Кани бона «Бәрнама Щьвине, Бьжин у Хьзмәт кьн» — К′ЬТЕБХАНӘЙА ОНЛАЙН йа Бьрща Qәрәwьлийе

Кани бона «Бәрнама Щьвине, Бьжин у Хьзмәт кьн»

1-7 НИСАНЕ

ФЬКЬРЕД ԚИМӘТ ЖЬ ХӘБӘРА ХԜӘДЕ | 1 КОРЬНТʹИ 7-9

«Азәпбун Пʹешкʹеш ә»

(1 Корьнтʹи 7:32) Ле әз дьхԝазьм кӧ һун жь хәма дур бьн. Йе нәзәԝьщи шьхӧлед Хӧданва гиро йә, кӧ чаԝа бькә ль Хӧдан хԝәш бе.

ԝ11 15/1 17-18 ¶3

Азәпбуна Хԝә Керһати Дәрбаз кә

³ Ԝәʹде мәрьве азәп гәләк ә, у азабуна ԝи һьмбәри йед зәԝьщи зедә йә (1 Кр. 7:32-35). Әв бь рʹасти жи мәщаләкә баш дьдә, ԝәки һе зедә хьзмәт кьн, һʹьзкьрьна хԝә һьндава мәрьвада дьһа пешда биньн у һе незики Йаһоԝа бьн. Һьнә Мәсиһи, дәстпекьрьн һе зедә бьшекьриньн азәпбуна хԝә у сафи кьрьн һе нәзәԝьщьн. Йед дьн дәрәща кʹижана кӧ һатьбу гӧһастьне у нәзәԝьщин, дӧа дькьрьн у дьфькьрин сәр дәрәща хԝәйә тʹәзә. Әв йәк али ԝан кьр бенә сәр ԝе нете, кӧ бь аликʹарийа Йаһоԝа әԝана ԝе бькарьбьн сафикьрьна хԝәрʹа амьн бьминьн. Ләма жи әԝана сафи кьрьн һәла һе нәфькьрьн бона зәԝаще (1 Кр. 7:37, 38).

(1 Корьнтʹи 7:33, 34) Ле йе зәԝьщи хәмед дьнева гиро йә, кӧ чаԝа бькә ль жьна хԝә хԝәш бе ³⁴ у сәр дӧ рʹийа сәкьни йә. Жьна бемер йан ԛиз шьхӧлед Хӧданва гиро йә. Мәрәме ԝе әԝ ә, кӧ әԝ рʹӧһʹ у ԛальбе хԝәда бӧһӧрти-жьбарә бә, ле йа меркьри хәмед дьнева гиро йә, кӧ чаԝа бькә ль мере хԝә хԝәш бе.

ԝ08 15/7 27 ¶1

Фькьред Сәрәкә жь Нәʹма Корьнтʹийарʹа

7:33, 34: Чь те һʹәсабе кӧ Мәсиһийед зәԝьщи «хәмед дьнева» мьжул ьн? Паԝлос дьгот дәрһәԛа шьхӧлед һәррʹожи бь чь жи Мәсиһийед зәԝьщи хәмгин дьбьн. Дькʹәвә нава ве йәке, хԝарьн, кʹьнщхԝәкьрьн, шьхӧлед мале, ле һәмьки накʹәвә нава ве йәке кьред дьнйайә хьраб, жь кʹижана кӧ Мәсиһи хԝә дур дьгьрьн (1 Йн. 2:15-17).

(1 Корьнтʹи 7:37, 38) Ле әԝе кӧ гьрани сәр ԝи тʹӧнә, ле ль тәме хԝә дькарә у дьле хԝәда ԛьрар кьрийә кӧ дәргистийа хԝә ӧса хԝәй кә чаԝа бәре, әԝ тьштәки ԛәнщ дькә. ³⁸ Аԝа йе дәргистийа хԝә дьстинә, ԛәнщ дькә, ле йе кӧ ԝе бькʹьр дьһелә, һе ԛәнщ дькә.

ԝ96 15/10 12-13 ¶14

Азәпбун Мәщале Дьдә, кӧ бь Тʹәмами Хьзмәт кьн

¹⁴ Әԝ Мәсиһийе азәп, кʹижан кӧ азәпбуна хԝә бона нетед нәрʹаст дьдә хәбате, тьштед «ԛәнщ» накә. Әԝ бона шьхӧле «Пʹадшатийе» азәп наминә, ле жь бо мәʹнийед хԝә (Мәтта 19:12). Мер йа жьна азәп гәрәке бона шьхӧлед Хԝәде хәм бькьн, демәк ԝәки ль Хԝәде хԝәш бен у тʹьме ԝирʹа ԛӧльх кьн. Әв те һʹәсабе, ԝәки бь тʹәмами хԝә тʹәсмили хьзмәткьрьна Йаһоԝа у Иса Мәсиһ, бькьн. Тʹәне ԝи чахи Мәсиһийед азәп, һьмбәри Мәсиһийед зәԝьщи, йа һәри «ԛәнщ» дькьн.

Хьзна Кʹьтеба Пироз Бьгәрʹьн

(1 Корьнтʹи 7:11) Һәгәр бьԛәтә жи, бьра мер нәкә йан жи мере хԝәрʹа ль һәв бе. У мер жи бьра жьна хԝә бәрʹнәдә.

lv 219

Әʹламәтийа Зедә

Дьԛәԝьмә дәрәщә бьгьһижә ԝе йәке кӧ Мәсиһи сафи кә ԝәки жь мер йан жьна хԝә бьԛәтә, йан жи башԛә бьжи, ле мер йан жьна ԝи ԛави нәкьрийә (1 Корьнтʹи 7:11). Ԝәрә әм хәбәр дьн дәрһәԛа чәнд дәрәщед ӧса, кʹижан кӧ һьнәк һʹәсаб дькьн ԝәки мәʹни кӧ башԛә бьжин.

• Чахе кәсәк нахԝазә хәм бькә бона малбәта хԝә: Һәрге мер нахԝазә хәм бькә бона малбәта хԝә, жьн у зарʹед ԝи ԝе бькʹәвьнә тәнгасийе (1 Тимотʹейо 5:8).

• Зийандайина физики: Мер йан жьн дьбәкә ӧса һерс бә кӧ кьред ԝи (ԝе) зийане бьдә жийин у сьһʹәт-ԛәԝата йе дьн (Галати 5:19-21).

• Чахе рʹе дьгьрә сәва кӧ Йаһоԝарʹа хьзмәт нәкә: Дьԛәԝьмә мер йан жьн дькарә зоре бькә һәвалзәԝаща хԝә, сәва кӧ әԝ Хԝәдейе рʹастрʹа хьзмәт нәкә (Кʹаред Шандийа 5:29).

(1 Корьнтʹи 7:36) Ле һәгәр йәк фәʹм дькә, ԝәки һьндава дәргистийа хԝәда рʹастийе накә, тәме ԝи жи хьраб буйә кӧ гәрәке бьзәԝьщә, бьра ӧса бькә чаԝа дьхԝазә, гӧнә накә, бьра һәвдӧ бьстиньн.

ԝ00 15/7 31 ¶2

Тӧ Дькари ве Дьнйа Бенамусда, Намусийа Хԝә Хԝәй ки

Щаһьл гәрәке дәрбера ләз нәкʹәвьн бьзәԝьщьн, гава хԝәстәкед сексуал щәм ԝана дәстпедькьн пешда бен. Зәԝащ әв борщдари йә у сәва кӧ ль гора ве йәке бьжин, гәрәке мәрьв гьһишти у щерʹьбанди бә (Дәстпебун 2:24). Ԝе баш бә һивийе бьн, һʹәта кӧ әв хԝәстәкед бәдәне дәрбаз бьн, чьмки әв хԝәстәк дькарьн ньһерʹандьна щаһьл бьхальфиньн (1 Корьнтʹи 7:36). У чьԛас нә бь билани у хьраб ә, һәрге мәрьв бенамусийе дькә, чьмки һьзрәт ә бьзәԝьщә, ле һәла һе һәвалзәԝаще лайиԛ хԝәрʹа нәдитийә!

