Кани бона «Бәрнама Щьвине, Бьжин у Хьзмәт кьн»
7-13 АДАРЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | 1 САМУЙЕЛ 12-13
«Кʹӧбари бәрбь Беһӧрмәтийе Дьбә»
ԝ00 1/8 13 ¶17
Кʹӧбари бәрбь Беһӧрмәтийе Дьбә
17 Аликива кьред Шаԝул дькарьбун һәԛ дәрхьстана, чьмки һьнге һʹале щьмәʹта Хԝәде хьраб бу, әԝана бьн тьрседа бун у илаща ԝан тʹӧнә бу (1 Самуйел 13:6, 7). Чахе һʹәԝщәти һәйә, баш ә гава кәсәк хирәт дькә кӧ чʹарәке бькә. Ле бир нәкьн, ԝәки Йаһоԝа нет у дьле мәрьва дьвинә (1 Самуйел 16:7). Рʹаст ә Кʹьтеба Пирозда найе готьне Шаԝул чьрʹа әԝ йәк кьр, ле әʹйан ә ԝәки Хԝәде дит кӧ бь рʹасти нета ԝи чь бу. Мәсәлә, дьԛәԝьмә Йаһоԝа дит ԝәки жь бо ԛӧрʹәбуне Шаԝул сәбьра хԝә ӧнда кьр. Дьбәкә Шаԝул әʹщьз бу, ԝәки әԝ ча пʹадше тʹәмамийа Исраеле, мәщбур бу һивийа пʹехәмбәрәки кал бә, йе кӧ әглә дьбу. Чь жи һәбу, Шаԝул тʹьре әԝ йәк изьне дьдә ԝи һәр тьшти һьлдә дәсте хԝә у мьԛабьли рʹебәрийа зәлал дәре, йа кӧ ԝирʹа һатьбу дайине. Ахьрийа ве йәке чь бу? Самуйел бона ве йәке пʹайе Шаԝул нәда. Дәԝсе, әԝи ԝи сущдар кьр у готе: «Иди ԝе пʹадшатийа тә бәрдәԝам нәкә . . . чьмки тә фәрмана Хӧдан бьщиһ нәани [нәани сери]» (1 Самуйел 13:13, 14, ИМ). Диса жи кʹӧбари бәрбь беһӧрмәтийе бьр.
ԝ07 15/6 27 ¶8
Йаһоԝа Гӧһдарикьрьна Тә Ԛимәт Дькә
8 Жь сәрһатийа Шаԝул әм әшкәрә дьвиньн кӧ чьԛас фәрз ә гӧрʹа Хԝәде бькьн. Дәстпека пʹадшатийа хԝәда, Шаԝул «хԝә бьчʹук . . . дьдит», чьмки йәки мьлук у шкәсти бу. Ле ԝәʹдә дәрбаз бу, ԛӧрʹәбун у фькред нәрʹаст сәр сафикьрьнед ԝи һʹӧкӧм дькьрьн (1 Самуйел 10:21, 22; 15:17, ИМ). Щарәке Шаԝул гәрәке тʹәви Фьльстийа шәрʹ кьра. Самуйел пʹехәмбәр жерʹа гот, ԝәки әԝ һивийа ԝи бә у тьштәки нәкә, һʹәта әԝ бе ԝәки бона Йаһоԝа ԛӧрбане бинә у бежә чь бькә. Ле Самуйел һьнге нәһат чахе һивийа ԝи бун, ләма щьмәʹт ида һәв бәла дьбу. Гава Шаԝул ве йәке дит, «ԛӧрбана шәԝьтандьне да», чь кӧ бәр чʹәʹве Йаһоԝа нәрʹаст бу. Чахе Самуйел һат, пʹадша дәстпекьр хԝә һәԛ дәрхә, йанчь жь бо дәрәнгикʹәтьна Самуйел әԝ мәщбур бу ԛӧрбане бинә, ԝәки ԛәбулкьрьна Йаһоԝа бьстинә. Бона Шаԝул дьһа фәрз бу ԛӧрбане бинә, нә кӧ гӧрʹа рʹебәрийе бькә у һивийе бә һʹәта Самуйел бе у хԝәха ԛӧрбане бинә. Самуйел жерʹа гот: «Тә беаԛьли кьр. Тә гӧһ нәда фәрмана Хԝәдайе хԝә Хӧдан кӧ ль тә кьрьбу». Бәле, жь бо нәгӧһдарикьрьне Шаԝул пʹадшатийа хԝә ӧнда кьр (1 Самуйел 10:8; 13:5-13, ИМ).
