Кани бона «Бәрнама Щьвине, Бьжин у Хьзмәт кьн»
3-9 ТʹӘБАХЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ДӘРКʹӘТЬН 13-14
«Бьсәкьньн Һуне Бьбиньн Хьлазкьрьна Хӧдан»
(Дәркʹәтьн 14:13, 14) Һьнге Муса готә щьмәʹте: «Нәтьрсьн, бьсәкьньн һуне бьбиньн хьлазкьрьна Хӧдан, кʹижан кӧ бона ԝә әԝе иро бькә! Чьмки ԝан мьсьрийед кӧ һун иро дьбиньн, иди һуне тʹӧ щар нәбиньн. 14 Хӧдане дәԝса ԝә шәрʹ кә, һун кәрʹ бьн».
ԝ13 1/2 4
Муса Мәсәла Баԝәрийе йә
Дьԛәԝьмә Муса нә жи сәрва дьчу, ԝәки Хԝәде ԝе Бәʹра Сор бькә дӧ пʹара, кӧ щьмәʹта хԝә Исраел хьлаз кә. Ле диса жи Муса дӧдьли нәдьбу, ԝәки Хԝәде ԝе тьштәки бькә, кӧ щьмәʹта Хԝә хԝәй кә. Муса дьхԝәст, ԝәки щьмәʹт жи ԝе йәкеда дӧдьли нәбә. Кʹьтеба Пирозда ньвисар ә: «Һьнге Муса готә щьмәʹте: ‹Нәтьрсьн, бьсәкьньн һуне бьбиньн хьлазкьрьна Хӧдан, кʹижан кӧ бона ԝә әԝе иро бькә!›» (Дәркʹәтьн 14:13). Гәло Муса карьбу баԝәрийа Исраелийа ԛәԝи кә? Бәле, карьбу. Кʹьтеба Пирозда дәрһәԛа Муса у һʹәму Исраелийа ӧса те готьне: «Бь баԝәрийе щьмәʹта Исраеле бәʹра Соррʹа чаԝа бәжерʹа дәрбаз бу» (Ибрани 11:29). Баԝәрийа Муса нә кӧ тʹәне ԝи хьлаз кьр, ле ӧса жи ԝан мәрьва, йед кӧ чʹәʹв данә баԝәрийа ԝи у итʹбарийа хԝә Йаһоԝа анин.
(Дәркʹәтьн 14:21, 22) Муса дәсте хԝә дьрежи сәр бәʹре кьр, Хӧдан тʹәмамийа шәве бь байе рʹоһьлатейи ԛайим бәʹр ажот у бәʹр зьһа кьр. Ав һатә ԛәлаштьне 22 у зарʹед Исраел, ль нава бәʹре сәр зьһайерʹа чун, ав алийе ԝани чʹәп у рʹастева бу диԝар.
ԝ18.09 26 ¶13
Һьмзор ә, ле бона Һәр Кәси Башԛә Хәм Дькә
13 Бьхунә Дәркʹәтьн 14:19-22. Һәла хԝә дайньн дәԝса ԝан Исраелийа, йед кӧ кʹәтьнә тʹәльке, чьмки алики ордийа Фьрәԝьн ә, алийе дьн жи Бәʹра Сор. Һун дьвиньн кӧ Хԝәде дькʹәвә нава ԝи шьхӧли. Әԝ ӧса дькә, ԝәки стуна әʹԝьр пьшт зома ԝә дьсәкьнә. Бона Мьсьрийа әʹԝрайи у шәвәрʹәш ә, ле зома ԝәда рʹонайи йә! Паше һун дьвиньн ча Муса дәсте хԝә дьрежи сәр бәʹре дькә, у байе рʹоһьлатейи ԛайим бәʹреда рʹекә фьрә вәдькә. У бь тʹәрбәти һун, нәфәред ԝә, у һʹәйԝанед ԝәйи мале, ӧса жи Исраелийед дьн, сәр халийа бьне бәʹрерʹа дәрбаз дьбьн. Ле һун мәтʹал дьминьн, чьмки дьвиньн ԝәки әв хали, нә кӧ шьл у һʹәрʹи йә, йан жи ԛәрьми йә, ле әԝ зьһа у нәрм ә, у һеса йә рʹе һәрʹи. Һәла һе йед сьст жи һеса у сах-сьламәт дәрбази алийе дьн дьбьн.
(Дәркʹәтьн 14:26-28) Хӧдан готә Муса: «Дәсте хԝә дьрежи сәр бәʹре кә, ԝәки ав ль сәр мьсьрийа, әʹрәбед ԝан у сийарийед ԝанда вәгәрʹә». 27 Муса дәсте хԝә дьрежи сәр бәʹре кьр, сәре сьбәһе бәʹр вәгәрʹийа сәр ԛьрара хԝә, мьсьри дьрʹәвийан бәрбь ԝе у Хӧдан мьсьри кәԝки бәʹре кьрьн. 28 Ав вәгәрʹийа у әʹрәбә, сийари у тʹәмамийа ордийа Фьрәԝьн ньхамт, әԝед кӧ пәй ԝан кʹәтьбунә бәʹре ԛәт йәк жь ԝан нәма.
ԝ09 15/3 7 ¶2-3
Һаш жь Хԝә Һәбә, ԝәки Йаһоԝа Бир Нәки
Һʹәта кӧ Мьсьрийа әʹрәбед хԝәйә шкәсти чедькьрьн, Исраели гьһиштьнә дәве бәʹрейә рʹоһьлате. Муса дәсте хԝә дьрежи сәр Бәʹра Сор кьр. Ԝи чахи Йаһоԝа һәрдӧ диԝаред аве жорда ани хԝаре у рʹе һатә дадане. Бь милйона тон ава бәʹре сәр Фьрәԝьн у ордийа ԝида һатә хԝаре у һʹәму әскәр хәньԛин. Ԛә йәк жь дьжмьна сах нәма, у Исраели аза бун! (Дркʹ. 14:26-28; Зб. 136:13-15)
Чахе щьмәʹтед дәр-дор дәрһәԛа ԝе йәке пеһʹәсийан, тьрсәкә мәзьн кʹәтә дьле ԝан (Дркʹ. 15:14-16). Паши чьл сала, Рʹәхаба жь Әриһайе готә дӧ меред Исраели: «Әм жь бәр ԝә кʹәтьн тʹоԛине [тьрсе] . . . Жь бәр кӧ, гава һун жь Мьсьрева дәркʹәтьн Хӧдан чаԝа бәʹра Гәԝәз ль бәр ԝә зьһа кьр» (Йешу 2:9, 10). Һәла һе мьләтед пʹутпʹарьст жи бир нәкьрьн, ԝәки чаԝа Йаһоԝа щьмәʹта хԝә аза кьр. Илаһи Исраели гәрәке Хԝәдайе хԝә бир нәкьрана.
Хьзна Кʹьтеба Пироз Бьгәрʹьн
(Дәркʹәтьн 13:17) Гава Фьрәԝьн щьмәʹт бәрʹда, Хԝәде әԝ ль рʹийа ԝәлате фьльстинийарʹа нәбьрьн, ле бәле әԝ һе незик бу, Хԝәде гот: «Кӧ нәбә щьмәʹт чʹәʹв шерʹ кʹәвә пʹошман бә, пашда вәгәрʹә Мьсьре».
it-1 1117
Рʹе
Жь һена бәреда Палестинайеда шәһәр у пʹадшати пе рʹейед рʹевитийе у рʹейед арш-вершийе һәвва дьһатьн гьредане (Жм. 20:17-19; 21:21, 22; 22:5, 21-23; Йеш. 2:22; Һʹкм. 21:19; 1 См. 6:9, 12; 13:17, 18; бьньһерʹьн РʹИЙА ПʹАДШЕ). Ча һьнәк дьбежьн, рʹийа сәрәкә жь Мьсьре дьчу шәһәред Фьльстийа, Газа у Ашкалоне, у бәрбь Бакӧр-Рʹоһьлате дьзьвьри алийе Мәгидо. Жь ԝедәре дьчу Һасоре, кʹижан кӧ жь Бәʹра Щәлиле алийе Бакӧре бу, у бәрдәԝам дьбу дьчу шәһәре Шаме. Әв рʹе кӧ Фьльстийаерʹа дәрбаз дьбу, рʹийа лапә кьн бу жь Мьсьре һʹәта Әʹрде Создайи. Ле Йаһоԝа жь һʹьзкьрьне щьмәʹта хԝә Исраел рʹекә дьнрʹа бьр, ԝәки Фьльсти һʹьщуми сәр ԝан нәкьн у әԝана нәтьрсьн (Дрк. 13:17).
(Дәркʹәтьн 14:2) «Бежә зарʹед Исраел кӧ вәгәрʹьнә пешбәри Пи-Һаһиротʹе, ль навбәра Мигдоле у бәʹре, пешбәри Баәʹл-Сьпоне, незики бәʹре зома хԝә лехьн.
it-1 782 ¶2-3
Дәркʹәтьна жь Мьсьре
Кʹидәре бу әв рʹийа кӧ Бәʹра Сорда һатә вәкьрьне у Исраели терʹа дәрбаз бун?