Хԝәндьна Кʹьтеба Пироз

(1 Корьнтʹи 8:1-13) Ле ньһа чь кӧ жь пьрса ԛӧрбанед пʹута дькʹәвә: Фәʹмдари йә кӧ занәбуна мә һәр кәси жи һәйә. Занәбун пʹьшька мерьв дьԝәрьминә, ле һʹьзкьрьн ава дькә. ² Һәгәр йәк тʹәхмин дькә, кӧ әԝ тьштәки занә, әԝ рʹаст һе тьштәки ӧса ньзанә чаԝа кӧ лазьм ә бьзаньбә. ³ Ле һәгәр йәк Хԝәде һʹьз дькә, әԝ жь алийе ԝива наскьри йә. ⁴ Аԝа дәрһәԛа ԝан ԛӧрбанед пʹутайә кӧ мәри дьхԝьн: Әм заньн кӧ пʹут һәйина хԝәва пʹучʹ ьн у Хԝәдеки дьн тʹӧнә, пештьри йәки. ⁵ Һәгәр бь навед дьн жи хԝәде һәбьн, йан ль әʹрде йан ль әʹзмен, чаԝа беһʹәсаб хԝәде у беһʹәсаб хӧдан һәнә жи, ⁶ ле бона мә тʹәне Хԝәдек һәйә, Бав, Әʹфьрандаре һәр тьшти, әм жи бона ԝи һәнә у тʹәне Хӧданәк һәйә, Иса Мәсиһ, бь кʹижани һәр тьшт хӧльԛи нә у бь сайа ԝи әм һәнә. ⁷ Ле әв занәбун щәм һәр кәси тʹӧнә. Һʹәта ньһа һе дьле һьнәка пәй пʹутпʹарьстийе йә, кӧ гава ԝи гошти дьхԝьн, һʹәсаб дькьн чаԝа ԛӧрбанед пʹута у хԝә дьһʹәрʹьминьн, чьмки исафа хԝәйә сьстда фькара дькә. ⁸ Ле бәле хԝарьн мә ль бәр Хԝәде надә сәкьнандьне. Һәгәр әм бьхԝьн, тьштәки зедә накьн у һәгәр нәхԝьн, тьштәки жи кем накьн. ⁹ Ле һаш жь хԝә һәбьн, нәбә кӧ әԝ азайа ԝә бьбә кәвьрәк ль бәр ньге сьста. ¹⁰ Әм бежьн, һәгәр мәрьвәки кӧ исафа хԝәйә сьстда фькара дькә тә бьбинә, ԝәки тӧ «хԝәйизанәбун» и у ль сьфра пʹарьстгәһа пʹутда рʹуньшти йи, нә әԝ кьре тә ԝе дьл бьдә ԝи, кӧ әԝ жи ԛӧрбанед пʹутпʹарьстийе бьхԝә? ¹¹ У жь дәст ԝе «занәбуна» тә, бьре тәйи сьст, бона кʹижани Мәсиһ мьр, ԝе ӧнда бә. ¹² Бь ви аԝайи, гава тӧ нәһәԛийе ль хушк-бьред хԝә дьки у исафа ԝанә сьст бьриндар дьки, ль бәр Мәсиһ нәһәԛийе дьки. ¹³ Аԝа һәгәр хԝарьн дьбә кәвьре ль бәр пʹийе бьре мьн, гәрәке иди тʹӧ щар әз гошт нәхԝьм, ԝәки бьре хԝә пʹьшк нәкьм.

8-14 НИСАНЕ

ФЬКЬРЕД ԚИМӘТ ЖЬ ХӘБӘРА ХԜӘДЕ | 1 КОРЬНТʹИ 10-13

«Йаһоԝа Амьн ә»

(1 Корьнтʹи 10:13) Щерʹьбандьнед ӧса найенә сәре ԝә, пештьри ԝан щерʹьбандьнед кӧ тенә сәре мәрьвед майин. Ле Хԝәде амьн ә, әԝ наһелә кӧ һун жь ԛәԝата хԝә дәр бенә щерʹьбандьне. Әԝе щерʹьбандьнеда дәлиләке жи бькә, кӧ һун бькарьбьн тәйах кьн.

ԝ17.02 29-30

Пьрсед Хԝәндәвана

Паԝлосе шанди ньвиси, ԝәки Йаһоԝа «наһелә кӧ һун жь ԛәԝата хԝә дәр бенә щерʹьбандьне» (1 Корн. 10:13). Дьбә кӧ әв те һʹәсабе, ԝәки Йаһоԝа пешда дьвинә һәла әм чьԛаси дькарьн тәйах кьн у паше дьжберә кӧ әм рʹасти кʹижан тәнгасийа бен?

▪ Ԝәрьн әм дәрһәԛа ве йәке хәбәр дьн. Щәм бьраки мә, кӧрʹе кʹижани кӧ хԝә кӧшт, пьрсед ӧса пешда һатьн: «Гәло Йаһоԝа пешда дит кӧ әме бәр мьрьна кӧрʹе хԝә тәйах кьн? Дьбәкә әԝ йәк Хԝәде сафи кьр кӧ бьԛәԝьмә, чьмки заньбу ԝәки әм дькарьн тәйах кьн?» Ле гәло әԝ рʹаст ә ԝәки Йаһоԝа һәр тьшти контрол дькә чь жи әʹмьре мәда дьԛәԝьмә?

Һәрге әм 1 Корьнтʹи 10:13 леколин бькьн, әме бьвиньн ԝәки Кʹьтеба Пирозда тʹӧ мәʹни тʹӧнә баԝәр бькьн, кӧ йанчь Йаһоԝа пешда дьньһерʹә әм чь дькарьн тәйах кьн у әме рʹасти кʹижан щерʹьбандьна бен. Ԝәрен әм шеԝьр кьн дәрһәԛа чар мәнийа ԝәки чьрʹа әԝ йәк ӧса нинә.

Йа пешийе, Йаһоԝа мәрьварʹа азайа бьжартьне дайә. Әԝ дьхԝазә ԝәки әм хԝәха рʹийа жийина хԝә бьжберьн (Ԛан. Дщр. 30:19, 20; Йешу 24:15). Һәрге әм дьжберьн рʹийа кӧ Хԝәде хԝәш те, әм дькарьн баԝәр бьн, кӧ әԝе рʹебәрийа гавед мә бькә (Мәтʹлк. 16:9). Ле һәрге әм рʹийа нәрʹаст дьжберьн, әме бьчьньн әԝ чь кӧ дьчиньн (Галт. 6:7). Демәк һәрге Йаһоԝа бьжбарта кӧ әм рʹасти кʹижан щерʹьбандьна бен у кʹижан на, ԝе ӧса дәркʹәта кӧ әԝ синор дькә азайа бьжартьна мә.

Йа дӧда, Йаһоԝа мә хԝәй накә жь ԝәхт у ԛәԝьмандьна (Ԝаиз 9:11). Жь бо щи у ԝәʹдәки нәбаш, ԛәзи йан тьштәки хьраб дькарә бе сәре мә. Щарәке Иса хәбәр да дәрһәԛа ԛәзики, кʹидәре кӧ 18 мәрьв һатьбун кӧштьне, жь бо ԝе йәке кӧ бьрщәк кʹәтьбу сәр ԝан. Иса да кʹьфше кӧ әԝ ԛәԝьмандьн ԛьрара Хԝәде нибу (Луԛа 13:1-5). Ләма жи ԝе нәрʹаст бә бьфькьрьн кӧ йанчь Хԝәде пешда сафи дькә, ԝәки кʹи ԛәзийада ԝе сах бьминә у кʹи ԝе бьмьрә.

