Кани бона «Бәрнама Щьвине, Бьжин у Хьзмәт кьн»
6-12 Гӧлане
ФЬКЬРЕД ԚИМӘТ ЖЬ ХӘБӘРА ХԜӘДЕ | 2 КОРЬНТʹИ 4–6
«Әм Вәнакʹьшьн»
(2 Корьнтʹи 4:16) Ләма әм жь ве йәке вәнак′ьшьн. Бәле әм жь дәрвава дерьс дьбьн дьчьн, ле дьлда р′ож бь р′ож нуйәжийин дьбьн.
ԝ04 15/8 25 ¶16-17
Дьԝәстьн ле Сьст Набьн
16 Гәләк фәрз ә ԝәки әм мьԛати сьһʹәт-ԛәԝата хԝәйе рʹӧһʹани бьн. Чахе һәләԛәтийа мә тʹәви Йаһоԝа Хԝәде незик ә, ԝи чахи гава әм алийе физикида жи дьвәстьн, әм жь бо хьзмәта хԝә навәстьн. Йаһоԝа «ԛәԝате дьдә йе вәстийайирʹа у йед сьст ԛәԝи дькә» (Ишайа 40:28, 29, ДТʹ). Паԝлосе шанди сәр хԝә әве йәке тʹәхмин кьр у гот: «Әм жь ве йәке вәнак′ьшьн. Бәле әм жь дәрвава дерьс дьбьн дьчьн, ле дьлда р′ож бь р′ож нуйәжийин дьбьн» (2 Корьнтʹи 4:16).
17 Һәла дина хԝә бьдьн ԝан гьлийа «р′ож бь р′ож». Әԝ те һʹәсабе ԝәки һәр рʹож әм гәрәке аликʹарийа Йаһоԝа ԛәбул кьн. Щәм хушка кӧ 43 сал ԝәк мисионер бь амьни Йаһоԝарʹа хьзмәт дькьр, һәбу ԝәʹдәки ӧса чахе әԝ гәләк дьԝәстийа у дьлтәнг бьбу, ле әԝ сьст нәбу. Әԝ дьбежә: «Мьн хԝәрʹа кьрә ԛәйдә ԝәки сьбәһе зу рʹабьм у пешийа кӧ дәстпекьм шьхӧле хԝә бькьм, Йаһоԝарʹа дӧа бькьн у Хәбәра ԝи бьхуньм. Әԝ йәк али мьн кьр һʹәта рʹожа иро хԝә ԛайим бьгьрьм». Әм дькарьн баԝәр бьн кӧ Йаһоԝа бь ԛәԝата хԝә ԝе али мә бькә, һәрге әм «рʹож бь рʹож» ԝирʹа дӧа дькьн у дәрһәԛа хәйсәт у созед ԝи дьфькьрьн.
(2 Корьнтʹи 4:17) Чьмки щәфед мәйә дәм-дәмә сьвьк мә дькьнә хԝәйийе р′умәта гьранә һ′әта-һ′әтайейә бе һьмбәр.
it-1 724-725
Тәйахбун
Гәләк фәрз ә, ԝәки әм дәрһәԛа һевийа жийина һʹәта-һʹәтайе бир нәкьн. Һәла һе чахе жь алийе нәйара Мәсиһи те зерʹандьне у кӧштьне жи, йәкә әв һеви ӧнда набә (Рʹм. 5:4, 5; 1 Тс. 1:3; Әʹнт. 2:10). Һьмбәри ԝе һевийе кӧ Хԝәде дьдә мә әԝ чәрчьрандьн у проблемед мә нәтʹӧтьштьн (Рʹм. 8:18-25). Бь рʹасти жи һевийа жийина һʹәта-һʹәтайе чьԛас баш ә, чьмки бь сайа ве йәке проблемед мә «дәм-дәмә сьвьк» дьбьн (2 Кр. 4:16-18). Чахе әм ԛәԝи хԝә ль ве һевийе дьгьрьн у дәрһәԛа ԝе йәке бир накьн, әв али мә дькә дьлтәнг нәбьн у Йаһоԝарʹа амьн бьминьн.
(2 Корьнтʹи 4:18, ИМ) Ищар әм нә ль тьштед кӧ тен дитьн, ле бәле ль йед кӧ найен дитьн дьнерьн. Чьмки йед кӧ тен дитьн жь бо дәмәке нә, ле бәле йед кӧ найен дитьн һәрһәйи нә.
Хьзна Кʹьтеба Пироз Бьгәрʹьн
(2 Корьнтʹи 4:7) Ле әв хьзнә нава мә дәрданед һ′әр′ида һәйә, ԝәки бе к′ьфше кӧ зорайийа ԛәԝате жь Хԝәде йә, нә кӧ жь мә.
ԝ12 1/2 28-29
«Бь кьред Хԝә Дьле Йаһоԝа Ша кә»
Девид Сплейн жь Кʹома Ребәрийе бь ве готаре дәркʹәт (2 Корьнтʹи 4:7). Чь те һʹәсабе әв хьзнә? Занәбун йан билани? «На» гот Девид Сплейн. Әв хьзнә дәрһәԛа кʹижани кӧ Паԝлос дьгот, әв һәйә хьзмәтийа ӧса бь сайа чь жи мәрʹа рʹасти әʹйан дьбә (2 Корьнтʹи 4:1, 2, 5). Бьре Сплейн, кьрә бира шагьрта, ԝәки пенщ мәһед һинбуна ԝан, әԝ тьштәкә баш бу, чь кӧ ԝана һазьр кьр бона хьзмәте. У әве йәке гәрәке гәләк ԛимәт кьн.
Готарван шьроԝәкьр, ԝәки «дәрданед һ′әр′и» әԝ бәдана мә йә. Әԝи дәрдана һәри һьмбәри дәрдана зерин кьр. Дәрдана зерин һәргав нәдьданә хәбате. Ле дәрданед һәри һәр щар дьданә хәбате. Хенщи ԝе йәке, һәрге нава дәрданед зеринда хьзне дайньн, һьнге чаԝа зер ӧса жи дәрдан дина гәләк мәрийа бькʹьшинә бәрбь хԝә. Бьре Сплейн готә шагьрта: «Һун нахԝазьн дина мәрийа бькʹьшиньн бәрбь хԝә. Чьмки ԝәк мисионер нета ԝә әԝ ә, ԝәки дина мәрийа бьдьнә сәр Йаһоԝа. Һун дәрдәнед мьлук ьн, йе жь һʹәри чекьри».
(2 Корьнтʹи 6:13) Әз чаԝа т′әви зар′ед хԝә хәбәр дьдьм, һун жи ԝәкә ԝе йәке ль мә вәгәр′иньн у дьле хԝә мәр′а вәкьн.
