Кани бона «Бәрнама Щьвине, Бьжин у Хьзмәт кьн»
1-7 ТИРМӘҺЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | КОЛОСИ 1-4
«Мәрьве Кәвьн жь Хԝә Бехьн, у йе Ну ль Хԝә кьн»
(Колоси 3:5-9) Аԝа хԝәстьнед дьле хԝәйә ве дьне бькӧжьн: Бенамусийе, һʹәрамийе, тәме хьраб, дьлһавьжийа хьраб у тьмайе, кӧ пʹутпʹарьсти йә. 6 Әв ьн сәбәб кӧ хәзәба Хԝәде ԝе сәр ԝан мәрьвед кӧ нә гӧрʹа ԝида нә бе. 7 Ԝә жи ԝәхтәке әԝ тьшт дькьрьн, гава ԝә нава ԝан кьред хьрабда дьжит. 8 Ле ньһа һун ван һʹәмуйа жь хԝә дур хьн: Һерсе, бәрзәԛийе, хьрабийе, кʹьфьри-зьфьрийе у хәбәред нәщайиз жь дәве хԝә. 9 Һәвдӧрʹа дәрәԝа нәкьн, чьмки ԝә мәрьве кәвьн кьред ԝива жь сәр хԝә ехьстийә.
ԝ11 15/3 10 ¶12-13
Бьра Сәр Ԝә Рʹӧһʹе Хԝәде Һʹӧкӧм кә, нә кӧ йа ве Дьнйайе
12 Бь раʹбун-рʹуньштьна хԝә әз чь рʹӧһʹ дьдьмә кʹьфше? (Бьхунә Колоси 3:8-10, 13.) Рʹӧһʹе ве дьнийайе, кьред бәдәне пешда тинә (Гал. 5:19-21). Ԝи чахи те әʹйанкьрьне әм чь рʹӧһʹ дьдьнә кʹьфше, гава әм рʹасти щерʹьбандьна тен. Мәсәлә чахе хушк-бьра гӧһ надьнә мә, дьле мә дьешиньн йан пешбәри мә гӧна дькьн. Ӧса жи ԝе бе кʹьфше әм пе кʹижан рʹӧһʹи рʹебәри дьбьн, гава әм малда ньн. Әм дькарьн хԝә бь ван пьрса бьщерʹьбиньн: «Ван шәш мәһе пашьнда, мьн хԝә гӧһастийә, у те кʹьфше кӧ әз хәйсәт-һʹӧнӧред Иса дьдьмә хәбате, йан хәйсәте мьнә бәре сәр мьн һʹӧкӧм дькьн?»
13 Рʹӧһʹе Хԝәде дькарә али мә бькә мәрьве кәвьн кьред ԝива жь хԝә бехьн у йе ну хԝә кьн. Бь сайа ве йәке әме дьһа рʹәʹм бьн у мәрийа һʹьз бькьн. Әме бькарьбьн һеса бьбахшиньн мәрийа ԝи чахи жи, гава мәʹни һәбьн сәр ԝана газьна бькьн. Әме ида бь һерсе, бәрзәԛийе, хьрабийе, кʹьфьри-зьфьрийе у хәбәред нәщайиз хәбәр нәдьн. Дәԝсе әме һелан бьн бәр дьле мәрийада бен (Әф. 4:31, 32).
(Колоси 3:10-14) у әԝи ну ль хԝә кьрийә. Әԝ мәрьве ну рʹож бь рʹож анәгори сурәте Әʹфьрандаре хԝә те нукьрьне, ԝәки Хԝәде тʹам нас кә. 11 Иди фьрԛи нә нава щьһу у нәщьһуйада һәйә, нә нава сьнәткьри у нәсьнәткьрийада, нә барбар у бәйанийада у нә жи хӧлам у азайада, ле сәри Мәсиһ ә у Мәсиһ ә нава һәр баԝәрмәндида. 12 Аԝачаԝа щьмәʹта Хԝәдейә бьжартийә пироз у һʹьзкьри, дьлшәԝатийе, ԛәнщийе, мьлуктийе, бәрбьһерийе у сәбьре ль хԝә ԝәргьрьн. 13 Ль һәв сәбьр кьн у ль һәв бьбахшиньн, һәгәр газьне йәки ль һьндава йәкида һәбә. Чаԝа Хӧдан бахшандә ԝә, һун жи ӧса бьбахшиньнә һәв. 14 У сәр ван һʹәмуйада һʹьзкьрьне ль хԝә кьн, йа кӧ ван һʹәмуйа бь йәктийа тʹам һәвва гьредьдә.
ԝ13 15/9 21 ¶18-19
Һун Тенә Гӧһастьне?
18 Сәва кӧ Хәбәра Хԝәде мә алийе башда бьгӧһезә, бәс нинә тʹәне Кʹьтеба Пироз бьхуньн у леколин кьн. Гәләк мәрьв ԝәʹдә дьвиньн кӧ Кʹьтеба Пироз бьхуньн, у заньн чь теда ньвисар ә. Дьԛәԝьмә мәрьвед ӧса хьзмәтийеда рʹасти ԝә һатьнә. Һьнәк жь ԝан һәла һе һьнә рʹезед жь Кʹьтеба Пироз, әзбәри жи заньн. Ле йазьх әԝ сәр кьред ԝан һʹӧкӧм накә. Гәло кемасийа ԝан чьда нә? Сәва кӧ Хәбәра Хԝәде сәр мәрьв һʹӧкӧм кә у ԝи бьгӧһезә әԝ хԝәха гәрәке изьне бьдә, ԝәки әԝ сәр дьле ԝи һʹӧкӧм кә. Ләма жи әм гәрәке ԝәʹдә бьвиньн, ԝәки бьфькьрьн сәр тьштед кӧ әм педьһʹәсьн. Ԝе баш бә әм ван пьрса бьдьнә хԝә: «Әз избат бумә, ԝәки әва нә кӧ тʹәне һинкьрьнед рʹелигийайе нә? Мьн избати дитьнә, ԝәки әва рʹасти йә? Әз тедәрдьхьм, ԝәки ван ширәта гәрәке әʹмьре хԝәда жи бьдьмә хәбате, нә кӧ тʹәне мәрьва һин кьм? Әз тедәрдьхьм ԝәки бь ван хәбәра Йаһоԝа дьхԝазә мьнрʹа хәбәр дә? Бь сайа ван пьрса әме һәләԛәтийа хԝә тʹәви Йаһоԝа ԛәԝи кьн. Әме дәстпекьн һе зедә ԝи һʹьз бькьн. Әԝ һʹәму тьшт ԝе мә һелан кьн гӧһастьна әʹмьре хԝәда бькьн (Мәтʹлк. 4:23; Луԛа 6:45).
19 Бь сайа хԝәндьн у фькьрандьна сәр Кʹьтеба Пироз әме һелан бьн бәрдәԝам кьн ван гӧһастьна бькьн, чь кӧ мә ида дәстпекьрийә бькьн гава мә ԝан хәбәра бьһист: «Мәрьве кәвьн кьред ԝива жь хԝә бехьн у йе ну хԝә кьн йа кӧ бь сайа занәбуна рʹаст те гӧһастьне» (Кол. 3:9, 10). Бәле әм дькарьн сәрфьраз бьн, гава нета Хәбәра Хԝәде фәʹм бькьн у сәр хԝә һʹӧкӧме ԝи тʹәхмин кьн. Чахе әм бенә гӧһастьне йане кәсе ну ль хԝә бькьн, әв йәк ԝе али мә бькә хԝә жь тʹәлькед Шәйтʹан хԝәй кьн.
Хьзна Кʹьтеба Пироз Бьгәрʹьн
(Колоси 1:13, 14) Әԝи әм жь һʹӧкӧмәтийа тәʹристанийе хьлаз кьрьн у щи-гӧһасти Пʹадшатийа Кӧрʹе хԝәйи һʹьзкьри кьрьн, пе кʹижани әм аза бун, аԝа готи мә бахшандьна гӧна станд. 14 пе кʹижани әм аза бун, аԝа готи мә бахшандьна гӧна станд.
it-2 169 ¶3-5
Пʹадшатийа Хԝәде
«Пʹадшатийа Кӧрʹе . . . Һʹьзкьри». Рʹожа Пенщиһʹәсабе сала 33 Д.М., дәһ рʹож шунда паши чуйина Иса сәр әʹзмана, әԝи рʹӧһʹе пироз шандә сәр шагьртед хԝә. Бь сайа ве йәке шагьрта тедәрхьстьн, ԝәки «Хԝәде әԝ һьлкʹьшанд да кʹеләка хԝәйә рʹасте» (Кʹр.Шн. 1:8, 9; 2:1-4, 29-33). Жь ԝи чахи «пәймана ну» дәстпебу, йа кӧ тʹәви ԝан һатьбу гьредане, у әԝана бунә һʹиме «щьмәʹта пироз» йа Оршәлима рʹӧһʹани (Ибр. 12:22-24; 1 Пт. 2:9, 10; Гл. 6:16).