Хьзна Кʹьтеба Пироз
ԝ11 15/7 13 ¶15
Тӧйе пәй Рʹебәрийа Йаһоԝа Һәрʹи?
15 Гәло Исраели дьфькьрин, ԝәки пʹадша дьһа бь итʹбар ә нә кӧ Йаһоԝа? Һәгәр ӧса бу, ԝана хԝә дьспартә тьште пʹучʹ! Һьм жи хоф һәбу, ԝәки әԝана пәй тьштед дьн жи бькʹәтана, йед кӧ Шәйтʹан жь бәр хԝә дәрхьстьбу. Пʹадша дькарьбун һеса щьмәʹте бькьрана нава пʹутпʹарьстийе. Мәрьвед пʹутпʹарьст дьхальфьн бь ве йәке кӧ дьфькьрьн ԝәки тьшт, мәсәлә хӧданед жь дар йан жь кәвьр, дьһа реали у бь итʹбар ьн, нә кӧ Әʹфьрандаре һәр тьшти, Йаһоԝа Хԝәде, кӧ найе дитьне. Паԝлосе шанди рʹьнд гот кӧ пʹут «һәйина хԝәва пʹучʹ ьн» (1 Корн. 8:4). Әԝана нькарьн бьвиньн, бьбьһен, хәбәр дьн у тьштәки бькьн. Рʹаст ә мәри дькарә ԝана бьвинә у дәсте хԝә бьдә ԝан, ле һʹәбандьна ԝанрʹа мина хәйала вала йә, кӧ дьбә бәрбь ӧндабуне (Зәб. 115:4-8).
(1 Самуйел 12:21, ИМ) Нәдьн пәй пʹутед бекер кӧ нькарьн тʹӧ кәси рʹьзгар [хьлаз] бькьн. Әԝ пʹучʹ у вала нә.
(Мәтта 13:45-58) Диса Пʹадшатийа Әʹзмана мина ве йәке йә: Мәрьвәки базьргани дӧрʹед рʹьнд дьгәрʹә. 46 Гава дӧрʹәки пʹьрʹ ԛимәт дьбинә, дьчә һʹәму һәбука хԝә дьфьрошә у ԝи дӧрʹи дькʹьрʹә. 47 Диса Пʹадшатийа Әʹзмана мина ве йәке йә: Тʹорʹәк те авитьне нава бәʹре у һʹәму щурʹә мәʹси дькʹәвьне. 48 Гава тʹорʹ тʹьжи дьбә, дькʹьшиньнә дәве голе у рʹудьнин мәʹсийед кер дьбьжерьн дькьнә дәрдана, ле йед бекер ԝеда давежьн. 49 Ахьрийа дьнйайе жи ԝе ӧса бә. Мьлйакʹәте дәркʹәвьн хьраба жь нав ԛәнща бьбьжерьн 50 у бавежьнә кʹура агьр. Ль ԝьр ԝе бьбә гьри у чʹьркә-чʹьрка дьрана». 51 Иса жь ԝан пьрси: «Ԝә әв һʹәму тьшт фәʹм кьрьн?» Ԝана жерʹа гот: «Бәле». 52 Әԝи жи ԝанарʹа гот: «Бона ве йәке һәр ԛанунзанәк кӧ Пʹадшатийа Әʹзмана һин буйә, мина мәрьвәки хԝәйимьлкʹ ә, кӧ жь хьзна хԝә тьштед кәвьн у ну дәрдьхә». 53 Гава Иса әв мәсәлә хьлаз кьрьн, жь ԝьр чу 54 һатә щи-мьскʹәне хԝә, кʹьништа ԝанда әԝ һин дькьрьн. Әԝ жи зәндәгьрти дьман у дьготьн: «Әв сәрԝахти у ԛәԝата кʹәрәмәта жь кʹӧ гьһиштийе? 55 Нә әв кӧрʹе нәщар ә? Нә наве дийа ԝи Мәрйәм ә? Нә Аԛуб, Усьв, Шьмһʹун у Щьһуда бьред ԝи нә? 56 Нә һʹәму хушкед ԝи щәм мә нә? Әв һʹәму тьшт жь кʹӧ гьһиштьнә ԝи?» 57 Бь ви аԝайи әԝ жь ԝи чун, ле Иса жи ԝанарʹа гот: «Пʹехәмбәр тʹӧ щийи нә беԛәдьр ә, пештьри мала хԝә у щи-мьскʹәне хԝәда». 58 Әԝи ль ԝе дәре гәләк кʹәрәмәт нәкьрьн, чьмки баԝәрийа ԝан тʹӧнәбу.
