Кани бона «Бәрнама Щьвине, Бьжин у Хьзмәт кьн»
3-9 ҺʹӘЗИРАНЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ГАЛАТИ 4-6
«Мәʹна Симболик Чь те Һʹәсабе бона Мә»
(Галати 4:24, 25) Әва йәка щур′әки майин те фә′мкьрьне, әв һәр дӧ жьн дӧ пәйман ьн: Йәк жь ч′ийайе Синайе, бона хӧламтийе тинә, әԝ Һащәр бу. 25 Һащәр Ә′рәбьстанеда те һ′әсабе ч′ийайе Синайе у һьмбәри Оршәлима ньһа дьбә, кӧ зар′ед хԝәва хӧламтийе дькә.
it-1 1018 ¶2
Һащәр
Ль гора гьлийе Паԝлосе шанди, Һащәр ԝәк мәʹна симболик те шьроԝәкьрьне. Әв дьһатә һʹәсабе щьмәʹта Исраеле. Әв щьмәʹт тʹәви Йаһоԝа бь Ԛануна пәймане гьредайи бу, чь кӧ бәр чʹийайе Синайе ԛәԝьми у жь кʹижани кӧ пешда һатьн «зарʹед бона дилтийе». Щьмәʹта Исраеле гӧнәкʹар бун жь бо кьред хԝә, ләма жи әԝана нькарьбун әве пәймане пек бьанийана. Чахе әв ԛанун дьһатә хәбьтандьне, Исраели нәбунә мәрьвнә аза, ле ԝәк гӧнәкʹар дьһатьнә сущдаркьрьне, у һежайи мьрьне бун. Әԝана аԝа готи дил бун (Йн. 8:34; Рʹм. 8:1-3). Ԝәʹде Паԝлосда, Оршәлим мина Һащәре бу, чьмки әв дебажар щьмәʹта Исраеле дьда кʹьфше ча мьләт, кʹижан кӧ тʹәви зарʹед хԝә кʹәтьнә дилтийе. Ле Мәсиһийед кӧ бь рʹӧһʹ һатьнә буйине, әв һәнә зарʹед «Оршәлима жорьн», йане жьна симболик йа Хԝәде. Әв Оршәлим мина Сәра, кʹӧлфәтәкә аза, тʹӧ щар дилтийеда нибу. Ле анәгори ве йәке чаԝа кӧ Исмаел Исһаԛ дьзерʹанд, заред «Оршәлима жорьн» кʹижана кӧ Кӧрʹ аза кьр, дьһатьнә зерандьне жь алийе Оршәлимеда, йа кӧ дилтийеда бу. Ле Һащәр у кӧрʹе ԝе һатьбун бәридане у әԝ мина ве йәке йә, чахе Йаһоԝа щьмәʹта Исраеле ԝәк мьләт инкʹар кьр (Гл. 4:21-31; бьньһерʹә ӧса жи Йн. 8:31-40).
(Галати 4:26, 27) Ле йа аза, әԝ Оршәлима жорьн те һ′әсабе, кӧ әԝ дийа мә һ′әмуйа йә. 27 Чьмки ньвисар ә: «Ша бә, безӧр′әта кӧ тә зар′ нәданин. Бь әшԛ бьстьре, дәнг бьльнд кә, кӧ еша зар′анине тә нәк′ьшанд. Чьмки зар′ед тә мербәр′дайийе ԝе жь зар′ед йа хԝәйимер гәләктьр бьн».
ԝ14 15/10 10 ¶11
Бьра Баԝәрийа Тә Һьндава Пʹадшатийе Ԛәԝи Бә
11 Пәймана тʹәви Бьраһим һьнге һатә сери, чахе зӧрʹәтед ԝи әʹрде создайи ԝар бун. Ле жь Кʹьтеба Пироз те кʹьфше, ԝәки әв пәйман дькарә ӧса жи алийе рʹӧһʹанида бе сери (Гл. 4:22-25). Чаԝа Паԝлосе шанди жь бина бәр Хԝәде шьровәкьр, ԝәки пʹара сәрәкә йа зӧрʹәта Бьраһим, әԝ Мәсиһ ә, ле пʹара дӧда 144 000 Мәсиһийед бь рʹӧһʹ кʹьфшкьри нә (Гл. 3:16, 29; Әʹнт. 5:9, 10; 14:1, 4). Әԝ кʹӧлфәта жь кʹижани кӧ зӧрʹәт гәрәке пешда бьһата, дьһатә һʹәсабе «Оршәлима жорьн», демәк пʹара әʹзмани йа тʹәшкиләта Хԝәде, кʹижан жь әʹфьринед рʹӧһʹани нә (Гл. 4:26, 31). Чаԝа пәйманеда дьһате готьне, зӧрʹәта кʹӧлфәте ԝе кʹәрәма, инсанәтерʹа бинә.
(Галати 4:28-31) Аԝа һун хушк-бьрано, мина Исһаԛ зар′ед ԝи сози нә. 29 Ле чаԝа һьнге әԝе жь мәрьвайе бьбу, йе жь алийе Р′ӧһ′да дьзеранд, ӧса жи ньһа. 30 Ле ньвисар чь дьбежә? «Әԝе щарийе кӧр′е ԝева бәрде дәрхә, чьмки кӧр′е щарийе гәрәке т′әви кӧр′е жьна аза ԝар нәбә». 31 Аԝа хушк-бьрано, әм нә зар′ед щарийе нә, ле зар′ед йа аза нә.
Хьзна Кʹьтеба Пироз Бьгәрʹьн
(Галати 4:6) Аԝа һун кӧ лаԝед ԝийә гьһишти нә, Хԝәде Р′ӧһ′е Кӧр′е хԝә шандә нава дьле мә, кӧ гази Хԝәде дькә: «Абба!» аԝа готи «Баво!»
ԝ09 1/4 13
Ԝә заньбу?
Чьма чахе Иса дӧа дькьр, Йаһоԝарʹа дьгот «Абба, Баво»?
Әв хәбәра Арами абба дькарә бе һʹәсабе «бав» йан «Йа Баво». Се дәрәщада дь Ньвисаред Пирозда әв хәбәр те дитьне у әв дӧакьрьнеда те хәбьтандьне Баве әʹзманрʹа демәк Йаһоԝарʹа. Ле әв хәбәр чь те һʹәсабе?