Жь ԝи чахи Иса Мәсиһ, йе кӧ алийе мьле рʹастейә Баве хԝә рʹуньшт, сәрԝертийе щьвата дькә (Әф. 5:23; Ибр. 1:3; Флп. 2:9-11). Кʹьтеба Пирозда әʹйан те кʹьфше, ԝәки жь рʹожа Пенщиһʹәсабе сала 33 Д.М. пʹадшатийа рʹӧһʹани сәр шагьртед ԝи һʹӧкӧм дькә. Нәʹмайа хԝәда Паԝлосе шанди Колосийе ԛьрʹна йәкеда, дәрһәԛа Иса Мәсиһ дьвежә ча дәрһәԛа әԝе кӧ ида һʹӧкӧме пʹадшатийе стандийә: «[Хԝәде] әм жь һʹӧкӧмәтийа тәʹристанийе хьлаз кьрьн у щи-гӧһасти Пʹадшатийа Кӧрʹе хԝәйи һʹьзкьри кьрьн» (Кл. 1:13; Бәрамбәри һәв кә тʹәви Кʹр.Шн. 17:6, 7).
Пʹадшатийа Иса Мәсиһ, йа кӧ жь рʹожа Пенщиһʹәсабе сала 33 Д.М., һʹӧкӧмтийе дькә, әԝ һәйә пʹадшатийа рʹӧһʹани йа кӧ сәр Оршәлима рʹӧһʹани һʹӧкӧмтийе дькә, демәк әԝ Мәсиһийед кӧ жь рʹӧһʹе Хԝәде һатьнә буйине, ԝәки бьбьнә кӧрʹе Хԝәде йе рʹӧһʹани (Йн. 3:3, 5, 6). Гава әԝ Мәсиһийед бь рʹӧһʹ кʹьфшкьри, хәлата хԝә сәр әʹзмана бьстиньн, ԝе ида бьнәлийед Пʹадшатийа Иса йа рʹӧһʹани сәр әʹрде нибьн, ле ԝе тʹәви ԝи пʹадшатийе бькьн (Әʹнт. 5:9, 10).
(Колоси 2:8) Һаш жь хԝә һәбьн, нәбә кӧ йәк бь сәрԝахтийа дәрәԝә пʹучʹ дьле ԝә бькә һесир. Әԝ жь әʹдәтед мәрьва у сьхьред ве дьнйайе тен, нә жь Мәсиһ.
ԝ08 15/8 28 ¶9
Фькьред Ԛимәт жь Нәʹмед Галатийарʹа, Әфәсийарʹа, Фьлипийарʹа у Колосийарʹа
2:8 Чь нә принсипед ве дьнйайе дәрһәԛа кʹижана кӧ Паԝлос дьгот, ԝәки хԝә жь ԝан хԝәй кьн? Әԝ һәнә принсипед дьнйа Шәйтʹан, йед кӧ һʹале ве дьдә кʹьфше сәр ве һʹӧкӧм дькә у ве һелан дькә (1 Йн. 2:16). Нава ве йәкеда дькʹәвьн философийа, материйализм, у рʹелигийед ԛәлп.
Хԝәндьна Кʹьтеба Пироз
(Колоси 1:1-20) Жь Паԝлосе бь әʹмьре Хԝәде шандийе Мәсиһ Иса у жь Тимотʹейойе бьра, 2 Щьмәʹта Хԝәдерʹа, ԝан хушк-бьрайед амьнә йәктийа Мәсиһда кӧ Колосйайеда дьминьн: Дә бьра кʹәрәм у әʹдьлайийа Хԝәдейе Баве мә* ль ԝә бә. 3 Әм тʹьме гава бона ԝә дӧа дькьн, шькьрийа хԝә ль Хԝәдейе Баве Хӧдане хԝә Иса Мәсиһ тиньн, 4 чьмки мә бона ԝе баԝәрийа ԝәйә сәр Мәсиһ Иса у ԝе һʹьзкьрьна ԝәйә һьндава тʹәмамийа щьмәʹта Хԝәдеда бьһистийә. 5 Әв йәк жь ве гӧмане те, йа кӧ әʹзманада ԝәрʹа те хԝәйикьрьне, бона кʹижане ԝә бьһистийә, гава пешда хәбәра Мьзгинийейә рʹаст 6 гьһиштә ԝә. У әԝ Мьзгини тʹәмамийа дьнйайеда дьгьһижә у бәр дьдә, чаԝа нава ԝәда жи жь ԝе рʹожеда, гава ԝә бьһист у кʹәрәма Хԝәде тʹәмамийа рʹастийа ԝева нас кьр. 7 Һун ве йәке жь һәвалхӧламе мәйи һʹьзкьри Епафрас һин бунә, кӧ һьндава мәда бәрдәстики мәсиһи амьн ә. 8 Әԝи бона ԝе һʹьзкьрьна кӧ Рʹӧһʹ дайә ԝә мәрʹа гот. 9 Бона ԝе йәке жи жь ԝе рʹожеда гьрти, гава мә бона ԝә бьһист, мә дәст жь дӧа у һивикьрьне нәкʹьшандийә, ԝәки һун занәбуна әʹмьре Хԝәдеда гьһишти бьн, бь һʹәму сәрԝахти у занәбуна рʹӧһʹанива тʹьжи бьн, 10 ԝәки һун бькарьбьн хԝә ӧса хԝәй кьн, чаԝа лайиԛи Хӧдан ә, һәр алийава ль ԝи хԝәш бен, һәр ԛәнщикьрьнеда хԝәйибәр бьн, бь занәбуна Хԝәде бьгьһижьн. 11 Бьра һун анәгори тʹәмамийа ԝе ԛәԝата ԝийә кӧ жь зорайийа ԝийә хԝәйирʹумәт те ԛәԝат бьн, кӧ һун һәр тьштида бь думька дьреж сәбьр бькьн. Бь әшԛ 12 шькьрийа хԝә бьдьнә Баве, кӧ һун лайиԛи ве йәке кьрьнә, ԝәки һун Пʹадшатийа рʹонайеда тʹәви щьмәʹта ԝи бьбьнә хԝәйипʹар. 13 Әԝи әм жь һʹӧкӧмәтийа тәʹристанийе хьлаз кьрьн у щи-гӧһасти Пʹадшатийа Кӧрʹе хԝәйи һʹьзкьри кьрьн, 14 пе кʹижани әм аза бун, аԝа готи мә бахшандьна гӧна станд. 15 Әԝ ә сурәте Хԝәдейе кӧ хӧйа набә, әԝ Ньхӧрийе Хԝәде йә, сәр һʹәму әʹфьринарʹа. 16 Чьмки бь дәсте ԝи һәр тьштед ль әʹрд у әʹзмана әʹфьринә, чь кӧ хӧйа дьбьн, чь кӧ хӧйа набьн, һәгәр кʹӧрси йан хӧданти бьн, һәгәр сәрԝерти йан һʹӧкӧмәти бьн, һәр тьшт бь дәсте ԝи у бона ԝи әʹфьринә. 17 Әԝ бәри һәр тьшти һәбу у һәр тьшт бь сайа сәре ԝи щийе хԝәда дьминьн. 18 Әԝ ә сәре Бәдәне, аԝа готи сәре щьвине, дәстпебуна ԝе у ньхӧрийе жь нава мьрийа, ԝәки һәр тьштида әԝ бьбә йе пеш. 19 Чьмки ль Хԝәде хԝәш һат, кӧ тʹәмамийа бьнйатʹа хԝәдетийе нава ԝида бә 20 у бь ԝи һәр тьшти тʹәви хԝә ль һәв бинә, һәгәр ль сәр әʹрде бә, йан жи ль әʹзмана бә, бь ԝе хуна ԝийә сәр хаче рʹьжийайи әʹдьлайийе бькә.
8-14 ТИРМӘҺЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | 1 ТʹЕСАЛОНИКИ 1-5
«Дьл Бьдьнә Һәв у Али Һәвдӧ Бькьн»
(1 Тʹесалоники 5:11-13) Бона ве йәке дьл бьдьнә һәв у аликʹарийа һәвдӧ бькьн, чаԝа һун дькьн жи. 12 Әм һиви жь ԝә дькьн хушк-бьрано, ԛәдьре ԝан бьгьрьн, йед кӧ нава ԝәда дьхәбьтьн, жийина хԝәденасийеда сәʹвитийе ль ԝә дькьн у ԝә ширәт дькьн. 13 Ԛәдьре ԝана бь һʹьзкьрьне һе бьльнд бьгьрьн бона шьхӧле ԝан. Һәврʹа тʹьфаԛ бьн.