ԝ09 15/11 21 ¶7
Бәрдәԝам кә Һʹьзкьрьна Бьрати Пешда Бинә
7 Дәрһәԛа хԝә әм чь дькарьн бежьн? Чь щурʹәйи әм дькарьн һʹьзкьрьна бьратида мәзьн бьн. Мәрьвед кʹижан кӧ әʹмьрда у әʹсле хԝәда ԝәк һәв ьн, бь тʹәбйәти ԝе һәв хԝәш бен. У әԝ мәрьв жи щәм кʹижана кӧ нетед ԝан ԝәк һәв ьн, ԝанарʹа хԝәш те зәʹф ԝәʹдә тʹәви һәв дәрбаз кьн. Ле һәрге әм дьвиньн кӧ нетед мә жь Мәсиһийед дьн щӧдә дьбьн, әм дькарьн һʹьзкьрьна бьратида пешда һәрʹьн. Ԝе баш бә әм жь хԝә бьпьрсьн: «Гәло әз бәла дькьм мьзгинийе у хәбәр дьдьм тʹәви ԝан хушк-бьра, кʹижан кӧ накʹәвьн нав кʹома һәвалед мьн? Ода Щьватеда әз хԝә дур дьгьрьм жь хушк-бьред тʹәзә, тʹәне сәва ве йәке кӧ дьфькьрьн ԝәки ԝәʹдә лазьм ә, сәва кӧ әԝана һежайи һәвалтийа мьн бьн? Әз сьлав дькьм хушк-бьред әʹмьрда мәзьн ӧса жи йед щаһьл?»
Хԝәндьна Кʹьтеба Пироз
(2 Корьнтʹи 4:1-15) Бона ве йәке әм жь ви ԛӧльхе кӧ мә бь р′ә′ма Хԝәде станд вәнак′ьшьн. 2 Ле бәле әм жь тьштед ә′йбә дьзива дур ьн у фелбазийа накьн, хәбәра Хԝәдеда ԛәлпийе накьн. Ле сәрда әм р′астийе ә′йан дькьн у бь ви аԝайи хԝә дийари исафа мәрьва дькьн ль бәр Хԝәде. 3 Ле һәгәр әв Мьзгинийа кӧ әм дьдьн вәшарти йә жи, әԝ ль бәр ӧндабуйийа вәшарти йә. 4 Мире ве дьнйайейи нәһәԛ шәвәр′әша кора анийә сәр фә′ме нәбаԝәра, ԝәки р′онайа Мьзгинийа р′умәта Мәсиһ нәдә сәр ԝан, йе кӧ сурәте Хԝәде йә. 5 Әм нә кӧ хԝә даннасин дькьн, ле Иса Мәсиһ чаԝа Хӧдан у хԝә жи чаԝа хӧламед ԝә, бона Иса. 6 Ԝи Хԝәдейе кӧ гот: «Бьра жь тә′рийе р′онайи дәре», ԝи хԝәха дьле мәда шәԝԛ да, ԝәки әм р′умәта Хԝәде нас кьн, бь ԝе шәԝԛа кӧ жь р′уйе Мәсиһ дәрте. 7 Ле әв хьзнә нава мә дәрданед һ′әр′ида һәйә, ԝәки бе к′ьфше кӧ зорайийа ԛәԝате жь Хԝәде йә, нә кӧ жь мә. 8 Әм һәр алийава тә′ли-тәнгийада нә, ле нав дәст-п′ийе тәнгасийада начьн, дәрәще бегӧманда нә, ле бегӧман ниньн, 9 хԝәйинәйар ьн, ле нә бейар ьн, ледайи-к′әти нә, ле нә ӧндабуйи нә. 10 Һәр гав әм мьрьна Иса бәдәнед хԝәда дьбьн, ԝәки жийина Иса жи бәдәна мәда к′ьфш бә. 11 Чьмки әмә кӧ сах ьн, бона Иса мьрьнер′а тенә дайине, ԝәки жийина Иса жи ԛальбе мәйи мьрида к′ьфш бә. 12 Аԝа мьрьн нава мәда йа хԝә дькә, ле жийин нава ԝәда. 13 Чаԝа ньвисар ә: «Мьн баԝәр кьр, ләма хәбәр да». Хут бь ԝи р′ӧһ′е баԝәрийе әм жи баԝәр дькьн у ләма хәбәр дьдьн. 14 Әм заньн әԝе кӧ Хӧдан Иса жь мьрьне р′акьр, ԝе мә жи т′әви Иса жь мьрьне р′акә у мә т′әви ԝә бәр хԝә бьдә сәкьнандьне. 15 Бәле әв һ′әму бона ԝә йә, кӧ гава к′әрәм һе сәр гәләкада бьр′ьжә, шькьрдарийа р′умәта Хԝәде жи һе зедә бә.
13-19 ГӦЛАНЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | 2 КОРЬНТʹИ 7-10
«Хьзмәта Мәйә Кʹомәкдайине»
(2 Корьнтʹи 8:1-3) Ижар хушк-бьрано, әм ԝе к′әрәма Хԝәде ԝәва дьдьнә һ′әсандьне, йа кӧ щьвинед Мәкәдонйайер′а һатийә дайине. 2 Нава ԝе һесири-бәләнгазийа кӧ пе һатьнә щер′ьбандьне у нава к′әсибийа хԝәйә гьранда жи, шабуна ԝан һе зедә бу у һе хԝә данә мәр′данийе. 3 Әз шә′дә мә, кӧ ԝана ԝәкә ԛәԝата хԝә у жь ԛәԝата хԝә зедәтьр жи бь р′әзәдьли дьдан,
ԝ98 1/11 25 ¶1
«Хԝәде Һʹьз дькә Әве йе кӧ бь Дьл Дьдә»
Пешийе Паԝлос Коринтʹийарʹа гьли кьр дәрһәԛа Мәкәдонйа, кʹижан кӧ ԛайил бун бь һазьрбун аликʹари бьдьн у бь ве йәке мәсәләки баш мәрʹа һиштьн. Паԝлос ньвиси: «Нава ԝе һесири-бәләнгазийа кӧ пе һатьнә щер′ьбандьне у нава к′әсибийа хԝәйә гьранда жи, шабуна ԝан һе зедә бу у һе хԝә данә мәр′данийе». Македонийарʹа нәлазьм бу чәнд щара дәрһәԛа ԝе йәке бежьн. Дәԝсе әԝи гот, ԝәки «гәләки һиви жи дькьрьн, кӧ әм ԛәдьре ԝан бьгьрьн, бьһельн кӧ әԝ т′әви ве к′омәкдайина бона щьмә′та Хԝәде бьн». Дьлрʹәмийа Мәкәдонийа мәсәләки баш ә у дәстпедьки һе ԝана ԛимәт ки, чахе педьһʹәси кӧ әԝана хԝәха кʹесибийәда дьжитьн (2 Корьнтʹи 8:2-4).
kr 209 ¶1
Хьзмәта Кʹомәкдайине
Ԝәкә незики сала 46 Д.М.-да Щьһудайеда хәлайи-щәлайе дәстпебу. Баһе хԝарьне һаԛас баһа бу, ԝәки шагьртед Иса кʹижан кӧ ԝедәре дьжитьн, нькарьбун хԝәрʹа һәвәк гәньм жи бькʹьрьн. Әԝана дькарьбун бьрчина бьмьрийана. Ле зутьрәке Йаһоԝа бона ԝан һʹәму алийава хәм кьр. Гәло чь щурʹәйи?