Әнсиклопедийәкеда «The International Standard Bible Encyclopedia states» те готьне: «Ԝәʹде Исада, хәбәра абба дьһатә хәбьтандьне хәбәрдана һәр рʹожида. Бь ви щурʹәйи зарʹ бь назьки у ԛәдьр, гази баве хԝә дькьр. Әв йәк дьда кʹьфше һәләԛәтийа незик тʹәви баве у әԝ гьлийе зарʹе йа пешьн бу. Хут ви щурʹәйи, Иса тʹәви Баве хԝә хәбәр дьда, гава дьле хԝә ԝирʹа вәдькьр. Мәсәлә, дь бахче Гәтшаманида, чәнд сьһʹәт пешийа мьрьна хԝә, Иса Йаһоԝарʹа дӧа кьр у готә ԝи: «Абба, Баво!» (Марԛос 14:36)
Ве әнсиклопедийайеда ӧса жи һатьбу готьне: «Дәстпебуйи жь ԝәʹде Йунанийа Рʹоме, әв гьли абба, кӧ һьндава Хԝәдеда дьһатә хәбьтандьне, жь әʹдәбйәтед Щьһу һеди-һеди те һьлдане. Мәʹна ве йәке әв бу, ԝәки хәбәра абба, дәстпекьрьн һʹәсаб кьн ча тьштәкә беԛәдьр. Ле «Иса ... әве хәбәре дӧакьрьнеда дьда хәбате у бь ԝе йәке әʹшкәрә дькьр, ԝәки һәләԛәтийа ԝи чьԛас незик ә тʹәви Хԝәде». Дӧ дәрәщед дьнда жи, хәбәра абба нәʹмед Паԝлосе шандида те дитьне. Әв йәк дьдә кʹьфше, ԝәки Мәсиһийед ԛьрна йәке жи, хәбәра абба дӧакьрьнеда дьданә хәбате (Рʹомайи 8:15; Галати 4:6).
(Галати 6:17) Жь вьр шунда бьра т′ӧ кәс зә′мәте нәдә мьн, чьмки мьн даха бьринед Иса һьлдайә сәр бәдәна хԝә.
ԝ10 1/11 15
Ԝә заньбу?
Паԝлосе шанди чь дьхԝәст бьгота, чахе гот, ԝәки «даха бьринед Иса һьлдайә сәр бәдәна хԝә»? (Галати 6:17).
▪ Мәрьвед кӧ ԝәʹде Паԝлосда дьжитьн, дькарьбун бь щурʹә-щурʹә гьлийе ԝи фәʹм бькьн. Мәсәлә ԝәʹде бәре даха кӧ бь һʹәсьна сор дькьрьн, дьһатә һʹәсабе ԝәки бәндә пʹарьстгәһ тʹалан кьрйә, йан жи диле рʹәви йә. Даха ӧса тьштәкә шәрми бу.
Ле нә һәр щар, дах бь ви щурʹәйи һʹәсаб дькьрьн. Ԝәʹде бәре гәләк мәрьв сәр бәдәна хԝә дах дькьрьн, сәва кӧ бьдьнә кʹьфше, ԝәки әԝана жь чь әʹсли нә у чь дьһʹәбиньн. Мәсәлә, ль гора «Фәрһәнге Теоложийейә Пәймана Ну» щәм «мәрьвед Сурийайе дах нишана тʹәсмилбуйне хԝәдайе Ада у Атаргатис бу. Әве дахе ԝана ль сәр зәнд у стийе хԝә датанин . . . Пәйчуйед Дионис щурʹе бәлге ль сәр бәдәна хԝә дах дькьрьн».
Гәләк мәрьвед кӧ Кʹьтеба Пироз леколин дькьн, дьбежьн ԝәки дь ве рʹезеда Паԝлос дьгот дәрһәԛа дәхмед сәр бәдәна хԝә, чь кӧ жь бо кʹӧтане сәр ԝи мабун, ԝәʹде рʹевитийийа ԝи. Ԝи чахи әԝ гәләк щар рʹасти зорбәтийе дьһат (2 Корьнтʹи 11:23-27). Ле әм дькарьн бежьн, ԝәки Паԝлос нә кӧ дәрһәԛа нишанәки дьгот, ле әв щурʹе жийина ԝи бу, бь кʹижани әԝ ча Мәсиһи щӧдә дьбу.
Хԝәндьна Кʹьтеба Пироз
(Галати 4:1-20) Аԝа әз дьбежьм, ԝаре кӧ хԝәйе һәр тьшти йә, ле һ′әта кӧ хьшим ә, жь хӧлем найе фьрԛикьрьне. 2 Әԝ бьн дәсте хԝәйкьрийа у хәмк′ешада йә, һ′әта ԝи ԝәхте кӧ баве к′ьфш кьрийә. 3 Ӧса жи әм гава һе р′ӧһ′анида «хьшим» бун, мә хӧламти сьхьред ве дьнйайер′а дькьрьн. 4 Ле гава ԝәхт пер′а гьһишт, Хԝәде Кӧр′е хԝә шанд, кӧ жь к′ӧлфәте бу у к′әтә бьн Ԛануне, 5 ԝәки йед бьн Ԛануне аза кә у әм жи бьбьнә лаԝед Хԝәде. 6 Аԝа һун кӧ лаԝед ԝийә гьһишти нә, Хԝәде Р′ӧһ′е Кӧр′е хԝә шандә нава дьле мә, кӧ гази Хԝәде дькә: «Абба!» аԝа готи «Баво!» 7 Бь ви аԝайи иди тӧ нә хӧлам и, ле лаԝ и у һәгәр лаԝ и, ӧса жи Хԝәде тӧ кьри ԝаре хԝә. 8 Бәре, гава ԝә Хԝәде нас нәдькьр, ԝә хӧламти йед ӧсар′а дькьрьн, кӧ р′аст нә хԝәде бун. 9 Ле ньһа кӧ ԝә Хԝәде нас кьрийә, ле бәле Хԝәде жи һун нас кьрьнә, һун чаԝа диса вәдьгәр′ьнә сәр ԝан сьхьред ве дьнейә беԛәԝатә нә т′ӧ тьшт у диса дьхԝазьн хӧламтийе ԝанр′а бькьн? 10 Һун гӧһ дьдьнә р′ожед һ′әсаб, мәһа, р′ожгар у сала. 11 Әз бона ԝә дьтьрсьм, кӧ әԝ шьхӧле мьн бона ԝә кьрийә дәйа һәр′ә. 12 Әз һиви жь ԝә дькьм хушк-бьрано, бьбьнә мина мьн, чьмки әз жи мина ԝә бумә. Ԝә т′ӧ зийан нәдайә мьн. 13 Һун заньн кӧ щара пешьн бесьһ′әтийа ԛальбе мьн бу мә′ни, мьн Мьзгини да ԝә. 14 У чь кӧ һатә сәре ԛальбе мьн, әԝ йәк бу щер′ьбандьнәк бона ԝә, ле диса ԝә әз беһӧрмәт нәкьрьм йан пьшта хԝә нәда мьн, ле ԝәкә мьлйак′әтәки Хԝәде әз ԛәбул кьрьм у ԝәкә Мәсиһ Иса. 15 Әԝ шабуна ԝә чаԝа бу? Әз ԝәкә шире хԝә, һәгәр жь дәст ԝәва бьһата, ԝәйе ч′ә′ве хԝә жи дәрхьста бьда мьн. 16 Иди әз бумә дьжмьне ԝә, ԝәки мьн ԝәр′а р′аст хәбәр дайә? 17 Әԝед майинә кӧ к′әтьнә дәмана ԝә, әԝ хера ԝә нахԝазьн, ле бәле әԝана дьхԝазьн ԝә жь мьн бьԛәтиньн, ԝәки һун бьк′әвьнә дәмана ԝан. 18 Ԛәнщ ә кӧ мәри дәмана ԛәнщийеда бә у нә кӧ т′әне гава әз нава ԝәда бьм, ле һәр гав. 19 Лаԝед мьн, әз ньһа диса бона ԝә мина еша к′ӧлфәта дьк′ьшиньм, һ′әта кӧ Мәсиһ нава ԝәда бьгьһижә. 20 Хԝәзи әз ньһа ль щәм ԝә бума у мьн тьһәре хәбәрдана хԝә бьгӧһаста, чьмки әз бона ԝә нава мьталада мә!
10-16 ҺʹӘЗИРАНЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ӘФӘСИ 1-3
«Йаһоԝа Һәр Тьшти Рʹебәри Дькә»
(Әфәси 1:8, 9) йа кӧ ԝи бь мәр′дани сәр мәда баранд, пе һ′әму сәрԝахти у фә′мдарийе. 9 Әԝи сӧр′а хԝәстьна хԝә мәва ә′йан кьр, чаԝа ль ԝи хԝәш һат, йа кӧ һе пешда ԛьрар кьрьбу, ԝәки йәктийа Мәсиһда бинә сери
it-2 837 ¶4
Сӧрʹа Пироз
Пʹадшатийа Мәсиһ. Нәʹмед хԝәда Паԝлос рʹьнд шьровәдькә, кӧ чь йә сӧрʹа пироз дәрһәԛа Мәсиһ. Дь Әфәси 1:9-11-да әԝ дьбежә, ԝәки Хԝәде сӧрʹа пироз йа ԛьрара хԝә вәкьр. Паԝлос бәрдәԝам дькә: «Йа кӧ һе пешда ԛьрар кьрьбу, ԝәки йәктийа Мәсиһда бинә сери, кӧ гава ԝәхт пер′а бьгьһижә, әԝ т′ьвдир мийасәр бә, һ′әму тьшт бьн сәрԝертийа Мәсиһда гьредайи бьн, һьн һәр тьштед ль ә′рде, һьн жи ль ә′змана. Чаԝа Хԝәде ԛьрара хԝәда пешда к′ьфш кьрьбу, кӧ һәр тьшт ль гора хԝәстьн у ә′мьре ԝи бә, әм щьһу йәктийа Мәсиһда п′ара Хԝәде к′әтьнә». Әв сӧрʹа пироз, тʹәви сәрԝертийа Пʹадшатийа Хԝәде гьредайи йә. Хәбәра «әʹзман» те һʹәсабе мәрьв, кʹижан кӧ ԝе тʹәви Иса сәрԝертийе бькьн. Ле хәбәра «йед сәр әʹрде» те һʹәсабе бьнәлийед ве Пʹадшатийе, кʹижан кӧ ԝе сәр әʹрде бьжин. Иса дина шагьртед хԝә да ԝе йәке, кӧ сӧрʹа пироз Пʹадшатийева гьредайи йә. Әԝи гот: «Ԝәр′а һатийә дайине кӧ һун сӧр′ед П′адшатийа Хԝәде бьзаньбьн» (Мԛ. 4:11).
(Әфәси 1:10) кӧ гава ԝәхт пер′а бьгьһижә, әԝ т′ьвдир мийасәр бә, һ′әму тьшт бьн сәрԝертийа Мәсиһда гьредайи бьн, һьн һәр тьштед ль ә′рде, һьн жи ль ә′змана
ԝ12 15/7 27-28 ¶3-4
«Йаһоԝа Малбәта Хԝә Тʹоп Дькә»
3 Муса готә Исраелийа: «Йа Исраел: Хԝәдайе мә Йаһоԝа, т′әк ә Йаһоԝа» (Ԛн.Дщ. 6:4, ДТʹ). Кьред Йаһоԝа тʹӧ щар жь ԛьрара ԝи щӧдә набьн. Демәк гава «ԝәхт пер′а» гьһишт, Хԝәде дәстпекьр шьхӧле хԝә пешда бьвә, сәва кӧ һʹәму әʹфьринед хԝәйә сәрԝахт бькә йәк (Бьхунә Әфәси 1:8-10). Йаһоԝа бь дӧ щурʹа шьхӧле хԝә пешда дьбә. Пешийе сәва жийина әʹзмани, йед бь рʹӧһʹ кʹьфшкьри тенә һазьркьрьне, бьн рʹебәрийа Сәрԝере ԝан, Иса Мәсиһ. Әв ԝәʹдә дәстпебу рʹожа Пенщиһʹәсабе сала 33-да Д.М., чахе Йаһоԝа дәстпекьр бьщьвә ԝан, кʹи кӧ ԝе тʹәви Мәсиһ ль сәр әʹзман сәрԝертийе бькьн (Кʹр.Шн. 2:1-4). Бь сайа ԛӧрбанбуна Мәсиһ, йед бь рʹӧһʹ кʹьфшкьри, рʹаст тенә һʹәсабкьрьне бона жийина әʹзмани. Әԝана бь һазьрбун ԛәбул дькьн, ԝәки ԝәк «зарʹед Хԝәде» кʹьфш кьринә (Рʹм. 3:23, 24; 5:1; 8:15-17).
4 Паше жи әԝ һазьр дькә ԝан, кʹи кӧ ԝе ль Щьнәте сәр әʹрде бьн сәрԝертийа Пʹадшатийа Мәсиһда бьжин. «Әʹлаләтәкә мәзьн» әв һәнә пʹара пешийе йә ве кʹоме (Әʹнт. 7:9, 13-17; 21:1-5). Ԝәʹде сәрԝертийа һʹәзарсали, гәләк мәрьвед сахкьри жи тʹәви ԝан ԝе бьбьнә йәк (Әʹнт. 20:12, 13). Бьдьнә һʹәсабе хԝә йәктийа мә, йа кӧ ԝе ԝәʹде сахкьрьне зәлал бе кʹьфше! Хьлазийа һʹәзарсали, һʹәмуйед сәр әʹрде ԝе рʹасти щерʹьбандьна пашьн бен. Әԝед кӧ амьн бьминьн, ԝе бенә һʹәсабе «зарʹед Хԝәде» йед кӧ ԝе сәр әʹрде бьжин (Рʹм. 8:21; Әʹнт. 20:7, 8).
