Кани бона «Бәрнама Щьвине, Бьжин у Хьзмәт кьн»
4-10 ГӦЛАНЕ
ФЬКЬРЬЕД ԚИМӘТ ЖЬ ХӘБӘРА ХԜӘДЕ | ДӘСТПЕБУН 36-37
«Бьред Усьв Һʹәвсуди Ԝи Дькьрьн»
(Дәстпебун 37:3, 4) Исраел жь нава кӧрʹед хԝәда, жь һʹәмуйа зәʹфтьр Усьв һʹьз дькьр, чьмки әԝ кӧрʹ, мәзьнайа ԝида бьбу у әԝи кʹьнщәкә рʹәнг-рʹәнги у дьреж жерʹа чекьр. 4 Бьра дина хԝә дане, кӧ баве ԝан, ԝи жь һʹәму бьра зәʹфтьр һʹьз дькә, әԝ ль бәр чʹәʹве ԝан рʹәш бу у нькарьбун заре хԝәш перʹа хәбәрдана.
ԝ14 1/8 12-13
«Гӧһ Бьдьнә Ве Хәԝна кӧ Мьн Дитийә»
Кʹьтеба Пирозда те готьне: «Бьра дина хԝә дане, кӧ баве ԝан, ԝи жь һ′әму бьра зә′фтьр һ′ьз дькә, әԝ ль бәр ч′ә′ве ԝан р′әш бу у нькарьбун заре хԝәш пер′а хәбәрдана» (Дәстпебун 37:4). Әм дькарьн һәстед ԝан фәʹм бькьн, ле пьроблем ве йәкеда бу кӧ ԝана изьн дан, ԝәки жәʹра һʹәвсудийе кʹока хԝә дьле ԝанда бәрʹдә (Мәтʹәлок 14:30; 27:4). Ԛә ӧса буйә, ԝәки пʹайе кәсәки данә, йан жи шьхӧләк тʹәсмили ԝи кьрьнә, у тә дәстпекьрийә һʹәвсудийе ԝи бьки, чьмки тӧ һивийа ве кʹәрәме буйи кӧ бьстини? Дәрәщед ӧсада бьред Усьв биньнә бира хԝә. Рʹуйе һʹәвсудийеда ԝана тьштәки ӧса кьр, жь бо чь жи паше гәләк пʹошман бун. Мәсәла ԝан мә һин дькә, ԝәки чьԛас фәрз ә, «т′әви йед ша дьбьн ша бьн» (Рʹомайи 12:15).
Чахе бьред Усьв һʹәвсуди ԝи дькьрьн, бешьк әԝи әв йәк тʹәхмин дькьр. Гәло әԝи кʹьнща хԝәйә, кӧ баве ԝи жь һʹьзкьрьне пʹешкʹеши ԝи кьрьбу, вәдьшарт чахе бьред хԝә дьдит? Дьԛәԝьмә ӧса дьфькьри. Ле Усьв дьхԝәст избат кьра, ԝәки бав шаш набә, кӧ итʹбарийа хԝә ԝи тинә, у ләма жи бь мерхаси әԝ кʹьнщ ль хԝә дькьр. Бь ве йәке әԝи мәсәләкә баш мәрʹа һиштийә. Рʹаст ә Баве мәйи әʹзмана фьрԛийе накә ортʹа хьзмәткʹаред хԝә, ле щарна әԝ йед амьн щудә дькә у ԛәбулкьрьна хԝә ԝанрʹа дьдә кʹьфше. Хенщи ве йәке Йаһоԝа һивийе йә, кӧ әԝана һәр тишти бькьн, ԝәки жь ве дьнйа бенамус у хьраб щудә бьн. Мина кʹьнща Усьвә мәхсус, иро жи рʹабун-рʹуньштьна Мәсиһийед рʹаст, ԝана жь мәрьвед дьн щӧдә дькә. Щарна әв дьбә мәʹни, ԝәки һʹәвсудийе ԝана дькьн у нәфрʹәт дькьн (1 Пәтрус 4:4). Гәло Мәсиһи гәрәке вәшерә, ԝәки әԝ Хԝәдайе рʹаст дьһʹәбинә? Һәмьки на! Чаԝа кӧ Усьв кʹьнща хԝә вәнәдьшарт (Луԛа 11:33).
(Дәстпебун 37:5-9) Усьв хәԝнәк дит, рʹабу бьред хԝәрʹа гьли кьр, һьнге әԝ һе ль бәр чʹәʹве ԝан кʹәт.6 Әԝи готә ԝан: «Һиви дькьм гӧһ бьдьнә ве хәԝна кӧ мьн дитийә. 7 Аԝа әмә зәвийеда мә гӧрʹз гьре дьдан, мьн дина хԝә дайе ԝе гӧрʹзе мьн рʹабу тʹик сәкьни, ле аԝа гӧрʹзед ԝә дора ԝи гьртьн у ль бәр гӧрʹзе мьн та бун». 8 Бьрайед ԝи готьне: «Кӧ ӧса йә те ль сәр мә бьби пʹадша? Йан ль сәр мә бьби һʹакьм?» У бона хәԝн у хәбәред ԝи һе гәләки жәнандьнә ԝи. 9 Хәԝнәкә дьн жи диса дит, рʹабу әԝ бьрайед хԝәрʹа гьли кьр у гот: «Аԝа мьн хәԝнәкә дьн жи дит: мьн дина хԝә дайе ԝе һив у рʹо у йанздәһ стәйркава ль бәр мьн та дьбун».
(Дәстпебун 37:11) Бьрайед ԝи һʹәвсудийа ԝи кьрьн, ле баве әв йәк дьле хԝәда хԝәй кьрьн.
ԝ14 1/8 13 ¶2-4
«Гӧһ Бьдьнә Ве Хәԝна кӧ Мьн Дитийә»
Әв хәԝн Йаһоԝа данә Усьв. Әв хәԝнед пʹехәмбәртийе бун, у Хԝәде дьхԝәст, ԝәки Усьв гьли кә. Әм дькарьн бежьн, ԝәки Усьв гәрәке әԝ йәк бькьра, чь кӧ паше һʹәму пʹехәмбәра гәрәке бькьрана, демәк диван у әʹламәтийа Хԝәде дәрбази щьмәʹта ԝийә сәрһʹьшк кьрана.
Усьв бь мәʹрифәти готә бьред хԝә: «Һиви дькьм гӧһ бьдьнә ве хәԝна кӧ мьн дитийә». Бьред ԝи әв хәԝн фәʹм кьрьн, у ԝан хԝаш нәһат. «Бьрайед ԝи готьне: «Кӧ ӧса йә те ль сәр мә бьби п′адша? Йан ль сәр мә бьби һ′акьм? У бона хәԝн у хәбәред ԝи һе гәләки жәнандьнә ԝи». Хәԝна дӧда, Усьв нә тʹәне бьред хԝәрʹа гьли кьр, ле баве хԝәрʹа жи, у әв йәк баве жи хԝәш нәһат. «Баве ԝи ле һьлат у готә ԝи: ‹Әв чь хәԝн ә, кӧ тә дитийә? Чьма әз у дийа тә у бьрайед тәва, әме бен ль бәр тә һ′әта ә′рде та бьн?›» Ле диса жи Аԛуб сәр гьлийед кӧрʹе хԝә фькьри, ԝәки дьԛәԝьмә Йаһоԝа бь сайа Усьв хԝәстийә тьштәк бежә? (Дәстпебун 37:6, 8, 10, 11).
Усьв хьзмәткʹаре Йаһоԝайи пашьн нибу, кʹижани кӧ ль гора ԛьрара Хԝәде гәрәке пʹехәмбәрти бькьра, у пʹехәмбәртийа кʹижани кӧ ԝе мәрийа хԝәш нәһата у пәйкʹәтьн пешда бьанийа. Жь ԝан пʹехәмбәра йәк, Иса бу, кʹижани кӧ гот: «Һәгәр әз зерандьмә, ԝе ԝә жи бьзериньн» (Йуһʹәнна 15:20). Баԝәри у мерхасийа Усьв мәсәләкә баш ә бона һʹәму Мәсиһийа.
(Дәстпебун 37:23, 24) У гава Усьв һат гьһиштә бьрайед хԝә, кʹьнща Усьв же ехьстьн, аԝа готи әԝ кʹьнща ԝийә рʹәнг-рʹәнгийә дьреж кӧ ль ԝи бу. 24 У әԝ гьртьн авитьнә чʹәʹләке, әԝ чʹәʹл вала бу ав теда тʹӧнәбу.