(2 Корьнтʹи 8:4) Гәләки һиви жи дькьрьн, кӧ әм ԛәдьре ԝан бьгьрьн, бьһельн кӧ әԝ т′әви ве к′омәкдайина бона щьмә′та Хԝәде бьн.
kr 209-210 ¶4-6
Хьзмәта Кʹомәкдайине
4 2 Корьнтʹийеда Паԝлос шьровәкьр, ԝәки әм бь дӧ щурʹә хьзмәт дькьн. Рʹаст ә әԝи дәрһәԛа рʹункьрийа дьгот, ле иро гьлийе ԝи бона «пәзед . . . дьн» жи керһати нә (Йн. 10:16). Йәк жь ԝан әв һәйә «ԛӧльхе льһәванине», демәк әв һәйә шьхӧле бәлакьрьна мьзгинийе у һинкьрьн (2 Кр. 5:18-20; 1 Тим. 2:3-6). Щурʹе дьн жи әв һәйә шьхӧле, кӧ бона аликʹарийа хушк-бьра те кьрьне. Паԝлос дьбежә ԝәки әв һәйә ԛӧльха мәйә кʹомәкдайине (2 Кр. 8:4). Хәбәра «ԛӧльхе льһәванине» у ԛӧльхе бона йед пироз һазьркьри, дьдә кʹьфше ԝәки хәбәра «ԛӧльх» жь хәбәра Йунани те ԝәлгәрʹандьне демәк «ди·а·ко·ниа». Әв йәк чь дьдә кʹьфше?
5 Дӧ дәрәщада, Паԝлос да хәбате хәбәра Йунани. Бь ве йәке Паԝлос да кʹьфше, ԝәки аликʹари хушк-бьрарʹа, әв һәйә пʹарәкә хьзмәта мә. Пешийа ԝе йәке әԝи ньвиси: «Щур′ә-щур′ә ԛӧльх жи һәнә, ле һәма ԝи Хӧданир′а ԛӧльх дькьн, ӧса жи щур′ә-щур′ә карин һәнә . . . Әв һ′әму хут хԝәха әԝ Р′ӧһ′ дькә» (1 Кр. 12:4-6, 11). Бь рʹасти Паԝлос һʹәму щурʹә хьзмәти бәрамбәри хьзмәта пироз кьр (Рʹм. 12:1, 6-8). Ньһа фәʹмдари дьбә, чьма әԝи дьгот ԝәки чьԛас фәрз ә ԝәʹдә бьвиньн, сәва кӧ йед пирозарʹа ԛӧльхийе бькьн (Рʹм. 15:25, 26).
6 Паԝлос али Корьнтʹийа кьр бьвиньн, ԝәки кʹомәкдайин әв һәйә пʹара хьзмәта ԝан Йаһоԝарʹа. Ԝәрен әм дина хԝә бьдьн шеԝьра ԝи. Мәсиһи «шькьрийа хԝә Хԝәде тиньн бона гӧһдарикьрьна Мьзгинийа Мәсиһ» (2 Кр. 9:13). Әԝана бь кьред хԝә дьдьнә кʹьфше, ԝәки дьхԝазьн һинкьрьнед Иса жийина хԝәда бьдьнә хәбате. Әԝана хушк-бьрарʹа аликʹарийе дьдьн, кʹижан кӧ кʹәтьнә зьраре. Кьред ԝан кӧ бона һʹалхԝәшийа хушк-бьра те кьрьне, әв һәйә «к′әрәма, йа кӧ . . . һатийә дайине» чаԝа кӧ Паԝлос готьбу (2 Кр. 9:14; 1 Пт. 4:10). Ләма жи «Бьрща Ԛәрәԝьлийеда» йа сала 1975, 1 Кануна Пешьн, ӧса һатьбу готьне: «Ԝәрен әм тʹӧ щара нәкʹәвьнә бьн шьке һьндава ԝе йәке, кӧ Йаһоԝа Хԝәде у Кӧрʹе ԝи Иса Мәсиһ һе зедә дина хԝә дьдьнә ве щурʹе хьзмәте». Бәле, шьхӧле кʹомәкдайине, әв пʹарәкә фәрз ә хьзмәта мәда (Рʹм. 12:1, 7; 2 Кр. 8:7; Ибр. 13:16).
(2 Корьнтʹи 9:7) Дьле һәр кәсир′а чьԛас дәрбаз дьбә, бьра һаԛаси жи бьдә, нә кӧ бьдә ле дьле ԝи пәй бә йан бь борщдарийе бә, чьмки Хԝәде йе бь дьл у әшԛ дьдә һ′ьз дькә.
kr 196 ¶10
10 Бәре пешьн әм ԛӧрбанед рʹәзәдьли дькьн, чьмки әм Йаһоԝа һʹьз дькьн у дьхԝазьн «әԝ тьштед кӧ ль ԝи хԝәш тен» бькьн (1 Йн. 3:22). Хьзмәткʹаред кӧ бь дьл әԝан ԛӧрбана дькьн, Йаһоԝа хԝәш тен. Дина хԝә бьдьне, Паԝлосе шанди дәрһәԛа дайине чь ньвиси. (Бьхунә 2 Корьнтʹи 9:7.) Мәсиһийе рʹаст нә бь дәсте зоре, ле бь һазьрбун пешкʹеш дькә, чьмки әԝ дьле хԝәда ӧса сафи дькә. Әв те һʹәсабе ԝәки әԝ дьфькьрә дәрһәԛа һʹәԝщәдарийе у сафи дькә аликʹарийе бьдә. Мәрьве ӧса бона Йаһоԝа ԛимәт ә, чьмки «Хԝәде йе бь дьл у әшԛ дьдә һ′ьз дькә». Ԝәлгәрʹандьнәкеда жи әв рʹез ӧса һатийә тʹәрщьмәкьрьне: «Хԝәде һʹьз дькә ԝан мәрийа, кʹи кӧ һʹьз дькә бьдә».