Фькьред Ԛимәт жь Хәбәра Хԝәде
(Әфәси 3:13) Аԝа әз жь ԝә һиви дькьм, кӧ һун бәр хԝә нәк′әвьн, бона ԝан щәфайед кӧ әз бона ԝә дьк′ьшиньм. Әвана бона р′умәта ԝә нә
ԝ13 15/2 28 ¶15
Бьра Тӧ Тьшт Рʹийа ԝә Нәгьрә ԝәки Рʹумәте Бьстиньн
15 Чахе әм бь хирәт ԛьрара Йаһоԝа тиньн сери, әв йәк али йед дьн дькә рʹумәте бьстиньн. Паԝлос щьвата Әфәсерʹа ньвиси: «Әз жь ԝә һиви дькьм, кӧ һун бәр хԝә нәк′әвьн, бона ԝан щәфайед кӧ әз бона ԝә дьк′ьшиньм. Әвана бона р′умәта ԝә нә» (Әф. 3:13). Чь щурʹәйи щәфайед Паԝлос бьбун «рʹумәт» бона Әфәсийа? Паԝлос һазьр бу нава чәтьнайада жи, бь хирәт бьрайед Әфәсерʹа хьзмәт кә. У бь ве йәке ԝанарʹа да кʹьфше, ԝәки әв ԛәдьрәки мәзьн ә кӧ әԝана Мәсиһи нә у Хԝәдерʹа ԛӧльх дькьн. Һәрге Паԝлос жь бо щәфайед хԝә сьст буйа, ԝе Әфәсийарʹа ӧса бьһата кʹьфше, кӧ һәләԛәтийа ԝан тʹәви Йаһоԝа у хьзмәтийа ԝан ԛимәт нинә. Хирәта Паԝлос, рʹумәте дьда һинкьрьна мәсиһти у нишан дькьр, ԝәки сәва ве хьзмәтийе һежайи йә ԛӧрбана жь алийе хԝәда бькьн.
(Әфәси 3:19) Бәле бьра һун һ′ьзкьрьна Мәсиһ нас кьн, йа кӧ жь һәр һ′ьш-аԛьли зедәтьр ә, ԝәки һун т′әмамийа Хԝәдева т′ьжи бьн
cl 299 ¶21
Һʹьзкьрьна Мәсиһ Нас кьн
21 Хәбәра Йунани, чь кӧ те ԝәлгәрʹандьне ԝәк «нас кьн», те һʹәсабе «бь шьхӧла нас кьн, тедәр хьн». Иса һʹьзкьрьне бь шьхӧла дьда кʹьфше. Ԝәк Иса әм жи гәрәке ԛәԝата хԝә бона һʹалхԝәшийа мәрийа хәрщ кьн у жь дьл бьбахшиньнә ԝан. Һәрге дәрһәԛа кьред Иса бьфькьрьн, әԝе али мә бькә, һʹәстед ԝи фәʹм бькьн. Ви щурʹәйи әме һʹьзкьрьна Мәсиһ бь шьхӧла нас кьн. Ԝәрен тʹьме бира хԝәда хԝәй кьн, ԝәки чьԛас һе зедә әм чʹәʹв дьдьнә Иса, һаԛас һе зедә әм незики Хԝәдайе һʹьзкьри дьбьн, демәк Йаһоԝа.
Хԝәндьна Кʹьтеба Пироз
(Әфәси 1:1-14) Жь Паԝлосе бь ә′мьре Хԝәде шандийе Мәсиһ Иса, Ԝан мәрьвед Хԝәдер′а, йед кӧ Әфәседа дьминьн у йәктийа Мәсиһ Исада амьн ьн: 2 Дә бьра к′әрәм у ә′дьлайийа Хԝәдейе Баве мә у Хӧдан Иса Мәсиһ ль ԝә бә. 3 Шькьр жь Хԝәдер′а, Баве Хӧдане мә Иса Мәсиһ, кӧ пе һ′әму дӧа-дьрозгед р′ӧһ′анийә ль дийаре ә′змана йәктийа Мәсиһда дӧа ль мә кьрьн. 4 Бәри ә′фьрандьна дьнйайе Хԝәде йәктийа ԝида әм бьжартьн, ԝәки әм пироз у беԛӧсур бьн, ль бәр ԝи һ′ьзкьрьнеда бьжин. 5 Әԝи әм пешда к′ьфш кьрьбун, чаԝа ль ԛьрара ԝи хԝәш һат, кӧ мә бь дәсте Иса Мәсиһ бьк′ьшинә п′есира хԝә. 6 Дә ԝәрьн әм пәсьне ԝи бьдьн, бона ԝе к′әрәма ԝийә хԝәйир′умәт, пе к′ижане йәктийа Һ′ьзкьрийе хԝәда ԛәнщи ль мә кьр. 7 Йәктийа ԝида әм аза бунә бь хуна ԝи, аԝа готи афубуна гӧна стандийә. Әва йәка жь дәԝләмәндтийа к′әрәма ԝи йә, 8 йа кӧ ԝи бь мәр′дани сәр мәда баранд, пе һ′әму сәрԝахти у фә′мдарийе. 9 Әԝи сӧр′а хԝәстьна хԝә мәва ә′йан кьр, чаԝа ль ԝи хԝәш һат, йа кӧ һе пешда ԛьрар кьрьбу, ԝәки йәктийа Мәсиһда бинә сери, 10 кӧ гава ԝәхт пер′а бьгьһижә, әԝ т′ьвдир мийасәр бә, һ′әму тьшт бьн сәрԝертийа Мәсиһда гьредайи бьн, һьн һәр тьштед ль ә′рде, һьн жи ль ә′змана. 11 Чаԝа Хԝәде ԛьрара хԝәда пешда к′ьфш кьрьбу, кӧ һәр тьшт ль гора хԝәстьн у ә′мьре ԝи бә, әм щьһу йәктийа Мәсиһда п′ара Хԝәде к′әтьнә, 12 ԝәки әм пәсьне р′умәта ԝи бьдьн кӧ мә пешда гӧмана хԝә данийә сәр Мәсиһ. 13 Йәктийа ԝида һун нәщьһу жи бунә п′ара Хԝәде, гава ԝә хәбәра р′астийе, аԝа готи Мьзгинийа хьлазбуна хԝә бьһист. Ԝә баԝәрийа хԝә ԝи ани у бь Р′ӧһ′е Пирози создайи һатьнә моркьрьне. 14 Р′ӧһ′е Пироз чаԝа бьһе һатийә дайине һ′әта әм созе Хԝәде ԝар бьн, чахе Хԝәде щьмә′та хԝә лап аза кә, бона пәсьндайина р′умәта хԝә.
17-23 ҺʹӘЗИРАНЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ӘФӘСИ 4-6
«Һәр Чʹәкед Хԝәде ль Хԝә кьн»
(Әфәси 6:11-13) Һәр ч′әке Хԝәде ль хԝә кьн, кӧ һун бькарьбьн мьԛабьли һ′ӧнӧред Мирещьн бьсәкьньн. 12 Чьмки шәр′е мә нә мьԛабьли хун у гошт ә, ле мьԛабьли сәрԝерти у һ′ӧкӧмәтийа йә, мьԛабьли миред ве дьнйа тә′ри йә у мьԛабьли ордийед р′ӧһ′анийә хьрабә ль дийаре ә′змана нә. 13 Бона ве йәке ч′әкед Хԝәде һьлдьн, кӧ һун бькарьбьн ль бәр р′ожа охьрме гьран бьсәкьньн у пьшти кьрьна һәр тьштир′а, щийе хԝәда ԛәԝин бьсәкьньн.
ԝ18.05 27 ¶1
Щаһьлно Мьԛабьли Мире-Щьна Бьсәкьньн
ПАԜЛОСЕ шанди Мәсиһи бәрамбәри әскәра кьр, йед кӧ шәрʹда ньн. Бәле, әм бь рʹасти шәрʹе рʹӧһʹанида ньн, ле дьжмьнед мә реали нә. Шәйтʹан у щьнед ԝи шәрʹда щерʹьбанди у ԛәԝи нә. Аликива дькарә бе кʹьфше, ԝәки ԝи шәрида әм нькарьн сәркʹәвьн, илаһи Мәсиһийед щаһьл. Ле гәло щаһьл ԛә дькарьн ви шәрʹе тʹәви дьжмьнед зӧлмда сәркʹәвьн? Бь рʹасти әԝана дькарьн сәркʹәвьн у сәрдькʹәвьн жи! Ле чаԝа? Әԝана «йәктийа Хӧданда ԛәԝат» дьбьн, демәк ԛәԝате жь Хԝәде дьстиньн. Хенщи ве йәке, әԝана мина әскәред һинкьри, «һәр чәке Хԝәде» ль хԝә дькьн. (Бьхунә Әфәси 6:10-12).
(Әфәси 6:14, 15) Аԝа щийе хԝәда бьсәкьньн, р′астийе мина к′әмбәре ль пьшта хԝә бьшьдиньн, һәԛийе мина зьрьһ′ ль синге хԝә ԝәргьрьн 15 у сол ньгед ԝәда, бона Мьзгинийа ә′дьлайийе һазьр сәкьни бьн.
ԝ18.05 28-29 ¶4, 7, 10
Щаһьлно Мьԛабьли Мире-Щьна Бьсәкьньн
4 Мина кʹәмбәре, рʹастийед кӧ әм жь Хәбәра Хԝәде педьһʹәсьн, мә жь һинкьрьнед ԛәлп хԝәй дькьн (Йуһн. 8:31, 32; 1 Йуһʹн. 4:1). У чьԛас зәʹф әм рʹастийед Хԝәде һʹьз бькьн, һаԛас ԝе мәрʹа һеса бә «зьрьһе» хԝә кьн, демәк ль гора принсипед Хԝәде бьжин (Зәб. 111:7, 8; 1 Йуһʹн. 5:3). Хенщи ве йәке, чахе әм рʹастийед жь Хәбәра Хԝәде рʹьнд фәʹм дькьн, әм дькарьн һе ԛәԝи бьсәкьньн у хԝә жь дьжмьна хԝәй кьн (1 Пәт. 3:15).
7 Бәле, принсипед Йаһоԝайи һәԛ жи мина зьрьһ, дьле мәйи симболик хԝәй дькә (Мәтʹлк. 4:23). Әскәр тӧ щар зьрьһа жь һәсьн сәр металәкә сьст нагӧһезә. Әм жи гәрәке тʹӧ щар принсипед Йаһоԝа нәгӧһезьн тʹәви ԝан тьшта, чь кӧ әм хԝәха һʹәсаб дькьн кӧ рʹаст ә. Мәрьв һаԛас билан ниньн, ԝәки дьле хԝә хԝәха хԝәй кьн (Мәтʹлк. 3:5, 6). Һе баш ә әм һәр гав зьрьһа хԝәйә симболик кӧ Йаһоԝа дайә мә, рʹьнд бьдьнә сәр дьле хԝә.
10 Әв солед әскәред Рʹоме али ԝан дькьр, ԝәки шәрʹ рʹьнд бьвьн, ӧса жи бь симболик солед кӧ Мәсиһи пʹедькьн, али ԝан дькьн мьзгинийа әʹдьлайе бәла кьн (Иша. 52:7; Рʹом. 10:15). Ле мерхаси жи лазьм ә, ԝәки әм мьзгинийе бәла кьн. Боу кӧ 20 сали йә, дьбежә: «Әз дьтьрсийам һәвалдәрсаханед хԝәрʹа шәʹдәтийе бьдьм. Мьн шәрм дькьр. Ньһа әз фәʹм дькьм кӧ нәлазьм бу мьн шәрм кьра, у әз гәләк ша мә кӧ щаһьлед дьнрʹа шәʹдәтийе дьдьм».
(Әфәси 6:16, 17) Ль сәр һәр тьштир′а жи баԝәрийе мина мәрт′але бьгьрьнә хԝә, бь к′ижане һуне бькарьбьн һ′әму тиред агьрийә кӧ Йе Хьраб давежә, бьтәмьриньн 17 У хьлазбуне мина к′ӧмзьрьһ′е һьлдьн, мина шур жи хәбәра Хԝәде, кӧ жь Р′ӧһ′е Пироз ә.
ԝ18.05 29-31 ¶13, 16, 20
Щаһьлно Мьԛабьли Мире-Щьна Бьсәкьньн
13 Һьнә «тиред агьрийә» кӧ Шәйтʹан дькарә бавежә сәр тә, әԝ һәйә дәрәԝед дәрһәԛа Йаһоԝа, йанчь әԝ бона тә хәм накә у тә һʹьз накә. Иде кӧ 19 сали йә, дәрһәԛа хԝә дьфькьрә ԝәки әԝ нәһежайи һʹьзкьрьна Хԝәде йә. Әԝ дьбежә: «Гәләк щар әз дьфькьрьм, кӧ Йаһоԝа жь мьн дур ә у нахԝазә бьбә Досте мьн». Ле гәло Иде ча шәрʹ дькә тʹәви ԝан фькьра? Әԝ гьли дькә: «Щьват гәләк баԝәрийа мьн дьшьдиньн. Бәре әз сәр щьвата рʹудьньштьм у мьн тʹӧ щар щаба хԝә нәдьда, чьмки дьфькьрим кӧ тʹӧ кәс ԝе нәхԝазә мьн бьбьһе. Ле ньһа, әз бона щьвате хԝә һазьр дькьм у дӧ йан се щара щаба хԝә дьдьм. Бәле, мьнрʹа нәһеса йә, ле чахе әз ӧса дькьм әз хԝә баш тʹәхмин дькьм. У хушк-бьра жи гәләк дьл дьдьнә мьн. Паши щьвате әз тʹьме пе фькьред ӧса дәрдькʹәвьм, кӧ Йаһоԝа мьн һʹьз дькә».