(Дәстпебун 37:28) Мьдйанийед базьрган кӧ дәрбаз дьбун, Усьв жь чʹәʹле кʹьшандьн дәрхьстьн у Усьв бь бист зиви фьротьнә исмайилийа. Ԝана жи Усьв бьрьнә Мьсьре.
Хьзна Кʹьтеба Пироз Бьгәрʹьн
(Дәстпебун 36:1) Әв ә сәрәщәма рʹькʹьнйата Әсаԝ, аԝа готи Әдом.
it-1 678
Әдом
(Әдом) [Сор].
Әдом наве Әсаԝи дӧда бу, йан жи сәрнаве ԝи бу, әԝ бьре Аԛуб бу (Дсп. 36:1). Әв нав лайиԛи Әсаԝ бу, чьмки әԝи ньхӧртийа хԝә сәва тʹуси шорба сор фьротә бьре хԝә (Дсп. 25:30-34). Ӧса ԛәԝьми, ԝәки чахе әԝ һатә буйине, рʹәнге сор ле дьхьст (Дсп. 25:25), у әʹщебьмайи әԝ ә, ԝәки ԝан һьнә щийа кʹидәре кӧ Әсаԝ тʹәви зӧрʹәтед хԝә дьжит, рʹәнге халийе жи сор бу.
(Дәстпебун 37:29-32) Рʹубен сәр чʹәʹледа вәгәрʹийа, дина хԝә дайе кӧ Усьв чʹәʹледа нинә. Һьнге әԝи кʹьнще хԝә ԛәлаштьн, 30 ль сәр бьрайед хԝәда вәгәрʹийа у гот: «Кӧрʹьк тʹӧнә! У әз, әз кʹӧда һәрʹьм?» 31 Нерик сәржекьрьн у кʹьнща Усьв һьлдан хунеда кьрьн. 32 Әԝ кʹьнща рʹәнг-рʹәнгийә дьреж шандьн, анин данә баве хԝә у готьн: «Мә әв дитийә, һиви дькьм, дина хԝә бьде, әва кʹьнща кӧрʹе тә йә, те нас ки, йан на?»
it-1 561-562
Хԝәйити
Чахе шьван дьготә хԝәйе пез, ԝәки әԝе кәре пәзе ԝи бьчʹеринә, әԝи щабдари һьлдьда сәр хԝә, кӧ ԝе мьԛати ԝан бә. Һьм жи бь ван гьлийа әԝи хԝәйе пез дьда баԝәркьрьне, кӧ кәре пез ԝе хԝәйкьри бә у тʹӧ кәс ԝе ԝана нәдьзә. Һәрге әԝ ван дәрәщада хԝәйе созе хԝә нибуйа, әԝ борщдар бу һәԛе зьраре бьдә. Чахе тәрәԝьла зийан дьданә пез, ԝи чахи ль гора ԛануне, әԝ нәһәԛ нибу. Ле сәва кӧ һәԛийа хԝә избат кьра, шьван гәрәке щәндәке пәзед жь дәве тәрәԝьла вәчьрʹанди, нишани хԝәйе пез кьра. Паши ван избатийа, хԝәйи баԝәр дьбу, ԝәки шьван нәнәһәԛ ә.
Әва принсьпа ӧса жи ван дәрәщада дьданә хәбате, чахе тьштәк йан кәсәк тʹәсмили мәрьвәки дькьрьн. Әв принсип малбәтеда жи дьданә хәбате. Мәсәлә, бьре мәзьн щабдар бу мьԛати хушк-бьред хԝә бә. Ләма жи фәʹмдари йә чьма ль гора Дәстпебун 37:18-30, Рʹубен бьре мәзьн, бәрхԝәдькʹәт чахе бьред ԝи хԝәстьн Усьв бькӧжьн. Рʹубен гот: «Әм ви нәкӧжьн . . . Хуне нәр′ежьн, . . . дәсте хԝә һьлнәдьнә ль сәр ԝи . . . Әԝи әв йәк гот, ԝәки әԝ жь дәсте ԝан хьлаз кьра у ль баве вәгәр′анда». Һьнә ԝәхт шунда чахе Рʹубен Усьв нәдит, әԝ ӧса бәрхԝәкʹәт, ԝәки к′ьнще хԝә ԛәлашт, у гот: «Кӧр′ьк т′ӧнә! У әз, әз к′ӧда һәр′ьм?» Әԝи фәʹм дькьр, кӧ ԝе сәва ве йәке щаба хԝә бьдә. Бьред Усьв сәва хԝә һәԛ дәрхьн, бь мьхәнәти избатийа нәрʹаст баве хԝәрʹа нишан кьрьн, кӧ йан чь тәрәԝьла ԝи кӧштьнә. Ԝана нерик сәржекьр, кʹьнща Усьв хуна ԝида кьрьн. Чахе Аԛубе бавәʹшире ԝан әв йәк дит, әԝи Рʹубен нәһәԛ нәкьр, чьмки фәʹм кьр ԝәки Усьв рʹуйе ԝида нәмьрийә (Дсп. 37:31-33).
Хԝәндьна Кʹьтеба Пироз
(Дәстпебун 36:1-19) Әв ә сәрәщәма рʹькʹьнйата Әсаԝ, аԝа готи Әдом. 2 Әсаԝ ԛизед кәнанийа хԝәрʹа хԝәстьн: Әʹдаһа ԛиза Ейлоне һʹити у Оһоливамайа ԛиза Әʹнайе кӧрʹе Сивоне һʹиԝи. 3 у ԛиза Исмайил, хушка Небайот, Басмәтʹ. 4 Әʹдаһе Әсаԝрʹа Әлифаз ани. Басмәтʹе Рʹьһуел ани, 5 Оһоливамайе Йәһуш, Йалам у Ԛорах анин. Әв ьн кӧрʹед Әсаԝ, йед кӧ ԝәлате Кәнанеда жерʹа бун. 6 Әсаԝ рʹабу жьнед хԝә, кӧрʹ у ԛизед хԝә у һʹәму мәрьвед мала хԝә, кәри у гарʹанед хԝә, һʹәму һʹәйԝанед хԝә у һʹәму һәбука хԝәйә кӧ ԝәлате Кәнанеда ԛазьнщ кьрьбу һьлдан, жь рʹуйе бьре хԝә Аԛубда чу ԝәлатәки дьн. 7 Чьмки һәбука ԝан гәләк бу, нькарьбун һәврʹа бьмана, ԝәлате кӧ әԝ теда чаԝа хәриб дьман, тʹера ԝан нәдькьр жь дәст кәри у гарʹанед ԝан. 8 Әсаԝ, аԝа готи Әдом, ль чʹийайе Сеһире щи-ԝар бу. 9 Әв ә сәрәщәма рʹькʹьнйата Әсаԝе баве әдомийа, ль сәре чʹийайе Сеһире. 10 Наве кӧрʹед Әсаԝ әв ьн: Әлифаз, кӧрʹе Әсаԝи жь Әʹдаһе. Рʹьһуел, кӧрʹе Әсаԝи жь Басмәтʹе. 11 Кӧрʹед Әлифаз, Теман, Омар, Сьпо, Гәтʹам у Ԛьназ бун. 12 Тʹимна, щарийа Әлифазе кӧрʹе Әсаԝ бу, әԝе жи Әлифазрʹа Амалек ани. Әв бун кӧрʹед Әʹдаһа жьна Әсаԝ. 13 Кӧрʹед Рʹьһуел әв ьн: Наһʹат, Зәраһ, Шамма у Мисаһ, әв бун кӧрʹед Басмәтʹа жьна Әсаԝ. 14 Кӧрʹед Әсаԝ, йед кӧ Оһоливамайа ԛиза Әʹнайе кӧрʹе Сивоне Әсаԝрʹа анин, әв ьн: Йәһуш, Йалам у Ԛорах. 15 Әв ьн баве бәрәкед зарʹед Әсаԝ. Бавед бәрәкед зарʹед Әлифазе кӧрʹе Әсаԝи ньхӧри, әв бун: Баве бәрәка хԝә Теман, баве бәрәка хԝә Омар, баве бәрәка хԝә Сьпо, баве бәрәка хԝә Ԛьназ, 16 баве бәрәка хԝә Ԛорах, баве бәрәка хԝә Гәтʹам, баве бәрәка хԝә Амалек. Әвана ль ԝәлате Әдомеда бавед бәрәкед Әлифаз бун, кӧрʹед Әʹдаһе бун. 17 Әв ьн зарʹед Рʹьһуел кӧрʹе Әсаԝ: Баве бәрәка хԝә Наһʹат, баве бәрәка хԝә Зәраһ, баве бәрәка хԝә Шамма, баве бәрәка хԝә Мисаһ. Әвана ль ԝәлате Әдомеда бавед бәрәкед Рʹьһуел бун, кӧрʹед Басмәтʹа жьна Әсаԝ бун. 18 Әв ьн кӧрʹед Оһоливамайа жьна Әсаԝ: Баве бәрәка хԝә Йәһуш, баве бәрәка хԝә Йалам, баве бәрәка хԝә Ԛорах. Әвана бун баве бәрәкед зарʹед Оһоливамайа жьна Әсаԝ, ԛиза Әʹнайе. 19 Әв ьн кӧрʹед Әсаԝ, аԝа готи Әдом у әв ьн миред ԝан.