Лазьм ә дина хԝә бьдьне, кӧ гава Исраели Етʹамеда, демәк «хьлазийа бәрʹийе», зома хԝә лехьстьн, Йаһоԝа Мусарʹа гот, ԝәки бежә щьмәʹте кӧ әԝана «вәгәрʹьнә пешбәри Пи-Һаһиротʹе . . . незики бәʹре зома хԝә лехьн». Ӧса Фьрәԝьн ԝе дьшьрмиш буйа, ԝәки Исраели «хальфинә» (Дркʹ. 13:20; 14:1-3). Әԝ зандаред кӧ дьфькьрьн, ԝәки Исраели рʹийа Ел-Хажрʹа дәрбаз бунә, дьбежьн ԝәки гьли кӧ жь Ибрани һатийә ԝәлгәрʹандьне «пашда вәгәрʹьн», нә кӧ дьдә кʹьфше «һьнәки жь рʹе дәрен» йан жи «һәрʹьн алики дьн», ле те һʹәсабе «вәгәрʹьн» йан жи «дорзьвьрʹандьнәкә мәзьн бькьн». Әԝ зандар дьфькьрьн, ԝәки чахе Исраели гьһиштьн әʹрдәки, кʹижан кӧ жь пʹала Кәндава Сӧԝәйше алийе Бакӧре бу, әԝана пашда вәгәрʹи- йан у чун хԝә данә алийе Рʹоһьлатейә жь чʹийайе Джебел-Атаки, кʹижан кӧ жь Кәндава Сӧԝәйше ль алийе Рʹоавайе бу. Ахьрийе әԝана гьһиштьнә щики ӧса, ԝәки һәрге жь алийе Бакӧрева пәй ԝан кʹәтана, щьмәʹта мәзьн ԝе нькарьбуйа тʹӧ щикирʹа бьрʹәвийа.
Ль гора әʹдәтед Щьһуйед ԛьрʹна йәке Д.М., һʹәму тьшт һәма ӧса жи ԛәԝьми (Бьньһерʹә ПИ-ҺАҺИРОТʹ). Рʹаст ә, гәләк зандар щурʹәки майин дьбежьн, ле йа фәрз әв ә, ԝәки шьровәкьрьна дәрһәԛа рʹеԝитийа Исраелийа, кӧ жоре һатә готьне, ль гора Кʹьтеба Пироз ә (Дркʹ. 14:9-16). Ча те кʹьфше, бона Бәʹра Соррʹа дәрбаз буна, Исраели гәрәке гәләк дур буна жь хьлазийа Бәʹра Сор алийе бакӧре (жь сәре Кәндава Сӧԝәйше). Һәрге ӧса нибуйа, ордийа Фьрәԝьн ԝе һеса бькарьбуйа дора бәʹрерʹа дәрбази алийе дьн буйа у бәр дәве бәʹре һʹьщуми сәр Исраелийа бькьра (Дркʹ. 14:22, 23).
Хԝәндьна Кʹьтеба Пироз
(Дәркʹәтьн 13:1-20) Хӧдан тʹәв Муса хәбәр да у гот: 2 «Нав зарʹед Исраелда, жь һәр ньхӧрийе кӧ бәтʹьне вәдькә, һәгәр мәри бә йан һʹәйԝан, мьнрʹа нәдьр кә. Әԝ пʹара мьн ә». 3 Муса готә щьмәʹте: «Бир биньн ве рʹоже, гава кӧ һун жь Мьсьре, ԝе мала хӧламтийе дәркʹәтьн, чьмки Хӧдан бь дәсте хԝәйи зор һун жь ԝьр дәрхьстьн. Нане һьлати нәхԝьн. 4 Һун иро мәһа Абибеда дәрдькʹәвьн. 5 У гава Хӧдан тә бьбә ԝәлате кәнанийа, һʹитийа, әморийа, һʹиԝийа у йәбусийа, чаԝа кӧ ԝи кал-бавед тәрʹа сонд хԝар кӧ ԝи ԝәлати бьдә тә, кʹидәре шир у һьнгьв же дькʹьшә, ве мәһеда әве дәрәще дәрбаз ки. 6 Һʹәфт рʹожа нане шкәва бьхԝи, рʹожа һʹәфта бьра щәжьна Хӧдан бә. 7 Ԝан һʹәфт рʹожада, гәрәке нане шкәва бе хԝарьне, тьштед һәвиртьрʹшккьри гәрәке щәм тә тʹӧнә бә, нә жи нава тʹәмамийа тʹопраха тәда щәм тә һәвиртьрʹшк һәбә. 8 Ԝе рʹоже гәрәке зарʹе хԝәрʹа гьли ки бежи: ‹Әв бона ԝе йәке йә кӧ чь Хӧдан мьнрʹа кьр, гава әз жь Мьсьре дәркʹәтьм›. 9 Бьра әв ль сәр дәсте тә чаԝа нишан бә у ль сәр әʹнийа тә жи бона биранине бә, ԝәки һинкьрьна Хӧдан сәр заре тә бә, чьмки бь дәсте зор Хӧдан тӧ жь Мьсьре дәрхьсти. 10 Ви әʹрф-әʹдәти сал-сал ԝәʹдәда дәрбаз ки. 11 У гава Хӧдан тә бьбә ԝәлате кәнанийа, чаԝа тә у кал-бавед тәрʹа сонд хԝарийә кӧ ԝи бьдә тә, 12 һьнге һәр ньхӧрийе кӧ бәтʹьне вәдькә, бьдә Хӧдан. Һәр ньхӧрийе нерин жь һʹәйԝанед тә, пʹара Хӧдан бә. 13 Ле жь бәр һәр ньхӧрийе кʹәрева бәрхәки бьди, ле һәгәр бәрва нәди, стуйе ԝи бьшкени. Ль нав зарʹед хԝәда жь бәр һәр ньхӧрийе мәрьвайева бьди. 14 У гава зарʹа тә сьбе жь тә бьпьрсә у бежә: ‹Әв чь йә?› жерʹа бежи: ‹Хӧдан бь дәсте зор әм жь Мьсьре, жь мала хӧламтийе дәрхьстьн. 15 Гава Фьрәԝьн бу кәвьр у нәхԝәст мә бәрʹдә, Хӧдан һәр ньхӧрийед ԝәлате Мьсьреда, жь ньхӧрийе мерьвда гьрти һʹәта ньхӧрийед һʹәйԝен кӧштьн, бона ԝе йәке жи әз һәр ньхӧрийе нерини кӧ бәтʹьне вәдькә Хӧданрʹа ԛӧрбан дькьм у жь бәр ньхӧрийед зарʹед хԝәва дьдьм›. 16 Бьра әв йәка нишанәк бә ль сәр дәсте тә у бәрәʹник бә ль бәр чʹәʹве тә, чьмки бь дәсте зор Хӧдан әм жь Мьсьре дәрхьстьн». 17 Гава Фьрәԝьн щьмәʹт бәрʹда, Хԝәде әԝ ль рʹийа ԝәлате фьльстинийарʹа нәбьрьн, ле бәле әԝ һе незик бу, Хԝәде гот: «Кӧ нәбә щьмәʹт чʹәʹв шерʹ кʹәвә пʹошман бә, пашда вәгәрʹә Мьсьре». 18 Ле Хԝәде щьмәʹт дора бәрʹийева зьвьрʹанд у бьрә алийе Бәʹра Сор, зарʹед Исраел сильһʹкьри жь ԝәлате Мьсьре дәркʹәтьн. 19 Муса һәстуйед Усьв жи тʹәви хԝә һьлдан, чьмки Усьв зарʹед Исраел дабунә сонде у готьбу: «Әʹсә Хԝәде ԝе сәр ԝәда бе, һьнге һәстуйед мьн жи тʹәви хԝә жь вьр һәвраз бьбьн». 20 Әԝана жь Сукоте рʹекʹәтьн Етʹамеда, хьлазийа бәрʹийе конед хԝә вәгьртьн.
10-16 ТʹӘБАХЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ДӘРКʹӘТЬН 15-16
«Бь Кʹьлама Пәсьна Бьдьнә Йаһоԝа»
(Дәркʹәтьн 15:1, 2) Һьнге әв стьрана Муса у зарʹед Исраел Хӧданрʹа стьран у готьн: «Хӧданрʹа дьстьрем, чьмки әԝ хԝәйе рʹумәта мәзьн ә, һәсп у сийари авитьнә бәʹре. 2 Хӧдан ә ԛәԝата мьн у рʹуспитийа мьн. Әԝ мьнрʹа бу хьлазбун. Әԝ ә Хԝәдейе мьн у әзе шькьрийе бьдьмә ԝи. Әԝ ә Хԝәдейе баве мьн у әзе ԝи бьльнд кьм.
ԝ95 15/10 11 ¶11
Чьма Лазьм ә, ԝәки Рʹожед Иройин Хофа Хԝәде Дьле Мәда Һәбә?
11 Чахе Йаһоԝа ԛьрʹа ордийа Мьсьрийа ани, наве ԝи бәр чʹәʹве хьзмәткʹаред ԝи бьльнд бу у тʹәмамийа дьнйайе дәрһәԛа наве ԝи пеһʹәсийа (Йешу 2:9, 10; 4:23, 24). Бәле, наве ԝи жь наве һʹәму хӧданед Мьсьрийайә ԛәлп бьльндтьр бу, йед кӧ нькарьбун хьзмәткʹаред хԝә хьлаз кьн. Ахьрийе Мьсьри гәләк пʹошман бун, кӧ итʹбарийа хԝә хӧданед ԛәлп, мәрьве гӧнәкʹар у ордийед ԛәԝи анин (Зәбур 146:3). Әʹщебмайи нинә, ԝәки Исраели һелан бун пе кʹьламе пәсьна бьдьн Хԝәдайе сах. Ве кʹьламеда дьһатә кʹьфше хофа ԝан һьндава Хԝәде, йе кӧ бь ԛәԝата мәзьн щьмәʹта хԝә хьлаз кьр!