16 Чаԝа кʹӧмзьрьһ мәжийе әскәр хԝәй дькә, ӧса жи баԝәри у һеԝийа сәр «хьлазбуне» фькьр у һьш-аԛьле мә хԝәй дькә (1 Тʹеслн. 5:8; Мәтʹлк. 3:21). Һеԝи али мә дькә ԝәки һьш-аԛьле мә сәр созед Йаһоԝа бә, у әԝ йәк али мә дькә ԝәки әм сәр чәтьнайа рʹаст бьньһерьн (Зәб. 27:1, 14; Кʹар. Шанд. 24:15). Ле һәрге әм дьхԝазьн кʹӧмзьрьһ мә хԝәй кә, әм гәрәке нә кӧ әԝ бьгьрьнә дәстед хԝә, ле бькьнә сәре хԝә.
20 Паԝлос Хәбәра Хԝәде бәрамбәри шур дькә кӧ Йаһоԝа дайә мә. Ле әм гәрәке рʹьнд һин бьн сәва әԝ шур бь һостәти бьдьнә хәбате, чахе дәрһәԛа баԝәрийа хԝә шәʹдәтийе дьдьн, йан жи чахе лазьм ә тьштәкида фькьр у ньһерʹандьна хԝә бьгӧһезьн (2 Корн. 10:4, 5; 2 Тимтʹ. 2:15). Ле һун ча дькарьн ве йәкеда пешда һәрьн? Себастиан кӧ 21 сали йә, дьбежә: «Әз жь Кʹьтеба Пироз хԝәрʹа башԛә жь һәр сәрики рʹезәке дьньвисьм. Ӧса әз хԝәрʹа рʹезед кӧ гәләк һʹьз дькьм тʹоп дькьм. Әԝ йәк али мьн дькә кӧ ньһерʹандьна мьн мина йа Йаһоԝа бә». Данийел, бәʹса кижани мә жоре кьр, дьбежә: «Чахе әз Кʹьтеба Пироз дьхуньм, әз хԝәрʹа башԛә ԝан рʹеза дьньвисьм йед кӧ дькарьн али мәрьва бькьн, кʹижан кӧ хьзмәтийеда рʹасти мьн тен. Мьн дит ԝәки мәрьв рʹьнд гӧһ дьдьн мьн, чахе дьвиньн кӧ әз Кʹьтеба Пироз һʹьз дькьм у алийе хԝәда һәр тьшти дькьм сәва али ԝан бькьм».
Хьзна Кʹьтеба Пироз Бьгәрʹьн
(Әфәси 4:30) У дьле Р′ӧһ′е Хԝәдейи Пироз нәешиньн, бь к′ижани һун бона Р′ожа Азайийе һатьнә моркьрьне.
it-1 1128 ¶3
Пирози
Рʹӧһʹе пироз. Рʹӧһʹе Йаһоԝа, йане ԛәԝата ԝи, гӧрʹа ԝида нә у тʹьме ԛьрара ԝи тинә сери. Әв рʹӧһʹ һʹәму алийава пироз у паԛьж ә, у те хәбьтандьне ӧса чаԝа кӧ Хԝәде дьхԝазә. Ләма жи әв те навкьрьне «рʹӧһʹе пироз» (Зб. 51:11; Лԛ. 11:13; Рʹм. 1:4; Әф. 1:13). Чахе рʹӧһʹе пироз ль сәр мәрьв һʹӧкӧм дькә, әԝ ԝи һелан дькә ԝәки әв жи һьзрәта пирозийе бә йане паԛьжийе. Чахе бәндә тьштәкә нәпаԛьж йан нәрʹаст дькә, бь ве йәке әԝ мьԛабьли ве рʹӧһʹе дьчә у әԝ дьдә хәйдандьне (Әф. 4:30). Һәмьки рʹӧһʹе пироз, нә кәс ә, у әв дьдә кʹьфше ԝәки хԝәхә Хԝәде кәсе пироз ә, ләма жи әв рʹӧһʹ ча бежи дькарә бьхәйдә. Һәрге мәрьв һини ве йәке буйа, кӧ тʹьме нәрʹастийе бькә, бь ве йәке әԝ ча бежи алава ве рʹӧһʹе дьтәмьринә (1 Тʹс. 5:19). Һәрге бәндә рʹаст набә, бь ве йәке әԝ рʹӧһʹе Хԝәдейи пироз дьдә хәйдандьне, у һьнге Хԝәде бона ԝи мәрьви дьбә дьжмьн (Иш. 63:10). Әԝе кӧ рʹӧһʹе пироз дьдә хәйдандьне, ча бежи ԝи нәфрʹәт дькә, гӧнә дькә, кʹижан кӧ бь гьлийед Иса Мәсиһ, ԝе нәйе бахшандьн (Мт. 12:31, 32; Мԛ. 3:28-30; бьньһерʹә РʹӦҺʹ).
(Әфәси 5:5) Һун ве йәке заньбьн кӧ т′ӧ ԛав, йан һ′әрам, йан тьмак′ар (кӧ п′утп′арьст ә) П′адшатийа Мәсиһ у Хԝәдеда ԝар набә.
it-1 1006 ¶2
Тьмайи
Бь Шьхӧла Әʹйан Дьбә. Һәрге мәрьв тьма йә, һьнге әв хԝәстьна ԝийи нәрʹаст ԝе әʹсәйи тьштәкида әʹйан бә. Аԛуб, нәʹма хԝәда дьбежә, ԝәки хԝәстьна нәрʹаст, дьбә бәрбь гӧнә (Аԛб. 1:14, 15). Демәк, мәрьве тьма бь кьред хԝә әʹйан дьбә. Паԝлосе шанди, мәрьве тьма бәрамбәри мәрьвед пʹутпарьст дькә (Әф. 5:5). Чахе йе тьма гәләк дьхԝазә тьштәки ԛазанч кә, әв хԝәстьн ԝи ӧса зәфт дькә, ԝәки әԝ тʹәне сәр ве дьфькьрә. У әв йәк бона ԝи дьбә хӧдан. Ве дәрәщеда әв мәрьв ида нькарә хьзмәта хԝә Хԝәдерʹа, жийина хԝәда дайнә сәр щийе пешьн (Рʹм. 1:24, 25).