Хьзна Кʹьтеба Пироз Бьгәрʹьн:
(2 Корьнтʹи 9:15) Шькьр жь Хԝәде бона ԝе дайина ԝийә кӧ найе готьн!
ԝ16.01 12 ¶2
Рʹазибуне Бьдьнә Кʹьфше бона Пʹешкʹеша Хԝәде кӧ «Найе Готьн»
2 Паԝлос заньбу кӧ Хԝәде ԝе бь сайа ԛӧрбана Мәсиһ һʹәму созед хԝәйи ԛимәт әсә бинә сери. (Бьхунә 2 Корьнтʹи 1:20.) Әԝ пʹешкʹеша Хԝәде кӧ «найе готьн» дьдә кʹьфше рʹәʹм у һʹьзкьрьна ԝи, кʹижан кӧ әԝи бь сайа ԛӧрбана Иса мәрʹа да кʹьфше. Бь рʹастийе әԝ пʹешкʹеш ӧса гьринг ә, кӧ мәрьв нькарә ԛимәте ԝе бь хәбәра бежә. Әԝ пʹешкʹеша ԛимәт ча гәрәке сәр мә һʹӧкӧм бә? У әԝ пʹешкʹеш гәрәке мә һелан кә кӧ әм чь бькьн, чахе һазьр дьбьн сәва Биранина мьрьна Мәсиһ, 23 Адаре рʹожа Чаршәме сала 2016?
(2 Корьнтʹи 10:17) «Шькьр жь Хԝәде бона ԝе дайина ԝийә кӧ найе готьн!»
g99 7/8 20-21
Чьма Хьраб ә Бабах бьн?
Ньвисаред Йунанида хәбәра «кавхаоме», те ԝәлгәрʹандьне ча «фьрнаԛ бьн, пʹайе хԝә бьдьн, бабах бьн». Әв хәбәр һьм алийе хьрабда һьм жи алийе башда те хәбьтандьне. Мәсәлә, Паԝлос дьбежә, кӧ әм бь һевийа «кӧ әме т′әви р′умәта Хԝәде бьн дьфьр′ьн» (Рʹомайи 5:2; 2 Корьнтʹи 10:17). Әв те һʹәсабе, ԝәки әм фьрнаԛ дьбьн бь ԝе йәке, кӧ Йаһоԝа, Хԝәдайе мә йә. Әв йәк мә һелан дькә, ԝәки наве ԝийи ԛәнщрʹа ша бьн.
Хԝәндьна Кʹьтеба Пироз
(2 Корьнтʹи 7:1-12) Әм кӧ хԝәйе ван соза нә дәлално, дә әм хԝә жь һ′әму к′ьретийа ԛальб у р′ӧһ′е хԝә паԛьж кьн у бь хофа Хԝәде лап бӧһӧрти-жьбарә бьн. 2 Мә дьле хԝәда щи кьн! Мә нәһәԛи т′ӧ кәси нәкьрийә, зийан нәдайә т′ӧ кәси у кәсәк к′ара хԝәр′а нәдайә хәбате. 3 Әз ве йәке набежьм кӧ ԝә нәһәԛ кьм, ле чаԝа мьн пешда готийә, һун дьле мәда нә, һәгәр әм бьмьрьн йан бьжин әм т′әви ԝә нә. 4 Әз гәләки ԝәда гӧман ьм, гәләки пе ԝә фьр′наԛ дьбьм! Нава һ′әму тә′ли-тәнгийед мәда бәрдьлийа ԝә жь сәре мьн зедәтьр ә у шабунеда к′ьм- к′ьми мә. 5 Бәле гава әм гьһиштьнә Мәкәдонйайе, мә ԛәт р′ьһ′әти нәдит, ле мә һ′әму алийава тә′ли-тәнги к′ьшандьн, дор-бәра шәр′-дә′ԝ бун, дьлада жи хәм у дәрд бун. 6 Ле Хԝәдейе кӧ бәр дьле шкәстийада те, бь һатьна Тито дьл да бәр мә 7 у нә кӧ т′әне пе һатьна ԝи, ле бь ԝе йәке жи, кӧ чаԝа ԝә дьл дабу бәр ԝи. Әԝи мәр′а гьли кьр, кӧ һун чьԛаси дәмана мьнда нә, шин у гьри нә у хирәта мьн дьк′ьшиньн. Бь ве йәке дьле мьн һе шабун к′әте. 8 Бәле һәгәр мьн пе ԝе нә′ме дьле ԝә ешанд, әз нә п′ошман ьм. Р′аст ә әз п′ошман бум, гава мьн дит кӧ ԝе нә′ме һьнәк ԝәхт дьле ԝә ешанд. 9 Ле ньһа әз ша мә, нә кӧ бона ԝе йәке кӧ һун бәр хԝә к′әтьнә, ле чьмки һун бона т′обәкьрьне бәр хԝә к′әтьн. Һун ль гора хԝәстьна Хԝәде бәр хԝә к′әтьн, ӧса кӧ ԝә т′ӧ зийан жь мә нәдит. 10 Бәрхԝәк′әтьна ль гора хԝәстьна Хԝәде мерьв бәрбь т′обәйийе дьбә кӧ хьлаз кә у п′ошмани теда т′ӧнә, ле бәрхԝәк′әтьна жь ве дьнйайе бәрбь мьрьне дьбә. 11 Дә дина хԝә бьдьнә ԝе бәрхԝәк′әтьна ль гора хԝәстьна Хԝәде кӧ чьԛас к′ар да ԝә: Ԝә чаԝа щә′данд бь р′успити щаба хԝә да! Чь һерс, чь хоф, чь һ′ьзрәт, чь хирәт, чь щәзадайина бона нәһәԛийе! Ԝә һ′әму алийава хԝә да к′ьфше, кӧ һун ван йәкада сәр ньхта һ′әлал ьн. 12 Аԝа әԝ нә′ма кӧ мьн ԝәр′а ньвиси, нә бона ԝи бу, йе кӧ нәһәԛи кьр у нә бона йе һатә нәһәԛкьрьне, ле бәле ԝәки әԝ дәмана ԝәйә һьндава мәда ль бәр Хԝәде ә′йан бә.
20-26 ГӦЛАНЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | 2 КОРЬНТ′И 11-13
Стьрийәкә бәдәна Паԝлосда
(2 Корьнтʹи 12:7) У wәки нәбә әз бона гәләк ә′йантийед нәбәрһ′ьша к′öбар бьм, бәлакә мина дәрзике qальбе мьнда мьнр′а һатә дайине, мьлйак′әтәки жь Мирещьн, кö т′әпа бе мьн, wәки әз к′öбар нәбьм.