(Дәркʹәтьн 15:11) Кʹи йә мина тә нав хԝәдейада, йа Хӧдан? Кʹижан ә мина тә пирозийеда хԝәйирʹумәт, хԝәйипәсьн-ԛӧдрәт у кʹәрәмәткьр?
(Дәркʹәтьн 15:18) Хӧдане һʹәта-һʹәтайе пʹадшатийе бькә».
ԝ95 15/10 11-12 ¶15-16
Чьма Лазьм ә, ԝәки Рʹожед Иройин Хофа Хԝәде Дьле Мәда Һәбә?
15 Һәрге ԝи чахи әм тʹәви Муса буна, бешьк мәйе жи әв кʹьлам бьстьра: «Кʹи йә мина тә нав хԝәдейада, йа Хӧдан? Кʹижан ә мина тә пирозийеда хԝәйирʹумәт, хԝәйипәсьн-ԛӧдрәт у кʹәрәмәткьр?» (Дәркʹәтьн 15:11). Нава гәләк ԛьрʹнада һәстед ԝи щурʹәйи нав хьзмәткʹаред Хԝәдеда пешда дьһатьн. Хьлазийа Кʹьтеба Пирозда Йуһʹәннайе шанди дәрһәԛа хьзмәткʹаред амьн, йед бь рʹӧһʹ кʹьфшкьри, ӧса дьбежә: «Стьрана Мусайе хӧламе Хԝәде у стьрана Бәрх дьстьран». Кʹьламәкә чьԛас мәхсус ә! «Кьред тә мәзьн у әʹщеб ьн Хӧдан Хԝәдейе Һʹәму Зорайийе! Рʹийед тә рʹаст у сәр һәԛийе нә, йа Пʹадшайе мьләта. Хӧдан, кʹи жь тә ԝе нәтьрсә у рʹумәте нәдә ԝи наве тә? Чьмки тӧ тʹәне йе пироз и» (Әʹйанти 15:2-4).
16 Рʹожа иройин жи хьзмәткʹаред Хԝәде, кӧ бь сайа рʹастийе азайи стандьнә, кьред Хԝәде у ԛанунед ԝи дьшекьриньн. Мәрьвед жь һʹәму мьләта, кʹижан кӧ ԛанунед Хԝәдейи рʹаст ԛәбул дькьн у ль гора ве дьжин, алийе рʹӧһʹанида аза дьбьн у жь ве дьнийа һʹәрам щӧдә дьбьн. Һәр сал бь сәда һʹәзара мәрьв жь ве дьнйайе дәрдькʹәвьн у дькʹәвьнә нава тʹәшкиләта Йаһоԝа, кʹидәре кӧ рʹасти у тʹәмьзайи һәйә. Зутьрәке чахе Хԝәде диԝана религийа ԛәлп у дьнийа зӧлм бькә, мәрьвед рʹаст ԝе һәр-һәйи дьнйа тʹәзәда бьжин.
(Дәркʹәтьн 15:20, 21) Мәрйәма хушка Һарунә пʹехәмбәр дәф гьртә дәсте хԝә, һʹәму кʹӧлфәт жи дәф дәстада бь рʹәԛасе ль пәй ԝе дәркʹәтьн. 21 У Мәрйәме ль ԝан вәдьгәрʹанд: «Хӧданрʹа бьстьрен, чьмки әԝ хԝәйе рʹумәта мәзьн ә, һәсп у сийари авитьнә бәʹре».
it-2 454 ¶1
Мьԛам
Чахе Исраеледа кʹомева дьстьран, әв кʹом пʹарәвәдьбу. Әв йан дьбу дӧ пʹара у пәй һәврʹа дьстьран, йан жи пешийе йәк жь кʹоме башԛә дьбу, дьстьра, кʹоме жи пәйрʹа кʹьлам бәрдәԝам дькьр. Дьԛәԝьмә һәма дәрһәԛа ԝе йәке Кʹьтеба Пирозда те готьне чахе дьбежә, кӧ Мәрйәме кʹьлам «ль ԝан вәдьгәрʹанд» (Дркʹ. 15:21; 1 См. 18:6, 7). Әв йәк кӧ ча һьнә Зәбур һатьнә ньвисаре, мәсәлә Зәбура 136, избат дькә ԝәки ԝәʹде бәре ԝи щурʹәйи дьстьран. Хенщи ԝе йәке, һена Нәһәмийада гава дӧ кʹомед мәзьн жь бо авакьрьна диԝаред Оршәлиме кʹьлама пәсьндайине дьстьран, дьԛәԝьмә әԝана һәма ԝи щурʹәйи дьстьран (Нм. 12:31, 38, 40-42; бьньһерʹә КʹЬЛАМ).
it-2 698
Пʹехәмбәр
Кʹьтеба Пирозда жь кʹӧлфәта щара пешийе сәр Мәрйәме те готьне пʹехәмбәр. Мәрйәме жь бина бәр Хԝәде кʹьлам дьстьран. Дьԛәԝьмә Хԝәде бь сайа ԝан кʹьлама ԛьрара хԝә әʹлами щьмәʹте дькьр (Дркʹ. 15:20, 21). Ләма жи Мәрйәме у Һарун готьнә Муса: «Дьбә Хӧдан [Йаһоԝа] тʹәне бь дәве Муса хәбәр да? Нә бь дәве мә жи хәбәр да?» (Жм. 12:2). Йаһоԝа бь Миха пʹехәмбәр гот, ԝәки чахе Исраели жь Мьсьре дәрдьхьст, Әԝи «Муса, Һарун у Мәрйәм» дабу пешийа ԝан (Мх. 6:4). Рʹаст ә, Мәрйәмерʹа ԛәдьрәки мәзьн һатьбу дайине, кӧ ԛьрара Хԝәде дәрбази щьмәʹте бькә, ле диса жи кʹьфшкьрьна ԝе ӧса бьльнд нибу, ча йа Муса. Чахе әԝе дәстпекьр хԝә бьльнд һʹәсаб кә, Хԝәде әԝ сәрт щәза кьр (Жм. 12:1-15).
Хьзна Кʹьтеба Пироз Бьгәрʹьн
(Дәркʹәтьн 16:13) Ӧса ԛәԝьми кӧ еваре ԛарʹитк фьрʹин һатьн у зомә ньхамтьн, сәре сьбәһе дор-бәре зоме ԛьрʹавийе дани.
ԝ11 1/9 14
Ԝә Заньбу?
Чьма дьԛәԝьмә Хԝәде ԛарʹитка бьжарт, ԝәки бәрʹийеда щьмәʹта Исраел тʹер кә?
Паши дәркʹәтьна Исраелийа жь Мьсьре, Хԝәде дӧ щара гоште ԛарʹитка тʹер-тʹьжә да ԝан (Дәркʹәтьн 16:13; Жьмар 11:31).
Ԛарʹитк әԝ һәнә тәйрәдед бьчʹук, дьрежайа кʹижана ԝәкә 18 сантиметр ә у гьранийа ԝан ԝәкә 100 грам ә. Әԝ тәйрәдә щигӧһасти дьбьн. Әԝана һелунед хԝә Асийайа Рʹоавайеда у Әԝропайеда датиньн, ле зьвьстане Африкайа Бакӧреда у Әʹрәбьстанеда дьминьн. Ԝәʹде щигӧһастьне әԝана бь рʹәфед мәзьн сәр Бәʹра Навинва жь алийе рʹоһьлате у сәр Нивгьрава Синайева дьфьрʹьн.
Ль гора фәрһәнгокәке «The New Westminster Dictionary of the Bible», ԛарʹитк «зу дьфьрʹьн у ӧса дьфьрʹьн кӧ ба пьшта ԝан хә; ле һәрге ба ӧса те ԝәки рʹуйе ԝан дьхә йан жи һәрге дьреж дьфьрʹьн у дьвәстьн, һьнге әԝана бь рʹәфед мәзьн дькарьн бькʹәвьнә сәр әʹрде, у жь вәстандьне һʹьше хԝә ӧнда кьн». Пешийа кӧ бьфьрʹьн, ԝанарʹа лазьм ә рʹожәке йан дӧ рʹожа һеса бьн, ԝәки ԛәԝата хԝә бьстиньн. Ԝи чахи һеса йә ԝана бьгьрьн. Дәстпека ԛьрʹна 20, Мьсьре һәр сал ԝәкә се милйон ԛарʹитк дьфьротә ԝәлатед дьн.
Чахе ԛарʹитк дора зома Исраелийа кʹәтьнә әʹрде, һәр дӧ щара жи баһар бу. Рʹаст ә, ԝи ԝәʹдәйи ԛарʹитк бь тʹәбийәти сәр нивгьрава Синайева дьфьрʹийан, ле Йаһоԝа баки мәзьн рʹакьр, кʹижани кӧ әԝ ԛарʹитк анин сәр зома Исраелийа (Жьмар 11:31).
(Дәркʹәтьн 16:32-34) Муса гот: «Әв тʹәмийа Хӧдан ә: ‹Жь ԝи омерәки дагьрьн кӧ нава ньсьлед ԝәда бе хԝәйкьрьне, ԝәки әԝана ԝи нани бьбиньн кʹижан кӧ мьн һун бәрʹийеда данә хԝарьне, гава мьн һун жь ԝәлате Мьсьре дәрхьстьн›». 33 Муса готә Һарун: «Щерʹәки һьлдә омерә манә тʹьжи кә у дайнә ль бәр Хӧдан, бона кӧ нав ньсьлед ԝәда бе хԝәйикьрьне». 34 Чаԝа Хӧдан тʹәми да Муса, Һарун ӧса әԝ дани ль бәр Шәʹдәтийе кӧ бе хԝәйикьрьне.