14-20 АДАРЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | 1 САМУЙЕЛ 14-15
«Гӧһдарикьрьн жь Ԛӧрбане Четьр ә»
ԝ07 15/6 26 ¶4
Йаһоԝа Гӧһдарикьрьна Тә Ԛимәт Дькә
Чь кӧ щәм мә һәйә, ида йа Йаһоԝа йә, чьмки әԝ ә Әʹфьрандар. Ле гәло һәйә тьштәк кӧ әм дькарьн бьдьнә ԝи? Бәле, һәйә у әва тьштәки гәләк ԛимәт ә. Гәло әв чь йә? Щаба ве пьрсе әм дькарьн ве рʹезеда пебьһʹәсьн: «Кӧрʹе мьн, сәрԝахт бә у дьле мьн ша кә, кӧ әз бькарьбьм щаба ԛардаред хԝә бьдьм» (Мәтʹәлок 27:11). Гӧһдарибуна мә әԝ һәйә тьштәк чь кӧ әм дькарьн бьдьнә Хԝәде. Һʹале мә һәр кәси у щурʹе мәзьнкьрьна мә жь һәв щӧдә дьбә. Ле гава әм гӧрʹа Хԝәде дькьн, әм щаба Мире-щьна дьдьн, йе кӧ дьбежә ԝәки мәрьв нава тәнгасийед гьранда ԝе Хԝәдерʹа амьн нәминьн. Ԛәдьрәки чьԛас мәзьн ә кӧ әм дькарьн бь гӧһдарикьрьне дьле Хԝәде ша кьн!
it-2 521 ¶2
Гӧһдарикьрьн
Һәгәр мәрьв гӧрʹа Хԝәде накә, әԝ нькарә ԛәбулкьрьна ԝи бьстинә. Самуйел готә Шаԝул Пʹадша: «Ма Хӧдан жь гӧһдарийа [жь хәбәра «шама»] готьнед хԝә зедәтьр, жь пʹешкʹеши у ԛӧрбанед шәԝьтандьне һʹьз дькә? Гӧһдарикьрьн [рʹастә-рʹаст гӧһдайин] жь ԛӧрбана . . . четьр ә» (1 См. 15:22, ИМ). Гӧрʹа Йаһоԝа нәкьн те һʹәсабе гьлийед ԝи пьшт гӧһе хԝәва бавежьн, итʹбарийа хԝә гьлийед ԝи нәйньн, демәк баԝәрийа хԝә Ԝи нәйньн. Ләма жи мәрьве нәгӧһдар жь сербаз у пʹутпʹарьста щӧдә набә (1 См. 15:23; бәрамбәр кьн Рʹм. 6:16). Гава мәрьв гьлийед кәсәкирʹа ԛайил дьбә, ле ԝан гьлийа найнә сери, әԝ нишан дькә ԝәки итʹбарийа хԝә ԝи кәси найнә у ԛәдьре ԝи нагьрә (Мт. 21:28-32). Мәрьвед кӧ рʹастийа Хԝәде дьбьһен у тʹәне һʹьше хԝәда ԛәбул дькьн, ле чь кӧ Хԝәде дәʹԝа дькә, накьн, хԝәха хԝә дьхапиньн у кʹәрәмед Хԝәде настиньн (Аԛб. 1:22-25). Кӧрʹе Хԝәде зәлал нишан кьр кӧ һәгәр мәрьв тьштед ӧса дькә чь кӧ Хԝәде дьбежә, ле бь щурʹе нәрʹаст у бь нетед нәрʹаст дькә, әԝе тʹӧ щар Пʹадшатийа Хԝәде ԝар нәбә (Мт. 7:15-23).