ԝ11 15/6 26 ¶12
Ԛәдьре Ԝан Бьгьрьн, кʹи кӧ Бь Хирәт Шьхӧлкʹарийе Дькьн
12 Рʹебәрийе щьвате бькьн йан жи щьватеда кʹар бькьн, әв нә тʹәне һинкьрьн ә. Ль 1 Тимотʹейо 3:4-да кʹижанида әԝ хәбәра Йунани те хәбьтандьне, Паԝлос дьбежә ԝәки бәрпьрсийар «малхетийе рʹьнд ль мала хԝә бькә, зарʹед хԝә гӧрʹа хԝәда һәр алийава маԛулийеда мәзьн кә». «Малхетийе бькьн» йан «бәр бьсәкьньн» дьԛәԝьмә те һʹәсабе нә тʹәне зарʹа һин кьн, ле малхетийе һьлдьн сәр хԝә, ԝәки зарʹед хԝә гӧрʹа хԝәда мәзьн кьн. Рʹуспи щьватеда рʹебәрийе һьлдьдьн сәр хԝә, ԝәки али һәр кәса бькьн гӧрʹа Йаһоԝада бьн (1 Тим. 3:5).
ԝ11 15/6 28 ¶19
Ԛәдьре Ԝан Бьгьрьн, кʹи кӧ Бь Хирәт Шьхӧлкʹарийе Дькьн
19 Тәйе чь сәр хԝә тʹәхмин кьра, һәрге кәсәк тәрʹа пʹешкʹеш бьда йа кӧ бь дәсте хԝә чекьрьбу. Тәйе рʹазибуна хԝә бь ве йәкә бьда кʹьфше, гава әв пʹешкʹеш бьда хәбате. Йаһоԝа бь сайа Иса Мәсиһ, «пʹешкʹеш бь щурʹе мәрьва» дайә тә. Сәва кӧ рʹазибуна хԝә бона ԝан бьди кʹьфше, ԝе баш бә сәр щьвате рʹьнд гӧһ бьди готаред рʹуспийа у жийина хԝәда бьди хәбате. Ӧса жи рʹазибуна хԝә тӧ дькари бь щабед хԝәйи баш бьди кʹьфше. Пьштгьрийа шьхӧле хьзмәтийе бькә, сәва кʹижани кӧ рʹуспи щабдар ьн. Һәрге ширәта рʹуспики али тә кьр, ԝе баш бә дәрһәԛа ве йәке ԝирʹа бежи. Ӧса жи ԝе баш бә жь нәфәред ԝан жи рʹазибуне бьхԝази. Бир нәкә, сәва кӧ рʹуспи бь хирәт щьватеда кʹар бькьн, малбәта ԝан ви ԝәʹде хԝә ԛӧрбан дькьн, йа кӧ ԝе тʹәви ԝи дәрбаз кьрана.
(1 Тʹесалоники 5:14) Әм һиви жь ԝә дькьн хушк-бьрано, йед бепʹәргалә бехирәт ширәт кьн, дьл бьдьнә бәр тьрсонәка, кери кʹәтийа ԝәрьн, һьндава һʹәмуйада сәбьра ԝә һәбә.
«Һьз Бькьн . . . бь Кьра у Рʹастийе»
13 Кʹомәке бьдьнә сьста. Кʹьтеба Пироз тʹәмийе дьдә кӧ «кери кʹәтийа» бен у «һьндава һʹәмуйада» бь сәбьр бьн. Әԝ йәк кӧ әм ча әве тʹәмийе тиньн сери, дькарә әʹйан кә кӧ һʹьзкьрьна мә рʹаст ә йан на (1 Тʹеслн. 5:14). Гәләк хушк-бьра кӧ рʹӧһʹанида сьст дьбьн, ԝәʹдә шунда диса рʹӧһʹанида ԛәԝи дьбьн. Ле тʹәви һьнәка һе зедә лазьм ә бь сәбьр бьн у пе һʹьзкьрьне али ԝан бькьн. Мәсәлә, әм дькарьн рʹезед жь Кʹьтеба Пироз ԝанрʹа бьхуньн у ԝана дьлгәрм кьн, ӧса жи тʹәви ԝан һәрʹьн хьзмәтийе, йан жи гава әԝана дьле хԝә мәрʹа вәдькьн, гӧһ бьдьнә ԝан. Ԝе баш бә кӧ әм нәфькьрьн, ԝәки хушк йан бьрак «ԛәԝи» йан «сьст ә», ле дәԝсе әм гәрәке фәʹм кьн кӧ һәр кәс тьштәкида ԛәԝи йә у тьштәкида сьст ә. Һәла һе Паԝлосе шанди жи дәрһәԛа сьстбунед хԝә дьгот (2 Корн. 12:9, 10). Бәле, мә һʹәмушкарʹа аликʹари у дьлгәрми лазьм ә.
ԝ15 15/2 9 ¶16
Чʹәʹв Бьдьнә Иса Мьлукти у Дьлшәԝатийеда
16 Хәбәред мәйә дьлшәԝат. Дьлшәԝати мә һелан дькә, ԝәки әм пе хәбәред хԝә бәр дьле мәрьвед дьлтәнгда бен (1 Тʹесалоники 5:14). Ле чь әм дькарьн бежьн ԝәки ԝана дьлгәрм кьн? Әм дькарьн ԝанарʹа бежьн, кӧ әм чьԛас бона ԝан хәм дькьн. Әм дькарьн пʹайе ԝан бьдьн, у али ԝан бькьн кӧ әԝана бьвиньн һʹӧнӧр у фәрәсәтед хԝәйә баш. Әм дькарьн биньнә бира ԝан, кӧ Йаһоԝа әԝана анинә сәр рʹийа рʹаст у әԝана гәрәке жь Йаһоԝа рʹази бьн (Йуһʹәнна 6:44). Әм дькарьн ԝана бьдьнә баԝәркьрьне, кӧ Йаһоԝа гәләк хәм дькә бона һʹәму ԛӧльхкʹаред хԝә, йед кӧ дьлшкәсти нә (Зәбур 34:18). Хәбәред мәйә дьлшәԝат бь растийе жи дькарьн дьлгәрм кьн ԝан, йед кӧ һʹәԝще бәрдьлийе нә (Мәтʹәлок 16:24).
Хьзна Кʹьтеба Пироз Бьгәрʹьн
(1 Тʹесалоники 4:3-6) Хԝәстьна Хԝәде әԝ ә, кӧ һун һʹәлал бьн, жь ԛавийе дур бьн. 4 Бьра жь ԝә һәр кәс жи заньбә ԛальбе хԝә һʹәлал у бь намуси хԝәй кә, 5 нә бь хԝәстьна тәме хьраб, мина пʹутпʹарьста, йед кӧ Хԝәде нас накьн. 6 Бьра нәбә кӧ йәк ԝе йәкеда жь әʹсьлтийе дәре у намуса хушк-бьрарʹа бьлизә. Хӧдане бона ван һʹәму тьшта һʹәйфе жь ԝан һʹәмуйа һьлдә, чаԝа мә әв йәк пешда ԝәрʹа гот у бь мәʹрифәти тʹәми ль ԝә кьр.
it-1 863-864
Бенамуси
Бенамуси, гӧнәки мәзьн ә у сәва ве йәкә дькарьн мәрьв жь щьвате дәрхьн (1 Кр. 5:9-13; Ибр. 12:15, 16). Паԝлосе шанди шьровәдькә, кӧ Мәсиһи йе кӧ бенамусийе дькә, пешбәри бәдәна хԝә гӧнә дькә, чьмки органед хԝәйә щьнси бь тәме хьраб дьбә хәбате. Бь кьред хԝәйә бенамуси әԝ зийанәкә мәзьн дьдә рʹӧһʹанийа хԝә, щьвата Хԝәде дьһʹәрьминә у әʹмьре хԝә дькә бьн хофе, чьмки дькарә нәхԝәшийед хьраб бьстинә (1 Кр. 6:18, 19). Әԝ Мәсиһи намуса хушк-бьрарʹа дьлизә (1 Тʹс. 4:3-7) бь вейәке кӧ: 1) щьвате дьһʹәрʹьминә у наве ве хьраб дькә (Ибр. 12:15, 16) 2) наве ԝи мәрьвирʹа дьлизә тʹәви кʹижани бенамусийе дькә у һәрге әԝ мәрьв нәзәԝьщи йә, мәщале ԝи дьстинә ԝәки әԝ ча йәки тʹәмьз бьзәԝьщә, 3) наве малбәта хԝә рʹәш дькә, 4) ча дьле де-баве ԝи мәрьви, ӧса жи дьле дәргистийе ԝи мәрьви дешинә тʹәви кʹижани бенамусийе дькә. Әԝ нә кӧ мьԛабьли ԝи мәрьви дәрте ԛануне кʹижани дькарьн кьред ԝи сущдар кьн йан жи на, ле мьԛабьли Хԝәде, йе кӧ ԝе әʹсәйи ԝи щәза кә, сәва гӧне ԝийи гьран (1 Тʹс. 4:8).