Йа сьсийа, пьрса амьнийе мә һәр кәси дькʹәвә. Бькьнә бира хԝә кӧ Шәйтʹан амьнийа һʹәму мәрийа, йед кӧ Йаһоԝарʹа хьзмәт дькьн, дькә бьн шьке йанчь әме нькарьбьн ԝәʹде щерʹьбандьна амьн бьминьн (Иб. 1:9-11; 2:4; Әʹйан. 12:10). Һәрге Йаһоԝа мә хԝәй кә жь тәнгасийа тʹәне жь бо ԝе йәке кӧ әме нькарьбьн тәйах кьн, ӧса ԝе бе кʹьфше кӧ Шәйтʹан рʹаст бу чахе гот кӧ әм сәва һʹалхԝәшийа хԝә Хԝәдерʹа хьзмәт дькьн.

Йа чара, Йаһоԝа нахԝазә пешда һʹәму тьшти бьньһерʹә чь кӧ әʹмьре мәда дьԛәԝьмә. Һәрге әԝи бьхԝәста бьньһерʹә, ԝе бьһата һʹәсабе кӧ йанчь Хԝәде пешда дьжберә ԝәки әм рʹасти чь щерьбандьна бен у һьм жи кӧ әԝ ахьрийа мә жи занә. Ле ньһерʹандьна ӧса нә ль сәр һʹиме Ньвисаред Пироз ә. Һәмьки Хԝәде дькарә ль ахьрийе бьньһерʹә (Иша. 46:10). Ле Кʹьтеба Пироз нишан дькә кӧ Хԝәде хԝәха нахԝазә пешда бьньһерʹә һәр тьшти чь кӧ ахьрийеда бьԛәԝьмә (Дәстп. 18:20, 21; 22:12). Йаһоԝа Хԝәдайе һʹьзкьрьн у һәԛ ә, ләма жи әԝ азайа бьжартьне жь мә настинә (Ԛан. Дщр. 32:4; 2 Корн. 3:17).

Ле ԝәки ӧса нә, чаԝа фәʹм кьн әван гьлийед Паԝлос: «Хԝәде . . . наһелә кӧ һун жь ԛәԝата хԝә дәр бенә щерʹьбандьне»? Әԝ созе Йаһоԝа кӧ Паԝлос ньвиси, нә кӧ тенә сери пешийа щерʹьбандьна, ле ԝәʹде щерʹьбандьна. Гьлийед Паԝлос мә дьдьнә баԝәркьрьне, кӧ фьрԛи тʹӧнә әм рʹасти чь щерʹьбандьна бен жийина хԝәда, Йаһоԝа ԝе әʹсәйи али мә бькә һәрге әм итʹбарийа хԝә ԝи тиньн (Зәб. 55:22). Әԝ гьли ль сәр һʹиме дӧ растийед сәрәкә нә.

Йа пешьн, щерʹьбандьнед кӧ әм рʹаст пе тен, ӧса жи «тенә сәре мәрьвед майин». Һәта кӧ әм дьнйа Шәйтанда дьжин, әм һʹәмушк жи рʹасти дәрәщед чәтьн бен, дьԛәԝьмә һәла һе ԛәзийа жи. Ле һәрге әм хԝә ль Йаһоԝа бьгьрьн, әме бькарьбьн әван щерʹьбандьнада тәйах кьн у амьн бьминьн (1 Пәт. 5:8, 9). Ль ԝан рʹезада йе кӧ ньвисар ьн пешийа 1 Корьнтʹи 10:13, Паԝлос гьли дькә дәрһәԛа щерʹьбандьнед Исраелийа, йед кӧ дь бәрийеда рʹасти ԝан һатьбун (1 Корн. 10:6-11). Әԝед кӧ итʹбарийа хԝә Йаһоԝа дьанин, дькарьбун щерʹьбандьнада тәйах кьн. Паԝлос чар щара дьбежә, ԝәки «жь ԝан һьнәка» нәгӧһдарийа хԝә данә кʹьфше. Ле йазьх, жь бо ԝе йәке кӧ һьнә жь ԝан Исраелийа итʹбарийа хԝә Хԝәде нәанин, дьле ԝан чу пәй хԝәстьнед нәрʹаст.

Йа дӧда, «Хԝәде амьн ә». Чахе әм дина хԝә дьдьн, кӧ чаԝа Йаһоԝа бәреда дәрһәԛа хьзмәткаред хԝә хәм дькьр, әм дьвиньн кӧ әԝ бь амьни аликʹарийе дьдә ԝан «йед кӧ ԝи һʹьз дькьн у әмьред ԝи дьԛәдиньн» (Ԛан. Дщр. 7:9). Әм пеһʹәсийан кӧ Йаһоԝа тʹьме хԝәйе созе хԝә йә (Йешу 23:14). Жь ве йәке те кʹьфше, кӧ әм дькарьн баԝәр бьн ԝәки: 1) Әԝ ԝе нәһелә кӧ щерʹьбандьнед мә ӧса мәзьн бьн, ԝәки әме нькарьбьн ԝана тәйах кьн, у 2) «әԝе . . . дәлиләке жи бькә» сәва мә.

Гәло Йаһоԝа ча дәлиләке дькә бона ԝан, йед кӧ ԝәʹде щерʹьбандьна итʹбарийа хԝә ԝи тиньн? Һәмьки һәрге әԝ йәк ԛьрара ԝи бә, Йаһоԝа дькарә әԝан щерʹьбандьна перʹа-перʹа бьдә һьлдане. Ле һәла бькьнә бира хԝә гьлийед Паԝлос: «Әԝе [Йаһоԝа] дәлиләке жи бькә, кӧ һун бькарьбьн тәйах кьн». Гәләк дәрәщәда Йаһоԝа «дәлиләке» дькә, демәк дьдә мә әԝ йәк, чь кӧ лазьм ә сәва кӧ тәйах кьн. Ԝәрен әм хәбәр дьн дәрһәԛа һьнә тьшта, бь сайа чь жи Йаһоԝа дәлиләке бона мә дькә:

▪ Йаһоԝа «нава һʹәму тәʹли-тәнгийада дьл дьдә бәр мә» (2 Корн. 1:3, 4). Әԝ дькарә һʹьш у дьле мә рʹьһʹәт кә бь сайа Хәбәра хԝә у рʹӧһʹе хԝәйи пироз. Һьм жи Йаһоԝа бь сайа хԝарьна рʹӧһʹани, кӧ әм жь хӧламе амьн дьстиньн, дькарә бәрдьлийе бьдә мә (Мәт. 24:45; Йуһʹн. 14:16; Рʹом. 15:4).

▪ Йаһоԝа дькарә бь рʹӧһʹе пироз рʹебәрийа мә бькә (Йуһʹн. 14:26). Чахе щерʹьбандьн пешда тен, рʹӧһʹе пироз дькарә али мә бькә кӧ биньн бира хԝә сәрһатийед у принсипед жь Кʹьтеба Пироз у паше сафи кьн кӧ чаԝа хԝә кʹьфш кьн.

▪ Йаһоԝа дькарә мьлйакʹәтед хԝә бьдә хәбате, ԝәки әԝана али мә бькьн (Ибрн. 1:14).

▪ Йаһоԝа дькарә бь хушк-бьра жи али мә бькә, йед кӧ бь хәбәр у шьхӧлед хԝә дькарьн мә ԛәԝи кьн (Колс. 4:11).

Демәк чь әм пеһʹәсийан жь гьлийе Паԝлосе шанди, йед кӧ 1 Корьнтʹи 10:13-да ньвисар ьн? Йаһоԝа нажберә кӧ әм рʹасти кʹижан щерʹьбандьна гәрәке бен. Ле чахе жийина мәда чәтьнайи пешда тен, әм дькарьн баԝәр бьн, кӧ: Һәрге әм бь тʹәмами итʹбарийа хԝә Йаһоԝа тиньн, әԝе тʹӧ щар нәһелә кӧ әм жь ԛәԝата хԝә дәр бенә щерʹьбандьне; әԝе тʹьме мәрʹа дәлиләке бькә, сәва кӧ әм бькарьбьн тәйах кьн. Бь рʹасти жи, әԝ гьли мә чьԛас дьлгәрм дькьн!