ԝ06 15/1 31
Пьрсед Хԝәндәвана
Исраелийа һьнә ԝәʹдә шунда паши дәркʹәтьна жь Мьсьре, дәстпекьрьн бона хԝарьне бькьнә кӧтә-кӧт. Ләма жи Йаһоԝа мана да ԝан (Дәркʹәтьн 12:17, 18; 16:1-5). Ԝи чахи Муса готә Һарун: «Щерʹәки һьлдә омерә манә тʹьжи кә у дайнә ль бәр Хӧдан, бона кӧ нав ньсьлед ԝәда бе хԝәйикьрьне». Паше жи ӧса те готьне: «Чаԝа Хӧдан тʹәми да Муса, Һарун ӧса әԝ дани ль бәр Шәʹдәтийе [ԛӧтʹийа бона хԝәйкьрьна кʹахазед фәрз] кӧ бе хԝәйикьрьне» (Дәркʹәтьн 16:33, 34). Чахе Һарун мана кьрә щерʹ бона хԝәйкьрьне, һьнге Ԛӧтʹийа Пәймане пе сәлед пәймане һе тʹӧнә бун.
Хԝәндьна Кʹьтеба Пироз
(Дәркʹәтьн 16:1-18) Тʹәмамийа щьвина зарʹед Исраел жь Елиме рʹекʹәтьн, һатьнә бәрʹийа Сине, кӧ ль навбәра Елиме у Синайеда йә, панздәһе мәһа дӧда бу кӧ жь ԝәлате Мьсьре дәркʹәтьбун. 2 Тʹәмамийа щьвина зарʹед Исраел бәрʹийеда, һьндава Муса у Һарунда бина хԝә тәнг кьрьн. 3 Зарʹед Исраел готьнә ԝан: «Хԝәзи әм бь дәсте Хӧдан ль ԝәлате Мьсьреда бьмьрана, гава әм бәр ситьле гошт рʹудьньштьн у мә тʹер нан дьхԝар, ԝә әм дәрхьстьнә ве бәрʹийе кӧ тʹәмамийа щьвине бьрʹчийа бькӧжьн». 4 Һьнге Хӧдан готә Муса: «Ва йә әзе ԝәрʹа жь әʹзмен нан бьбариньм, бьра щьмәʹт һәр рʹож дәркʹәвә, чьԛас лазьмә тʹера ԝе рʹоже бәрәв кә, ԝәки ԝан бьщерʹьбиньм кʹа әԝе анәгори тʹәмийа мьн бькьн йан на. 5 У рʹожа шәша чь кӧ биньн бьра һазьр кьн, әԝ сәр тʹопкьрьна һәр рʹожирʹа дӧбарә бә». 6 Муса у Һарун готьнә һʹәму зарʹед Исраел: «Ве еваре һуне бьзаньбьн кӧ Хӧдан һун жь ԝәлате Мьсьре дәрхьстьнә. 7 Сәре сьбәһе һуне рʹумәта Хӧдан бьбиньн, чьмки әԝи бьһист әԝ бинтәнгийа ԝәйә һьндава Хӧданда. Әм кʹи нә кӧ һун һьндава мәда бинтәнгийе дькьн?» 8 Муса гот: «Хӧдане еваре бона хԝарьне гошт бьдә ԝә у сәре сьбәһе жи нан бьдә һʹәта кӧ һун тʹер бьхԝьн, чьмки Хӧдан бьһист әԝ бинтәнгийа ԝә. Әм кʹи нә? Һун бина хԝә ль мә тәнг накьн ле ль Хӧдан». 9 Муса готә Һарун: «Бежә тʹәмамийа щьвина зарʹед Исраел: ‹Ль бәр Хӧдан бьсәкьньн, чьмки әԝи бинтәнгийа ԝә бьһист›». 10 Гава Һарун тʹәмамийа щьвина зарʹед Исраелрʹа хәбәр дьда, ԝана дина хԝә да бәрʹийе, ва йә рʹумәта Хӧдан ль нав әʹԝрда һатә хане. 11 Хӧдан тʹәв Муса хәбәр да у готе: 12 «Мьн бинтәнгийа зарʹед Исраел бьһист. Тʹәви ԝан хәбәрдә у бежә ԝан: ‹Бәре еваре һуне гошт бьхԝьн у сәре сьбәһе жи һуне бь нан тʹер бьн, һьнге һуне бьзаньбьн кӧ әз Хӧдан Хԝәдейе ԝә мә›». 13 Ӧса ԛәԝьми кӧ еваре ԛарʹитк фьрʹин һатьн у зомә ньхамтьн, сәре сьбәһе дор-бәре зоме ԛьрʹавийе дани. 14 Гава әԝ ԛьрʹавийа дани һьлат, ва йә сәр рʹуйе бәрʹийе тьштәки мина капәке һур, гьловәрʹ, мина ԛьше ль сәр әʹрде һәбу. 15 Гава зарʹед Исраел дитьн, готьнә һәв: «Әв чь йә?» Чьмки ньзаньбун әԝ чь йә. Муса готә ԝан: «Әв әԝ нан ә кӧ Хӧдан бона хԝарьна ԝә да. 16 Тʹәмийа Хӧдан әв ә: ‹Бьра һәр кәси ԝә ԛаси хԝарьна хԝә жь ԝи бәрәв кә. Сәре һәр нәфәре омерәки бәрәв кә, ԝәкә һʹәсабе ԝан нәфса, чьԛас кӧ коне һәр кәсида һәнә›». 17 Зарʹед Исраел ӧса жи кьрьн. Бәрәв кьрьн һьнәка гәләк, һьнәка һьндьк. 18 У гава чап кьрьн , кʹе гәләк тʹоп кьр, зедә нәбу у кʹе һьндьк тʹоп кьр, кем нәбу. Һәр йәки ԛаси хԝарьна хԝә бәрәв кьр.
17-23 ТʹӘБАХЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ДӘРКʹӘТЬН 17-18
«Мәрьве Мьлук Али йед Дьн Дькә, кӧ Рʹӧһʹанида Пешда Һәрʹьн»
(Дәркʹәтьн 18:17, 18) Һьнге хәзуре Муса готә ԝи: «Кьрьна тә нә тьштәки ԛәнщ ә, 18 бь ве йәке һьн те бьһʹәли-бьмаши, һьн жи әв щьмәʹта кӧ тʹәви тәйә, чьмки әв шьхӧла бона тә гәләки гьран ә, тӧ тʹәне нькари ве йәке бьки.
ԝ13 1/2 6
Муса Мәсәла Һʹьзкьрьне йә
Муса щьмәʹта Исраел һʹьз дькьр. Исраелийа фәʹм дькьрьн, ԝәки Йаһоԝа әԝ кʹьфш кьрийә, бона рʹебәрийе ԝан бькә у әԝана бона щурʹә-щурʹә проблемед хԝә һеса бькарьбьн аликʹарийе жь Муса бьхԝазьн. Әм дьхуньн: «Щьмәʹт сәре сьбәһе һʹәта еваре щәм Муса сәкьни ма» (Дәркʹәтьн 18:13-16). Бьдьнә бәр чʹәʹве хԝә Мусарʹа чьԛас чәтьн бу бь сьһʹәта гӧһ бьдә проблемед щьмәʹте! Ле Муса дьл-әʹшԛ һазьр бу али щьмәʹте бькә, чьмки әԝана һʹьз дькьрьн.
(Дәркʹәтьн 18:21, 22) Ле тӧ, жь нава һʹәму щьмәʹте, мәрьвед жеһати, Хԝәдехоф, мәрьвед амьнә кӧ кʹара хԝә нагәрʹьн бьбьжерә у жь ван, сәрһʹәзара, сәрсәда, сәрпенщийа у сәрдәһа сәр ԝан кʹьфш кә. 22 Бьра һәр гав әвана һʹакьмтийе ль щьмәʹте бькьн, һәр тьштед чәтьн тәрʹа бежьн, ле йед сьвьк, бьра хԝәха һʹакьмтийе бькьн, бь ви аԝайи ԝе жь сәр тә сьвьк бә у ԝи бари тʹәви тә һьлдьн.
ԝ03 1/11 6 ¶1
Итʹбари Фәрз ә, сәва кӧ Бәхтәԝар Бьжин
Әԝан мера пешийа кӧ щабдарийед мәзьн бьстандана, хәйсәт-һʹӧнӧред баш дабунә кʹьфше. Ԝана ида избат кьрьбун, ԝәки хофа Хԝәде дьле ԝанда һәйә; ԝана Әʹфьрандар гәләк һʹьз дькьр у дьтьрсийан дьле ԝи бьешиньн. Гьшкарʹа әʹйан бу, ԝәки әԝан мера һʹәму тьшт дькьрьн, сәва кӧ хԝә ль нормед Хԝәде бьгьрьн. Әԝана мьхәнәти нәфрәт дькьрьн у избат дькьрьн, ԝәки навнамус ьн. У дьһатә кʹьфше, ԝәки щабдари ԝе сәр ԝана хьраб һʹӧкӧм нәкә. Әԝана ԝе ԝан щабдарийа нәдьнә хәбате бона кʹара хԝә йан жи бона кʹара бьра-пьсмам у һәвалед хԝә.
(Дәркʹәтьн 18:24, 25) Муса готьна хәзуре хԝә ԛәбул кьр у әԝ һәр тьште кӧ ԝирʹа гот кьр. 25 У Муса жь нава тʹәмамийа исраелийа мәрьвед жеһати бьжартьн у әԝ сәр щьмәʹте сәрԝер, аԝа готи сәрһʹәзар, сәрсәд, сәрпенщи у сәрдәһә кʹьфш кьрьн.