ԝ08 15/6 3-4
Сьстбунед Хԝәда Әм Ԛәԝи нә
Паԝлосе шанди лавайа Йаһоԝа дькьр, ԝәки әве стьрийе жь бәдәна ԝи дәрхә, чьмки жь бо ве йәке әԝи рʹьһʹәти хԝәрʹа нәдьдит. Әв хьзмәткʹаре амьн се щара лавайа Йаһоԝа дькьр, ԝәки жь ве щерʹьбандьна гьран ԝи аза кә. Паԝлос хԝә ӧса тʹәхмин дькьр, те бежи тʹьме шәмаԛ дьданә рʹуйе ԝи. Ле Йаһоԝа готә ԝи: «К′әрәма мьн бәси тә йә, чьмки ԛәԝата мьн сьстийада мийасәр дьбә». Йаһоԝа, жь ԝе стьрийе Паԝлос аза нәкьр. Паԝлос мәщбур бу тʹьме бь ве стьрийе бьжи, у ахьрийе әԝи гот: «Гава әз сьст дьбьм һьнге ԛәԝат дьбьм» (2 Кр. 12:7-10). Гьлийе ԝи чь дьһатьнә һʹәсабе?
(2 Корьнтʹи 12:8, 9) Бона ве йәке мьн се щара һиви жь Хӧдан кьр, кӧ ве йәке жь мьн дур хә, 9 ле әԝи мьнр′а гот: «К′әрәма мьн бәси тә йә, чьмки ԛәԝата мьн сьстийада мийасәр дьбә». Аԝа әзе бь дьләки ша һ′але сьстийед хԝәда бьфьр′ьм, ԝәки ԛәԝата Мәсиһ нава мьнда бә.
ԝ06 15/12 24 ¶17-18
Йаһоԝа Рʹӧһʹе Хԝә Дьдә Ԝан, кʹи кӧ жь Ԝи Дьхԝазә
17 Хԝәде щаба Паԝлос да у готә ԝи: «К′әрәма мьн бәси тә йә, чьмки ԛәԝата мьн сьстийада мийасәр дьбә». Паԝлос ньвиси: «Аԝа әзе бь дьләки ша һ′але сьстийед хԝәда бьфьр′ьм, ԝәки ԛәԝата Мәсиһ нава мьнда бә» (2 Корьнтʹи 12:9; Зәбур 147:5). Демәк Паԝлос избат бу, ԝәки Хԝәде бь сайа Мәсиһ ԛәԝата хԝә дьдә кʹьфше у ԝи ча бежи конеда хԝәй дькә. Иро, Йаһоԝа бь ви щурʹәйи щаба дӧайед мә дьдә. Әԝ хьзмәткʹаред хԝә дьпарезә, ча бежи сәр ԝанрʹа кон рʹадьхә.
18 Һәмьки кон нькарә баране йан байе бьдә сәкьнандьне, ле йәкә әԝ дькарә жь тьштәки хԝәй кә. Ӧса жи әԝ сьтара кӧ Хԝәде бь ԛәԝата Иса дьдә, нькарә мә жь тәʹли-тәнгийа у щерʹьбандьна хԝәй кә. Ле әв алийе рʹӧһʹанида жь ве дьнйайе у жь һʹӧкӧме сәрԝере ԝе, демәк жь Шәйтан, мә дьпарезә (Әʹйанти 7:9, 15, 16). Ләма жи баԝәр бә, һәрге щерʹьбандьнед тә хьлаз набьн, Йаһоԝа чәтьнайед тә занә у нәʹла-нәʹла тә дьбьһе (Ишайа 30:19; 2 Корьнтʹи 1:3, 4) Паԝлос ньвиси: «Хԝәде амьн ә, әԝ наһелә кӧ һун жь ԛәԝата хԝә дәр бенә щер′ьбандьне. Әԝе щер′ьбандьнеда дәлиләке жи бькә, кӧ һун бькарьбьн тәйах кьн» (1 Корьнтʹи 10:13; Филипи 4:6, 7).
(2 Корьнтʹи 12:10) Ләма жи әз бона наве Мәсиһ сьстийа, ԛара, һесири- бәләнгазийа, зерандьна у тә′ли-тәнгийа бәгәм дькьм, чьмки гава әз сьст дьбьм, һьнге ԛәԝат дьбьм.
ԝ18.01 9 ¶8-9
«Әԝ йе Ԝәстийайирʹа Ԛәԝате Дьдә»
8 Бьхунә Ишайа 40:30. Һәрге жи гәләк фәрәсәтед мә һәнә, йәкә һәнә тьштед ӧса кӧ әм пе ԛәԝата хԝә нькарьн бькьн, чьмки синоред мә һәнә. Әм гәрәке әве йәке тʹьме бира хԝәда хԝәй кьн. Рʹаст ә Паԝлосе шанди гәләк тьшт дькарьбу бькьра, ле йәкә синоред ԝи һәбун у ләма ԛәԝата ԝи нәдьгьһиште, кӧ һәр тьшти бькә чь әԝи дьхԝәст. Чахе әԝи Хԝәдерʹа хәмед хԝә гьли кьр, Хԝәде жерʹа гот: «Ԛәԝата мьн сьстийада мийасәр дьбә». Паԝлос фәʹм кьр кӧ бь ԝан гьлийа Хԝәде чь дьхԝәст жерʹа бьгота, ләма әԝи гот: «Гава әз сьст дьбьм, һьнге ԛәԝат дьбьм» (2 Корн. 12:7-10). Гәло әԝ гьли чь дьһатьнә һʹәсабе?
9 Паԝлос фәʹм дькьр, ԝәки әԝ нькарә һʹәму тьшти пе ԛәԝата хԝә бькә. Жерʹа аликарийа йе Һәри зор лазьм бу, демәк аликʹарийа Хԝәде. Рʹӧһʹе Хԝәдейи пироз дькарьбу ԛәԝате бьда ԝи, чахе әԝ сьст бу. Хенщи ве йәке, рʹӧһʹе пироз дькарьбу Паԝлос ԛәԝат кьра, сәва шьхӧлед ӧса бькә, кӧ әԝи пе ԛәԝата хԝә тʹӧ щар ԝе нькарьбуйа бькьра. Ԛәԝата Хԝәде дькарә бона мә жи ӧса бькә. Гава Йаһоԝа рʹӧһʹе хԝәйи пироз дьдә мә, әм бь рʹастийе ԛәԝи дьбьн!