Хьзна Кʹьтеба Пироз Бьгәрʹьн

(1 Корьнтʹи 10:8) Әм ԛавийе нәкьн, чаԝа жь ԝан һьнәка ԛави кьр у рʹожәкеда бист се һʹәзар мәри кʹәтьн ԛьрʹ бун.

ԝ04 1/4 29

Пьрсед Хԝәндәвана

Чьма ве рʹезеда ньвисар ә, ԝәки жь бо ԛавикьрьне 23 000 Исраели мьрьн, ле Жьмар 25:9 дьбежә, кӧ 24 000 мьрьн?

Һьнә избатийед ӧса, кӧ чьма фьрԛийа ӧса мәзьн һәйә ԝан дӧ рʹезада. Йәк жь ԝана әԝ ә, ԝәки әв һәжмар дькʹәвә ортʹа 23 000 йан 24 000, у әв дькарьн тʹәмам кьн ча бь һәжмара зедә ӧса жи һәжмара кем.

Ԝерен әм мәʹнийа дьн шеԝьр кьн. Паԝлосе шанди Мәсиһийед Корьнтʹерʹа, мәсәла Исраелийед Шитиме ани, кӧ әԝ Мәсиһи хԝә хԝәй кьн жь ԛавийа кӧ шәһәре ԝанда бәлабуйи бу. Паԝлос ньвиси: «Әм ԛавийе нәкьн, чаԝа жь ԝан һьнәка ԛави кьр у рʹожәкеда бист се һʹәзар мәри кʹәтьн ԛьрʹ бун». Демәк әԝед кʹижана кӧ Йаһоԝа щәза кьр жь бо ԛавийе, Паԝлос дьбежә ԝәки әԝ 23 000 бун (1 Корьнтʹи 10:8).

Жьмар сәре 25-да те готьне, ԝәки «Исраел Баәʹл-Пʹьһорва һатә гьредане. Һьнге һерса Хӧдан ль Исраел рʹабу». Паше Йаһоԝа фәрман дабу Муса, ԝәки «һʹәму сәрԝеред мьләт» бькӧжә. Муса әв шьхӧл да дәсте һʹакьма. Паше жи гава Пинһас Исраели кӧшт, кʹижан кӧ кʹӧлфәта Мьдйани анибу зоме, «һьнге бәла ль нава Исраелда сәԛьрʹи». Әв сәрһати хьлаз дьбә бь ԝан гьлийа: «Жь дәст бәлайе 24 000 мәри мьрьн».

Нава ԝан 24 000 дәрһәԛа кʹижана кӧ дь Жьмарда те готьне, дькʹәтьн ча «сәрԝеред мьләт», кʹижан кӧ хԝәха һʹакьма бь дәсте хԝә кӧштьн, ӧса жи әԝ кʹижана кӧ Йаһоԝа ԛьр кьр. Дьԛәԝьмә жь дәсте һʹакьма һʹәзар сәрԝер һатьнә кӧштьне, у һәжмара йед кӧшти тʹәвай дьбу 24 000. Әԝ сәрԝеред нәһәԛ йан ԛавийе кьрьбун, йан щәжьнед пʹутпʹарьстада кʹар кьрьбун, йан жи изьн данә йед майин әве йәке бькьн. Чь жи һәбу, әԝана нәһәԛ бун ԝе йәкеда, кӧ «Баәʹл-Пʹьһорва» һатьнә гьредане.

Фәрһәнгәкә Кʹьтеба Пирозда те готьне, ԝәки кәсәкива бенә «гьредане» дькарә бе һʹәсабе, ԝәки незик хԝә ль кәсәки бьгьри. Исраели щьмәʹта Йаһоԝа бун, ле чахе әԝана «Баәʹл-Пʹьһорва» һатьнә гьредане, бь ве йәке ԝана һәләԛәтийа хԝә тʹәви Йаһоԝа хьраб кьр. Ԝәкә 700 сал шунда, Йаһоԝа бь Һосәйа пʹехәмбәр дәрһәԛа Исраелийа гот, кӧ әԝана хԝәха чунә щәм Баәʹл-Пʹьһор, дәстпекьрьн ԛавийе бькьн у мина ԝан бунә мәрьвнә һәʹрам (Һосәйа 9:10). Һәркәсе кӧ ӧса кьрьн, һежайи щәзакьрьна Хԝәде бун. Бь ве йәке Муса кьрә бира Исрайелийа «Чʹәʹвед ԝә дитьн кӧ Хӧдан чь кьр Баәʹл-Пʹьһореда. Һʹәму мәрьвед кӧ пәй Баәʹл-Пʹьһор чун Хӧдан Хԝәдейе тә әԝ жь нава тә ӧнда кьрьн» (Ԛануна Дӧщари 4:3).

(1 Корьнтʹи 11:5, 6) У һәр кʹӧлфәта кӧ сәрԛот дӧа йан пʹехәмбәртийе дькә, әԝ сәре хԝә беһӧрмәт дькә. Әԝ дьбә мина йәкә пʹорʹкӧрʹкьри. ⁶ Аԝа готи, һәгәр кʹӧлфәт сәре хԝә гьре нәдә, бьра пʹорʹе хԝә жи бьбьрʹә. Ле һәгәр кʹӧлфәтерʹа әʹйб ә, кӧ пʹорʹе хԝә бьбьрʹә йан бьдә бәр дузан, кӧ ӧса йә бьра сәре хԝә гьредә.

(1 Корьнтʹи 11:10) Бона ве йәке гәрәке кʹӧлфәт сәргьредайи бә, чаԝа нишана бьн һʹӧкӧмда, бона мьлйакʹәтед кӧ дьбиньн.

ԝ15 15/2 30

Пьрсед Хԝәндәвана

Гәло чахе хушк тʹәви кәсәки һинбуна Кʹьтеба Пироз дәрбаз дькә у бьре нәньхӧманди кʹеләка ԝе йә, әԝ гәрәке сәре хԝә гьредә йан на?

▪ Дь «Бьрща Ԛәрәԝьлийеда» йа сала 2002, 15 Тирмәһе, дь рубрика «Пьрсед Хԝәндәванада» һатьбу готьне, кӧ чахе хушк һинбуна Кʹьтеба Пироз дәрбаз дькә у бьре ньхӧманди йан жи нәньхӧманди кʹеләка ԝе йә, әԝ гәрәке сәре хԝә гьредә. Дәрһәԛа ве пьрсе ньһа әме пебьһʹәсьн ԝәки һьнә тьшт һатьнә гӧһастьне.

Һәрге хушк һинбуна Кʹьтеба Пироз дәрбаз дькә у бьре ньхӧманди кʹеләка ԝе йә, әԝ гәрәке сәре хԝә гьредә. Бь ве йәке хушк дьдә кʹьфше ԛәдьр һьндава принсипа сәрԝертийе, кʹижан кӧ Йаһоԝа кʹьфш кьрийә дь щьватеда, чьмки ча ԛәйдә йә, дь щьватеда һинкьрьн борщдарийа бьра йә (1 Корьнтʹи 11:5, 6, 10). Ле һәрге фәрәсәте бьра һәйә у дькарә һинбуна Кʹьтеба Пироз дәрбаз кә, хушк дькарә һиви ԝи бькә кӧ әԝ дәрбаз кә.

Алийе дьнва жи, һәрге хушк һинбуна Кʹьтеба Пироз дәрбаз дькә у кʹеләка ԝе бьре нәньхӧманди йә, у мере ԝе нинә, бь Кʹьтеба Пироз әԝ борщдар нинә кӧ сәре хԝә гьредә. Ле исафа һьнә хушка, ԝан һелан дькә ԝәки ве дәрәщеда жи сәре хԝә гьредьн.