(1 Тʹесалоники 4:15-17) Әм ве йәке бь готьна Хӧдан ԝәрʹа дьбежьн: Әм кӧ һʹәта һатьна Хӧдан бьжин сах бьминьн, тʹӧ щар пешийа мьрийа накʹәвьн. 16 Хӧдане хԝәха бь әʹламәтикә фәрмани, бь дәнге сәрәкмьлйакʹәт у лехьстьна борʹийа Хԝәде жь әʹзмен бе хԝаре у әԝ мьрийед кӧ Мәсиһ баԝәр кьрьбун, ԝе пешийе жь мьрьне рʹабьн, 17 паше, әм кӧ сах манә, тʹәви ԝан әʹԝрава бенә рʹаһьштьне, һәԝеда рʹасти Хӧдан бен у бь ви аԝайи әме һʹәта-һʹәтайе тʹәви Хӧдан бьн.
ԝ15 15/7 18-19 ¶14-15
«Азабуна Ԝә Иди Незик ә»!
14 Чь ԝе бьԛәԝьмә чахе Гог у Магог дәстпекә пәй щьмәʹта Хԝәде кʹәвә? Кʹьтеба Пироз дьбежә кӧ Кӧрʹе инсан ԝе «мьлйакәтед хԝә бьшинә у ԝе бьжартийед хԝә жь чар алийан, жь пʹәрʹе әʹрде һʹәта пʹәрʹе әʹзмен бьщьвинә» (Марԛос 13:27, ИМ; Мәтта 24:31). Әԝ щьвандьна рʹункьрийа найе һʹәсабе, әԝ ԝәʹдә чахе әԝана щара пешьн һатьнә бьжартьне. Әԝ щьвандьн ӧса жи найе һʹәсабе, кӧ рʹункьри кʹижан кӧ һе сәр әʹрде нә, ԝе мора хьлазийе бьстиньн (Мәтта 13:37, 38). Чьмки әԝана мора хьлазийе ԝе пешийа дәстпебуна тәнгасийа мәзьн бьстиньн (Әʹйанти 7:1-4). Ле ԝәки ӧса нә, әԝ щьвандьн чь те һʹәсабе? Әԝ щьвандьн те һʹәсабе, чахе рʹункьрийед кӧ һе сәр әʹрде нә, хәлата хԝә бьстиньн у һәрʹьнә ль әʹзмана (1 Тʹесалоники 4:15-17; Әʹйанти 14:1). Әԝ йәк ԝе бьԛәԝьмә, һьнәк ԝәхт паши дәстпекьрьна һеришкьрьна Гог у Магог (Һәзәԛел 38:11). Паше, чаԝа кӧ Иса гот, «мәрьвед рʹаст ԝе Пʹадшатийа Баве хԝәда мина тәʹве шәԝԛ бьдьн» (Мәтта 13:43).
15 Гәләк Мәсиһийед ве дьнйайе баԝәр дькьн, кӧ әԝана ԝе һәрʹьн ль әʹзмана, бь бәдәна мәрьви. Әԝана ӧса жи дьфькьрьн, кӧ әԝана ԝе бь чʹәʹве хԝә бьвиньн, кӧ ча Иса вәдьгәрʹә сәр әʹрде сәва кӧ сәрԝертийе бькә. Ле Кʹьтеба Пироз әʹйан нишан дькә, кӧ һатьна Иса ԝе нәйе дитьне, чьмки «нишана Кӧрʹе Инсан ԝе ль әʹзмен хӧйа бә», у кӧ Иса ԝе «ль сәр әʹԝред әʹзмен» бе (Мәтта 24:30). Һьн жи Кʹьтеба Пироз дьбежә, кӧ «хун у гошт ль Пʹадшатийа Хԝәде нькарьн ԝар бьн». Демәк, әԝед кӧ ԝе һәрʹьнә ль әʹзман, пешийе гәрәке «бенә гӧһастьне, ньшкева, чаԝа чʹәʹве хԝә бьгьри-вәки, дәма борийа ахьрийе бе ледане». (Бьхунә 1 Корьнтʹи 15:50-53.) Жь ԝе йәке әм дьвиньн кӧ рʹункьрийед амьн, кʹижан кӧ һе сәр әʹрде нә, ԝе дәрбера бенә щьвандьне.
Хԝәндьна Кʹьтеба Пироз
(1 Тʹесалоники 3:1-13) Һәйнәсәр, мә иди нькарьбу сәбьр бькьра. Әм шеԝьрин, кӧ әм тʹәне бьминьнә Атʹинайе 2 у Тимотʹейойе бьрайе мә, йе кӧ тʹәви мә бона Хԝәде, Мьзгинийа Мәсиһда дьхәбьтә, сәр ԝәда бьшиньн, кӧ баԝәрийа ԝә ԛәԝин кә у дьл бьдә ԝә, 3 ԝәки ван тәнгасийада тʹӧ кәс жь ԝә нәлькʹӧмә. Чьмки һун хԝәха заньн кӧ әв йәкана бона мә нә. 4 Бәле гава әм щәм ԝә бун, мә һе һьнгеда ԝәрʹа дьгот, кӧ әме рʹасти тәнгасийа бен у ӧса жи бу, чаԝа һун заньн. 5 Бона ве йәке мьн иди сәбьр нәкьр, Тимотʹейо шанд, ԝәки әз һаш жь баԝәрийа ԝә һәбьм, кӧ нәбә Щерʹьбандкьр һун щерʹьбандьбьн у щәфе мә дәйа һәрʹә. 6 Ле ньһа Тимотʹейо жь щәм ԝә сәр мәда вәгәрʹийа у мьзгинийа баԝәри у һʹьзкьрьна ԝә да мә. Ԝи гот, кӧ ԝә әм хԝәш бира хԝәда хԝәй кьрьнә у һʹәйра мәда нә, чаԝа әм жи йа ԝәда. 7 Аԝа хушк-бьрано, нава һʹәму тәʹли у тәнгийед мәда бь әшԛи ԝе баԝәрийа ԝә бин һатә бәр мә, 8 чьмки гава һун рʹийа Хӧданда мьԛәрʹм дьминьн, бин жи те бәр мә. 9 Әм чь рʹазибуне дькарьн бьдьнә Хԝәде бона ԝә у ԝан һʹәму шабуна, кӧ әм бона ԝә ль бәр Хԝәдейе хԝә ша дьбьн? 10 Әм шәв у рʹож бь дьл у щан рʹәща дькьн, кӧ рʹуйе ԝә бьбиньн у кемасийа баԝәрийа ԝә тʹьжи кьн. 11 Дә бьра Хԝәде, Баве мә хԝәха у Хӧдане мә Иса рʹийа мә рʹаст кә, әм бенә щәм ԝә. 12 Бьра Хӧдан һʹьзкьрьна ԝә һьндава һәв у һʹәмуйед майинда бьгьһинә у зедә кә, чаԝа йа мә жи һьндава ԝәда һәйә. 13 Дә бьра әԝ дьле ԝә бьшьдинә, ԝәки һун пирозийеда беԛӧсур бьн, ль бәр Хԝәде Баве мә, ԝәхте һатьна Хӧдане мә Иса, һʹәму пирозед хԝәва тʹәвайи.