11-17 ГӦЛАНЕ
ФЬКЬРЬЕД ԚИМӘТ ЖЬ ХӘБӘРА ХԜӘДЕ | ДӘСТПЕБУН 38-39
«Йаһоԝа Тʹӧ Щар Усьв Тʹәне Нәдьһишт»
(Дәстпебун 39:1) Усьв бәржери Мьсьре кьрьн. Ԝәзире Фьрәԝьн, Потифаре мьсьрийи сәрԝере нобәдара, әԝ жь дәсте исмайилийед кӧ әԝ бәржер бьрьбунә ԝьр кʹьрʹи
ԝ14 1/11 12 ¶4-5
«Әзе чаԝа ве хьрабийа мәзьн бькьм?»
«Усьв бәржери Мьсьре кьрьн. Ԝәзире Фьрәԝьн, Потифаре мьсьрийи сәрԝере нобәдара, әԝ жь дәсте исмайилийед кӧ әԝ бәржер бьрьбунә ԝьр к′ьр′и» (Дәстпебун 39:1). Бьдьнә бәр чʹәʹве хԝә, дьле ԝи хорте щаһьл чьԛас дешә, чахе щара дӧда ԝи дьфьрошьн. Әԝ ида хԝәйе сәре хԝә нинә! Ԝәзире Фьрәԝьн буйә хԝәйе ԝи, у әԝ пәй ԝи кʹучʹе бажеррʹа дәрбаз дьбә, кʹидәре кӧ ԛалмә-ԛалма мәрьва у базьргана йә, дьчә бәр бь мала хԝәйә тʹәзә.
Дә бьдьнә бәр чʹәʹве хԝә, әв щи сәва Усьв чьԛас щӧдә бу жь ԝи щийи, кʹидәре кӧ әԝ дьма! Әԝ малбәтәкә ӧсада мәзьн бьбу, кӧ пәз хԝәйи дькьрьн, у щаре щики чадьрада дьман. Ле Мьсьрийед дәԝләти, мәсәлә, ча Потифар малед дәԝләмандда дьжитьн, кʹижан кӧ рʹәнг-рʹәнги хәмьланди бун. Ль гора гьлийе аркʹеоложа, Мьсьрийед бәре гәләк ԛимәт дькьрьн бахчед бәдәԝ бь бахед бьльнд, голед бьчʹук кʹижанада папирус, лотос у щурʹә-щурʹә кӧлиркед аве шин дьбун. Ԝана һьнә там ортʹа бахчәда ава дькьрьн. Әйванед (балкон) ван тама һәбун, кʹидәре кӧ Мьсьри һеса дьбун, ӧса жи пʹәнщәред мәзьн һәбун бь сайа кʹижана кӧ һәԝа тʹәмьз дькʹәте һьндӧр, теда гәләк одә, хԝарьнхана мәзьн у һәла һе щийед бона хӧлама жи һәбун.
(Дәстпебун 39:12-14) Һьнге ханьме дәст авитә кʹьнща ԝи гьрт у гот: «Сәре хԝә мьнрʹа дайнә». Ле әԝи кʹьнща хԝә дәсте ԝева бәрда у рʹәви дәркʹәтә дәрва. 13 Чахе әԝе дина хԝә дайе, кӧ әԝи кʹьнща хԝә дества бәрда у рʹәви дәрва, 14 әԝе гази мәрьвед мала хԝә кьрьн, ԝанрʹа гьли кьр у гот: «Һәла дина хԝә бьдьне, әви чу ибраник ани кӧ намуса мәрʹа бьлизә. Әва һатә щәм мьн, кӧ дәст бавежә мьн, ле мьн бь дәнге бьльнд кьрә ԛарʹин.
(Дәстпебун 39:20) Ахайе Усьв әԝ гьрт авитә кәле, ԝи щийе кӧ гьртийед пʹадше гьредайи бун. У әԝ ль ԝьр кәледа ма.
ԝ14 1/11 14-15
«Әзе Чаԝа Ве Хьрабийа Мәзьн Бькьм?»
Әм дәрһәԛа кәлед Мьсьрийа йед бәре, гәләк тьшт ньзаньн. Аркʹеоложа кәвьр-кӧчʹьке ԝан кәла дитьнә, йед кӧ мина шкәфте кʹолайи һьндӧрʹе ԛәйада бун. Усьв сәр ве кәле, кʹижанида рʹуньштьбу, гот «чʹәл», жь ве хәбәре те кʹьфше, ԝәки шәʹвԛа тәʹве нәдькʹәтә һьндӧрʹ у ԝедере гәләк тәʹри бу (Дәстпебун 40:15). Жь кʹьтеба Зәбур әм педьһʹәсьн, ԝәки һьндава Усьвда гәләк сәрт бун. Ԝедәре те готьне: «Зьнщир ль льнге ԝи хьстьн, әԝ ешандьн, Бь һәсьн әԝ жь стуйе ԝи гьредан» (Зәбур 105:17, 18). Щарна Мьсьрийа дәсте гьртийа ԛайим пьштева зьнщир дькьрьн, у стуйе һьнәкава жи һәсьн гьредьдан. Дә бьдьнә бәр чʹәʹве хԝә Усьврʹа чьԛас чәтьн бу, кӧ һьндава ԝида ӧса сәрт бун, һьм жи әԝи ԛә тьштәки хьраб нәкьрьбу!
Ле йа лапә хьраба әв бу, кӧ Усьв ньзаньбу ԝе кʹәнге ԝи аза кьн. Кʹьтеба Пироз дьбежә ԝәки әԝ гәләк сала кәледа бу! У нава ԝан һʹәму салада әԝи ньзаньбу ԝе жь кәле дәре йан на. Ле әԝи чаԝа карьбу һевийа хԝә ԛәԝи хԝәй кьра у дьлтәнг нәбуйа?
Кʹьтеба Пироз шьроԝәдькә, кӧ Усьв жь кʹӧ ԛәԝат дьстанд: «Хӧдан т′әви Усьв бу у һ′ӧба хԝәйә амьн да к′ьфше» (Дәстпебун 39:21). Нә диваред кәле, нә зьнщир, нә шкәфт, нькарьн рʹийа Йаһоԝа бьгьрьн, кӧ һʹӧба хԝәйә амьн һьндава хьзматкʹаред хԝә бьдә кʹьфше (Рʹомайи 8:38, 39). Һәла бьдьнә бәр чʹәʹве хԝә кӧ Усьв ча дәрд у еша дьле хԝә Баве хԝәйи әʹзманрʹа әʹйан дькә, паше жи әʹдьлайи у рʹьһʹәтийа дьл дьстинә, чь кӧ тʹәне «Хԝәдейе һ′әму бәрдьлийе» дькарә бьдә (2 Корьнтʹи 1:3, 4; Филипи 4:6, 7). Йаһоԝа диса чь щурʹәйи али Усьв кьр? Жь Кʹьтеба Пироз әм педьһʹәсьн, ԝәки Йаһоԝа ӧса кьр, кӧ Усьв «бәр ч′ә′ве сәрԝере кәле к′әрәм дит».
(Дәстпебун 39:21-23) Ле Хӧдан тʹәви Усьв бу у һʹӧба хԝәйә амьн да кʹьфше, ӧса кӧ әԝи бәр чʹәʹве сәрԝере кәле кʹәрәм дит. 22 Сәрԝере кәле һʹәму гьртийед кәле данә дәсте Усьв. У чь кӧ ль ԝьр дьһатә кьрьне, әԝи дьда кьрьне. 23 Сәрԝере кәле дина хԝә нәдьда ԝан тьштед дәсте ԝида, чьмки Хӧдан тʹәви ԝи бу у һʹәму шьхӧле ԝи Хӧдан жерʹа ль һәв дани.
ԝ14 1/11 15 ¶2
«Әзе Чаԝа Ве Хьрабийа Мәзьн Бькьм?»