ԝ02 15/5 25 ¶5
Беԛьсурти Рʹебәрийе Мәрьвед Рʹаст Дькә
Муса мәрьвәки шкәсти у мьлук бу. Чахе әԝи проблемед Исраелийа сафи дькьр, әԝ ԛӧдум кʹәт. Ләма жи хәзуре ԝи Йәтʹро ширәтәкә баш да ԝи, ԝәки һьнә щабдарийед хԝә бәлайи сәр мәрьвед дьн кә, кʹижан кӧ ԝе бькарьбуна биньн сери. Муса фәʹм дькьр, ԝәки ԛәԝата ԝи бь синор ә, ләма жи бь билани ширәт ԛәбул кьр (Дәркʹәтьн 18:17-26; Жьмар 12:3). Мәрьве мьлук натьрсә һʹӧкӧмәтийа хԝә ӧнда кә, у ԝирʹа чәтьн нинә щабдарийа хԝә бьдә ԝан мәрьва, йед кӧ дькарьн биньн сери (Жьмар 11:16, 17, 26-29). Дәԝсе, әԝ ԝе али мәрьвед дьн бькә, кӧ рʹӧһʹанида пешда һәрʹьн (1 Тимотʹейо 4:15). Әм жи гәрәке ӧса бькьн.
Хьзна Кʹьтеба Пироз Бьгәрʹьн
(Дәркʹәтьн 17:11-13) Гава Муса дәсте хԝә бьльнд дькьр, исраелийа ль сәр дькʹәтьн, ле гава дәсте хԝә бәрʹдьда, амалеки ль сәр дькʹәтьн. 12 Ле гава дәстед Муса ԝәстийан, һьнге кәвьрәк һьлдан данинә бьн ԝи у әԝ ль сәр ԝи рʹуньшт. Һарун у Һур жи йәки аликива йе дьн жи алийе дьнва дәстед ԝи бьльнд хԝәй кьрьн, һʹәта рʹо чу ава дәстед ԝи ԛәԝин сәкьнин. 13 Йешу Амалек щьмәʹтева дәве шуррʹа дәрбаз кьр.
ԝ16.09 6 ¶14
«Бьра Дәстед Тә Сьст Нәбьн»
14 Ԝәʹде шәрʹ, Һарун у Һур бь рʹастийе дәсте Муса дьгьртьн. Ле әм ча дькарьн дәстед сьст ԛәԝи кьн? Әм гәрәке дина хԝә бьдьн кӧ кʹе һʹәԝще аликʹарийе йә, у чьда лазьм ә али ԝан бькьн. Мәсәлә, мәрьвед әʹмьрда мәзьн, сьһʹәт-ԛәԝата кʹе жи хьраб ә, йан әԝед кӧ нәфәред мале мьԛабьли ԝан дәртен, йед кӧ тʹәне нә, йан әԝед кӧ мәрьве хԝәйи незик ӧнда кьрьнә. Әм ӧса жи дькарьн щаһьла ԛәԝи кьн, чьмки әԝана ве дьнйайеда рʹасти щерʹьбандьна тен. Әв дьнйа, ԝана һелан дькә кӧ әԝана тьштед нәрʹаст бькьн, йан жи пешдачуйи бьн мәсәлә хԝәндьна бьльндда, материйалида, йан професийеда (1 Тʹеслн. 3:1-3; 5:11, 14). Бьфькьрьн кӧ ԝәʹде щьвате, хьзмәтийе, нанхԝарьне, йан чахе пе тʹеле хәбәрдьдьн, һун ча дькарьн һʹале хушк-бьра бьпьрсьн у чьда дькарьн али ԝан бькьн.
(Дәркʹәтьн 17:14) Һьнге Хӧдан готә Муса: «Ве йәке бона биранине кʹьтебеда бьньвисә у бьгьһинә гӧһе Йешу кӧ әзе биранина Амалек, бьн пʹәрʹе әʹзманда лап бьдьмә һьлдане».
it-1 406
Ԛанун
Готьнед жь ньвисаред Муса избат дькьн, ԝәки әԝ ньвисар жь бина бәр Хԝәде нә. Ԝан ньвисарада гәләк ԛанун у рʹебәри бона һʹәбандьна рʹаст һәнә. Муса хԝәха сафи нәкьрьбу, кӧ бьбә рʹебәре щьмәʹта Исраеле; пешийе әԝи әв кʹьфшкьрьн инкʹар кьр (Дркʹ. 3:10, 11; 4:10-14). Бь рʹасти, Хԝәде Муса кʹьфш кьр у һʹӧкӧмәтики ӧса да ԝи, ԝәки әԝ кʹәрәмәта бькә. Илаһи сербазед Мьсьре мәщбур бун, ԝәки ԛәбул кьн, кӧ ԛәԝата Муса жь Хԝәде йә (Дркʹ. 4:1-9; 8:16-19). Демәк Муса һʹьзрәта ԝе йәке нибу, кӧ бьбә готарван у ньвискʹар. Ле әԝи гӧһ дьда рʹебәрийа Хԝәде у рʹӧһʹе пироз станд. Әве йәке ԝи һелан кьр бежә у бьньвисә ԝан гьлийа, кʹижан кӧ ԝәʹдә шунда бунә пʹара ԛануна Кʹьтеба Пироз (Дркʹ. 17:14).
Хԝәндьна Кʹьтеба Пироз
(Дәркʹәтьн 17:1-16) Тʹәмамийа щьвина зарʹед Исраел, ль гора готьна Хӧдан жь фьрарийа бәрʹийа Сине чун ль Рʹьфидиме конед хԝә вәгьртьн, ль ԝьр бона щьмәʹте ава вәхԝарьне тʹӧнә бу. 2 Һьнге щьмәʹте ԛьрʹка Муса гьрт у готьне: «Аве бьдә мә әм вәхԝьн». Муса готә ԝан: «Һун чьма ԛьрʹка мьн дьгьрьн? Чьма Хӧдан дьщерʹьбиньн?» 3 Щьмәʹт ԝедәре тʹи бу, бина хԝә ль Муса тәнг кьрьн у готьне: «Чьма тә әм жь Мьсьре дәрхьстьн, ԝәки мә, зарʹед мә у һʹәйԝанед мә тʹибуна бькӧжи?» 4 Муса гази Хӧдан кьр у гот: «Әз хԝә ль ве щьмәʹте чаԝа бькьм? Һьндьк майә кӧ мьн бьдьнә ль бәр кәвьра!» 5 Һьнге Хӧдан готә Муса: «Дәрбази пешийа щьмәʹте бә, жь рʹуспийед Исраел тʹәви хԝә һьлдә у ԝе шьвдара хԝә, бь кʹижане тә чʹәме Ниле хьст, бьгьрә дәсте хԝә у һәрʹә. 6 Ва йә әзе ль ԝьр Һʹоребеда сәр ԛәйе, ль бәр тә бьсәкьньм у тӧ ԛәйе хә, ԝе жь ԝе аве дәре щьмәʹте вәхԝә». Муса ль бәр чʹәʹве рʹуспийед Исраел ӧса кьр. 7 У наве ԝи щийи дани Массаһ у Мерибаһ, чьмки зарʹед Исраел ԝьр кʹәтьнә дәʹԝе, Хӧдан щерʹьбандьн у готьн: «Гәло Хӧдан нав мәда йә йан на?» 8 Амалеки һатьн ль нав Рʹьфидиме тʹәв Исраел шәрʹ кьрьн. 9 Муса готә Йешу: «Мәрʹа мера бьбьжерә у һәрʹә тʹәв Амалек шәрʹ кә, сьбе әзе ль сәре гьр бьсәкьньм у шьвдара Хԝәде жи дәсте мьнда». 10 Йешу ӧса кьр чаԝа кӧ Муса гот, тʹәви Амалек шәрʹ кьр. Муса, Һарун у Һур рʹабунә сәре гьр. 11 Гава Муса дәсте хԝә бьльнд дькьр, исраелийа ль сәр дькʹәтьн, ле гава дәсте хԝә бәрʹдьда, амалеки ль сәр дькʹәтьн. 12 Ле гава дәстед Муса ԝәстийан, һьнге кәвьрәк һьлдан данинә бьн ԝи у әԝ ль сәр ԝи рʹуньшт. Һарун у Һур жи йәки аликива йе дьн жи алийе дьнва дәстед ԝи бьльнд хԝәй кьрьн, һʹәта рʹо чу ава дәстед ԝи ԛәԝин сәкьнин. 13 Йешу Амалек щьмәʹтева дәве шуррʹа дәрбаз кьр. 14 Һьнге Хӧдан готә Муса: «Ве йәке бона биранине кʹьтебеда бьньвисә у бьгьһинә гӧһе Йешу кӧ әзе биранина Амалек, бьн пʹәрʹе әʹзманда лап бьдьмә һьлдане». 15 Муса горигәһәк чекьр у наве ԝе дани: Хӧдан ала мьнә. 16 У гот: «Ль сәр тʹәхте Хӧдан дәст бьльнд бу! Хӧдане тʹәв Амалек ԛӧрʹнә-ԛӧрʹнә шәрʹ кә».
