Тӧ Чь Дькари Жь Мәсиһийед Щерʹьбанди Һин би?

Щьватед мәда һәнә гәләк Мәсиһийед щерʹьбанди, кʹижан кӧ ида бь дәһа сала Йаһоԝарʹа хьзмәт дькьн. Әԝана баԝәрийа хԝә Йаһоԝа тиньн, у ве йәкеда бона мә мәсәләкә баш ьн. Әм жь ԝана дькарьн гәләк тьшт пебьһʹәсьн дәрһәԛа тʹәшкиләта Йаһоԝа у ԝе йәке, кӧ чаԝа бь аликʹарийа Йаһоԝа ԝана карьбу нава чәтьнайада жи амьн бьминьн. Ләма жи әм дькарьн ԝан хушк-бьред дәлал тʹәглиф кьн щәм хԝә сәр Ԛӧльхкьрьна Тʹәви Малбәте, кӧ әԝана дәрһәԛа амьнийа хԝә мәрʹа гьли кьн.

Һәрге тӧ ида гәләк сал Йаһоԝарʹа хьзмәт дьки, дькари бь сәрбәсти щаһьларʹа дәрһәԛа баԝәрийа хԝә гьли ки. Мәсәлә Аԛуб у Усьв зӧрʹәтед хԝәрʹа гьли дькьрьн, кӧ чаԝа жийина хԝәда дәсте Йаһоԝа дьдитьн (Дсп. 48:21, 22; 50:24, 25). Ле ԝәʹдә шунда Йаһоԝа тʹәми да малхед мале, ԝәки әԝана зарʹед хԝәрʹа дәрһәԛа ԝи гьли кьн (Ԛн.Дщ. 4:9, 10; Зб. 78:4-7). Ԝәʹде мәда жи де-бав у хушк-бьред дьн, дькарьн щаһьларʹа гьли кьн, ԝәки бь сайа тʹәшкиләте Йаһоԝа чаԝа ԛьрара хԝә дьани сери.

БЬНЬҺЕРʹЬН ВИДЕО «ԜӘʹДЕ ԚӘДӘХӘКЬРЬНА, ЙӘКТИЙЕ ХԜӘЙ ДЬКЬН», У ПАШЕ ЩАБА ԜАН ПЬРСА БЬДЬН:

• Бәйтʹәла Австрйайе чаԝа аликʹари да ԝан хушк-бьра, ԝәлате кʹижанада шьхӧле мә ԛәдәхәкьри бу?

• Чаԝа хушк-бьред ԝан ԝәлата, карьбун баԝәрийа хԝә ԛәԝи хԝәй кьн?

• Чьма хушк-бьред Руманйайе тʹәшкиләта Йаһоԝа һиштьн, у паше ча пашда вәгәрʹийан?

• Әԝ мәсәлә ча баԝәрийа ԝә ԛәԝи дькьн?