Кʹьтеба Пироз шьроԝәдькә, кӧ Усьв жь кʹӧ ԛәԝат дьстанд: «Хӧдан т′әви Усьв бу у һ′ӧба хԝәйә амьн да к′ьфше» (Дәстпебун 39:21). Нә диваред кәле, нә зьнщир, нә шкәфт, нькарьн рʹийа Йаһоԝа бьгьрьн, кӧ һʹӧба хԝәйә амьн һьндава хьзматкʹаред хԝә бьдә кʹьфше (Рʹомайи 8:38, 39). Һәла бьдьнә бәр чʹәʹве хԝә кӧ Усьв ча дәрд у еша дьле хԝә Баве хԝәйи әʹзманрʹа әʹйан дькә, паше жи әʹдьлайи у рʹьһʹәтийа дьл дьстинә, чь кӧ тʹәне «Хԝәдейе һ′әму бәрдьлийе» дькарә бьдә (2 Корьнтʹи 1:3, 4; Филипи 4:6, 7). Йаһоԝа диса чь щурʹәйи али Усьв кьр? Жь Кʹьтеба Пироз әм педьһʹәсьн, ԝәки Йаһоԝа ӧса кьр, кӧ Усьв «бәр ч′ә′ве сәрԝере кәле к′әрәм дит».
Хьзна Кʹьтеба Пироз Бьгәрʹьн
(Дәстпебун 38:9, 10) Онан фәʹм кьр, кӧ әԝ зӧрʹәта ԝи найе һʹәсабе, гава тʹәви жьнбьра хԝә рʹадьза, әԝи мәйа хԝә дьрʹетә әʹрде, кӧ зӧрʹәте ль пәй бьре хԝә нәхә. 10 Әв кьрьна ԝи ль бәр чʹәʹве Хӧдан хьраб кʹьфш кьр, әԝ жи кӧшт. Щьһуда готә бука хԝә Тʹамарайе: «Жьнәби мала баве хԝәда рʹуни, һʹәта кӧрʹе мьн Шелаһ мәзьн бә». Чьмки дьгот: «Бәлки әԝ жи мина бьрайед хԝә бьмьрә». Тʹамара чу ль мала баве хԝә рʹуньшт.
it-2 555
Онан
(Әв те һʹәсабе ԛәԝата зарʹбуйине; енержийа)
Онан кӧрʹе Щьһуда йе дӧда бу, ле дийа Онан ԛиза Шуйа бу, кʹижан кӧ Кәнани бу (Дсп. 38:2-4; 1 Др. 2:3). Чахе Йаһоԝа Әр бьре Онани мәзьн рʹуйе хьрабийа ԝида кӧшт, Щьһуда готә Онан жьна бьре хԝә бьстинә. У һәрге жь ԝи кӧрʹ бьһата буйине, әԝ кӧрʹ ԝе нәһата һʹәсабе зӧрʹәта Онан, әԝ ԝе бьһата һʹәсабе ньхӧрийе Әр. Мал у мьлкʹе кӧ ньхӧрирʹа дькʹәт, ԝе бьбуйа пʹара ԝи. Ле һәрге зарʹ нәһата буйине, әԝ мал у мьлкʹ дьгһиштә Онан. Чахе Онан т′әви жьнбьра хԝә Тʹамаре р′адьза, әԝи мәйа хԝә дьр′етә ә′рде, кӧ зӧр′әт ль пәй бьре хԝә нәхә. Әв кьред Онан нәдьһатә һʹәсабе мастурбасийа. Әв кьре ԝи мина ве йәке бу, гава мер борще хԝәйи сексуали нивида дьһелә. Онан ԛәста нәдьһишт ԝәки мәйа ԝи бькʹәвә органа Тʹамарейә щьнси. Жь вьр те кʹьфше, ԝәки Йаһоԝа Онане безӧрʹәт кӧшт нә сава мастурбасийе, ле чьмки әԝи гӧрʹа баве хԝә нәкьр, тьмати кьр, у мьԛабьли сазкьрьна Хԝәде дәркʹәт, демәк нормед зәԝаще тʹәрьбанд (Дсп. 38:6-10; 46:12; Жм. 26:19).
(Дәстпебун 38:15-18) Гава Щьһуда чʹәʹв ԝе кʹәт, ԝи тʹьре әԝ ԛавәк ә, чьмки әԝе рʹуйе хԝә ньхамтьбу. 16 Жь рʹе дагәрʹийа бәрбь ԝе чу у готе: «Те ԛайл би кӧ сәре хԝә мьнрʹа дайни?» Чьмки ԝи ньзаньбу кӧ әԝ бука ԝи йә. Әԝе гот: «Те чь бьди мьн кӧ тӧ сәре хԝә мьнрʹа дайни?» 17 Әԝи гот: «Әзе жь нава кери карәке тәрʹа бьшиньм». Әԝе гот: «Те чь кʹәфил бьһели һʹәта кӧ тӧ бьшини?» 18 Әԝи гот: «Әз чь кʹәфил бьһельм?» Әԝе гот: «Кʹа мора хԝә, бәнпьшта хԝә у даре дәсте хԝә». Әԝи жи әԝ тьшт данә ԝе у сәре хԝә перʹа дани. У әԝ жь ԝи һʹәмлә дәркʹәт.
ԝ04 15/1 30 ¶4-5
Пьрсед Хԝәндәԝана
Щьһуда нәрʹасти кьр, чахе нәхԝәст кӧ Тʹамар бьбә жьна кӧрʹе ԝи Шәлаһ. Хенщи ԝе йәке, әԝи бенамуси кьр тʹәви кʹӧлфәте, кʹижан кӧ бь ньһерʹандьна ԝи ԛав бу. Әв йәк мьԛабьли ԛьрара Хԝәде бу, чьмки ль гора ԛьрара ԝи, мер гәрәке зәԝащеда тʹәне тʹәви жьна хԝә рʹаза (Дәстпебун 2:24). Бь рʹасти проблем нә тʹәне ве йәкеда бу, кӧ Щьһуда тʹәви жьна ԛав бенамуси кьр, ле проблем ӧса жи ԝе йәкеда бу, ԝәки әԝи ве зәԝащеда бь нәзанбуне щийе кӧрʹе хԝә Шәлаһ гьрт у бу баве зӧрʹәта ԛануни.
Дәрһәԛа Тʹамаре әм дькарьн бежьн, ԝәки һәләԛәтийа ԝе тʹәви Щьһуда нәдьһатә һʹәсабе бенамуси. Зарʹед щеԝи кӧ жь ԝе һатьнә буйине, зарʹед ԛануни бун. Чахе Боԝазе жь Бәйтʹләһме, Рʹутʹа Моԝаби ви щурʹәйи жьнти станд, һьнге рʹуспийед Бәйтʹләһме Перес кӧрʹе Тʹамаре анинә бира хԝә у дәрһәԛа ԝи баш хәбәр дан. Әԝана готьнә Боԝаз: «Бьра мала тә бьбә мина мала Перес, чаԝа кӧ Т′амаре жь ԝе мале зӧр′әт ль пәй Щьһуда хьст, ӧса жи Хӧдане жь ве к′ӧлфәта щаһьл бьдә тә» (Рутʹ 4:12). Перес һәла һе жи кʹәтә нава рʹеза рʹькʹьнйата Иса Мәсиһ (Мәтта 1:1-3; Луԛа 3:23-33).