Хԝәндьна Кʹьтеба Пироз
(Әфәси 4:17-32) Аԝа әз ве йәке мерк′ими дьбежьм у бь наве Хӧдан т′әми ль ԝә дькьм, кӧ һун иди т′ӧ щара ԝе р′еда нәчьн, чаԝа п′утп′арьст бь фькьред хԝәйә п′уч′ дьчьн. 18 Әԝана фә′мед хԝәда шуна р′әшва чун у жь жийина Хԝәде дур к′әтьнә, жь дәст нәзанийа нава хԝә у сәрһ′ьшкийа хԝә. 19 Шәрма р′уйе хԝә ӧнда кьрьнә у ӧса хԝә данә дохине, һ′әта кӧ һәр щур′ә кьрьнед һ′әрам дькьн у т′ер набьн. 20 Ле ԝә Мәсиһ ӧса нас нәкьр! 21 Бәле ԝә бона ԝи бьһистийә жи у чаԝа йед п′ара Иса, һун ԝе р′астийа нава ԝида һин бунә. 22 Дә һун хәйсәте хԝәйи бәре жь хԝә дур хьн, ԝи мәрьве кәвьни кӧ бь һавьжийед һ′ьләк′арва дерьсбуйи йә 23 у бь р′ӧһ′ у фькьред хԝәда нуйәжийин бьн, 24 мәрьве ну ль сәр хԝә ԝәргьрьн, кӧ кьрасе Хԝәдеда бь р′астийе у һ′әлалийе бе ԛәлпи хӧльԛи йә. 25 Аԝа дәрәԝа жь п′есира хԝә дур хьн, жь ԝә һәр йәк һәвале хԝәр′а р′аст хәбәр дә, чьмки әм бь һәвр′а әндәмед Бәдәна Мәсиһ нә. 26 Һәгәр һун һерс к′әвьн, гӧна нәкьн, бьра р′о сәр һерса ԝәр′а нәчә ава 27 у щи нәдьнә Мирещьн. 28 Әԝе кӧ дьзийе дькә, бьра иди нәдьзә, ле бь худана хԝәйә һ′әлал бь дәстед хԝә бьхәбьтә, кӧ бькарьбә дәст бавежә к′әтийа жи. 29 Т′ӧ щар бьра жь дәве ԝә хәбәрәкә хьраб дәрнәйе, пештьри тьштед кӧ кери гӧһдара тен у к′аре дьдьнә ԝан. 30 У дьле Р′ӧһ′е Хԝәдейи Пироз нәешиньн, бь к′ижани һун бона Р′ожа Азайийе һатьнә моркьрьне. 31 Дә бьра һәр тә′лайи, һерс, бәрзәԛи, ԛар′ә-ԛар′ у к′ьфьри-зьфьри жь ԝә дур бьн т′әви һәр щур′ә к′ин-бохийева. 32 У һәвр′а ширьн у дьлшәԝат бьн, ль һәв бьбахшиньн, чаԝа Хԝәде бь Мәсиһ бахшандә ԝә.
24-30 ҺʹӘЗИРАНЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ФИЛИПИ 1-4
«Бона т′ӧ Тьшти Хәм Нәкьн»
(Филипи 4:6) Бона т′ӧ тьшти хәм нәкьн, ле хԝәстьна ԝә бьра бь дӧа-дьрозга, р′азибунева т′әвайи, Хԝәдева ә′йан бә.
«Әʹдьлайийа Хԝәде . . . жь һәр Һьш-Аԛьли Дәрбазтьр ә»
10 Ле чь дькарә али мә бькә, ԝәки бона тʹӧ тьшти хәма нәкьн у «әʹдьлайа Хԝәде» бьстиньн? Гьлийед Паԝлос Филипйарʹа нишан дькьн, кӧ сәва ԝәʹде тәнгасийа бина хԝә тәнг нәкьн, әм гәрәке дӧа бькьн чьмки дӧа мина дәрман ә. Демәк, чахе әм бона тьштәки бәрхԝә дькʹәвьн, әм гәрәке дӧада дьле хԝә Хԝәдерʹа вәкьн. (Бьхунә 1 Пәтрус 5:6, 7.) Бь баԝәрийе Йаһоԝарʹа дӧа бькьн у дӧдьли нәбьн ԝәки әԝ ԝә һʹьз дькә у мьԛати ԝә дьбә. Бь рʹазибуне дӧа бькьн бона ԝан кʹәрәма кӧ әԝ дьдә ԝә. Әме һе зедә итʹбарийа хԝә ԝи биньн һәрге бир нәкьн кӧ Йаһоԝа «дькарә һәр тьшти һе зедә кә, нә чаԝа әм дьхԝазьн йан дьфькьрьн» (Әфәс. 3:20).
(Филипи 4:7) У ә′дьлайийа Хԝәде кӧ жь һәр һ′ьш-аԛьли дәрбазтьр ә, ԝе дьл у фькьред ԝә йәктийа Мәсиһ Исада хԝәй кә.
«Әдьлайийа Хԝәде . . . жь һәр Һьш-Аԛьли Дәрбазтьр ә»
7 Чахе бьред Филипи нәʹма Паԝлос хԝәндьн, һе бира ԝанда бу кӧ чь ԛәԝьми тʹәви Паԝлос у ча әԝана әʹщебмайи ман кӧ чахе Йаһоԝа ԝи жь тәнгасийе хьлаз кьр. Ле Паԝлос чь дәрс дьхԝәст ԝана һин кьра? Дәрс әв бу: Бәрхԝә нәкʹәвьн, дӧа бькьн у Хԝәде ԝе әʹдьлайа хԝә бьдә ԝан. Ле дина хԝә бьдьне, ԝәки «әʹдьлайийа Хԝәде ... жь һәр һʹьш-аԛьли дәрбазтьр ә». Әв чь те һʹәсабе? Һьнә ԝәлгәрʹед Кʹьтеба Пироз дьбежьн кӧ әв жь «һәр нет-мәрәм» у хԝәстьна мәрьва мәзьнтьр ә. Бь гьлийед майин бежьн, Паԝлос дьгот кӧ «әʹдьлайийа Хԝәде» ӧса ԛәԝат у баш ә, кӧ әм нә жи дькарьн бьдьнә бәр чʹәʹве хԝә. Щара әм ньзаньн жь тәнгасийе ча дәрен, ле Йаһоԝа занә у әԝ дькарә мә жь тәнгасийе ӧса хьлаз кә, кӧ әм нә жи һивийе нә. (Бьхунә 2 Пәтрус 2:9.)