24-30 ТʹӘБАХЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ДӘРКʹӘТЬН 19-20
«Дәһә Тʹәми у Тӧ»
(Дәркʹәтьн 20:3-7) Пештьри мьн хԝәдейед тәйә майин тʹӧнә бьн. 4 Тʹӧ пʹути мина дьлԛе тьштәкида хԝәрʹа ченәки, нә жор ль әʹзмен, нә жер ль сәр әʹрде, нә жи нава авед бьн әʹрдеда. 5 Бәр тʹӧ пʹути та нәби у хӧламтийа ԝан нәки, чьмки әз Хӧдан Хԝәдейе тә Хԝәдеки кʹӧмрʹәш ьм, кӧ бона нәһәԛийед бава тиньмә сәре зарʹа, һʹәта ньсьле сьсийа у чара кӧ дьжәньнә мьн, 6 ле әԝед кӧ мьн һʹьз дькьн у тʹәмийед мьн хԝәй дькьн, әзе һʹәта һʹәзар ньсьли һьндава ԝанда һʹӧба хԝәйә амьн бьдьмә кʹьфше. 7 Наве Хӧдан Хԝәдейе хԝә бадиһәԝа нәди сәр заре хԝә, чьмки Хӧдан ԝе йе кӧ наве ԝи бадиһәԝа дьдә сәр заре хԝә, бе щәза наһелә.
ԝ89 15/11 6 ¶1
Дәһә Тʹәми Чь Тенә Һʹәсабе бона Тә?
Чар тʹәмийед пешьн дина мә дьдьн сәр щабдарийед мә һьндава Йаһоԝа. Тʹәмийа пешьн: Хԝәде амьнийе дәʹԝа дькә (Мәтта 4:10). Тʹәмийа дӧда: Хьзмәткʹаред ԝи гәрәке пʹута нәһʹәбиньн (1 Йуһʹәнна 5:21). Тʹәмийа сьсийа: Әм гәрәке тʹьме бь ԛәдьр наве Хԝәде бьдьнә хәбате (Йуһʹәнна 17:26; Рʹомайи 10:13). Тʹәмийа чара: Жийина мәда шьхӧлед рʹӧһʹани гәрәке щийе пешьн бьгьрьн. Әв йәк мәщале дьдә мә, ԝәки әм һеса бьн, демәк «рʹожа шәмийе» хԝәйи кьн у хԝәда баԝәр нибьн (Ибрани 4:9, 10).
(Дәркʹәтьн 20:8-11) Рʹожа шәмийе бинә бира хԝә, ԝәки ԝе пироз хԝәй ки. 9 Шәш рʹожа бьхәбьтә у һʹәму шьхӧлед хԝә бькә, 10 ле рʹожа һʹәфта, шәмийа рʹьһʹәтийа бона Хӧдан Хԝәдейе тә йә, тʹӧ шьхӧли нәки, нә тӧ, нә кӧрʹе тә, нә ԛиза тә, нә хӧламе тә, нә щарийа тә, нә һʹәйԝане тә, нә жи хәрибе нава тәда. 11 Чьмки Хӧдан шәш рʹожада әʹрд у әʹзман, бәʹр у һʹәмуйед нав ԝанда чекьрьн у рʹожа һʹәфта рʹьһʹәт бу, ләма Хӧдан дӧа рʹожа шәмийе кьр у әԝ пироз кьр.
(Дәркʹәтьн 20:12-17) Ԛәдьре де у баве хԝә бьгьри, ԝәки әʹмьре тә ль сәр әʹрде кӧ Хӧдан Хԝәдейе тәйе бьдә тә дьреж бә. 13 Нәкӧжи. 14 Зьнийе нәки. 15 Нәдьзи. 16 Мьԛабьли тʹӧ кәси шәʹдәтийа дәрәԝ нәди. 17 Дьлһавьжийа мала тʹӧ кәси нәки. Нә дьлһавьжийа кʹӧлфәта тʹӧ кәси, нә хӧламе ԝи, нә щарийа ԝи, нә гайе ԝи, нә кʹәра ԝи, ӧса жи тʹӧ тьште тʹӧ кәси».
ԝ89 15/11 6 ¶2-3
Дәһә Тʹәми Чь Тенә Һʹәсабе бона Тә?
Тʹәмийа Пенща: Рʹожед мәда жи бона йәктийа малбәте гӧһдарийа зарʹа һьндава де-бава гәләк фәрз ә у кʹәрәмед Йаһоԝа тинә. У бь рʹасти жи әв «тʹәмийа пешьн тʹәви создайине» һевийа чьԛас баш дьдә! Әв дьбежә ԝәки ԝе нә тʹәне «чәрха тә рʹаст бә», ле ӧса жи ԝе «сәр әʹрде әʹмьре тә дьреж бә» (Әфәси 6:1-3). Ньһа ԝан «рʹожед ахьрийеда зәманед» хьрабда, гӧһдарибуна щаһьла мәщале дьдә ԝан, ԝәки һʹәта-һʹәтайе бьжин (2 Тимотʹейо 3:1; Йуһʹәнна 11:26).
Һʹьзкьрьн ԝе нәһелә, кӧ әм хьрабийе мәрьварʹа бькьн. Мәсәлә әв ԝе мә хԝәй кә жь меркӧжийе (Тʹәмийа Шәша), бенамусийе (Тʹәмийа Һʹәфта), дьзийе (Тʹәмийа Һʹәйшта), у жь бохданбежийе (Тʹәмийа Нәһа) (1 Йуһʹәнна 3:10-12; Ибрани 13:4; Әфәси 4:28; Мәтта 5:37; Мәтʹәлок 6:16-19). Ле әм чь дькарьн бежьн дәрһәԛа нет-фькьред хԝә? Тʹәмийа Дәһа, кʹижан кӧ тьмайе ԛәдәхә дькә, дәʹԝакьрьнед Йаһоԝа тинә бира мә, ԝәки нет-фькьред мә бәр чʹәʹве Хԝәде тʹьме рʹаст бьн (Мәтʹәлок 21:2).
Хьзна Кʹьтеба Пироз Бьгәрʹьн
(Дәркʹәтьн 19:5,6) У ньһа һәгәр һун рʹаст гӧрʹа мьн бькьн у пәймана мьн хԝәйи кьн, һьнге һуне жь нав һʹәму мьләтада бьбьнә мьлкʹе мьн, чьмки тʹәмамийа дьне йа мьн ә. 6 Һуне жи мьнрʹа бьбьнә пʹадшатийа кʹаһина у мьләтәки бӧһӧрти›. Әв ьн әԝ готьн кӧ тӧ гәрәке зарʹед Исраелрʹа бежи».
it-2 687 ¶1-2
Кʹаһин
Кʹаһинтийа Мәсиһити. Йаһоԝа соз да, ԝәки щьмәʹта Исраел ԝе бьбә «пʹадшатийа кʹаһина у мьләтәки бӧһӧрти», һәрге пәймана ԝи хԝәйи кә (Дркʹ. 19:6). Хенщи ԝе йәке, кʹаһинтийа Һарун ԝе бәрдәԝам буйа, һʹәта кӧ кʹаһинтийа дьһа мәзьн әʹйан буйа. Кʹаһинтийа Һарун сийа ве кʹаһинтийа мәзьн бу (Ибр. 8:4, 5). Әв йәк ԝе ԛәԝатеда буйа, һʹәта Ԛануна пәймане бьһата һьлдане у пәймана тʹәзә бьһата гьредане (Ибр. 7:11-14; 8:6, 7, 13). Пешийе тʹәне мәщала Исраелийа һәбу бьбьнә кʹаһин у Пʹадшатийа Хԝәдейә создайида хьзмәт кьн. Ле паше әв мәщал мәрьвед щурʹә-щурʹә мьләтарʹа һатә дайине (Кʹр.Шн. 10:34, 35; 15:14; Рʹм. 10:21).
Жь Щьһуйа тʹәне һьнәка Иса ԛәбул кьрьн. Ләма жи һәжмара ԝан нәдьгьһишт һаԛаси, чьԛас кӧ лазьм бу, ԝәки жь ԝана щьмәʹта пироз у пʹадшатийа рʹеали жь кʹаһина саз буйа (Рʹм. 11:7, 20). Бь ԛьрʹна пешда Йаһоԝа дәрһәԛа Исраела нәамьн бь Һосәйа пʹехәмбәр ӧса пʹехәмбәрти кьр: «Әзе жи тә рʹәд бькьм, бона кӧ тӧ жь мьнрʹа еди кʹаһинтийе нәкә. У жь бәр кӧ тә загона Хԝәдайе хԝә жь бир кьрийә: Әзе жи зарʹокед тә жь бир бькьм!» (Һос. 4:6). Иса жи готә сәрԝеред Щьһуйа: «Пʹадшатийа Хԝәде ԝе жь ԝә бе стандьне у мьләтәки ӧсарʹа бе дайине, ԝәки бона ԝи бәр бинә» (Мәт. 21:43). Ле чахе Иса Мәсиһ ль сәр әʹрде бу, әԝ хԝәха жи бьн ве Ԛанунеда бу у кʹаһинтийа Һарун ԛәбул дькьр. Ләма жи чахе әԝи йед кʹоти ԛәнщ кьр, тʹәми да ԝан, кӧ һәрʹьн щәм кʹаһин у һәʹдийе бьдьн (Мәт. 8:4; Марԛ. 1:44; Луԛа 17:14).