Хԝәндьна Кʹьтеба Пироз
(Дәстпебун 38:1-19) У ӧса ԛәԝьми, кӧ ԝи чахи Щьһуда жь щәм бьрайед хԝә бәржер бу, чу щәм мәрьвәки әʹдуллами, наве ԝи Һʹира. 2 Ль ԝе дәре Щьһуда ԛиза Шуа мәрьвәки кәнани дит, әԝ станд сәре хԝә ԝерʹа дани. 3 Әԝа пе ма кӧрʹәк ани, Щьһуда наве ԝи дани Әр. 4 Әԝ диса пе ма кӧрʹәк ани, наве ԝи дани Онан. 5 Әԝе диса кӧрʹәк ани, наве ԝи дани Шелаһ. Гава әԝе әԝ зарʹ ани, Щьһуда ль Кʹьзибе бу. 6 Щьһуда кӧрʹе хԝәйи ньхӧри Әррʹа ԛизәк ани, наве ԝе Тʹамара. 7 Кӧрʹе Щьһудайи ньхӧри Әр, ль бәр чʹәʹве Хӧдан йәки хьраб бу у Хӧдан әԝ кӧшт. 8 Щьһуда готә Онан: «Борще тʹийитийе бьԛәдинә: тʹәви жьна бьре хԝә рʹазе, ԝе бьстинә у зӧрʹәте пәй бьре хԝә хә». 9 Онан фәʹм кьр, кӧ әԝ зӧрʹәта ԝи найе һʹәсабе, гава тʹәви жьнбьра хԝә рʹадьза, әԝи мәйа хԝә дьрʹетә әʹрде, кӧ зӧрʹәте ль пәй бьре хԝә нәхә. 10 Әв кьрьна ԝи ль бәр чʹәʹве Хӧдан хьраб кʹьфш кьр, әԝ жи кӧшт. 11 Щьһуда готә бука хԝә Тʹамарайе: «Жьнәби мала баве хԝәда рʹуни, һʹәта кӧрʹе мьн Шелаһ мәзьн бә». Чьмки дьгот: «Бәлки әԝ жи мина бьрайед хԝә бьмьрә». Тʹамара чу ль мала баве хԝә рʹуньшт. 12 Гәләк ԝәхт дәрбаз бу, ԛиза Шуайе жьна Щьһуда мьр. Щьһуда барьстан бьбу, рʹабу хԝәха бь тʹәви досте хԝә Һʹирайе әʹдуллами һәвраз чу Тʹимнаһе, щәм пәзбьрʹед кәре пәзед хԝә. 13 Һьнге щаб данә Тʹамарайе готьн: «Ва йә хәзуре тә һәвраз те Тʹимнаһе пәзе хԝә бьбьрʹә». 14 Әве кʹьнща жьнәбитийа хԝә жь хԝә ехьст, хԝә хели кьр у хԝә пʹечʹа у бәр дәргәһе Әйнайиме, ль сәр рʹийа Тʹимнаһе рʹуньшт. Чьмки әԝе дит кӧ Шелаһ мәзьн буйә у әԝ нәданә ԝи. 15 Гава Щьһуда чʹәʹв ԝе кʹәт, ԝи тʹьре әԝ ԛавәк ә, чьмки әԝе рʹуйе хԝә ньхамтьбу. 16 Жь рʹе дагәрʹийа бәрбь ԝе чу у готе: «Те ԛайл би кӧ сәре хԝә мьнрʹа дайни?» Чьмки ԝи ньзаньбу кӧ әԝ бука ԝи йә. Әԝе гот: «Те чь бьди мьн кӧ тӧ сәре хԝә мьнрʹа дайни?» 17 Әԝи гот: «Әзе жь нава кери карәке тәрʹа бьшиньм». Әԝе гот: «Те чь кʹәфил бьһели һʹәта кӧ тӧ бьшини?» 18 Әԝи гот: «Әз чь кʹәфил бьһельм?» Әԝе гот: «Кʹа мора хԝә, бәнпьшта хԝә у даре дәсте хԝә». Әԝи жи әԝ тьшт данә ԝе у сәре хԝә перʹа дани. У әԝ жь ԝи һʹәмлә дәркʹәт. 19 Тʹамара рʹабу чу, хелийа ль сәр хԝә һьлда у кʹьнща жьнәбитийа хԝә ль хԝә кьр.
18-24 ГӦЛАНЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ДӘСТПЕБУН 40-41
«Йаһоԝа Усьв Хьлаз кьр»
(Дәстпебун 41:9-13) Һьнге сәрԝере шәравдара Фьрәԝьнрʹа хәбәрда у готе: «Иро гӧнәкʹарийа мьн һатә бира мьн. 10 Ԝе һьнге гава Фьрәԝьн һерса хԝә ль сәр хӧламед хԝә рʹакьр, әз авитьмә гьртихана мала сәрԝере нобәдара, тʹәви сәрԝере нанпежа. 11 Мьн у ԝи шәвәкеда хәԝн дитьн, мә һәр йәки ль гора фәʹмина хәԝна хԝә, хәԝн дитьн. 12 Ль ԝьр хортәки ибрани тʹәви мә һәбу, әԝ хӧламе сәрԝере нобәдара бу, мә хәԝнед хԝә ԝирʹа гьли кьрьн, әԝи мәрʹа шьровәкьрьн, хәԝнед мә һәр йәки әԝи рʹаст мәрʹа шьровәкьрьн. 13 Әԝи чаԝа мәрʹа шьровәкьрьн, ӧса жи бу, әз вәгәрʹийамә ль сәр ԛӧльхе хԝә, ле әԝе дьн һатә дархьстьне».
ԝ15 1/2 14 ¶4-5
«Шьровәкьрьн жь Хԝәде йә!»
Рʹаст ә шәрәвдар дәрһәԛа Усьв бир кьрьбу, ле Йаһоԝа тʹӧ щар ԝи бир нәдькьр. Щарәке Фьрәԝьн дӧ хәԝнед әʹщеб дит. Пешийе әԝи дит, кӧ һ′әфт ногьнед бәдәԝә к′ок жь чʹәʹме Нил дәрк′әтьн, ле пәй ԝанр′а һ′әфт ногьнед дьн, йед һ′ьшколәкийә ԛав-ԛавки дәркʹәтьн. Ԝан ногьнед һ′ьшколәкийә ԛав-ԛавки, әԝ һәр һ′әфт ногьнед бәдәԝә к′ок хԝарьн. Паше хәԝна хԝәда Фьрәԝьн дит, ԝәки сәр сапәки һ′әфт сьмбьлед т′ьжи у р′ьнд дәрк′әтьн. Ле пәй ԝанр′а ва йә һ′әфт сьмбьлед валайә жь байе р′оһьлате шәԝьти шин бун, кʹижан кӧ әԝ һәр һ′әфт сьмбьлед т′ьжийә р′ьнд һ′уфи хԝә кьрьн. Чахе сьбәһе зу Фьрәԝьн һʹьшйар бу, дьле ԝи нәрʹьһʹәт бу жь бо ԝан хәԝна, әԝи гази һʹәму кʹочʹәка у занийара кьр кӧ ԝан хәԝна ԝирʹа шьровәкьн. Ле тʹӧ кәси нькарьбу шьровәкьрʹа (Дәстпебун 41:1-8). Әм ньзаньн мәʹни чь бу, дьбәкә әԝана гәләк әʹщебмайи ман йан жи гьлийе ԝан һәв нәдьгьрт. Чь жи һәбу, Фьрәԝьн мәʹна ԝан хәԝна пенәһәсийа, у әԝ һʹьзрәт бу ԝәки кәсәк ԝан хәԝна ԝирʹа шьровәкә.
Һәма ԝи чахи Усьв кʹәтә бира шәравдар! Исафа ԝи әԝ чәрчьранд, у әԝи Фьрәԝьнрʹа гьли кьр, кӧ дӧ сал пешда кәледа хортәки ча хәԝна ԝи у йа нанпеж, шьровәкьр. Фьрәԝьн гот, ԝәки Усьв дәрберʹа биньн щәм ԝи (Дәстпебун 41:9-13).
(Дәстпебун 41:16) Усьв ль Фьрәԝьн вәгәр′анд у готе: «Әв һ′ӧньре мьн нинә, ле Хԝәдейе щабәкә хер бьдә Фьрәԝьн».
(Дәстпебун 41:29-32) Ва йә, һʹәфт сале бен, кӧ тʹәмамийа ԝәлате Мьсьре ԝе тʹер у тʹьжи бә. 30 Ле пәй ԝан саларʹа, ԝе һʹәфт сала бьбә хәлайи у һʹәму тʹер у тʹьжибуна ԝәлате Мьсьре ԝе бе биркьрьне. Хәлайе ԝәлет даԛӧртинә. 31 У ԝе ӧса бә, кӧ жь дәст ԝе хәлайа кӧ ԝе пәйрʹа бе, әԝ тʹер у тʹьжибуна ԝәлет иди нәйе биранине. Чьмки хәлайе гәләки гьран бә. 32 Ле хәԝна кӧ Фьрәԝьнрʹа дӧ щара һатийә ԝәкʹьландьне, те һʹәсабе, кӧ әв йәк алийе Хԝәдеда әʹсәйикьри йә у Хԝәде ԝе зутьрәке бькә.
ԝ15 1/2 14-15
«Шьровәкьрьн жь Хԝәде йә!»
Йаһоԝа мәрьвед мьлук у амьн һʹьз дькә, ләма жи әԝи мәʹна ԝан хәԝна нә кӧ кʹочʹәк у занийарарʹа вәкьр, ле Усьврʹа. Усьв шьровәкьр, кӧ мәʹна ԝан дӧ хәԝна йәк ә. Вәкʹьландьна ԝе әʹламәтийе дьда кʹьфше «кӧ әв йәк алийе Хԝәдеда ә′сәйикьри йә». Ногьнед бәдәԝә кʹок у сьмбьлед т′ьжийә р′ьнд, тенә һʹәсабе, ԝәки тʹәмамийа ԝәлате Мьсьре ԝе һʹәфт сала тʹер у тʹьжи бә, ле ногьнед һ′ьшколәкийә ԛав-ԛавки у сьмбьлед вала, тенә һʹәсабе кӧ паши салед тʹер-тʹьжә ԝе һʹәфт сала Мьсьреда бьбә хәлайикә мәзьн. Әв хәлайи ԝе тʹәмамийа әʹрде Мьсьре зәфт кә (Дәстпебун 41:25-32).