Хԝәндьна Кʹьтеба Пироз

(1 Корьнтʹи 10:1-17) Нахԝазьм хушк-бьрано, кӧ һун ньзаньбьн ԝәки кал-бавед мә һʹәму жи бьн сийа әʹԝрда бун у һʹәму жи Бәʹра Соррʹа дәрбаз бун. ² Һʹәму жи тʹәви Муса бунә йәк, әʹԝр у бәʹреда һатьнә ньхӧмандьне. ³ Һʹәмуйа жи хут әԝ хԝарьна рʹӧһʹани хԝар ⁴ у һʹәмуйа жи хут әԝ вәхԝарьна рʹӧһʹани вәхԝар, чьмки жь ԝи ԛәйайе рʹӧһʹани вәдьхԝарьн, йе кӧ тʹәви ԝан дьчу у әԝ ԛәйа Мәсиһ бу. ⁵ Ле Хԝәде гәләкед жь ԝан бәгәм нәкьрьн, ләма щьнйазед ԝан бәрʹийеда һәр дәра кʹәти ман. ⁶ Иди әԝ тьшт бона мә бунә мәсәлед готи, ԝәки әм һавьжийа хԝә жь тьштед хьраб нәйньн, чаԝа ԝан дьлһавьжи кьр. ⁷ Нә жи бьбьн пʹутпʹарьст, чаԝа жь ԝан һьнәк бун, бона кʹижана ньвисар ә: «Щьмәʹте рʹуньшт хԝар, вәхԝар у рʹабун намуса һәврʹа листьн». ⁸ Әм ԛавийе нәкьн, чаԝа жь ԝан һьнәка ԛави кьр у рʹожәкеда бист се һʹәзар мәри кʹәтьн ԛьрʹ бун. ⁹ Мәсиһ нәщерʹьбиньн, чаԝа жь ԝан һьнәка щерʹьбанд у бь мәʹра һатьнә ледане мьрьн. ¹⁰ У бина хԝә тәнг нәкьн, чаԝа жь ԝан һьнәка бинтәнги кьрьн у бь дәсте мьлйакʹәте мьрьне кʹока ԝан һат. ¹¹ Әв һʹәму тьшт чаԝа мәсәлед готи дьһатьнә сәре ԝан, ле бона мә кӧ әм ахьрийа ван дәԝрада дьжин, чаԝа ширәт һатьнә ньвисаре. ¹² Аԝа кʹи дьфькьрә кӧ әԝ мьԛәрʹм сәкьни йә, бьра һаш жь хԝә һәбә кӧ нәкʹәвә. ¹³ Щерʹьбандьнед ӧса найенә сәре ԝә, пештьри ԝан щерʹьбандьнед кӧ тенә сәре мәрьвед майин. Ле Хԝәде амьн ә, әԝ наһелә кӧ һун жь ԛәԝата хԝә дәр бенә щерʹьбандьне. Әԝе щерʹьбандьнеда дәлиләке жи бькә, кӧ һун бькарьбьн тәйах кьн. ¹⁴ Аԝа дәлалед мьн, жь пʹутпʹарьстийе бьрʹәвьн. ¹⁵ Әз чаԝа тʹәви сәрԝахта хәбәр дьдьм. Һун хԝәха бьдьнә бәр һʹәсаба, әз чь дьбежьм. ¹⁶ Әԝ кʹаса Шива Хӧдан, йа кӧ әм пе шькьрийе дьдьн, нә һәләԛәтийа хуна Мәсиһ ә? Әԝ нане кӧ әм кәрдькьн, нә һәләԛәтийа бәдәна Мәсиһ ә? ¹⁷ Нанәк һәйә, ләма әм һʹәму жи бәдәнәк ьн, чьмки әм һʹәму жи жь ԝи нани кәрдькьн.

22-28 НИСАНЕ

ФЬКЬРЕД ԚИМӘТ ЖЬ ХӘБӘРА ХԜӘДЕ | 1 КОРЬНТʹИ 14-16

«Хԝәде ԝе Һәр Тьштида Бьбә Хԝәдайе Һәр Тьшти»

(1 Корьнʹти 15:24, 25) Һьнге ахьри ԝе бе, гава кʹока һәр сәрԝертийе, һʹӧкӧмәтийе у ԛәԝате бинә у пʹадшатийе бьдә дәсте Бав Хԝәде. ²⁵ Чьмки әԝ гәрәке пʹадшатийе бькә, һʹәта кӧ Хԝәде һʹәму дьжмьна бькә бьне пʹийед ԝи.

ԝ98 1/7 21 ¶10

Мьрьн ԝе бе Һьлдане

¹⁰ «Хьлази», әв һәйә хьлазийа сәрԝертийа Исайи Һʹәзарсали, чахе Иса бь мьлукти Пʹадшатийе, тʹәсмили Баве хԝә кә (Әʹйанти 20:4). Нета Хԝәде әԝ ә, ԝәки «һʹәму тьшт бьн сәрԝертийа Мәсиһда гьредайи бьн» (Әфәси 1:9, 10). Ле пешийа ве йәке, Иса ԝе кʹӧта кә һʹәму һʹӧкӧмәти, сәрԝерти у ԛәԝат, кʹижан кӧ мьԛабьли ԛьрара Йаһоԝа дәртен. Әв һе зедә йә, нә кӧ тʹәне кʹӧтакьрьн Һармагәдонеда (Әʹйанти 16:16; 19:11-21). Паԝлос дьбежә: «[Мәсиһ] гәрәке пʹадшатийе бькә, һʹәта кӧ Хԝәде һʹәму дьжмьна бькә бьне пʹийед ԝи. Дьжмьне хьлазийе кӧ ԝе кʹоке ле бинә, мьрьн хԝәха йә» (1 Корьнтʹи 15:25, 26). Бәле, гӧнә у мьрьн кӧ жь Адәм дәрбази сәр мә бунә, ԝе бенә һьлдане. Хенщи ԝе йәке, Хԝәде ԝе һʹәмуйед «тʹьрбада» аза кә, йане жь мьрьне рʹакә (Йуһʹәнна 5:28).

(1 Корьнтʹи 15:26) Дьжмьне хьлазийе кӧ ԝе кʹоке ле бинә, мьрьн хԝәха йә.

kr 237 ¶21

Пʹадшати, Ԛьрара Хԝәде йа бона Әʹрде ԝе Бинә Сери

²¹ Ле нәхԝәши у мьрьн ԝе ча бьн? Мьрьн «дьжмьне хьлазийе» йә, мьԛабьли кʹижани кӧ мәрьвед гӧнәкʹар нькарьн дәрен (1 Кр. 15:26). Ле Йаһоԝа дькарә әԝи дьжмьни алт кә? Ишайа пʹехәмбәрти кьр: «Абадин мьрьне даԛӧртанд у Хӧдан, ХӦДАН ԝе жь һʹәму ԝәщед һестьред чʹәʹԝа паԛьж бькә» (Иш. 25:8). Һун дькарьн әԝи ԝәʹдәйи бьдьнә бәр чʹәʹве хԝә? Ԝе ида мәзәл у шин тʹӧнә бьн! Дәԝса һесьред шине, ԝе һесьред шабуне пешда бен, чахе Йаһоԝа созе хԝә бинә сери у мьрийа вәгәрʹинә ль жийине! (Бьхуньн Ишайа 26:19.) Ԝи чахи ԝе бьринед дьле мә, бь тʹәмами ԛәнщ бьн.