15-21 ТИРМӘҺЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | 2 ТʹЕСАЛОНИКИ 1-3
«Ԝе Йе Нәһәԛ Әʹйан бә»
(2 Тʹесалоники 2:6-8) У һун заньн кӧ ньһа чь наһелә әԝ хӧйа бә, ԝәки әԝ ԝәхте кʹьфшкьрида хӧйа бә. 7 Чьмки Сӧрʹа Нәһәԛийе иди йа хԝә дькә, ле әԝе кӧ ньһа наһелә, ԝе нәһелә һʹәта кӧ хԝәха жь наве бе һьлдане. 8 У паше Әԝе Нәһәԛийе ԝе кʹьфш бә, кӧ Хӧдан Исайе бь һӧлма дәве хԝә ԝи ӧнда кә у бь хӧйабуна шәԝԛа хԝәва ԝи кʹӧта кә.
it-1 972-973
Амьни Хԝәдерʹа
Һәйә диса сӧрʹәк йа кӧ щӧдә дьбә жь сӧрʹа Йаһоԝайи пироз. Әԝ дәрһәԛа сӧрʹа ве нәһәԛийе йә. Бона Мәсиһийед рʹаст әԝ нәәʹйанкьри ма, чьмки рʹожед Паԝлосда «йе нәһәԛ» ча кʹома кʹьфшкьри һе әʹйан нәбьбу. Һәла һе паши әʹйанкьрьна ԝи «мәрьви» гәләка фәʹм нәдькьрьн әԝ кʹи йә, чьмки әԝи нәһәԛийе дькьр бь наве Хԝәде. Нәһәԛийа ԝи, әԝ жь амьнийа Хԝәде дур хьст. Паԝлос гот ԝәки әԝ нәһәԛи ида рʹожед ԝида әʹйан бу, чьмки щьвата Мәсиһийада ида дьһатә кʹьфше һʹӧкӧмкьрьна ԝи. Жь бо ве йәке кʹома рʹабәра пешда һат. Ԝәʹде һатьна хԝә, Иса ԝе ԝи кʹӧта кә. Әԝ «мәрьве» рʹабәр, йе кӧ бьн һʹӧкӧме Шәйтʹанда нә, ԝе хԝә сәр һәʹмуйарʹа бьгьрә кʹи кӧ хԝә ча «хԝәде» йан жи йе кӧ һежайи сәре хԝә бәр ԝи дайньн, һʹәсаб дькә [йунани, себасма]. Бь ван кьре хԝә, мьԛабьле Хԝәде, йе кӧ һащәта ль дәсте Шәйтʹанда нә, ԝе бь дәрәԝийе пәйчуйед хԝә бьхальфинә у паше ԛьрʹ кә. Пешдачуйина йе нәһәԛ ве йәкеда нә, кӧ әԝ хԝә пьш ве йәке вәдьшерә, йан чь Хԝәдерʹа амьн ә (2 Тʹс. 2:3-12; Мт. 7:15, 21-23).
(2 Тʹесалоники 2:9-12) Һатьна Йе Нәһәԛийе ԝе бь ԛәԝата Мирещьн бә, һʹәта һʹӧнӧре ԝи һәбә ԝе нишан у кʹәрәмәтед дәрәԝ бькә10 у йед кӧ ӧнда дьбьн бь һәр щурʹә нәһәԛийа бьхапинә. Әԝана ӧнда дьбьн, чьмки ԝана рʹасти һʹьз нәкьр у ԛәбул нәкьр кӧ хьлаз бьн. 11 Ләма жи Хԝәде хальфандьнәкә зор сәр ԝанда дьшинә, кӧ баԝәрийа хԝә дәрәԝийе биньн, 12 ԝәки диԝана ԝан һәр кәси бьбә, йед кӧ баԝәрийа хԝә рʹастийе нәанин, ле кʹефа ԝан нәһәԛийерʹа һат.
it-2 245 ¶7
Дәрәԝи
Йаһоԝа Хԝәде дьһелә, ԝәки хальфандьн һʹӧкӧм кә сәр ԝан мәрьва, кʹе кӧ дәрәԝийе һʹьз дькьн, ԝәки әԝана «баԝәрийа хԝә дәрәԝийе биньн», нә кӧ мьзгинйа хере дәрһәԛа Иса Мәсиһ (2 Тʹс. 2:9-12). Әва әʹшкәрә те кʹьфше сәр мәсәле, йа кӧ гәләк ԛьрнә пешда сәре Аһаб, Пʹадше Исраеле ԛәԝьми. Пʹехәмбәред дәрәԝ дьготьнә пʹадше, ԝәки әԝе Рамот-гиләд алт кә, ле Микʹайа пʹехәмбәре Йаһоԝа гот, ԝәки ԛәзийа мәзьн һивийа Аһаб ә. Микʹайарʹа бь хәвн-хәйале һатә әʹйанкьрьне, ԝәки Йаһоԝа изьн да әʹфьрьнәки хԝәйи рʹӧһʹани, ԝәки әԝ бьбә рʹӧһʹе дәрәԝийе сәр заре пʹехәмбәред Ахаб. Әԝ әʹфьрине рʹӧһʹани ӧса сәр ԝан һʹӧкӧм кьр, ԝәки ԝана дәстпекьр нә кӧ рʹастийе падшерʹа бежьн, ле әв йәк чь кӧ хԝәха дьхԝәстьн бьготана у чь кӧ пʹадша дьхԝәст жь ԝан бьбьһе. Рʹаст ә Аһабрʹа готьн ԝәки әв йәк тʹәльк ә, йәкә әԝи итʹбарийа хԝә дәрәԝийе ани у әʹмьре хԝә ӧнда кьр (1 Пʹд. 22:1-38; 2 Др. 18).
Хьзна Кʹьтеба Пироз Бьгәрʹьн
(2 Тʹесалоники 1:7, 8) у йед жь ԝә тәнгасийеда нә, тʹәви мә бьдә һесакьрьне. Әве аһа бә, гава Хӧдан Иса тʹәви мьлйакʹәтед хԝәйә зор жь әʹзменва бь кʹура егьр хӧйа бә, 8 ԝәки һʹәйфе жь ԝан һьлдә, йед кӧ нахԝазьн Хԝәде нас кьн у гӧрʹа Мьзгинийа Хӧдане мә Иса накьн.
it-1 834 ¶5
Агьр
Пәтрус дьньвиси, ԝәки «әʹрд у әʹзманед ньһа . . . тенә хԝәйкьрьне, кӧ бь агьр ӧнда бьн». Контекст, ӧса жи рʹезед дьн нишан дькьн, ԝәки хәбәрдан дәрһәԛа агьре реали нинә, ле әв дәрһәԛа кʹӧтакьрьна һәрһәйи йә. Чаԝа кӧ селава ԝәʹде Нӧһ, нә кӧ әʹрд у әʹзмане реали кʹӧта кьр, ле мәрьвед нәһәԛ, ӧса жи ԝәʹде һатьна Иса Мәсиһи, йе кӧ ԝе бь мәләкед хԝәйә һьмзор дь агьрда бе, ԝе сәр һәрһәйи әв мәрьвед ԛәлп у дәԝра нәһәԛ кʹӧта бьн (2 Пт. 3:5-7, 10-13; 2 Тʹс. 1:6-10; Бәрамбәри һәв кә тʹәви Иш. 66:15, 16, 22, 24).
(2 Тʹесалоники 2:2) һун фькьре хԝәда зу шаш нәбьн у хԝә ӧнда нәкьн, нә пе пʹехәмбәртийе, нә пе готьне, нә жи пе нәʹма йанчийә мә ньвисибә: «Ва йә Рʹожа Хӧдан иди һатийә».
it-1 1206 ¶4
Пʹехәмбәрти
«Пе пʹехәмбәртийе». Щарна, шандийа хәбәра Йунани пнеума (те һʹәс. «рʹӧһʹ») бь мәʹникә мәхсус дьданә хәбате. Мәсәлә 2 Тʹесалоники 2:2-да Паԝлос бьред Тʹесалоники һелан дькә «фькьре хԝәда зу шаш нәбьн у хԝә ӧнда нәкьн, нә пе пʹехәмбәртийе, [демәк, «рʹӧһʹ»] нә пе готьне, нә жи пе нәʹма йанчийә мә ньвисибә: Ва йә Рʹожа Хӧдан иди һатийә». Ча те кʹьфше Паԝлос хәбәра пнеума бәрамбәри хәбәра «пе готьне» у «нәʹмә» дькә, чьмки бь ван, информасийа те бәлакьрьне. Сәр һʹиме ве йәке, дь ньвисарәкеда ӧса һатийә готьне: «Бь ве йәкә шанди дьхԝәст бьгота дәрһәԛа нета рʹӧһʹани, пʹехәмбәртийа дәрәԝ, готьна пʹехәмбәр (Translatеd and еditеd by P. Schaff, 1976). Нивисарәкә дьнда жи те готьне, ԝәки хәбәрдан дьчә дәрһәԛа «пʹехәмбәртийед һьнә Мәсиһийед щьвате, кӧ дьбежьн ԝәки әʹйанкьрьне жь хԝәде сьтандьнә» (Vincеnt M. R. Ԝord Studiеs in thе Nеԝ Tеstamеnt. 1957. Vol. IV, p. 63). Ләма жи, һьнә тʹәрщьманийада, хәбәра пнеума те ԝәлгәрʹандьне ча «рʹӧһʹ», ле йед дьнда ча «пʹехәмбәрти».