Хьзна Кʹьтеба Пироз
it-1 493
Дьлшәԝати
Һәгәр мәрьв дьлшәԝати дьдә кʹьфше, ле нә ль гора ԛьрара Хԝәде, әԝ йәк дькарә бәред гәләк хьраб бинә. Жь мәсәла Шаԝул Пʹадша әԝ йәк рʹьнд те кʹьфше. Әԝи гәрәке тʹәмийа Хԝәде бьанийа сери кӧ ԛьрʹа Амалекийа бинә, кʹижан кӧ мьләте пешьн бу кӧ һʹьщуми сәр щьмәʹта Хԝәде кьр, паши дәркʹәтьна ԝанә жь Мьсьре. Шаԝулрʹа һатә готьне ԝәки гӧне хԝә ви щьмәʹти нәйнә. Йәкә әԝ кʹәтә бәр байе щьмәʹта хԝә, у бь тʹәмами тʹәмийа Йаһоԝа нәани сери. Ләма жи Йаһоԝа тʹәрка Шаԝул да у пʹадшати жь ԝи станд (1 См. 15:2-24). Сәва кӧ мина Шаԝул гӧнә нәкьн у ԛәбулкьрьна Йаһоԝа ӧнда нәкьн, әм гәрәке тʹьме итʹбарийа хԝә тʹәмийед Йаһоԝа биньн у баԝәр бьн кӧ әԝана тʹьме рʹаст ьн. Йа һәри фәрз бона мә гәрәке әԝ бә кӧ Йаһоԝарʹа амьн бьминьн.
(1 Самуйел 15:24, ИМ) Шаԝул Самуелрʹа гот: «Мьн гӧнә кьр, чьмки мьн дәв жь әʹмре Хӧдан у жь готьнед тә бәрʹда, әз жь гәл [щьмәʹте] тьрсийам у мьн бь йа ԝан кьр.
(Мәтта 14:1-16) Һьнге Һеродәсе сәрԝере Щәлиле бона Иса бьһист, 2 хӧламед хԝәрʹа гот: «Әва Йуһʹәннайе ньхӧмдар ә жь нав мьрийа рʹабуйә. Ләма жи пе ԝи кʹәрәмәт тенә кьрьне». 3 Һеродәс хԝәха Йуһʹәнна гьртьбу гьредабу у авитьбу кәле, рʹуйе Һеродийа жьна Филипойе бьре хԝәда. 4 Чьмки Йуһʹәнна Һеродәсрʹа готьбу: «Нә рʹаст ә кӧ тӧ Һеродийайе бьстини». 5 У Һеродәс жи дьхԝәст әԝ бькӧшта, ле жь щьмәʹте дьтьрсийа, чьмки щьмәʹте Йуһʹәнна чаԝа пʹехәмбәр ԛәбул дькьр. 6 Гава рʹожа буйина Һеродәс һат, ԛиза Һеродийайе шайийеда бона ԝан рʹәԛьси у дьле Һеродәс гәләки хԝәш һат. 7 Әԝи сонд хԝар у готә ԛизьке: «Тӧ чь бьхԝази әзе бьдьмә тә». 8 Ԛизьк жи жь дийа хԝә һатьбу ширәткьрьне у готе: «Кʹа ль вьр, сәр сьнийе сәре Йуһʹәннайе ньхӧмдар бьдә мьн». 9 Пʹадша бәр хԝә кʹәт, ле чьмки ль бәр тʹәглифкьрийа сонд хԝарьбу, әʹмьр кьр кӧ хԝәстьна ԝе бе дайине. 