(Дәркʹәтьн 20:4, 5) Тʹӧ пʹути мина дьлԛе тьштәкида хԝәрʹа ченәки, нә жор ль әʹзмен, нә жер ль сәр әʹрде, нә жи нава авед бьн әʹрдеда. 5 Бәр тʹӧ пʹути та нәби у хӧламтийа ԝан нәки, чьмки әз Хӧдан Хԝәдейе тә Хԝәдеки кʹӧмрʹәш ьм, кӧ бона нәһәԛийед бава тиньмә сәре зарʹа, һʹәта ньсьле сьсийа у чара кӧ дьжәньнә мьн,
ԝ04 15/3 27 ¶1
Фькьред Сәрәкә жь Кʹьтеба Дәркʹәтьн
20:5: Чь те һʹәсабе, ԝәки Йаһоԝа «бона нәһәԛийед бава» зарʹа щәза дькә? Һәр мәрьвәк, чахе мәзьн дьбә, сәр һʹиме фькьр у кьред хԝә те диԝанкьрьне. Ле чахе щьмәʹта Исраел хԝә ль пʹутпʹарьстийе дьгьрт, әв йәк хьраб һʹӧкӧм дьбу сәр ньсьлед ԝан, у һәла һе сәр Исраелийед амьн жи. Гава Исраелийа хԝә ль һʹәбандьна ԛәлп дьгьртьн, мәрьвед амьнрʹа жи чәтьн бу нәкʹәвьн бәр байе ԝан.
Хԝәндьна Кʹьтеба Пироз
(Дәркʹәтьн 19:1-19) Мәһа сьсийада зарʹед Исраел пәй дәркʹәтьна Мьсьрерʹа, һәма ԝе рʹоже гьһиштьнә бәрʹийа Синайе. 2 Жь Рʹьфидиме рʹекʹәтьн чунә бәрʹийа Синайе у бәрʹийеда конед хԝә вәгьртьн. Исраел ль ԝе дәре бәр чʹийе конед хԝә вәгьртьн. 3 Муса һьлкʹьшийа щәм Хԝәде у Хӧдан жь чʹийе гази ԝи кьр у готе: «Аһа бежә мала Аԛуб у зарʹед Исраелва бьдә әʹйанкьрьне: 4 ‹Ԝә дит мьн чь ани сәре мьсьрийа у һун чаԝа һьлдан ль сәр пʹәрʹед тәйре симьрʹ анинә щәм хԝә. 5 У ньһа һәгәр һун рʹаст гӧрʹа мьн бькьн у пәймана мьн хԝәйи кьн, һьнге һуне жь нав һʹәму мьләтада бьбьнә мьлкʹе мьн, чьмки тʹәмамийа дьне йа мьн ә. 6 Һуне жи мьнрʹа бьбьнә пʹадшатийа кʹаһина у мьләтәки бӧһӧрти›. Әв ьн әԝ готьн кӧ тӧ гәрәке зарʹед Исраелрʹа бежи». 7 Муса һат гази рʹусьпийед щьмәʹте кьр у һʹәму хәбәред кӧ Хӧдан тʹәми дабу ԝи бәр ԝан дани. 8 У тʹәмамийа щьмәʹте һәврʹа щаб да у гот: «Һʹәму готьнед Хӧдан әме бькьн!» У Муса готьна щьмәʹте гиһандә Хӧдан. 9 Хӧдан готә Муса: «Ва йә әзе нав әʹԝрәки сьхда бемә щәм тә, ԝәки щьмәʹт бьбьһе әзе чаԝа тʹәви тә хәбәр дьм у һәр гав тә баԝәр бькә». Муса готьна щьмәʹте гиһандә Хӧдан 10 у Хӧдан готә Муса: «Һәрʹә щәм щьмәʹте у ԝан иро у сьбе паԛьж кә, бьра кʹьнщед хԝә бьшон. 11 Бона рʹожа сьсийа һазьр бьн, чьмки рʹожа сьсийа ль бәр чʹәʹве тʹәмамийа щьмәʹте, Хӧдане пәйайи сәр чʹийайе Синайе бә. 12 Һәр алийава, бона щьмәʹте синор кʹьфш кә у бежә: ‹Мьԛати хԝә бьн, кӧ рʹанәбьнә чʹийе йан жи пʹеше кʹәвьн. Һәр кәсе кӧ незики чʹийе бә, гәрәке бьмьрә. 13 Бьра дәст ԝи нәкʹәвә, ле ԝи бьдьнә бәр кәвьра йан жи пе тире лехьн, һәгәр һʹәйԝан бә йан мәри бә гәрәке сах нәминә›, чахе дәнге борʹийа жь стьруйе бәред дьреж бе ледане, һьнге әԝ дькарьн һьлкʹьшьнә чʹийе». 14 Муса жь сәре чʹийе пәйайи щәм щьмәʹте бу, щьмәʹт паԛьж кьр у ԝана кʹьнщед хԝә шуштьн. 15 Әԝи готә щьмәʹте: «Бона рʹожа сьсийа һазьр бьн, незики кʹӧлфәта нәбьн». 16 Рʹожа сьсийа, гава сьбәһ зәлал дьбу, бу ԛьрʹчʹин у бьруске бьрԛ вәдьда, әʹԝрәки сьх ль сәр чʹийе бу у дәнге борʹийа жь стьру гәләки ԛайим һат, рʹьсасе ль тʹәмамийа щьмәʹта зоме гьрт. 17 Муса щьмәʹт жь зоме дәрхьстә ль бәр Хԝәде у әԝ бьнатʹара чʹийе сәкьнин. 18 Тʹәмамийа чʹийайе Синайе ду дькьр, чьмки Хӧдан агьрда пәйайи сәр ԝи бу, дуйе ԝи мина дуйе фьрʹне һьлдькʹьшийа у тʹәмамийа чʹийе ԛайим дьһʹәжийа. 19 Дәнге борʹийа стьру чьԛас дьчу ԛайим дьбу, Муса хәбәр да у Хԝәде бь дәнг щаба ԝи да.
31 ТʹӘБАХЕ-6 ИЛОНЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ДӘРКʹӘТЬН 21-22
«Бьла Ньһерʹандьна Тә сәр Жийине Мина йа Йаһоԝа бә»
(Дәркʹәтьн 21:20) Һәгәр йәк бь шьвдаре хӧлам йан щарийа хԝә хә у әԝ бьн дәсте ԝида бьмьрә, әʹсә гәрәке бе щәзакьрьне.
it-1 271
Ледан, Лехьстьн
Изьна Ибранийа һәбу, ԝәки хӧлам йан щарийа хԝә бона нәгӧһдарикьрьне бьдә бәр шьва. Ле һәрге жь бо ве йәке хӧлам бьмьра, ахайе ԝи дьһатә щәзакьрьне. Хенщи ԝе йәке, һәрге паши ледане хӧлам диса рʹожәке йан дӧ рʹожа сах бьма, әв нишана ве йәке бу, ԝәки ахайе ԝи нәдьхԝәст ԝи бькӧшта. Бь рʹасти, изьна ахе һәбу хӧламе хԝә щәза кә, чьмки хӧлам һәбука ԝи бу. Бь тʹәбйәти набә, кӧ мәрьв бьхԝазә зийане бьдә һәбука хԝәйә ԛимәт. Хенщи ԝе йәке, һәрге хӧлам рʹожәк шунда дьмьр, тʹӧ кәси нькарьбу сәд сәләфи избат кьра, ԝәки әԝ жь бо ледане мьр йан жь бо мәʹникә дьн. Ләма жи һәрге хӧлам диса рʹожәке йан дӧ рʹожа сах дьма, ахайе ԝи нәдьһатә щәзакьрьне (Дркʹ. 21:20, 21).
(Дәркʹәтьн 21:22, 23) Гава мәрьв һәврʹа шәрʹ кьн у дәрб жьна дӧһʹали кʹәвә, зарʹа ԝе ԝәʹдә зутьр бьбә у зьрарәкә майин тʹӧнәбә, һьнге бьра мере ԝе чьԛас кӧ жь ԝан бьхԝазә, бь ԛьрара һʹакьмтийе бе дайине. 23 Ле һәгәр зьрарәк бьбә, һьнге гәрәке әʹмьр жь бәр әʹмьрва бә,
Тӧ Жийине Ӧса Ԛимәт Дьки Чаԝа Хԝәде Ԛимәт Дькә?
16 Әʹмьре һәр мәрьвәки ԛимәт ә бәр чʹәʹве Йаһоԝа. Һәла һе әʹмьре зарʹа кӧ һе нәһатийә буйине жи, ԛимәт ә бәр чʹәʹве ԝи. Ԛануна Мусада дьһатә готьне, һәрге кәсәк бе һʹәмде хԝә зийане бьдә кʹӧлфәтәкә һʹәмлә, у әԝ кʹӧлфәт бьмьрә йан жи зарʹ бәр һәрʹә, әԝ кәс бәр чʹәʹве Йаһоԝа те һʹәсабе меркӧж. Әԝ те һʹәсабе, һәрге әԝи кәси нәхԝәстийә жи, ле ӧса ԛәԝьми кӧ йәк мьр, әԝ кәс гәрәке әʹмьр жь бәр әʹмьрва бьда. (Бьхунә Дәркʹәтьн 21:22, 23.) Бәр чʹәʹве Хԝәде зарʹа зьке деда жи мәрьве сах ә. Жь бо ԝе дәрәще, тӧ ча дьфькьри, Хԝәде ча дьньһерʹә сәр зарʹбәркьрьне? Ча тӧ дьшьрмиш дьби, Хԝәде чь тʹәхмин дькә, гава дьвинә кӧ һәр сал бь милиона зарʹ тенә бәркьрьне?
(Дәркʹәтьн 21:28, 29) Һәгәр гайе мәрьвәки мерәки йан жьнәке хә у әԝ бьмьрә, гәрәке әʹсә ԝи гайи бьдьнә бәр кәвьра у гоште ԝи нәйе хԝарьне, ле хԝәйе ԝи гайи бещәза бә. 29 Ле һәгәр бона лехьстьна ԝи гайи зува хԝәйе ԝирʹа һатийә готьне у хԝәйе ԝи хәм нә кьрийә, һьнге әԝ га мер йан жьнәке хә бькӧжә, бьра ԝи гайи бьдьнә бәр кәвьра у хԝәйе ԝи жи бе кӧштьне.