Хԝәндьна Кʹьтеба Пироз
(2 Тʹесалоники 1:1-12) Жь Паԝлос, Силас у Тимотʹейо, щьвина Тʹесалоникийарʹа, йа кӧ пʹара Баве мә Хԝәде у Хӧдан Иса Мәсиһ ә: 2 Дә бьра кʹәрәм у әʹдьлайийа Хԝәде, Баве мә у Хӧдан Иса Мәсиһ ль ԝә бә. 3 Әм дәйндар ьн, кӧ һәр гав бона ԝә рʹазибуне бьдьнә Хԝәде хушк-бьрано у әв йәк һәԛ ә жи, чьмки баԝәрийа ԝә рʹьнд дьгьһижә у һʹьзкьрьна ԝә һьндава һәвда зедә дьбә. 4 Ләма әм хԝәха жи нава щьвинед Хԝәдеда пе ԝә дьфьрʹьн, бона сәбьр у баԝәрийа ԝә, чьмки һун ԝан һʹәму зерандьн у тәнгасийа дькʹьшиньн, йед кӧ тенә сәре ԝә. 5 Әв йәк избат дькә, кӧ диԝана Хԝәде рʹаст ә. У бь ви аԝайи һуне һежайи Пʹадшатийа Хԝәде бьн, бона кʹижане жи һун ԝан тәʹли-тәнгийа дьбиньн. 6 Бәле әв ә һәԛийа Хԝәде: Йед тәнгасийе дьдьнә ԝә, Хԝәде жи ԝе ԝан бьдә тәнгасийе 7 у йед жь ԝә тәнгасийеда нә, тʹәви мә бьдә һесакьрьне. Әве аһа бә, гава Хӧдан Иса тʹәви мьлйакʹәтед хԝәйә зор жь әʹзменва бь кʹура егьр хӧйа бә, 8 ԝәки һʹәйфе жь ԝан һьлдә, йед кӧ нахԝазьн Хԝәде нас кьн у гӧрʹа Мьзгинийа Хӧдане мә Иса накьн. 9 Әԝе бәла хԝә жь ԝеранбуна һʹәта-һʹәтайе бьбиньн, жь һʹьзура Хӧдан у рʹумәта ԛәԝата ԝи бенә авитьне, 10 гава ԝе Рʹоже әԝ бе, ԝәки нава щьмәʹта хԝәда бе пәсьндайине у һʹәму баԝәрмәнд ԝе һʹәйр-һʹӧжмәкʹар бьн. Һуне жи нава ԝанда бьн, чьмки ԝә баԝәрийа хԝә шәʹдәтийа мә ани. 11 Бона ве йәке әм һәр гав бона ԝә дӧа дькьн, кӧ Хԝәдейе мә, ԝә һежайи ԝе газийе кә у һʹәму нет-мәрәмед ԝәйә ԛәнщ у кьрьнед ԝәйә жь баԝәрийе бь ԛәԝате бинә сери. 12 Бь ви аԝайи ԝе пәсьне наве Хӧдане мә Иса ль нава ԝәда бе дайине у һуне жи нава ԝида бенә пәсьндайине, ль гора кʹәрәма Хԝәдейе мә у Хӧдан Иса Мәсиһ.
22-28 ТИРМӘҺЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | 1 ТИМОТʹЕЙО 1-3
«Һʹьзрәта Шьхӧлед Ԛәнщ бьн»
(1 Тимотʹейо 3:1) Ве готьнеда хельф тʹӧнә: Һәгәр тәме йәки ль сәрԝертийе һәйә, әԝ шьхӧләки ԛәнщ дьхԝазә.
ԝ16.08 21 ¶3
Чьма Фәрз ә Тʹьме Рʹӧһʹанида Пешда Һәрʹьн?
3 Бьхунә 1 Тимотʹейо 3:1. Ве рʹезеда әԝ хәбәра Йунани, кӧ сәр зьмане мә һатә ԝәлгәрʹандьне ча «тәм», те һʹәсабе чахе мәрьв дьхԝазә бьгьһижә тьштәки, у хԝәстьна ԝийә гәләк ԛайим һәйә. Паԝлос бь ви гьли да кʹьфше, кӧ һәрге мәрьв дьхԝазә рʹӧһʹанида пешда һәрʹә, әԝ гәрәке гьран сәр хԝә бьхәбьтә. Бьдьнә бәр чʹәвʹе хԝә кӧ бьрак дьхԝазә бьбә бәрдәстийе щьвате. Әԝ фәʹм дькә кӧ ԝирʹа лазьм ә сәр хԝә бьхәбьтә, ԝәки һʹӧнӧред хԝә һе баш кә. Ԝәʹдә шунда әԝ дьбә бәрдәстийе щьвате. Паше, әԝ ида сәр хԝә гьран дьхәбьтә ԝәки бьбә рʹуспи. Ԝан һәрдӧ дәрәщада әԝ бьра сәр хԝә дьхәбьтә, ԝәки һʹӧнӧред ӧса щәм ԝи һәбьн, кʹижан кӧ гәрәке һәбьн щәм ԝан, йед кӧ дьхԝазьн щьватеда һе зедә щабдарийа һьлдьнә сәр хԝә.
(1 Тимотʹейо 3:13) Әԝед кӧ рʹьнд бәрдәстийе дькьн, хԝәрʹа дәрәщәкә бьльнд ԛазьнщ дькьн у сәрбәстикә мәзьн дәст тиньн бона баԝәрийа Мәсиһ Иса.
km 9/78 4 ¶7
Рʹабун-Рʹуньштьна Лайиԛ
7 Һеса йә фәʹм бькьн, кӧ чьма Паԝлос сәр ԝан мера гот, ԝәки әԝана рʹабун-рʹуньштьна баш әʹйан дькьн. Чаԝа кӧ һьнәк мәрьв дьфькьрьн, әв нә кьред мина йед дерада нә. Ле дәԝсе бәрдәстийед щьвате, кʹижан кӧ рʹабун-рʹуньштьна баш әʹйан дькьн, ԝе алийе Иса у Йаһоԝада бенә кʹәрәм кьрьне, ӧса жи щьватеда ԝе һежайи пьштгьрийе у ԛәдьргьртьне бьн. Әԝана баԝәрийа хԝә һьндава Мәсиһ дьдьнә кʹьфше у бь азайи хәбәр дьдьн. Әԝана хьзмәтийеда хирәт ьн у ләма жи тенә ԛимәткьрьне; баԝәрийа ԝан ԛәԝи йә у әԝана бе тьрс әв әʹйан дькьн.
Хьзна Кʹьтеба Пироз Бьгәрʹьн
(1 Тʹимотʹейо 1:4) у гӧһ нәдьнә чʹьловискийа у рʹәԛәма сьлсьләта кӧ хьлазийа ԝан тʹӧнә. Әв йәк һе шәрʹ-дәʹԝа тʹәврʹадькә, нә кӧ тʹьвдира Хԝәдейә кӧ бь баԝәрийе те наскьрьне мийасәр дькә.
it-1 914-915
Рʹькʹьнийат
Ԝи чахи гава Паԝлос Тимотʹейорʹа нәмә дьньвиси, мәрьв пьрсед ӧса кʹур леколин нәдькьрьн. Чьмки щьвата Мәсиһийада Хԝәде фьрԛи нәдькьрә ортʹа Щьһуйа у мәрьвед жь мьләтед дьн, у ида ԛимәта ԝан ньвисара дәрһәԛа рʹькʹьнийата тʹӧнә бу (Гл. 3:28). Ԝи чахи ида избат бу, ԝәки рʹькʹьнийата Иса жь Даԝьд ә. Хут паше ԝе йәке ча Паԝлос пешда ида готьбу, Оршәлим һатә ԝеранкьрьне. Ԝи чахи аршивед Щьһуйа жи ӧнда бун. Хԝәде әԝ аршив хԝәй нәкьрьн. Ләма жи Паԝлос хәмгин дьбу, әԝи дьхԝәст ԝәки Тимотʹейо у Мәсиһийед дьн ԝәʹде хԝә ӧнда нәкьн сәр леколина рʹькʹьнийата сьлсьләта, чьмки әԝ йәк баԝәрийа Мәсиһийа ԛәԝи нәдькьр. Рʹькʹнийата һәри фәрз бона Мәсиһийа жь Кʹьтеба Пироз ә, чьмки избат дькә рʹькʹнийата Иса Мәсиһ. Ле рʹькʹьнийатед дьн жь Кʹьтеба Пироз избат дькьн, ԝәки әв алийе тʹәрихийеда жи рʹаст ә.