(Дәстпебун 41:38-40) Фьрәԝьн готә хӧламед хԝә: «Һун дькарьн мәрьвәки мина ви бьбиньн, кӧ Рʹӧһʹе Хԝәде теда бә?» 39 Һьнге Фьрәԝьн готә Усьв: «Хԝәде кӧ әв йәк ль бәр тә вәкьрийә, билан у сәрԝахте мина тә тʹӧнәнә. 40 Тӧ ль сәр мала мьнрʹа бә, тʹәмамийа щьмәʹта мьн жи гӧһдарийа готьнед дәве тә бькә, әз тʹәне тʹәхте хԝәда жь тә мәстьр бьм».
ԝ15 1/2 15 ¶3
«Шьровәкьрьн жь Хԝәде йә!»
Фьрәԝьн созе хԝә ани сери. Зутьрәке кʹьнщед кʹьтанийә зьрав Усьв кьрьн. Фьрәԝьн зьнщирәкә зер′ авитә стуйе Усьв, гӧстила море кьрә т′ьлийа Усьв у һʹӧкӧмәтийа мәзьн да дәсте ԝи, һьм жи әʹрәба хԝә да ԝи, кӧ әԝ бь ве ль тʹәмамийа ԝәлате Мьсьре һәрʹә-бе у нета хԝә бинә сери (Дәстпебун 41:42-44). Һәма ӧса нава рʹожәкеда, гьртийе кәле бу мәрьве дӧда паши Фьрәԝьн. Бешьк, Йаһоԝа бь мәрʹдани Усьв кʹәрәм кьр сәва баԝәрийа ԝи! Йаһоԝа дьдит кӧ чаԝа нава гәләк салада, хьзмәткʹаре ԝийи амьн жь бо нәһәԛийа мәрьвед дьн дьчәрчьри. Хԝәде ԝәʹдәда әв дәрәщед чәтьн сафи дькьр. Хенщи ԝе йәке, Йаһоԝа нә тʹәне хәм кьр кӧ Усьв жь зийане хԝәй кә, ле ӧса жи ԝәки щьмәʹта Исраеле кӧ ԝе ԝәʹдә шунда саз буйа, бьпарезә. Жь готаред дьн йа ве журнале, әм педьһʹәсьн кӧ чаԝа Йаһоԝа әв йәк дькьр.
Хьзна Кʹьтеба Пироз Бьгәрʹьн
(Дәстпебун 41:14) Һьнге Фьрәԝьн шандә пәй Усьв. Әԝ бь ләз жь зьндане дәрхьстьн, рʹуйе хԝә кӧрʹ кьр, кʹьнщед хԝә гӧһастьн у һатә щәм Фьрәԝьн.
ԝ15 1/11 9 ¶1-3
Ԝә заньбу?
Чьма Усьв пешийа кӧ рʹасти Фьрәԝьн бьһата, сәр рʹуйе хԝә кӧрʹ кьр?
Ль гора кʹьтеба Дәстпебун, Фьрәԝьн тʹәми да кӧ Усьве Ибрани дәрбера жь кәле биньн щәм ԝи, кӧ хәԝнед ԝи шьровәкә. Ԝи чахи Усьв ида чәнд сала кәледа бу. Рʹаст ә Фьрәԝьн дәʹԝа кьр кӧ Усьв бь ләз биньн щәм ԝи, ле диса жи Усьв ԝәʹдә дит кӧ пешийа чуйине сәр рʹуйе хԝә һьлдә (Дәстпебун 39:20-23; 41:1, 14). Әв йәк кӧ ньвискʹаре ве кʹьтебе һур бь һур дәрһәԛа ве йәке шьровәдькә, дьдә кʹьфше ԝәки әԝ гәләк рʹьнд һʹаш әʹдәтед Мьсьрийа һәбу.
Нава гәләк мьләтед бәреда ӧса жи нава Ибранийада, әʹдәт бу кӧ мер рʹуйе хԝә бәрʹдьн. Ль гора енсиклопедийа Кʹьтеба Пироз йа «McClitock and Strong’s Cyclopеdia of Biblical, Thеological, and Еcclеsiasstical Litеraturе», «нава мьләтед рʹӧһʹлатеда тʹәне Мьсьрийа рʹуйе хԝә бәрʹнәдьдан».
Гәло ль гора әʹдәте Мьсьрийа, мера гәрәке тʹәне сәр рʹуйе хԝә һьлдана? Журнала «Biblical Archaеlogy Rеviеԝ» дьбежә, ԝәки ль гора һьнә әʹдәтед Мьсьрийа, пешийа кӧ мәрьв бьчуйа щәм Фьрәԝьн, әԝи гәрәке хԝә ӧса һазьр кьра, ча бежи дьчу пʹарьстгәһе. Ләма жи Усьв ль гора ви әʹдәти гәрәке пʹоре сәре хԝә у бәдәна хԝә кӧрʹ кьра.
(Дәстпебун 41:33) Бьра ньһа Фьрәԝьн мәрьвәки билан у сәрԝахт бьбинә у ԝи дайнә ль сәр т′әмамийа ԝәлате Мьсьре.
ԝ09 15/11 28 ¶14
Ча Хьзмәткʹаред Хԝәде Мәʹрифәтийе Бьдьнә Кʹьфше
14 Ԝәʹде бәре де-баве хԝәдехоф малда зарʹед хԝә ԛәйдед мәʹрифәтийе һин дькьрьн. Дина хԝә бьдьнә гьлийе жь Дәстпебун 22:7, жь кʹидәре те кʹьфше кӧ Бьраһим у Исһаԛ һьндава һәвда чь щурʹәйи бун. Жь рʹабун-рʹуньштьна Усьв жи те кʹьфше, ԝәки әԝ рʹьнд һатьбу ширәткьрьне. Һәла һе кәледа жи әԝ тʹәви гьртийед дьн мәʹрифәт бу (Дсп. 40:8, 14). Жь хәбәрдана тʹәви Фьрәԝьн те кʹьфше, ԝәки әԝи рʹьнд заньбу кӧ чь щурʹәйи тʹәви мәрьвед хԝәйи һʹӧԛӧмәт, хәбәр дә (Дсп. 41:16, 33, 34).