ԝ10 15/4 29 ¶4
Йаһоԝа Дьхԝазә, ԝәки Тӧ «Сах-Сьламәт» би
Ль гора Ԛануне һәрге һʹәйԝан зийан бьда кәсәки, һьнге хԝәйе ве һʹәйԝане гәрәке бьһата щәзакьрьне. Мәсәлә, һәрге га кәсәк бькӧшта, хԝәйе ԝи гәрәке әв га бькӧшта, ԝәки әԝи зийан нәда кәсәки дьн жи. Изьн тʹӧнә бу гоште ԝи гайи бьхԝьн йан жи бьфьрошьн, ләма жи хԝәйе ве һʹәйԝане зьрарәкә мәзьн дьстанд. Ле һәрге га кәсәк бькӧшта у паши ԝе йәке хԝәйе ԝи мьԛати ԝи нәбуйа, у әԝи диса кәсәк бькӧшта, ԝи чахи һьм га һьм хԝәйе ԝи гәрәке бьһатана кӧштьне. Әве ԛануне дьани бира һʹәмуйа, ԝәки чьԛас фәрз ә мьԛати һʹәйԝанед хԝә бьн (Дркʹ. 21:28, 29).
Хьзна Кʹьтеба Пироз Бьгәрʹьн
(Дәркʹәтьн 21:5, 6) Ле һәгәр хӧлам ашкәрә бежә: ‹Әз ахайе хԝә, жьн у зарʹед хԝә һʹьз дькьм, нахԝазьм дәремә азайе› 6 һьнге ахайе ԝи, бьра ԝи бьбә щәм һʹакьма у ԝи незики дери, йан рәхдәри кә, ахайе ԝи бь дьреше гӧһе ԝи ԛӧл кә у һʹәта әԝ хԝәш бә бьра хӧламе ԝи бә.
ԝ10 15/1 4 ¶4-5
Чьма Әм Гәрәке Хԝә Тʹәсмили Йаһоԝа кьн?
4 Тʹәсмилбуйина Мәсиһити гавәкә фәрз ә. Әԝ те һʹәсабе нә кӧ тʹәне һьнә борщдари һьлдьн сәр хԝә, ле һе зедә. Тʹәсмилбуйин чь кʹаре мәрʹа тинә? Ԝәрен бь мәсәле шеԝьр кьн, ԝәки борщдарийа мә һьндава һәвала чь кʹаре тинә. Сәва кӧ кәсәкирʹа һәвалтийе бькьн, әм гәрәке һазьр бьн һьнә щабдари һьлдьн сәр хԝә, демәк тӧ хԝә борщдар тʹәхмин дьки, ԝәки бона һәвале хԝә хәм бьки. Һәвалтийа Даԝьд у Йонатʹан, дәрһәԛа кʹижана кӧ Кʹьтеба Пирозда ньвисар ә, мәсәләкә лапә баш ә. Әԝана һәла һе пәймана һәвалтийе жи тʹәви һәв гьредан. (Бьхунә 1 Самуйел 17:57; 18:1, 3.) Рʹаст ә, һәвалтийа ӧса ԛәԝи тʹәк-тʹәка һәйә, ле мәрьв дькарьн һәвалтийа хԝә бьшьдиньн, һәрге һьндава һәвда хԝә борщдар тʹәхмин дькьн (Мәтʹлк. 17:17; 18:24).
5 Ԛанунеда кӧ Хԝәде дабу Исраелийа, дәрһәԛа дәрәщед майин дьһатә готьне, кʹижанида борщдари кʹар дьани. Һәрге хӧлам нәдхԝәст жь ахайе хԝәйи ԛәнщ аза буйа, ле дьхԝәст мала ԝида бьма у бьһата хԝәйкьрьне, әԝи дькарьбу тʹәви ԝи пәйман гьреда, кʹижан кӧ нәдьһатә тʹәрьбандьне. Ԛанунеда ӧса дьһатә готьне: «Һәгәр хӧлам ашкәрә бежә: ‹Әз ахайе хԝә, жьн у зарʹед хԝә һʹьз дькьм, нахԝазьм дәремә азайе› һьнге ахайе ԝи, бьра ԝи бьбә щәм һʹакьма у ԝи незики дери, йан рәхдәри кә, ахайе ԝи бь дьреше гӧһе ԝи ԛӧл кә у һʹәта әԝ хԝәш бә бьра хӧламе ԝи бә» (Дркʹ. 21:5, 6).
(Дәркʹәтьн 21:14) Ле һәгәр йәк бь һʹәмде хԝә жь мьхәнәтийе йәки хә бькӧжә, әԝи һʹәта жь горигәһа мьн һьлди, кӧ бе кӧштьне.
it-1 1143
Стьру
Гьлийе жь Дәркʹәтьн 21:14 дьԛәԝьмә дьһатә һʹәсабе, ԝәки сәва кӧштьна бь һʹәмде хԝә һәла һе кʹаһин жи гәрәке бьһата диԝанкьрьне. У һәрге меркӧж хԝә ль стьруйе горигәһе жи бьгьрта, йәкә әԝ ԝе жь диԝане хьлаз нәбуйа. (Бәрамбәр кә тʹәви 1 Пʹд. 2:28-34.)
Хԝәндьна Кʹьтеба Пироз
(Дәркʹәтьн 21:1-21) Әв ьн әԝ ԛанунед кӧ тӧ гәрәке дайини ль бәр зарʹед Исраел: 2 Гава тӧ хӧламәки ибрани бькʹьрʹи, бьра әԝ шәш сала тәрʹа хӧламтийе бькә, ле сала һʹәфта бьра бе һәԛ дәре азайе. 3 Һәгәр әԝ тʹәне һатьбә, бьра әԝ тʹәне жи дәре, ле һәгәр әԝ зәԝьщибә, бьра жьн жи перʹа дәре. 4 Һәгәр ахайе ԝи әԝ зәԝьщандьбә у жьне кӧрʹ у ԛиз ԝирʹа анибьн, һьнге бьра жьн у зарʹ ахерʹа бьминьн у әԝ тʹәне дәре. 5 Ле һәгәр хӧлам ашкәрә бежә: ‹Әз ахайе хԝә, жьн у зарʹед хԝә һʹьз дькьм, нахԝазьм дәремә азайе› 6 һьнге ахайе ԝи, бьра ԝи бьбә щәм һʹакьма у ԝи незики дери, йан рәхдәри кә, ахайе ԝи бь дьреше гӧһе ԝи ԛӧл кә у һʹәта әԝ хԝәш бә бьра хӧламе ԝи бә. 7 Гава йәк ԛиза хԝә чаԝа щари бьфьрошә, гәрәке әԝ ӧса дәрнәйе чаԝа хӧлам дәрте. 8 Һәгәр әԝ ахайе хԝә хԝәш нәйе кӧ ԝе хԝәрʹа бьхԝазә, бьра изьне бьдә пьсмаме ԝейи незик кӧ ԝе бькʹьрʹьн, ле изьна ԝи тʹӧнә кӧ ԝе бьфьрошә малбәтәкә дьн, чьмки әԝи әԝ хапандийә. 9 Һәгәр ԝе кӧрʹе хԝәрʹа бьхԝазә, гәрәке әԝ ԝәкә дәрәща ԛиза хԝә бона ԝе бькә. 10 Һәгәр ахайе ԝе һеԝике бинә сәр ԝе, гәрәке хԝарьна ԝе, кʹьнща ԝе у тʹәв рʹазана ԝе сәр нәбьрʹә. 11 Һәгәр әԝ ван һәр се тьшта бона ԝе нәйнә сери, һьнге әԝа бьра бе һәԛ, бе кʹьрʹин һәрʹә. 12 Йе кӧ мерьв бькӧжә, әԝ әʹсә гәрәке бе кӧштьне. 13 Ле һәгәр әԝи бь һʹәмде хԝә нәкьр, ле Хԝәде әԝ да дәсте ԝи, әзе бона тә щики кʹьфш кьм кӧ әԝ бьрʹәвә ԝьр. 14 Ле һәгәр йәк бь һʹәмде хԝә жь мьхәнәтийе йәки хә бькӧжә, әԝи һʹәта жь горигәһа мьн һьлди, кӧ бе кӧштьне. 15 Йе кӧ де у баве хԝә хә, әʹсә гәрәке бе кӧштьне. 16 Йе кӧ мәрийа бьдьзә, һәгәр әԝ фьроти бә йан щәм ԝи бә, әʹсә гәрәке бе кӧштьне. 17 Йе кӧ де у баве хԝә беһӧрмәт кә, әʹсә гәрәке бе кӧштьне. 18 Гава мәрьв һәврʹа шәрʹ кьн у йәк бь кәвьр йан кʹӧлме йәки хә у әԝ нәмьрә, ле әԝ бькʹәвә щи-ньвине, 19 паше һәгәр рʹабә бь дар бьгәрʹә, йе лехьсти бещәза бә, тʹәне гәрәке ԝе зьрара бехәбатийа ԝи бькʹьшинә у ԝи бьдә ԛәнщкьрьне. 20 Һәгәр йәк бь шьвдаре хӧлам йан щарийа хԝә хә у әԝ бьн дәсте ԝида бьмьрә, әʹсә гәрәке бе щәзакьрьне. 21 Ле һәгәр әԝ рʹожәке йан дӧда бьжи, һьнге бьра ԝи щәза нәкьн, чьмки әԝ һәԛе ԝи йә.