(1 Тимотʹейо 1:17) Аԝа бьра ԝи Пʹадшайе һʹәта-һʹәтайейи нәмьри у нәхӧйа, Хԝәдейе бешьрики-беһәвалрʹа һӧрмәт у рʹумәт бә һʹәта-һʹәтайе! Амин.
cl 12 ¶15
«Ԝа йә Хԝәдайе мә»
15 Диса сәрнавәк бь кʹижани тʹәне Йаһоԝа те навкьрьне, әв һәйә «Пʹадше һʹәта-һʹәтайе» (1 Тимотʹейо 1:17; Әʹйанти 15:3). Әԝ чь те һʹәсабе? Рʹаст ә әм нькарьн әԝ йәк бь тʹәмами бьдьн бәр чʹәʹве хԝә, ле Йаһоԝа Хԝәде һәрһәйи йә, әԝ һәбу у ԝе тʹьме һәбә. Зәбур 90:2-да те готьне: «Жь бебәрибуне һәта бедаԝибуне Хԝәде тӧ йи». Ләма жи дәстпека Йаһоԝа тʹӧнә, чьмки әԝ тʹьме һәбу. Әԝ те навкьрьне: «Рʹожед Кәвн» чьмки әԝ тʹьме һәбу, һәла һе пешийа кӧ гәрдунеда тьштәк йан кʹәсәк пешда бьһата (Данийел 7:9, 13, 22). Изьна кʹе һәйә инкʹар кә, ԝәки әԝ бь рʹасти Хԝәдейе Һьмзор ә?
Хԝәндьна Кʹьтеба Пироз
(1 Тимотʹейо 2:1-15) Аԝа әз һиви дькьм, бәри һәр тьшти бона һʹәму мәрьва дӧа бькьн, рʹәща кьн, лава кьн, рʹазибуне бьдьн, 2 ӧса жи бона пʹадша у һʹәму сәрԝера, ԝәки әм жийинәкә әʹдьл у сәԛьрʹи дәрбаз кьн, бь тʹәмамийа хԝәденасийе у маԛулийе. 3 Ль бәр Хԝәдейе Хьлазкьре мә әв ә ԛәнщ у ль ԝи хԝәш, 4 кӧ дьхԝазә һʹәму мәрьв хьлаз бьн у рʹастийе нас кьн. 5 Чьмки Хԝәдек һәйә у нава Хԝәде у мәрьвада жи навчетик, Мәсиһ Исайе мәрьв, 6 кӧ хԝә жь бәр кʹьрʹина гьшкава да. Әв йәк рʹаст ԝәхтда бу избати, кӧ Хԝәде дьхԝазә һʹәму хьлаз бьн. 7 У бона ве йәке әз даннасинкьр у шанди һатьмә кʹьфшкьрьне, (әз рʹаст дьбежьм, дәрәԝа накьм,) нәщьһуйарʹа бумә дәрсдаре баԝәрийе у рʹастийе. 8 Аԝа әз дьхԝазьм кӧ мер һәр дәра дәстед хԝәйә һʹәлал бьльнд кьн, бе һерс у бе шәрʹ-дәʹԝ дӧа бькьн. 9 Ӧса жи бьра кʹӧлфәт бь кʹьнщед лайиԛ, шәрме у бәрбьһерийе хԝә бьхәмьлиньн, нә кӧ бь гӧли-гӧжанга, йан зерʹ, йан бь дӧрʹа, йан жи бь кʹьнщед бьһа, 10 ле бь кьред ԛәнщ, чаԝа ль ԝан кʹӧлфәта дькʹәвә, йед кӧ наве хԝәденасийе һьлданә сәр хԝә. 11 Бьра кʹӧлфәт кәрʹ һин бә, бь тʹәмамийа гӧһдарийе. 12 Әз изьне надьмә кʹӧлфәт, кӧ һин бькә, нә жи һʹӧкӧми сәр мер бькә, ле бьра дәнг нәкә. 13 Чьмки пешийе Адәм хӧльԛи, паше Һеԝа 14 у Адәм нәхапийа, ле жьн хапийа у нәһәԛи кьр. 15 Ле жьн һʹале зарʹанинеда жи ԝе хьлаз бә, һәгәр бь бәрбьһерийе нава баԝәрийе, һʹьзкьрьне у паԛьжайийеда бьминьн.
29 ТИРМӘҺЕ-4 ТʹӘБАХЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | 1 ТИМОТʹЕЙО 4-6
«Бьхәбьтә кӧ Хԝәдерʹа Амьн би, нә кӧ Һәбукерʹа»
(1 Тимотʹейо 6:6-8) Бәле хԝәденаси кʹара сәр кʹаре йә, һәгәр бь рʹазибуне бә. 7 Мә тʹӧ тьшт нәанийә дьне у әме нькарьбьн тʹӧ тьшти жи бьбьн. 8 Ле кʹьнщ у хӧрәке мә һәбьн, бь ԝан әм рʹази бьн.
ԝ03 6/1 9 ¶1-2
Фәʹм Бькьн Нета ве йәке, ча Рʹази бьн Сәва Тьштед кӧ щәм Мә Һәнә
Паԝлос шабуна хԝә ӧнда нәдькьр, чьмки рʹази бу бь ван тьшта чь кӧ щәм ԝи һәбу. Ле чь те һʹәсабе рʹази бьн сәва тьштед кӧ щәм мә һәнә? Әԝ те һʹәсабе рʹази бьн бь тьштед лапә фәрз, кӧ бона жийине лазьм ьн. Дәрһәԛа ве йәке Паԝлос һәвалхьзмәткʹаре хԝә Тимотʹейорʹа ньвиси: «Бәле хԝәденаси кʹара сәр кʹаре йә, һәгәр бь рʹазибуне бә. Мә тʹӧ тьшт нәанийә дьне у әме нькарьбьн тʹӧ тьшти жи бьбьн. Ле кʹьнщ у хӧрәке мә һәбьн, бь ԝан әм рʹази бьн» (1 Тимотʹейо 6:6-8).
Фәрз ә дина хԝә бьдьн, ча Паԝлос ван дӧ тьшта һәвгьредьдә, разибун бь тьштед кӧ щәм мә һәнә, тʹәви амьнйа Хԝәдерʹа. Әԝи фәʹм дькьр, ԝәки бәхтәԝари тьшта у һәбукева гьредайи нинә, ле әԝ аминийева гьредайи йә, демәк гава әм әʹмьре хԝәда хьзмәтийе датиньн сәр щийе пешйе. Кʹьнщ у хӧрәк бона Паԝлос тʹәне мәщал бу, ԝәки тʹьме амьнийа Хԝәдеда гьһишти бә. Паԝлос гьһиштә ԝе нете, ԝәки мәрьв чь дәрәщеда бә жи, әԝ гәрәке тʹиме итʹбарийа хԝә Йаһоԝа бинә.
(1 Тимотʹейо 6:9) Ле әԝед кӧ дьхԝазьн дәԝләти бьн, тенә щерʹьбандьне, дькʹәвьнә тʹәләка у гәләк тәмед ахмах у зийанкʹар, кʹижан мерьв нӧԛи миратʹийе у ԝеранбуне дькьн.
g 6/07 6
Ахьрийа Ԝан Кʹи кӧ Дьхԝазә Дәԝләти бә
Һәмьки нә һәр кәс, кʹи пәй һәбуке дькʹәвә, әʹмьре хԝә ӧнда дькә. Ле гәләк щар кʹи пәй һәбуке дькʹәвә нета жийине ӧнда дькә у әʹмьре ԝи бадиһәва дәрбаз дьбә. У чь щурʹәйи те ԝи мәрьви һʹәсаб ки бәхтәԝар, кʹи кӧ рʹуйе стреса сәр хәбате дькʹәвә панике, хәԝа ԝи дьтʹәԛьсә, сәри ԝи дешә у нәхԝәшийед дьн щәм ԝи пешда тен? Әв һʹәму тьшт әʹмьре мәрийа дьреж накьн. Һәла һе әԝ мәрьве кӧ фәʹм дькә, ԝәки гәрәке тьштәки әʹмьре хԝәда бьгӧһезә, ӧса дьԛәԝьмә кӧ ида дәрәнгә, чьмки: һәвалзәваще ԝи ида ԛәдьре ԝи нагьрә, зарʹ дьлшкәсти нә, сьһʹәт-ԛәԝата ԝи жи ида тʹӧнә. Дьбәкә һьнә шаши дькарьн бенә рʹасткьрьне, ле сәва ве йәкә ԛәԝат лазьм ә. Бь рʹасти жи мәрьве ӧса «хԝә кьрьнә хԝәйе кӧл у дәрда» (1 Тимотʹейо 6:10).
(1 Тимотʹейо 6:10) Чьмки пʹәрәһʹьзи каникә һәр щурʹә хьрабийе йә. Һьнәка хԝә данә ԝе, жь баԝәрийе хальфин у хԝә кьрьнә хԝәйе кӧл у дәрда.
g 11/08 6 ¶4-6
Шәш Kʹьлит кӧ Пешдачуйи бьн
Тʹемайа пешьнда мә дит, ԝәки әԝ мәрьве кӧ һәбуке һʹәсаб дькьн ча кʹлита бәхтәԝарийе, бь рʹасти пәй ба дькʹәвьн. Гәләк щар әԝана еше тʹәхмин дькьн у дьлтәнг дьбьн. Щарна жи һәвала у малбәте ӧнда дькьн. Сәва кӧ дәԝләти бьн, гәләк мәрьв хәԝа хԝә настиньн, һәрге нә рʹуйе хәбатеда демәк рʹуйе стресе у бәрхԝәкʹәтьне. Ԝаиз 5:12-да ньвисар ә: «Дьхԝази бьла һьндькәки бьхԝә ан жи пʹьрр бьхԝә, хәԝа зьламе хәбатʹкар шерин ә ле бәле тʹербуна дәԝләмәнд, ԝи наһелә кӧ һәрʹә у рʹакʹәвә».