Хьзна Кʹьтеба Пироз Бьгәрʹьн
(2 Корьнтʹи 12:2-4) Әз баԝәрмәндәки Мәсиһ нас дькьм, чардәһ сал пешда, (ньзаньм ԛальбда бу, ньзаньм бе ԛальб бу, әԝ Хԝәде занә,) һ′әта ә′змане сьсийа һатә һьлатьне. 3 У әз заньм кӧ әв мәрьва, (ԛальбда бу, бе ԛальб бу, әз ньзаньм, ԝе йәке Хԝәде занә,) 4 һ′әта бӧһьште һатә һьлатьне у тьштед найенә готьне бьһистьн кӧ жь мерьв нак′әвә бона ԝан тьшта хәбәр дә жи.
ԝ18.12 8 ¶10-12
Пьрсед Хԝәндәвана
«Әʹзмане сьсийа» дәрһәԛа кʹижани 2 Корьнтʹи 12:2-да те готьне, дьԛәԝьмә Пʹадшатийа Мәсиһити йә, кӧ дәсте Иса у 144 000-да йә, демәк «әʹзманед ну» (2 Пәт. 3:13).
Әв һәйә «әʹзмане сьсийа», чьмки әԝ Падшати щурʹе сәрԝертийа һәрә бьльнд у мәхсус ә.
«Бӧһьшт», ль кʹидәре Паԝлос «һатә . . . һьлатьне» дьԛәԝьмә әԝ һәйә 1) Щьнәт кӧ ԝе сәр әʹрде бә, 2) щьнәта рʹӧһʹани кӧ ԝе дьһа мәзьн бә, нә кӧ ча ньһа, у нав тʹәмамийа дьнйайеда бә, у 3) «бӧһьшта Хԝәде» йа әʹзмана, кӧ ԝе ԝәʹде дьнйа тʹәзә бә, чаԝа щьнәта рʹӧһʹанийә сәр әʹрде.
(2 Корьнтʹи 13:12) Сьлаве бьдьнә һәв бь р′амусана шире һ′әлал. Т′әмамийа щьмә′та Хԝәде ль ԝә сьлав дькә.
it-2 177
Рʹамусан
«Рʹамусана Пироз». Мәсһийед ԛьрна йәке һәвдӧ бь «рʹамусана пироз» сьлав дькьрьн (Рʹм. 16:16; 1 Кр. 16:20; 2 Кр. 13:12; 1 Тʹс. 5:26) йан бь «р′амусана шире һ′әлал» (1 Пт. 5:14), дьԛәвьмә бь ԝи щурʹәйи кʹӧлфәт һәвдӧ сьлав дькьрьн, мер жи һәвдӧ. Дьбә кӧ Мәсһи әве әʹдәте жь Ибранийед бәре һьлдан, кʹижан кӧ бь рʹамусане һәвдӧ сьлав дькьрьн. Бь «рʹамусана пироз» йане «р′амусана шире һ′әлал» дьһатә кʹьфше һʹьзкьрьна паԛьж у йәкти, кʹижан кӧ нава щьвата Мәсиһийада һәбу, ле дәрһәԛа ве йәке Ньвисаред Пирозда нәйен готьне (Йн. 13:34, 35).
Хԝәдьна Кʹьтеба Пироз
(2 Корьнтʹи 11:1-15) Әз дьхԝазьм кӧ һун бькарьбьн һьнәки беһ′ьшийа мьн бьбьһерьн! Ле бькьн кӧ бьбьһерьн жи! 2 Әз к′ӧмр′әшийе ԝә дькьм, бь ԝе к′ӧмр′әшийа Хԝәде. Чьмки мьн һун йәкир′а аԝа готи Мәсиһр′а нишан кьрьн, ԝәки ԝә мина ԛизәкә бьк′ьр ль бәр ԝи бьдьмә сәкьнандьне. 3 Ле т′әне әз дьтьрсьм, тӧԝәрә чаԝа мә′р бь фелбазийа хԝә Һеԝа хапанд, ӧса жи әԝ һ′ьше ԝә бьчәлԛинә у һун дәсте хԝә жь ширһ′әлали у дьлсахийа хԝәйә һьндава Мәсиһда бькьн. 4 Гава йәк те у Исаки дьн даннасин дькә, к′ижан мә даннасин нәкьрийә, йан р′ӧһ′әки дьн һун дьстиньн, к′ижан ԝә жь мә нәстандийә, йан мьзгиникә дьн дьдә, кӧ мә нәдайә ԝә, һун ван тьшта р′ьнд дьбьн. 5 Ле бь т′әхмина мьн әз т′ӧ тьштива жь ԝан шандийед ә′йанә һа кемтьр ниньм! 6 Дьбә әз хәбәрданеда нә сәр хԝә мә, ле нә алийе занәбунеда. Мә әв йәк һ′әму алийава һәр тьштида нишани ԝә дайә. 7 Гәло мьн гӧнә кьр, кӧ Мьзгинийа Хԝәде бе һәԛ да ԝә, хԝә жи бәр ԝә шкенанд, кӧ һун бьльнд бьн? 8 Мьн щьвинед майин т′алан кьрьн жь бәр һәԛе хԝәва, ԝәки хьзмәтк′арийе ԝәр′а бькьм. 9 У гава әз ль щәм ԝә бумә һ′әԝще тьштәки, мьн гьрани нәда жь ԝә т′ӧ кәси, чьмки әԝ баԝәрмәндед кӧ жь Мәкәдонйайе һатьбун, чь кемасийед мьн һәбун, ԝана дәсте хԝә дьрежи мьн кьр. Бәле мьн һәр алийава кьрийә кӧ гьранийе нәдьмә ԝә у дькьм кӧ нәдьм жи. 10 Бь ԝе р′астийа Мәсиһ, йа кӧ нава мьнда йә, р′успитийа мьн ԝе дор-бәред ԛәза Ахайайеда жи бәтал дәрнәйе. 11 Чьма әз аһа дькьм? Әз ԝә һ′ьз накьм? Ԝе йәке Хԝәде занә! 12 У әз чаԝа дькьм, әзе ӧса жи бькьм, ԝәки р′е нәк′әвә ԝан, йед кӧ мә′нийа дьгәр′ьн, ԝәки п′әйе хԝә бьдьн, йанчийә әԝ жи мина мә дьхәбьтьн. 13 Ле на, йед ӧса шандийед дәрәԝ ьн, п′алед ԛәлп ьн, хԝә дькьнә дьлԛе шандийед Мәсиһйә р′аст. 14 У әв йәк нә тьштәки ә′щебмайине йә! Мирещьн хԝәха жи хԝә дькә дьлԛе мьлйак′әте р′онайи. 15 Һьлбәт нә тьштәки мәзьн ә, кӧ хьзмәтк′аред ԝи жи бьк′әвьнә дьлԛе хьзмәтк′аред р′астийе. Ахьрийа ԝане ԝәкә ә′мәлед ԝан бә.
