хьлазбуна Исраеле йә. 2 Әз шәʹде ԝана мә, кӧ әԝ һьндава Хԝәдеда хԝәйихирәт ьн, ле әв йәк бе занәбун ә. 3 Ԝана фәʹм нәкьр, кӧ Хԝәде чаԝа мерьв рʹаст һʹәсаб дькә, хԝәстьн бь щурʹе хԝә һʹиме рʹастийе дайньн у ль бәр рʹастийа Хԝәде та нәбун. 4 Чьмки бь Мәсиһ Ԛанун сәр һәвда һат, кӧ һәр баԝәрмәнд бь ԝи рʹаст бе һʹәсабе. 5 Бона ԝе рʹастийа жь Ԛануне Муса аһа дьньвисә: «Мәрьве кӧ Ԛануне бьԛәдинә, бь ԝе жи әԝе бьжи». 6 Ле рʹастийа кӧ жь баԝәрийе йә, аһа дьбежә: «Дьле хԝәда нәбежә: Кʹе ԝе рʹабә әʹзмен?» (аԝа готи Мәсиһ жорда бинә), 7 йан: «Кʹе ԝе һәрʹә дийаре мьрийа?» (аԝа готи Мәсиһ жь нава мьрийа дәрхә). 8 Ле бәле ньвисар чь дьбежә? «Хәбәра Хԝәде ль щәм тә йә, ль сәр заре тә йә у дьле тәда йә», (аԝа готи әԝ хәбәра баԝәрийе, йа кӧ әм даннасин дькьн). 9 Һәгәр тӧ бь дәве хԝә иԛрар бьки, кӧ Иса Хӧдан ә у дьле хԝәда баԝәр бьки, кӧ Хԝәде әԝ жь нава мьрийа рʹакьрийә, те хьлаз би. 10 Чьмки бь дьл йәк баԝәр дькә, рʹаст те һʹәсабе у бь дәв иԛрар дькә, хьлаз дьбә. 11 Чаԝа ньвисар дьбежә: «Һәр кәсе кӧ ԝи баԝәр бькә, ԝе шәрми нәбә». 12 Ль вьр фьрԛи тʹӧнә нава щьһу у нәщьһуйада, чьмки Хӧдане һʹәмуйа йәк ә, һьндава ԝан һʹәмуйада жи мәрʹд ә, кʹижанед гази ԝи дькьн. 13 Чьмки ньвисар дьбежә: «Кʹи гази наве Хӧдан кә, ԝе хьлаз бә». 14 Ле ԝе чаԝа гази ԝи кьн, һәгәр баԝәрийа хԝә ԝи нәанинә? Йан ԝе чаԝа ԝи баԝәр бькьн, һәгәр бона ԝи нәбьһистьнә? Йан ԝе чаԝа бьбьһен, һәгәр хәбәр даннасин нәбә? 15 Йан ԝе чаԝа хәбәре даннасин кьн, һәгәр нәйенә шандьне? Чаԝа ньвисар ә: «Чьԛаси һʹәԝас ьн гавед йед мьзгинийа хере дьдьн!»