(1 Корьнтʹи 15:27, 28) Чьмки ньвисар дьбежә: «Хԝәде һәр тьшт бьне пʹийада ельми ԝи кьр». Ле гава те готьне «һәр тьшт» ельми ԝи кьр, фәʹмдари йә, пештьри ԝи Хԝәдейи, йе кӧ һәр тьшт ельми ԝи кьр. ²⁸ У гава һәр тьшт ельми ԝи бьн, һьнге Кӧрʹ хԝәха жи ԝе ельми ԝи Хԝәдейи бә, йе кӧ һәр тьшт ельми ԝи кьр, ԝәки һәр тьштида әԝ бьбә Хԝәдейе һәр тьшти.

ԝ12 15/9 12 ¶17

Мәсиһ ԝе Пʹадшатийе Бьдә Дәсте Йаһоԝа

¹⁷ Хьлазийа һʹәзарсалийа сәрԝертийа Иса, «Хԝәде дь һәр тьштида һәр тьшт бә». Әԝ гьлинә чьԛас баш ьн! Әԝ чь те һʹәсабе? Бьдә бәр чʹәʹве хԝә әԝ ԝәʹдә, чахе Адәм у Һеԝа кʹамьл бун у пʹара малбәта Хԝәдейә әʹдьл бун. Йаһоԝа Һʹакьме жорьн хԝәха сәрԝертийе сәр һʹәму әʹфринед хԝә мәләк у мәрьва дькьр. Әԝана дькарьбун рʹастә-рʹаст тʹәви ԝи хәбәр дана, ԝирʹа хьзмәт кьрана у жь ԝи бьһатана кʹәрәмкьрьне. «Хԝәде дь һәр тьштида һәр тьшт» бу бона һәʹмуйа.

Хьзна Кʹьтеба Пироз Бьгәрʹьн

(1 Корьнтʹи 14:34, 35) Бьра жьнед ԝә щьвинеда хԝә кәрʹ кьн, чьмки изьна ԝан тʹӧнә хәбәр дьн, ле бьра гӧһдар бьн, чаԝа Ԛанун жи дьбежә. ³⁵ Ле һәгәр әԝ тьштәки дьхԝазьн бьзаньбьн, бьра ль мале жь меред хԝә бьпьрсьн, чьмки нә щайиз ә кӧ жьн щьвинеда хәбәр дә.

ԝ12 1/9 9, чаргошә

Гәло Паԝлос Ԛәдәхә кьр, кӧ Жьн Хәбәр дьн?

Паԝлосе шанди ньвиси «Бьра жьнед ԝә щьвинеда хԝә кәрʹ кьн» (1 Корьнтʹи 14:34). Әԝи чь дьхԝәст бьгота? Әԝи кʹӧлфәта ньмьз һʹәсаб дькьр? На. Бь рʹасти әԝи дьгот, ԝәки кʹӧлфәт рʹьнд һин дькьн (2 Тимотʹейо 1:5; Тито 2:3-5). Нәʹма хԝәйә Корьнтʹйарʹа Паԝлос нә тʹәне кʹӧлфәтарʹа дьгот «хԝә кәрʹкьн», ле ӧса жи ԝанарʹа щәм кʹижана кӧ пʹешкʹеша пʹехәмбәртийе у зьманзанине һәбу. Әԝана гәрәке хԝә кәрʹ кьрана чахе щьватеда йед дьн хәбәр дьдан (1 Корьнтʹи 14:26-30, 33). Щарна ӧса дьбу кӧ кʹӧлфәт ӧса баԝәрийа хԝәрʹа ша дьбун, ԝәки хәбәрдана готарван дьбьрʹин у пьрс дьдане, чаԝа кӧ ль ԝан щийа ԛәйдә бу. Ләма жи сәва кӧ щьват бь тʹәрбәти дәрбаз бьн, Паԝлос кʹӧлфәта һелан кьр хԝә кәрʹ кьн у малда жь меред хԝә пьрс кьн (1 Корьнтʹи 14:35).

(1 Корьнтʹи 15:53) Чьмки гәрәке әви дерьс нәдерьсийе ль хԝә ԝәргьрә у әви мьри нәмьрийе ль хԝә ԝәргьрә.

it-1 1197-1198

Нәдерьси

Әԝед кӧ тʹәви Иса сәрԝертийе бькьн, әԝана жи нә тʹәне ԝе бона жийина нәмьри бенә сахкьрьне ԝәк кәсе рʹӧһʹани, ле ӧса жи нәдьрьсийе дьстиньн. Әԝана бь амьни Хԝәдерʹа хьзмәт дькьрьн у бь жийина дерьс житьн, ле чаԝа кӧ 1 Корьнтʹи 15:42-54-да те готьне, әԝана ԛальбе нәдерьс дьстиньн. Ләма жи дькарьн бежьн, ԝәки жийина нәдерьс у нәмьри дьбә пʹара ԝан, кижан кӧ әԝана жь Хԝәде дьстиньн. Әԝ ԛальб нарʹьзә у хьраб набә. Демәк, Хԝәде ԝәʹде сахкьрьна ԝан ль әʹзмана, дьдә ԝан ԛәԝат, ԝәки жийина ԝан жь тʹӧ ԛәԝатед дьн гьредайи нибә. Әв йәк ԝана щӧдә дькә чаԝа жь әʹфьринед физики ӧса жи рʹӧһʹани. Һьм жи әв рʹьнд избат дькә, кӧ Хԝәде итʹбарийа хԝә ԝан тинә. Рʹаст ә, жийина ԝан жь тʹӧ кәси гьредайи нинә у ԛальбе ԝан нә дерьсә, йәке әԝана бьн һʹӧкӧме Хԝәдеда дьминьн чаԝа Иса Мәсиһ, кʹижан кӧ һʹәта ньһа гӧһ дьдә рʹебәрийа баве хԝә (1 Кр. 15:23-28; бьньһерʹә нәмьри; нәфс).