27 ГӦЛАНЕ-2 ҺʹӘЗИРАНЕ
ФЬКЬРЕД ԚЬМӘТ ЖЬ ХԜӘБӘРА ХԜӘДЕ | ГАЛАТИ 1-3
«Әз Әʹшкәрә Мьԛабьли Ԝи Р′абум»
(Галати 2:11-13) Ле гава Пәтрус һатә Әнтакйайе, әз ашкәрә мьԛабьли ԝи р′абум, чьмки әԝи шаш бу. 12 Бәри һатьна чәнд мәрьвед кӧ Аԛуб шандьбун, әԝи т′әви нәщьһуйед баԝәрмәнд нан дьхԝар. Ле гава әԝана һатьн, әԝи хԝә дьда алики у вәдьк′ьшийа, жь тьрса әԝед кӧ дьготьн, гәрәке нәщьһу бенә сьнәткьрьне. 13 У щьһуйед баԝәрмәндә майин жи т′әви ԝи дӧр′ути кьрьн, һ′әта кӧ Барнабас жи хальфи, к′әтә нава ԝе дӧр′утийа ԝан.
Мина Йаһоԝа Һәԛ бьн
16 Бьхунә Галати 2:11-14. Һьнге тьрса мәрьва кʹәтә сәр Пәтрус (Мәтʹлк. 29:25). Раст ә Пәтрус заньбу ԝәки Йаһоԝа мьләтед дьн жи ԛәбул кьрийә, ле ԝи чахи Пәтрус тьрсийа кӧ Щьһуйед сьнәткьри ԝе чь бежьн. Чахе Пәтрус сәр щьвина Оршәлимеда дьгот кӧ Хԝәде мьләтед дьн ԛәбул дькә, Паԝлос жи ль ԝедәре бу. У гава Паԝлос Антәкйайеда дӧрутийа Пәтрус дит, мьԛабьли ԝи рабу у дӧрутийа ԝи да руйе ԝи (Кʹар. Шанд. 15:12; Галт. 2:13). Ле гәло хушк-бьред кӧ нә мьләте Щьһу бун, ча ньһерин сәр ве нәһәԛийа һьндава хԝә? Гәло әԝана лькʹӧмин? Гәло Пәтрус сәва шашийа хԝә щабдарийед хԝә ӧнда кьр?
(Галати 2:14) Ле гава мьн дит кӧ әԝана нава р′астийа Мьзгинийеда наминьн, һьнге ль бәр һ′әмуйа мьн готә Пәтрус: «Һәгәр тӧ щьһу йи, мина йәки нәщьһу дьжийи у нә мина щьһуйа, тӧ чаԝа дьки сәр нәщьһуйа, кӧ бьбьнә мина щьһуйа?»
ԝ13 15/3 5 ¶12
Бона Мәрьвед Кӧ Йаһоԝа Һʹьз Дькьн «Кәвьре Лӧкʹӧмандьне Тʹӧнә»
12 Бал Пәтрус тьрса бәр мәрьва һәбу, щарна әԝ дькʹәтә бәр байе тьрсе у шаши дькьр, ле диса жи әԝ Исарʹа у Йаһоԝарʹа амьн бу. Мәсәлә, әԝи се щара Иса инкʹар кьр (Луԛа 22:54-62). Һьнә ԝәхт шунда Пәтрус хԝә нә мина Мәсиһийа да кʹьше, чьмки әԝи һьндава бьред жь мьләтед дьн, хԝә ӧса кʹьфш дькьр те бежи әԝана жь Ибранийед сӧнәткьри хьрабтьр бун. Паԝлос фәʹм дькьр кӧ щьватеда гәрәке тьштед ӧса тʹӧнә бә у кӧ ньһерʹандьна Пәтрус нәрʹаст бу. Ләма жи пешийа кӧ кьред Пәтрус сәр щьвате хьраб һʹӧкӧм кьрана, Паԝлос рʹастә-рʹаст ширәт да ԝи (Гл. 2:11-14). Гәло бона Пәтрус әԝ йәк бу кәвьре лӧкʹӧмандьне, сәва чь жи әԝи рʹәва хԝәйә жийине бьда сәкьнандьне. На. Әԝ кʹур дәрһәԛа ширәта Паԝлос фькьри, ви да хәбате у рʹәва хԝәйә жийине бәрдәԝам кьр.
Хьзна Кʹьтеба Пироз Бьгәрʹьн
(Галати 2:20) Жь вьр шунда нә кӧ әз дьжим, ле Мәсиһ ә кӧ нава мьнда дьжи. У ньһа кӧ әз ви ԛальбида дьжим, бь Кӧр′е Хԝәде баԝәркьрьне дьжим, йе кӧ әз һ′ьз кьрьм у щанийа хԝә бона мьн да дәр.
ԝ14 15/9 16 ¶20-21
Нава «Гәләк Чәтьнайада» Бь Амьни Йаһоԝарʹа Хьзмәт кьн
20 Ле чаԝа пешбәри һʹӧщуме вәшарти дәрен? Мәсәлә, чаԝа дьлтәнгийе алт кьн? Мәщаләкә баш әв ә, кӧ дәрһәԛа кʹьрине бьфькьрьн. Паԝлосе шанди һәма ӧса дькьр. Щарна әԝи хԝә дьлтәнг тʹәхмин дькьр. Әԝи заньбу, кӧ Иса нә сәва йед кʹамьл әʹмьре хԝә да, ле сәва гӧнәкʹара. У йәк жь ԝан гӧнәкʹара хԝәха Паԝлос бу. Әԝи ньвиси: «Әз ви ԛальбида дьжим, бь Кӧр′е Хԝәде баԝәркьрьне дьжим, йе кӧ әз һ′ьз кьрьм у щанийа хԝә бона мьн да дәр» (Гл. 2:20). Бәле, Паԝлос кʹьрине ԛәбул кьр у фәʹм дькьр, ԝәки әԝ хут сәва ԝи һатьбу дайине.
21 Һьндава кʹьрине ньһерʹандьна мә гәрәке ӧса бә, ча бежи әв һәйә пʹешкʹеш кӧ хут бона мә һатийә дайине. Әв найе һʹәсабе ԝәки дьлтәнги һәма дәрбера бәтавәбә. Һьнәкара дьԛәԝьмә, лазьм бе рʹасти щерʹьбандьна бен у тәйах кьн һʹәта дьнйа тʹәзә. Ле чь жи һәбә, бир нәкьн, ԝәки хәлате тʹәне әԝ мәрьв ԝе бьстиньн, кʹи кӧ хԝә ԛайим дьгьрә. Әм незики Пʹадшатийа Хԝәде бунә, гава һʹәму хьзмәткʹаред Хԝәде ԝе кʹамьл бьн. Ләма чьԛас жь мә те, әме һʹәму тьшти бькьн ԝәки нава чәтьнайада хԝә ԛайим бьгьрьн, кӧ бькʹәвьнә дьнйа тʹәзә.