Хԝәндьна Кʹьтеба Пироз
(Дәстпебун 40:1-23) У ӧса ԛәԝьми, кӧ пәй ван йәкарʹа, шәравдар у нанпеже пʹадше Мьсьре, һьндава хԝәйе хԝә, пʹадше Мьсьреда нәһәԛи кьрьн. 2 Һерса Фьрәԝьн ль сәр дӧ ԝәзиред ԝи, аԝа готи ль сәрԝере шәравдар у сәрԝере нанпеже ԝи рʹабу 3 у әԝ авитьнә гьртихана кәла мала сәрԝере нобәдара, ԝи щийе кӧ Усьв теда гьрти бу. 4 Сәрԝере нобәдара Усьв кьрә ԝәкʹиле ԝан у әԝи хьзмәткʹарийа ԝан дькьр. У әвана һьнәк ԝәхт гьртиханеда ман. 5 У шәвәкеда ван һәр дӧйа, шәравдар у нанпеже пʹадше Мьсьре, йед кӧ кәледа гьрти бун, һәр йәки льгора фәʹмина хәԝна, хәԝне хԝә дитьн. 6 Сьбәһе зу Усьв һатә щәм ԝан, дина хԝә дайе кӧ әԝә ва мәʹдәкьри нә. 7 У әԝи жь ԝан ԝәзиред Фьрәԝьн, йед кӧ мала хԝәйе ԝида тʹәви ԝи гьртиханеда бун пьрси: «Һун чьма иро мьрʹуз кьри нә?» 8 Ԝана готә ԝи: «Мә хәԝн дитьнә у кәсәк тʹӧнә кӧ шьровәкә». Усьв ԝанрʹа гот: «Шьровәкьрьн жь Хԝәде йә! Кʹәрәм кьн, мьнрʹа бежьн». 9 Сәрԝере шәравдара хәԝна хԝә Усьврʹа гьли кьр у гот: «Хәԝна мьнда ва йә кʹоләкә тьрийе бәр мьн бу, 10 ль сәр ԝе кʹоле се чʹьԛьл һәбун, әԝе гӧпьк да, гӧлед ԝе вәбун у гушийед тьрийа гьһиштьн. 11 Кʹаса Фьрәԝьн жи дәсте мьнда бу, мьн тьри һьлдан, кʹаса Фьрәԝьнда гӧһаштьн у кʹас да дәсте Фьрәԝьн». 12 Усьв готә ԝи: «Шьровәкьрьна ԝе әв ә: се чʹьԛьл, әԝ се рʹож ьн. 13 Се рʹожа шунда Фьрәԝьне тә бьльнд кә у диса ԝе тә дайнә ль сәр ԛӧльха тә у чаԝа тӧ щәм ԝи шәравдар буйи, те диса мина әʹдәте бәре, кʹаса Фьрәԝьн бьди дәсте ԝи. 14 Ле гава дәргәһәки хере ль сәр тә вәбә, мьн бини бира хԝә, ԛәнщике жи мьнрʹа бьки у ль бәр Фьрәԝьн мьн бир бини, мьн жь ве мале дәрхи. 15 Чьмки рʹаст әз жь ԝәлате ибранийа һатьмә дьзине, ӧса жи вьра мьн тьштәки ӧса нәкьрьбу, кӧ бькʹәтама ве зьндане». 16 Сәрԝере нанпежа дит, кӧ шьровәкьрьна ԝи ль ԝи хԝәш һат, готә Усьв: «Хәԝна мьнда ва нә се сәлә нане сьпи ль сәр сәре мьн бун, 17 сәла лапә жорьнда һәр щурʹә хԝарьнед Фьрәԝьн һәбун, йед кӧ нанпеж чедькә у тәйрәда жь сәла ль сәр сәре мьн нькӧл дькьрьн дьхԝарьн». 18 Усьв ле вәгәрʹанд у готе: «Шьровәкьрьна ԝе әв ә: се сәлә, әԝ се рʹож ьн. 19 Се рʹожа шунда Фьрәԝьне тә бьльнд кә у тә дар хә, тәйрәдәйе жи тә нькӧл кьн гоште тә бьхԝьн». 20 Рʹожа сьсийа, кӧ рʹожа буйина Фьрәԝьн бу, әԝи мәсрәфәк бона һʹәму хӧламед хԝә дани у жь нава хӧламед хԝә, сәрԝере шәравдара у сәрԝере нанпежа бьльнд кьрьн. 21 Сәрԝере шәравдара дани ль сәр ԛӧльха ԝи у әԝи кʹас да дәсте Фьрәԝьн, 22 ле сәрԝере нанпежа дар хьст, чаԝа Усьв шьровәкьрьбу. 23 Иди Усьв нә кʹәтә бира сәрԝере шәравдара у әԝи әԝ бир кьр.
25-31 ГӦЛАНЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ДӘСТПЕБУН 42-43
«Усьв Йәки Хԝәгьрти бу»
(Дәстпебун 42:5-7) Кӧрʹед Исраел һатьбун гәньм бькʹьрʹьн, тʹәви йед майинә һати, чьмки ль ԝәлате Кәнанеда хәлайи бу. 6 Усьв хԝәха сәрԝере ԝи ԝәлати бу. Әԝи хԝәха жи хӧрәк дьфьротә тʹәмамийа щьмәʹта ԝәлет. Бьрайед Усьв һатьн у ль бәр ԝи дәвәрʹуйа чунә әʹрде. 7 Усьв бьрайед хԝә кӧ дитьн әԝи әԝ нас кьрьн. Ле хԝә ӧса да кʹьфше йане әԝ ԝан нас накә, тʹәви ԝан һерс хәбәрда у готә ԝан: «Һун жь кʹӧ һатьнә?» Ԝана гот: «Әм жь ԝәлате Кәнане бона хӧрәк кʹьрʹине һатьнә».
ԝ15 1/5 13 ¶5
«Әз Дәԝса Хԝәде Мә?»
Ле әм чь дькарьн бежьн дәрһәԛа Усьв? Әԝи дәрбера бьред хԝә нас кьр! Хенщи ԝе йәке, чахе әԝи дит кӧ бьред ԝи бәр ԝи та дьбьн, әԝи хәԝнед хԝә кьрә бира хԝә, йе кӧ Йаһоԝа пешда дабу ԝи. Ԝан хәԝнада Хԝәде ԝирʹа дабу кʹьфше, ԝәки ԝе бе ԝәʹдә кӧ бьред ԝи, ԝе бәр ԝи та бьн, хут әв йәк жи ԛәԝьми! (Дәстпебун 37:2, 5-9; 42:7, 9) Гәло Усьв ԝе чь бькә? Әԝ ԝе хԝә бавежә пʹесира ԝан у ԝанрʹа ша бә, йан ԝе кʹине бажо?
ԝ15 1/5 14 ¶1
«Әз Дәԝса Хԝәде Мә?»
Дьԛәԝьмә иро әм рʹасти дәрәще ӧса нәйен чаԝа Усьв. Ле диса жи тʹӧ кәс жь мә хԝәйикьри нинә жь шәрʹ-дәʹԝед тʹәви малбәте. Чахе әм рʹасти дәрәщед чәтьн тен, емосийед мә дькарьн мә зәфт кьн. Ләма жи ԝе баш бә чʹәʹв бьдьнә Усьв у бьхәбьтьн кӧ фәʹм бькьн, ԝәки Йаһоԝа чь жь мә дәʹԝа дькә? (Мәтʹәлок 14:12). Рʹаст ә, әʹдьлайа тʹәви малбәте гәләк фәрз ә, ле дьһа фәрз ә әʹдьлайе тʹәви Хԝәде у Кӧрʹе ԝи ӧнда нәкьн (Мәтта 10:37).
(Дәстпебун 42:14-17) Усьв готә ԝан: «Һәма әв ә кӧ мьн готә ԝә: ‹Һун щәʹсус ьн!› 15 Һуне бь ве йәке бенә щерʹьбандьн: Әз сәре Фьрәԝьн кьм, һун жь вьр дәрнакʹәвьн һʹәта кӧ бьрайе ԝәйи бьчʹук нәйе ве дәре. 16 Жь нав хԝәда йәки бьшиньн, бьра һәрʹә бьрайе ԝә бинә, ле һуне гьрти бьн, кӧ аһа готьнед ԝә бенә щерʹьбандьне, ԝанда рʹасти һәйә йан на. Ле һәгәр на. Әз сәре Фьрәԝьн кьм: ‹Һун щәʹсус ьн!›» 17 Се рʹожа әԝ авитьнә гьртихана кәле.
ԝ15 1/5 14 ¶2
«Әз Дәԝса Хԝәде Мә?»
Усьв чәнд щара бьред хԝә щерʹьбанд, кӧ бьвинә һәла дьле ԝанда чь һәйә. Әԝи дәстпекьр бь сайа тʹәрщьман ԝанарʹа хәбәр дә, у гәләк сәрт бу тʹәви ԝан. Әԝи ԝана нәһәԛ кьр у гот кӧ әԝана щәʹсус ьн. Әԝана дәстпекьрьн хԝә рʹаст дәрхьн у дәрһәԛа малбәта хԝә ԝирʹа гьли кьрьн, ӧса жи готьн ԝәки бьраки ԝани бьчʹук малда майә. Усьв хԝә гьрт, ԝәки емосийа ԝи зәфт нәкьн. Әԝи ԝана баԝәр нәкьр у дәстпекьр ԝана бьщерʹьбинә. Әԝи готә ԝан: «Һуне бь ве йәке бенә щер′ьбандьн: . . . һун жь вьр дәрнак′әвьн һ′әта кӧ бьрайе ԝәйи бьч′ук нәйе ве дәре». Ԝәʹдә шунда Усьв ԛайил бу ԝана бәрдә, кӧ һәрʹьн Бьнйамин биньн, ле дәԝсе кәсәк жь бьред ԝи гәрәке ча гьрти щәм Усьв бьма (Дәстпебун 42:9-20).