Хԝәндьна Кʹьтеба Пироз

(1 Корьнтʹи 14:20-40) Хушк-бьрано, һʹьше хԝәда зарʹ нибьн! Һьндава хьрабийеда мина зарʹа бьн, ле һʹьше хԝәда гьһишти бьн. ²¹ Ԛанунеда ньвисар ә: «Әзе бь мәрьвед хԝәйе зьманед хәриб у заред хәриба ве щьмәʹтерʹа хәбәр дьм, ле бәле ԝе һьнге жи гӧһдарийа мьн нәкьн, Хӧдан дьбежә». ²² Аԝа пʹешкʹеша зьманед хәриб нишанәк ә, нә кӧ бона баԝәрмәнда, ле бона нәбаԝәра у пʹехәмбәрти жи нә кӧ бона нәбаԝәра йә, ле бона баԝәрмәнда. ²³ Һәгәр тʹәмамийа щьвине пева бьщьвә у һʹәму жи зьманед хәриб хәбәр дьн, һьнге һьнәкә нәзан йан нәбаԝәр бькʹәвьнә һьндӧрʹ, ԝе нәбежьн: «Әвана дин бунә»? ²⁴ Ле һәгәр һʹәму жи пʹехәмбәртийе бькьн, һьнге йәки нәбаԝәр йан нәзан бькʹәвә һьндӧрʹ, ԝе жь һʹәму готьнед ԝан хԝә мӧкӧрʹ бе у бе гӧнәкʹаркьрьне, ²⁵ сӧрʹед дьле ԝида жи ԝе бенә әʹйанкьрьне у дәвәрʹу ль бәр Хԝәде бькʹәвә, ԝи бьһʹәбинә у дәнг һьлдә бежә: «Рʹасти жи Хԝәде нав ԝәда йә!» ²⁶ Әм иди чаԝа бькьн гәли хушк-бьра? Гава һун дьщьвьнә щики, һәр кәсе жь ԝә чи ԝи һәбә, һәгәр кʹӧлам бә, һинкьрьн бә, әʹйанти бә, хәбәрдана зьманед хәриб бә, шьровәкьрьна зьманед хәриб бә, бьра һʹәму жи бона авабуна щьвине бьн. ²⁷Һәгәр йәк бь зьмане хәриб хәбәр дьдә, бьра дӧдӧ бьн, йан йа лапә зәʹф сьсе, ле бьра йәк пәй йәкирʹа хәбәр дә у йәк жи шьровәкә. ²⁸ Ле һәгәр кәсәк тʹӧнә кӧ шьровәкә, бьра әԝ щьвинеда дәнге хԝә нәкә, тʹәне бәр хԝәда Хԝәдерʹа хәбәр дә. ²⁹ У жь пʹехәмбәра жи бьра дӧдӧ бьн, йан йа лапә зәʹф сьсе хәбәр дьн у йед дьн бьра әʹнәнә кьн. ³⁰ Ле һәгәр ль бәр йәки жь нава рʹуньштийа жи тьштәк вәбә, иди бьра йе пешьн дәнге хԝә бьбьрʹә. ³¹ Чьмки һун һʹәму жи, йәк пәй йәкирʹа дькарьн пʹехәмбәртийе бькьн, ԝәки һʹәму жи һин бьн у һʹәму жи дьл бьстиньн. ³² У рʹӧһʹед пʹехәмбәра бьн сәʹвитийа пʹехәмбәрада нә, ³³ чьмки Хԝәде нә Хԝәдейе бепʹәргалийе йә, ле йе әʹдьлайийе йә. Чаԝа нава һʹәму щьвинед щьмәʹта Хԝәдеда, ³⁴ бьра жьнед ԝә щьвинеда хԝә кәрʹ кьн, чьмки изьна ԝан тʹӧнә хәбәр дьн, ле бьра гӧһдар бьн, чаԝа Ԛанун жи дьбежә. ³⁵ Ле һәгәр әԝ тьштәки дьхԝазьн бьзаньбьн, бьра ль мале жь меред хԝә бьпьрсьн, чьмки нә щайиз ә кӧ жьн щьвинеда хәбәр дә. ³⁶ Тʹӧ хәбәра Хԝәде жь ԝә дәркʹәт? Йан тʹәне гьһиштә ԝә? ³⁷ Һәгәр йәк дьфькьрә, кӧ хԝәха пʹехәмбәр ә йан рʹӧһʹани йә, бьра заньбә чь кӧ мьн ԝәрʹа ньвисин, тʹәмийа Хӧдан ә. ³⁸ Ле һәгәр йәк гӧһ надә ван тьшта, һун жи гӧһ нәдьнә ԝи. ³⁹ Аԝа хушк-бьрано, һʹәйра пʹехәмбәртикьрьнеда бьн у дәнге йед бь зьманед хәриб хәбәр дьдьн нәдьнә бьрʹине. ⁴⁰ Тʹәне һәр тьшт бьра бь тʹәрбәт, щи бь щи у маԛули бә.

29 НИСАНЕ-5 ГӦЛАНЕ

ФЬКЬРЕД ԚИМӘТ ЖЬ ХӘБӘРА ХԜӘДЕ | 2 КОРЬНТʹИ 1-3

«Йаһоԝа Һәйә Хԝәдейе Һʹәму Бәрдьлийе»

(2 Корьнтʹи 1:3) Шькьр Хԝәдейе Баве Хӧдане мә Иса Мәсиһрʹа, Баве дьлшәԝатийе у Хԝәдейе һʹәму бәрдьлийе.

ԝ17.07 13 ¶4

«Тʹәви йед Дьгьрин Бьгьрин»

⁴ Баве мәйи дьлшәԝат жи мәрьвед хԝәйи незик ӧнда кьрийә у дәрд кʹьшандийә, мәсәлә, чахе Бьраһим, Исһаԛ, Аԛуб, Муса у падша Даԝьд мьрьн (Жьмар 12:6-8; Мәт. 22:31, 32; Кʹар. Шанд. 13:22). Кʹьтеба Пироз дьбежә кӧ Йаһоԝа бь дьл у щан һивийе йә, гава әԝ ԝана жь мьрьне рʹакә (Иб. 14:14, 15). Әԝана ԝе бәхтәԝар бьн у сьһʹәт-ԛәԝата ԝан бекемаси бә. Ле биньн бира хԝә, кӧ Йаһоԝа ӧса жи мьрьна Кӧрʹе хԝәйи дәлал дитийә, кʹижан кӧ «шабуна ԝи бу» (Мәтʹлк. 8:22, 30). Бь гьлийа әм нькарьн бежьн кӧ чьԛас дьле Йаһоԝа дешийа гава берʹәмти Кӧрʹе ԝи кӧштьн (Йуһʹн. 5:20; 10:17).

(2 Корьнтʹи 1:4) Әԝ нава һʹәму тәʹли-тәнгийада дьл дьдә бәр мә, ԝәки әм жи бькарьбьн дьл бьдьнә бәр ԝан, йед кӧ нава һәр щурʹә тәʹли-тәнгийада нә, бь ԝе бәрдьлийе, пе кʹижане әм хԝәха жь Хԝәде тенә бәрдьликьрьне.

ԝ17.07 15 ¶14

«Тәви йед Дьгьрин Бьгьрин»

¹⁴ Щара ньзани чь бежи ԝан йед кӧ шине дькьн. Ле Кʹьтеба Пироз дьбежә: «Зьмане сәрԝахта дәрмане дьла йә» (Мәтʹлк. 12:18). Гәләк хушк-бьра жь брошура «Чахе Мәрьве Тәйи Незик Дьмьрә», фькьред баш дитьнә сәва хԝә. Ле гәләк щар әм дькарьн бәрдьлийа мәзьн бьдьнә ԝан, һәрге «тʹәви йед дьгьрин бьгьрин» (Рʹом. 12:15). Габи, кʹижан кӧ би майә, дьбежә: «Әз ида бь һесьра кӧла дьле хԝә дьрежьм у чахе һәвалед мьн тʹәви мьн дьгьрин, әԝ һьнәки дәрде мьн сьвьк дькә. У ԝи чахи дьле мьн рʹьһʹәт дьбә кӧ әз тʹәне нә мамә».

Хьзна Кʹьтеба Пироз Бьгәрʹьн

(2 Корьнтʹи 1:22) У мора хԝә дани сәр мә, Рʹӧһʹе Пироз кьрә дьле мә чаԝа бьһе жь бәр созе хԝәва.

ԝ16.04 32

Пьрсед Хԝәндәԝана

Чь йә «бьһе» у «мор», кʹижан кӧ һәр Мәсиһийе рʹункьри жь Хԝәде дьстинә? (2 Корн. 1:21, 22)

▪ Бьһе: Ль гора фәрһәнгәке, хәбәра Йунани ньвисар ә 2 Корьнтʹи 1:22-да, кʹижан кӧ һатийә ԝәлгәрʹандьне ча «бьһе», әԝ «термина ԛануни у комерси» бу. Әԝ термин дьһатә һʹәсабе «дайина әԝльн, дайина пʹарәкә жь һәԛ, йан пешдайин». Демәк, чахе мәрьв пешда пʹарәкә жь һәԛ дьдә сәва пәймана гьредайи ԛануни кә, у сәва пәйман бькәвә ԛәԝате. Дәрһәԛа рʹункьрийа жи 2 Корьнтʹи 5:1-5-да те готьне, кӧ әԝана ԝе һәԛе хԝәйи тʹәмам, демәк хәлата хԝә бьстиньн, чахе ԝанра бәдәна рʹӧһʹани бе дайине. Хәлата ԝан ӧса жи әԝ ә кӧ әԝана ԝе жийина һʹәта-һʹәтайе бьстиньн (1 Корн. 15:48-54).

Зьмане Йунанийә модернда гьли кӧ незики гьлийе бьһе йә, те хәбьтандьне ча гӧстила нишани. Әԝ гьли рʹьнд әʹйан дькә рʹункьрийа, демәк йед кӧ ԝе бь симболик бьбьнә пʹара жьна Мәсиһ (2 Корн. 11:2; Әʹйан. 21:2, 9).