Пʹәрә нә кӧ тʹәне хԝәйе сәрт ә, ле ӧса жи хапинок ә. Щарәке Иса сәр пʹәра гот: «Дәрәԝед дәԝләтийе» (Марԛос 4:19) Бь хәбәред майин бежьн, һәбук соз дьдә мәрьв бәхтәԝар кә, ле бь рʹасти ӧса накә. Әԝ тʹәне хԝәстьне пешда тинә, ԝәки һе зедә ԛазьнщ кьн. Кʹе пʹәра һʹьз дькә, бь ԝан тʹер набә (Ԝаиз 5:10).
Чаԝа мә дит пʹәрәһʹьзи бәрбь дьлтәнгийе дьбә у һәла һе мәрьв һелан дькә бь ԛәлпийе пʹәра ԛазьнщ кьн (Мәтʹәлок 28:20). Ле бәхтәԝарийа рʹаст мәрьв ԝи чахи дьстинә, гава дәствәкьри йә, дьбахшинә йед майин, принсипед нав-намусийе хԝәй дькә, һʹьзкьрьне дьдә кʹьфше у рʹӧһʹанида гьһишти йә.
Хьзна Кʹьтеба Пироз Бьгәрʹьн
(1 Тимотʹейо 4:2) Әԝ һинкьрьн бь дӧрʹутийа дәрәԝина дьбьн, исафа кʹижана кʹьзьри йә.
Ча Тӧ Дькари Исафа Хԝә Тʹәмьз Хԝәй ки?
17 Паԝлосе шанди ньвиси: «Исафа хԝә тʹәмьз хԝәй кьн» (1 Пәтрус 3:16, ДТʹ). Әва кʹәрәмәкә пʹьрʹ мәзьн ә, кӧ исафа мә бәр чʹәʹве Йаһоԝа Хԝәде тʹәмьз ә. Ле рʹожа иро, исафа ӧса щәм гәләка тʹӧнә. Паԝлос хәбәр дьда дәрһәԛа ԝан мәрийа, «исафа кʹижана кʹьзьри йә» (1 Тимотʹейо 4:2). Чахе чʹәрме мәрийа дах дьбә, паше әԝ ида тьштәки тʹәхмин накә. Дәрһәԛа исафа гәләк мәрийа жи әм дькарьн бежьн кӧ әԝ мьри йә, йане ӧса дах буйә у һьшк буйә кӧ тьштәки тʹәхмин накә. Әԝ ӧса жи нькарә бежә чь изьн тʹӧнә, у һʹәму тьштирʹа рʹази йә. Исафа ԝан, ԝана начәрчьринә у жь бо гӧнед ԝан, надә шәрме. У иро мәрьвед ӧса гәләк ша дьбьн кӧ исафа ԝан ида ԝана начәрчьринә.
(1 Тимотʹейо 4:13) Һʹәта һатьна мьн хԝә бьдә ԝе йәке, кӧ щьмәʹтерʹа ньвисаред пироз бьхуни, ширәт ки, һин ки.
it -2 714
Хԝәндьн
Дь Щьватеда. Ԛьрна йәкеда нә бал һәр кәса ньвисаре гӧләмәтккьри һәбун, ләма жи һʹәԝщәти һәбу, ԝәки бь дәнге бьльнд бьхуньн. Паԝлос дьгот, ԝәки нәмед ԝи сәр щурʹә-щурʹә щьвата бенә хԝәндьне (Колоси 4:16; 1 Тʹесалоники 5:27). Паԝлос Тимотʹейойе щаһьлрʹа, йе кӧ бәрпьрсийаре щьвата Мәсиһийа бу, ньвиси: «Һʹәта һатьна мьн хԝә бьдә ԝе йәке, кӧ щьмәʹтерʹа ньвисаред пироз бьхуни, ширәт ки, һин ки» (1 Тим. 4:13).
Хԝәндьна бь дәнге бьльнд гәрәке тʹәԛьл бә у һеса бе фәʹмкьрьне (Һәб. 2:2). Әԝ сәва һинкьрьна мәрийа йә, ләма жи әԝе кӧ дьхунә гәрәке рʹьнд фәʹм бькә дәрһәԛа чь дьхунә у бь ԝан готьна ньвискʹар чь дьхԝәст бьгота. Хԝәндәкʹар гәрәке избат бә, ԝәки фькьред ньвискʹар нәйенә гӧһастьне у мәрьв бь чурʹәки нәрʹаст ԝан готьна фәʹм нәкьн. Сәр һиме Әʹйанти 1:3, бәхтәвар ьн әԝ кʹе «хәбәред пʹехәмбәртийе бьбьһен у тьштед кӧ веда һатьнә ньвисаре дьле хԝәда хԝәй кьн».
Хԝәндьна Кʹьтеба Пироз
(1 Тимотʹейо 4:1-16) Рʹӧһʹ ашкәрә дьбежә, кӧ рʹожед ахьрийеда һьнәк ԝе жь баԝәрийе бькʹәвьн, гӧһ бьдьнә рʹӧһʹед дәрәԝин у һинкьрьнед щьна. 2 Әԝ һинкьрьн бь дӧрʹутийа дәрәԝина дьбьн, исафа кʹижана кʹьзьри йә. 3 Әԝ мәрьв һʹал-зәԝаще дьдьнә һьлдане, жь ԝан хԝарьна пашда дьдьнә гьртьне, кʹижан Хԝәде әԝ бона баԝәрмәнд у рʹастинаскьрийа әʹфьрандьнә, кӧ бь рʹазибуне бьхԝьн. 4 Һәр тьште кӧ Хԝәде әʹфьрандийә ԛәнщ ә у тьштәки һʹәрам теда тʹӧнә, һәгәр бь рʹазибун те ԛәбулкьрьне, 5 чьмки бь хәбәра Хԝәде у дӧа ԛәбул дьбә. 6 Һәгәр тӧ ван ширәта бьди хушк-бьра, те бьби ԛӧльхкʹаре Мәсиһ Исайи ԛәнщ, чаԝа тӧ хԝәха жи бь ԝан готьнед баԝәрийе у һинбуна ԛәнщә кӧ тӧ пәй чуйи, ԛьнйат дьби. 7 Хԝә жь чʹьловискийед пирайә һʹәрам дур хԝәй кә. Хԝә хԝәденасийеда һиндар кә. 8 Һиндарийа ԛальб кери һьндьк тьшти те, ле йа хԝәденасийе кери һәр тьшти те, созе ԝе һьн ль ве дьне һәйә, һьн жи ль ԝе дьне. 9 Ве готьнеда хельф тʹӧнә у лап һежайи ԛәбулкьрьне йә. 10 Бона ве йәке әм дьхәбьтьн у дьчәрчьрьн, чьмки әм гӧмана хԝә ль Хԝәдейе сах тиньн, кӧ Хьлазкьре һʹәму мәрьва йә, илаһи йе баԝәрмәнда. 11 Тʹәмийа ван тьшта бьдә у һин кә. 12 Нәбә кӧ йәк щаһьлтийа тә беһӧрмәт кә, ле тӧ баԝәрмәндарʹа бьбә нәхшәк, хәбәрданеда, рʹабун-рʹуньштьнеда, һʹьзкьрьнеда, баԝәрийе у һʹәлалийеда. 13 Һʹәта һатьна мьн хԝә бьдә ԝе йәке, кӧ щьмәʹтерʹа ньвисаред пироз бьхуни, ширәт ки, һин ки. 14 Һьндава ԝе пʹешкʹеша хԝәйә рʹӧһʹанида бе хәм нибә, йа кӧ бь пʹехәмбәртийе тәрʹа һатийә дайине, гава бәрпьрсийара дәсте хԝә данинә сәр тә. 15 Гӧһе тә сәр ԝан тьшта бә у нава ԝанда бьминә, ԝәки пешдачуйина тә һʹәмуйава әʹйан бә. 16 Һаш жь хԝә у һинкьрьна хԝә һәбә. Һәр гав нава ԝанда бьминә, чьмки бь ви тьһәри те хԝә жи хьлаз ки у ԝан жи, кʹижанед гӧһдарийа тә дькьн.