(Галати 3:1) Гәли галатийед беһ′ьш! К′е сәре ԝә т′ьжи кьр? Нә ахьр Иса Мәсиһ ль бәр ч′ә′ве ԝә хачбуйи һатә дийаркьрьне?
it-1 880
Нәʹма Галатийарʹа
Гьлийе Паԝлос «галатийед беһ′ьш!», найенә һʹәсабе ԝәки әԝ фьрԛи датани нава мәрьвада (Гл. 3:1). Паԝлос һьнәка дь щьватеда рʹәзил дькьр, чьмки әԝана дькʹәтьнә бәр байе ԝан мәрийа, кʹи кӧ хԝә ль әʹдәтед Щьһуди дьгьртьн. Әв мәрьв дьхԝәстьн бь сайа ԛануна Муса рʹастийа хԝә пешда бьвьн. Нета ԝан әԝ нибу, ԝәки бь баԝәрийе рʹастийе ԛазанч кьн, чь кӧ дьһатә стандьне бь аликʹарийа пәймане (Гл. 2:15-3:14; 4:9, 10). Щьвата Галати, (Гл. 1:2), кʹерʹа Паԝлос хәбәр дьда, чаԝа жь Ибранийа ӧса жи жь Нәибранийа бу. Ӧса жи ԝедәре һәбун прозелитед сьнәткьри, ӧса жи йед нәсьнәткьри, кʹижан кӧ жь мьләтед дьн бун. Дькʹәтьнә нава ԝан ӧса жи Келт (Кр.Шн. 13:14, 43; 16:1; Гл. 5:2). Ԝан һʹәмуйа Паԝлос нав дькьр Галати, у әв йәк дьда кʹьфше щи, кʹидәре кӧ әԝана дьжитьн. Тʹәмамийа нәʹма дьдә кʹьфше, ԝәки Паԝлос дьньвиси Мәсиһийарʹа, йед кӧ дьжитьн башура Рʹомеда. Әԝ ԝана рʹьнд нас дькьр.
Хԝәндьна Кʹьтеба Пироз
(Галати 2:11-21) Ле гава Пәтрус һатә Әнтакйайе, әз ашкәрә мьԛабьли ԝи р′абум, чьмки әԝи шаш бу. 12 Бәри һатьна чәнд мәрьвед кӧ Аԛуб шандьбун, әԝи т′әви нәщьһуйед баԝәрмәнд нан дьхԝар. Ле гава әԝана һатьн, әԝи хԝә дьда алики у вәдьк′ьшийа, жь тьрса әԝед кӧ дьготьн, гәрәке нәщьһу бенә сьнәткьрьне. 13 У щьһуйед баԝәрмәндә майин жи т′әви ԝи дӧр′ути кьрьн, һ′әта кӧ Барнабас жи хальфи, к′әтә нава ԝе дӧр′утийа ԝан. 14 Ле гава мьн дит кӧ әԝана нава р′астийа Мьзгинийеда наминьн, һьнге ль бәр һ′әмуйа мьн готә Пәтрус: «Һәгәр тӧ щьһу йи, мина йәки нәщьһу дьжийи у нә мина щьһуйа, тӧ чаԝа дьки сәр нәщьһуйа, кӧ бьбьнә мина щьһуйа?» 15 Әмә кӧ ә′сьле хԝәда щьһу нә у нә жь «нәщьһуйед гӧнәк′ар» ьн, 16 заньн кӧ мәрьв бь кьред Ԛануне нькарә р′аст бе һ′әсабе, ле т′әне бь Иса Мәсиһ баԝәркьрьне. Мә жи Мәсиһ Иса баԝәр кьр, ԝәки бь Мәсиһ баԝәркьрьне әм р′аст бенә һ′әсабе, нә кӧ бь кьред Ԛануне, чьмки т′ӧ ԛул-бәндә бь кьред Ԛануне нькарә р′аст бе һ′әсабе. 17 Аԝа һәгәр әм дькьн бь Мәсиһ р′аст бенә һ′әсабе у ԝе гаве хӧйа бә, кӧ әм хԝәха жи мина ԝан гӧнәк′ар ьн, һьнге Мәсиһ бу ԝәк′иле гӧна? Т′ӧ щар! 18 Һәгәр әԝ тьштед мьн хьраб кьрьнә, диса дәстпедькьм чедькьм, әз нәһәԛийа хԝә дьдьмә избаткьрьне. 19 Чьмки әз бь Ԛануни бона Ԛануне мьрьм, ԝәки бона Хԝәде бьжим. Әз т′әви Мәсиһ хач бум, 20 жь вьр шунда нә кӧ әз дьжим, ле Мәсиһ ә кӧ нава мьнда дьжи. У ньһа кӧ әз ви ԛальбида дьжим, бь Кӧр′е Хԝәде баԝәркьрьне дьжим, йе кӧ әз һ′ьз кьрьм у щанийа хԝә бона мьн да дәр. 21 Әз к′әрәма Хԝәде т′әхсир накьм, чьмки һәгәр р′астһ′әсаббун бь Ԛануне буйа, кӧ ӧса йә Мәсиһ бадиһәԝа мьр.
«Әз Әʹшкәрә Мьԛабьли Ԝи Рʹабум»
it-2 587 ¶3, «Паԝлос»
Һьнә ԝәдә шунда Пәтрус чу Әнтакйа Сурйайе, кʹидәре тәви Мәсиһийед нә жь мьләте Щьһу хәбәр дьда. Ле чахе һьнә Щьһу жь Оршәлиме һатьн, ча те кьфше тьрса бәр мәрьва ле гьрт, у әw хwә жь Мәсиһийед нәщьһу дур дьгьрт. Бь ве йәке әw мьqабьли рʹебәрийа рʹöһʹе пироз чу, кö жерʹа әшкәрә кьр wәки щöдәбуна мәрьва бона Хwәде фәрз нинә. Һәла һе Барнабас жи кʹәтә бәр байе wи. Паwлос ве йәке дит, у ләма бь мерхасийе бәр һʹәмуйа Пәтрус сущдар кьр, чьмки әw шашийа wи, wе рʹе мәрьва бьгьрта бьбьнә Мәсиһи (Гл. 2:11-14).