«Әʹдьлайийа Хԝәде . . . жь һәр Һʹьш-Аԛьли Дәрбазтьр ә»
16 Ле «әʹдьлайийа Хԝәде» бона мә чь дькә? Кʹьтеба Пироз дьбежә ԝәки әʹдьлайийа Хԝәде ԝе дьл у фькьред мә йәктийа Мәсиһ Исада хԝәй кә (Фили. 4:7). Хәбәра орижинал кӧ һатә ԝәлгәрʹандьне «хԝәй кә» гьлийе әскәрийе бу. Әв гьли дьданә хәбате бь ве нете, кӧ ордийа әскәра, йед кӧ ԝәде бәре щабдар бун шәһәр хԝәй кьн. Шәһәре Филипйа һәма ӧса дьһатә хԝәйкьрьне. Бьнәлийед ԝи шәһәри хԝәра рʹьһʹәт рʹадьзан, чьмки ордийа әскәрийе дәргәһед шәһәр хԝәй дькьр. Ԝи щурәйи, чахе «әʹдьлайийа Хԝәде» щәм мә һәйә, дьл у һʹьше мә рʹьһʹәт дьминә. Әм заньн ԝәки чʹәʹве Йаһоԝа сәр мә йә, у кӧ әԝ дьхԝазә әм бәхтәԝар бьн (1 Пәт. 5:10). Чахе әм ве йәкеда дӧдьли ниньн, әм чәтьнайада тʹӧ щар гәләк бәрхԝә накәвьн у бина хԝә тәнг накьн.
Хьзна Кʹьтеба Пироз Бьгәрʹьн
(Филипи 2:17) Бәле һәгәр щи бе кӧ хуна мьн сәр ԝе баԝәрийа ԝәда бе р′етьне, йа кӧ хьзмәтк′арийа ԝәда чаԝа ԛӧрбан Хԝәдер′а те дайине, әзе ша бьм у т′әви әшԛа ԝә бьм.
it-2 528 ¶5
Дийари
Дийарийа сәрдакьрьне. Дийарийа сәрдакьрьне тʹәви дийарийед дьн танин, хут паши ԝе йәке, ча щьмәʹта Исраеле дь Әʹрде Создайида щиԝар бун (Жм. 15:2, 5, 8-10). Әԝ шәрав бу йа кӧ сәр горигәһе дьһате рʹетьне (Жм. 28:7, 14 бәрамбәр кә Дркʹ. 30:9; Жм. 15:10). Паԝлосе шанди мәсиһйед Филиперʹа ньвиси «һәгәр щи бе кӧ хуна мьн сәр ԝе баԝәрийа ԝәда бе рʹетьне, йа кӧ хьзмәтк′арийа ԝәда чаԝа ԛӧрбан Хԝәдер′а те дайине, әзе ша бьм». Бь мәсәла дийарийа сәрдакьрьне, Паԝлос дьдә кʹьфше ԝәки һазьр ә бона һʹалхԝәшийа мәрийа, ча бежи хԝә бьрʹежинә (Флп. 2:17). Пешийа мьрьна хԝә әԝи Тимотʹейорʹа ньвиси: «Әз хԝәха ԛӧрбанбунер′а иди сәр р′ож-р′ожа мә у ԝәхте чуйина мьн пер′а гьһиштийә» (2 Тим. 4:6).
(Филипи 3:11) кӧ бь аԝайики бькарьбьм бьгьһижьмә р′абуна мьрийа
ԝ07 1/1 26-27 ¶5
Сахкьрьна Пешьн ида Дәстпебуйә!
5 Йа дӧда, Мәсиһийед бь рʹӧһʹ кʹьфшкьри, демәк әʹндәмед «Исраела Хԝәде», ԝе һәрʹьн сәр әʹзмана у тʹәви Хӧдан Иса Мәсиһ сәрԝертийе бькьн. Әԝана ԝе тʹьме «т′әви Хӧдан бьн» (Галати 6:16; 1 Тʹесалоники 4:17). Әв ԛәԝьмандьн те навкьрьне «сахкьрьна пешьн» (Филипи 3:10, 11; Әʹйанти. 20:6). Чахе әв сахкьрьн хьлаз бә, ԝе бе әԝ ԝәʹдә гава бь милйона мәрьв сах бьн, кӧ ль Щьнәта сәр әʹрде бьжин. Демәк, фьрԛи тʹӧнә әме ль әʹзмана йан сәр әʹрде бьжин, «сахкьрьна пешьн» бона мә жи фәрз ә. Гәло әв чь сахкьрьн ә? Чь чах әԝе бьԛәԝьмә?
Хԝәндьна Кʹьтеба Пироз
(Филипи 4:10-23) Әз бь сайа Хӧдан гәләки ша мә, кӧ ԝә пәй һаԛас ԝәхтр′а әз бир аним, бона мьн хәм хԝар. Бәле ԝә дькьр жи, ле мәщал нәдьк′әтә ԝә. 11 Нә кӧ әз һ′әԝще тьштәки мә кӧ ве йәке ԝәр′а дьбежьм. Әз һин бумә, кӧ һ′әму һ′алида р′ази бьм. 12 Т′ӧнәбуне заньм, һәбуне заньм, әз һәр алийида у һәр һ′алида сәр ве сӧр′е вәбумә у һин бумә кӧ р′ази бьм, һәгәр т′ер бьм, һәгәр бьр′чи, йан һәбунеда бьм йан жи т′ӧнәбунеда. 13 Әз һәр тьшти бь сайа ԝи дькарьм, йе кӧ ԛәԝате дьдә мьн. 14 Ле ԝә ԛәнщ кьр, кӧ тәнгасийа мьнда к′омәк да мьн. 15 У бәле һун жи заньн гәли филипийа, кӧ жь сәре даннасинийа Мьзгинийеда гава әз жь Мәкәдонйайе дәрк′әтьм, т′ӧ щьвине т′әвк′арийеда дәсте хԝә дьрежи мьн нәкьр, пештьри ԝә. 16 Чьмки щарәке-дӧда әԝ тьштед мьнр′а керһати ԝә һ′әта Т′есалоникийе жи шандьн. 17 Әз нә кӧ тьштәки п′ешк′еш дьхԝазьм, ле дьхԝазьм кӧ к′ар сәр һ′әсабе ԝәда зедә бә. 18 Мьн һәр тьшт стандийә у нава һәбунеда мә. Әԝ тьштед кӧ ԝә бь дәсте Епафродито мьнр′а шандьнә әԝ бәси мьн ьн. Әԝ дайина ԝә бинәкә хԝәш ә, һ′әдийа ԛәбул у ль Хԝәде хԝәш ә. 19 У Хԝәдейе мьн ԝе һ′әму кемасийед ԝә пе ԝе хьзна хԝәйә р′умәтә жь Мәсиһ Иса т′ьжи кә. 20 Аԝа шькьр жь Хԝәде у Баве мә, һ′әта-һ′әтайе! Амин. 21 Т′әмамийа щьмә′та Хԝәдейә п′ара Мәсиһ Иса сьлав кьн. Әԝ бьрайед кӧ т′әви мьн ьн ль ԝә сьлав дькьн. 22 Т′әмамийа щьмә′та Хԝәде ль ԝә сьлав дькә, илаһи әԝед кӧ жь мала Ԛәйсәр ьн. 23 К′әрәма Хӧдан Иса Мәсиһ т′әви р′ӧһ′е ԝә бә.