Әме бь сайа Хԝәде у Мәсиһ Азайе Бьстиньн!

Һәр рʹож тӧ рʹасти чь чәтьнайа тейи? Дьбә кӧ тӧ малхе мале йи у гәләк щабдарийед тә һәнә? Дьбә кӧ тӧ тʹәне зарʹа мәзьн дьки у тәрʹа һеса нинә әʹбура ԝан бьки? Дьбәк мәкʹтәбеда щаһьл ԛәрфа тә дькьн? Йан жи дьԛәԝьмә жь бо сьһʹәт-ԛәԝата хьраб у әʹмьре хԝәйи мәзьн тӧ дьчәрчьри? Бәле, проблемед мә һәр кәси һәнә. Гәләк Мәсиһи дәрбәкерʹа рʹасти щурʹә-щурʹә чәтьнайа тен. Ле әм заньн, ԝәки зутьрәке әме жь ԝан һʹәму чәтьнайа аза бьн (2 Кр. 4:16-18).

Ле һʹәта кӧ әԝ ԝәʹдә нәһатийә, әм дьлбинийе дьстиньн жь занәбуна ԝе йәке кӧ Йаһоԝа дәрдед мә фәʹм дькә, амьни у сәбьра мә ԛимәт дькә, у гәләк кʹәрәм һазьр кьрийә кӧ сәр мәда бьбаринә (Йер. 29:11, 12). Иса жи бона мә хәм дькә. Чахе әм щабдарийед хԝәйә Мәсиһити тиньн сери, әԝ мә дьдә баԝәркьрьне: «Әз . . . тʹәви ԝә мә!» (Мт. 28:20). Чахе әм кʹур дьфькьрьн дәрһәԛа азайа кӧ әме ԝәʹде сәрԝертийа Пʹадшатийа Хԝәде бьстиньн, һеви у тәйаха мә ԛәԝи дьбә (Рʹм. 8:19-21).

БЬНЬҺЕРʹЬН ВИДЕО «НЕЗИКИЙА РʹОЖЕД ГЬРАН, ХԜӘ ЛЬ ИСА БЬГЬРӘ!; ДӘРҺӘԚА АХЬРИЙЕ» У ПАШЕ ЩАБА ԜАН ПЬРСА БЬДЬН:

• Инсанәт чаԝа жь Хԝәде дур кʹәт у әԝ йәк чь ахьри ани?

• Чь ахьри һивийа ԝан мәрийа йә, йед кӧ Йаһоԝарʹа амьн ьн?

• Чаԝа кʹәрәмед ахьрийе ԛазанщ кьн?

• Тӧ һʹьзрәта кʹижан кʹәрәма йи?