(Дәстпебун 42:21, 22) У һьнге һәврʹа готьн: «Бь рʹасти әм һьндава бьрайе хԝәда гӧнәкʹар ьн, чьмки мә тәʹли-тәнгийа ԝи дит, гава ль бәр мә лава-диләк дькьр, ле мә гӧһ нәдайе, ләма жи әв тәʹли-тәнги те сәре мә». 22 Рʹубен ль ԝан вәгәрʹанд у гот: «Мьн ԝәрʹа нәдьгот: ‹Һьндава кӧрʹькда гӧна нәкьн?› Ле ԝә гӧрʹа мьн нәкьр, ньһа хуна ԝи жь мә те хԝәстьне».
it-2 108 ¶4
Усьв
Ве дәме бьред Усьв тʹәхмин кьрьн, ԝәки Хԝәде ԝана щәза дькә чьмки гәләк сал пешда әԝана нәһәԛи бьре хԝә кьрьн у әԝ фьротьнә дилтийе. Һьнге әԝана дәстпекьрьн бәр Усьв гӧнед хԝә биньн рʹуйе хԝә, ле ԝана һәла һе ньзаньбу кӧ әԝ бьре ԝан ә. Чахе Усьв дит кӧ әԝана гӧне хԝә тиньн рʹуйе хԝә, дьле ԝи ӧса тʹьжә бу, кӧ әԝ дәркʹәт чу у кʹәлә-кʹәл гьрийа. Чахе әԝ вәгәрʹийа, фәрман да кӧ Шьмһун бьгьрьн, һʹәта кӧ әԝана бьред хԝәйи бьчʹук биньн (Дсп. 42:21-24).
Хьзна Кʹьтеба Пироз Бьгәрʹьн
(Дәстпебун 42:22) Рʹубен ль ԝан вәгәрʹанд у гот: «Мьн ԝәрʹа нәдьгот: ‹Һьндава кӧрʹькда гӧна нәкьн?› Ле ԝә гӧрʹа мьн нәкьр, ньһа хуна ԝи жь мә те хԝәстьне».
(Дәстпебун 42:37) Рʹубен баве хԝәрʹа хәбәрда у гот: «Һәгәр әз ԝи нәйньм нәдьмә тә, тӧ ван һәр дӧ кӧрʹед мьн бькӧжә, кʹа әԝи бьдә дәсте мьн у әзе ԝи пʹадша биньм бьдьмә тә».
it-2 795
Рʹубен
Һьнә хәйсәт-һӧнӧред Рʹубени баш һьнге әʹйан бун, чахе әԝи нәһ бьред хԝә да баԝәркьрьне кӧ Усьв нәкӧжьн, ле бавежнә бира зьһа. Рʹубен дьхԝәст дьзикава вәгәрʹә у Усьв хьлаз кә (Дсп. 37:18-30). Бист сал шунда, чахе Мьсьреда бьред ԝи орʹта һәвда шеԝьр дькьрьн кӧ Хԝәде ԝана сәва Усьв щәза дькә, Рʹубен ани бира ԝан кӧ әԝ ве йәкеда нәһәԛ нибу (Дсп. 42:9-14, 21, 22). Ле чахе Аԛуб нәһишт, ԝәки Бьнйамин бьвьнә Мьсьре, һьнге Рʹубен готә баве хԝә, кӧ ԝе бона Бьнйамин щабдар бә. Һьм жи әԝи готе: «Һәгәр әз ԝи нәйньм нәдьмә тә, тӧ ван һәр дӧ кӧр′ед мьн бькӧжә» (Дсп. 42:37).
(Дәстпебун 43:32) Ԝирʹа башԛә, ԝанрʹа башԛә у ԝан мьсьрийарʹа жи, йед кӧ тʹәви ԝан дьхԝарьн башԛә данин. Мьсьрийа тʹәви ибранийа нан нә дьхԝар, чьмки бона мьсьрийа әв йәк һʹәрами бу.
ԝ04 15/1 29 ¶1
Фькьред Ԛимәт жь Кʹьтеба Дәстпебун; II
43:32: Чьрʹа Мьсьрийа мькʹӧр дьһат кӧ тʹәви Ибранийа бәр сьфьрәки нан бьхԝьн? Дьԛәԝьмә мәʹни әԝ бу, кӧ һʹәбандьна ԝан щӧдә бу, у Мьсьри гәләк мьләте хԝәрʹа фьрнаԛ дьбкун. Мьсьрийа шьван ньмьз һʹәсаб дькьрьн (Дәстпебун 46:34). Чьма? Чьмки шьван бь әʹсле хԝә жь бәрәкед ньмьз бун. Йан жи дьбә кӧ мәʹни ԝе йәкеда бу, кӧ әʹрд бона бещәрʹкьрьне ӧса һьндьк бу, кӧ Мьсьрийа хԝәш нәдьһат, чахе шьван щи дьгәрʹийан ԝәки пәзед хԝә бьчʹериньн.
Хԝәндьна Кʹьтеба Пироз
(Дәстпебун 42:1-20) Аԛуб бьһист кӧ ль Мьсьре гәньм һәйә у Аԛуб готә кӧрʹед хԝә: «Һун чь чʹәʹве һәв дьньһе- рʹьн?» 2 Готә ԝан: «Аԝа мьн бьһистийә кӧ ль Мьсьре гәньм һәйә, бәржери ль ԝьр бьн у жь ԝьр мәрʹа бькʹьрʹьн, кӧ әм бьжин нәмьрьн». 3 Дәһә бьрайед Усьв бәржер чунә Мьсьре, кӧ гәньм бькʹьрʹьн. 4 Ле Аԛуб бьрайе Усьв Бьнйамин, тʹәви бьрайед ԝи нә шанд, дьгот: «Бәлки ԛәзик бе сәре ԝи». 5 Кӧрʹед Исраел һатьбун гәньм бькʹьрʹьн, тʹәви йед майинә һати, чьмки ль ԝәлате Кәнанеда хәлайи бу. 6 Усьв хԝәха сәрԝере ԝи ԝәлати бу. Әԝи хԝәха жи хӧрәк дьфьротә тʹәмамийа щьмәʹта ԝәлет. Бьрайед Усьв һатьн у ль бәр ԝи дәвәрʹуйа чунә әʹрде. 7 Усьв бьрайед хԝә кӧ дитьн әԝи әԝ нас кьрьн. Ле хԝә ӧса да кʹьфше йане әԝ ԝан нас накә, тʹәви ԝан һерс хәбәрда у готә ԝан: «Һун жь кʹӧ һатьнә?» Ԝана гот: «Әм жь ԝәлате Кәнане бона хӧрәк кʹьрʹине һатьнә». 8 Усьв бьрайед хԝә нас кьрьн, ле ԝана әԝ нас нәкьрьн. 9 Һьнге Усьв әԝ хәԝнед кӧ ль сәр ԝан дитьбун бир анин у готә ԝан: «Һун щәʹсус ьн, һун һатьнә кӧ щики сьстийа ви ԝәлати бьбиньн». 10 Ԝана готә ԝи: «На хԝәйе мә, хӧламед тә һатьнә кӧ хӧрәк бькʹьрʹьн». 11 Әм һʹәму кӧрʹед бавәки нә, әм мәрьвнә ширһʹәлал ьн, хӧламед тә нә щәʹсус ьн. 12 Әԝи готә ԝан: «На, һун һатьнә кӧ щики сьстийа ԝәлет бьбиньн». 13 Ԝана гот: «Әм хӧламед тә, донздәһ бьра нә, ԝәлате Кәнанеда кӧрʹед бавәки нә, йе бьчʹук ньһа ль щәм баве мә йә, ле йәк жи иди тʹӧнә». 14 Усьв готә ԝан: «Һәма әв ә кӧ мьн готә ԝә: ‹Һун щәʹсус ьн!› 15 Һуне бь ве йәке бенә щерʹьбандьн: Әз сәре Фьрәԝьн кьм, һун жь вьр дәрнакʹәвьн һʹәта кӧ бьрайе ԝәйи бьчʹук нәйе ве дәре. 16 Жь нав хԝәда йәки бьшиньн, бьра һәрʹә бьрайе ԝә бинә, ле һуне гьрти бьн, кӧ аһа готьнед ԝә бенә щерʹьбандьне, ԝанда рʹасти һәйә йан на. Ле һәгәр на. Әз сәре Фьрәԝьн кьм: ‹Һун щәʹсус ьн!›» 17 Се рʹожа әԝ авитьнә гьртихана кәле. 18 Рʹожа сьсийа Усьв готә ԝан: «Аһа бькьн кӧ һун сах бьминьн, чьмки әз жь Хԝәде дьтьрсьм. 19 Һәгәр һун мәрьвнә ширһʹәлал ьн, бьра жь бьрайед ԝә йәк ве мала кӧ һун теда гьрти нә, бьминә, ле йед майин гәньм хәлайа мала хԝәрʹа бьгьһиньн, 20 бьрайе хԝәйи бьчʹук жи мьнрʹа биньн, ԝәки готьна ԝә рʹаст дәре у һун нәмьрьн. Ԝана ӧса жи кьр.