▪ Мор: Бәреда, мор дьһатә хәбьтандьне чаԝа ԛол, сәва һәбука шәхси, ԛайилбуне, йан пәймане избат кьн. Рʹункьри бь симболик һатьнә «моркьрьне» бь рʹӧһʹе пироз, чаԝа һәбуна Хԝәде (Әфәс. 1:13, 14). Әԝ мор йа хьлазийе нинә, чьмки мора хьлазийе әԝана ԝе бьстиньн тʹәне пешийа мьрьне, һәрге амьн бьминьн, йан һьнәки пешийа дәстпебуна тәнгасийа мәзьн (Әфәс. 4:30; Әʹйан. 7:2-4).

(2 Корьнтʹи 2:14-16) Ле шькьр жь Хԝәде, кӧ тʹьме мә пʹега кʹома Мәсиһә сәркʹәтьнеда пешда дьбә у бина наскьрьна хԝә бь мә һәр дәра бәла дькә. ¹⁵ Чьмки әм бина Мәсиһә хԝәш ьн ль бәр Хԝәде, һьн нава хьлазбуйийада, һьн нава ӧндабуйийада. ¹⁶ Бона һьнәка әм бина мьрьне нә, кӧ ԝан бәрбь мьрьне дьбә у бона һьнәка жи бина жийине, кӧ ԝан бәрбь жийине дьбә. У кʹи дькарә ви бари һьлдә?

ԝ10 1/8 23

Ԝә Заньбу?

Паԝлосе шанди чь дьхԝәст бьгота, чахе гот «сәркʹәтьнеда пешда дьбә»?

▪ Паԝлос гот: «Хԝәде, кӧ тʹьме мә пʹега кʹома Мәсиһә сәркʹәтьнеда пешда дьбә у бина наскьрьна хԝә бь мә һәр дәра бәла дькә. Чьмки әм бина Мәсиһә хԝәш ьн ль бәр Хԝәде, һьн нава хьлазбуйийада, һьн нава ӧндабуйийада. Бона һьнәка әм бина мьрьне нә, кӧ ԝан бәрбь мьрьне дьбә у бона һьнәка жи бина жийине, кӧ ԝан бәрбь жийине дьбә» (2 Корьнтʹи 2:14-16).

Рʹомайи бь әʹдәта хԝә щәжьна сәркʹәфтьне пешда дьбьрьн у саз дькьрьн бона сәрәскәр йе кӧ сәр дьжмьна сәркʹәтьбу. Ԝәʹде щәжьнед ӧса, бохә у гьртийа дәрва бәр һʹәмушка дәрбаз дькьрьн у бь дәнге бьльнд һʹӧрмәт дькьрьн сәрәскәр. Хьлазийа ԝе щәжьне бохә ԛӧрбан дькьрьн, гьртийа жи щәза дькьрьн.

Фәрһәнгәкә Кʹьтеба Пирозда һатьбу готьне, ԝәки метафора «бина Мәсиһә хԝәш» бона һьнәка дьһатә һәсабе мьрьн, һьнәкарʹа жи жийин. Дьԛәԝьмә әԝ һатийә һьлдане жь әʹдәта Рʹомайа, чахе ԝәʹде сәркʹәтьне бьхура бинхԝәш ведьхьстьн. Бьхура бинхԝәш бона мәрьвед сәркʹәти дьһатә һʹәсабә шабун-шайи, ле бона гьртийа мьрьн.

Хԝәндьна Кʹьтеба Пироз

(2 Корьнтʹи 3:1-18) Гәло әм диса вәдьгәрʹьн, хԝәха пәсьне хԝә бьдьн? Йан мина һьнәка мәрʹа лазьм ә әм шәʹдәнәʹма сәр ԝәда бьшиньн, йан жь ԝә бьстиньн? ² Нә һун ьн шәʹдәнәʹмед мә дьле мәда ньвисар, алийе һәр мәрьвида наскьри у хԝәнди? ³ Кʹьфш ә кӧ һун нәʹма Мәсиһ ьн ви ԛӧльхида, йе кӧ әм дькьн, нә кӧ бь һʹӧбьре ньвисар, ле бь Рʹӧһʹе Хԝәдейе сах, нә кӧ сәр сәлед кәвьри, ле сәр тʹәхтед дьле хун у гошт. ⁴ Әм ве йәке Хԝәдеда гӧман ьн бь сайа Мәсиһ. ⁵ Нә кӧ әм жь хԝә һʹәсаб дькьн кӧ әм лайиԛи ве кьрьне нә, ле карина мә жь Хԝәде йә. ⁶ Әԝи әԝ карин да мә, ԝәки әм бьбьнә ԛӧльхкʹаред пәймана ну, нә кӧ йе ньвисаре, ле йе Рʹӧһʹ, чьмки ԛануна ньвисар дькӧжә, ле Рʹӧһʹ дьдә жийине. ⁷ Аԝа һәгәр әԝ ԛӧльхе кӧ сәр кәвьра бь һʹәрфа кʹолайи бу у ахьрийе мьрьне пешда тинә һаԛас хԝәйирʹумәт бу, ԝәки зарʹед Исраел нькарьбун рʹуйе Муса бьньһерʹийана, жь дәст ԝе шәԝԛа рʹуйе ԝийи кӧ диса ԝе дәрбаз буйа бьчуйа, ⁸ ле бәле ԛӧльхе Рʹӧһʹ ԝе һе чьԛас хԝәйирʹумәт бә? ⁹ Чьмки һәгәр әԝ ԛӧльхе кӧ ахьрийе диԝан сәр мәрьвада дани, һаԛас хԝәйирʹумәт бу, һе чьԛас зедә ԝе хԝәйирʹумәт бә әԝ ԛӧльхе кӧ мәрьв пе бесущ дьбьн. ¹⁰ Бәле йе кӧ хԝәйирʹумәт бу, әԝ берʹумәт дәркʹәт жь бәр ԝе рʹумәта кӧ сәр ԝерʹа бу. ¹¹ Һәгәр ԛӧльхе кӧ ԝе дәрбаз бьбуйа бьчуйа хԝәйирʹумәт бу, иди йе кӧ ԝе бьминә, һе чьԛас хԝәйирʹумәт ә! ¹² Аԝа әм хԝәйе ве гӧмане нә, ләма хәбәрдана хԝәда меркʹими нә. ¹³ Әм нә мина Муса нә, чаԝа ԝи хели авитьбу сәр рʹуйе хԝә, ԝәки зарʹед Исраел һʹәта хьлазийе әԝ рʹумәта ԝе дәрбаз буйа нәдитана. ¹⁴ Бәле әԝ сәԝдайе хԝәда фәʹмәкори бун у һʹәта иро жи гава пәймана кәвьн дьхуньн, хут әԝ хели сәр фәʹме ԝан дьминә. Әԝ һьнге те һьлдане, гава әԝ дьбьнә пʹара Мәсиһ. ¹⁵ Бәле һʹәта иро жи, гава Ԛануна Муса дьхуньн, хели сәр фәʹме ԝан дьминә, ¹⁶ ле гава йәк ль Хӧдан вәгәрʹә, һьнге «әԝ хели те һьлдане». ¹⁷ У әԝ Хӧдан Рʹӧһʹ ә у Рʹӧһʹе Хӧдан ль кʹӧ дәре бә, ль ԝе дәре жи азайи һәйә. ¹⁸ Аԝа әм һʹәму жи рʹуки бехеликьри мина нәйньке шәԝԛа рʹумәта Хӧдан вәдьгәрʹиньн у әм тенә гӧһастьне, дьбьнә хут әԝ сурәте ԝи у рʹумәтеда һеди-һеди пешда дьчьн, әв йәк бь аликʹарийа Хӧдан ә, кӧ хԝәха Рʹӧһʹ ә.