10 Әԝи шанд кәледа сәре Йуһʹәнна да лехьстьне 11 у сәре ԝи ль сәр сьнийе анин данә кәчʹьке. Кәчʹьке жи дийа хԝәрʹа бьр. 12 Һьнге шагьртед ԝи һатьн щьнйазе ԝи һьлдан у әԝ дәфьн кьрьн. Паше чун Исарʹа готьн. 13 Гава Иса әв йәк бьһист, жь ԝе дәре бь ԛәйьке тʹәне чу щики хәԝлә. Ле гава әʹлаләте бьһист, жь бажара пәйа пәй ԝи чун. 14 Чахе Иса жь ԛәйьке дәркʹәт у әʹлаләтәкә гьран дит, һьнге гӧне ԝи ль ԝан һат у нәхԝәшед ԝан ԛәнщ кьрьн. 15 Бәре еваре шагьртед ԝи һатьнә щәм у готьне: «Әв дәр щики хьки-хԝәли йә, иди дәрәнг ә. Изьна әʹлаләте бьдә кӧ һәрʹьнә гӧнда хԝәрʹа хӧрәк бькʹьрʹьн». 16 Ле Иса ԝанарʹа гот: «Нә һʹәԝщә йә кӧ әԝ һәрʹьн. Һун хӧрәк бьдьнә ԝан».
21-27 АДАРЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | 1 САМУЙЕЛ 16-17
«Әва Шәрʹе Йаһоԝа йә»
«Әва Шәрʹе Йаһоԝа йә»
Даԝьд, Шаԝул да баԝәркьрьне у кьрә бира ԝи, кӧ чаԝа әԝи тʹәви шер у һʹьрчʹ шәрʹ кьрьбу. Дьбә кӧ Даԝьд бь ве йәке хԝә ԛӧрʹә дькьр? На. Даԝьд заньбу кӧ бь сайа кʹе әԝи карьбу ԝан тʹәрәвьла бькӧжә. Әԝи гот: «Йаһоԝа кӧ мьн жь дәсте шер у һʹьрчʹе хьлаз кьрийә, ԝе жь дәсте ви Фьлисти жи мьн хьлаз бькә». Ахьрийеда Шаԝул ԛайил бу у гот: «Һәрʹә у бьла Йаһоԝа тʹәви тә бә» (1 Самуйел 17:37).
Дьбәкә һун жи дьхԝазьн кӧ баԝәрийа ԝә мина йа Даԝьд ӧса ԛәԝи бә. Һәла бьфькьрьн, чьрʹа Даԝьд ӧса баԝәр бу? Занәбуна дәрһәԛа Хԝәде у әԝ тьштед кӧ тʹәви ԝи ԛәԝьмин, баԝәрийа ԝи һьндава Хԝәде ԛәԝи кьрьн. Әԝи рʹьнд Йаһоԝа нас кьр, мәсәлә кӧ әԝ Хԝәйе созед хԝә йә у кӧ хьзмәткʹаред хԝә дьпарезә. Ләма жи сәва кӧ баԝәрийа мә жи ӧса ԛәԝи бә, әм гәрәке бәрдәԝам кьн бь сайа Ньвисаред Пироз, Хԝәде рʹьнд нас кьн. У чахе әм бьжин ль гора ԝе йәке чь кӧ педьһʹәсьн, әме бьвиньн кӧ баԝәрийа мә жи ԛәԝи дьбә (Ибрани 11:1).
«Әва Шәрʹе Йаһоԝа йә»
Бьдә һʹәсабе хԝә кӧ чаԝа хорте щаһьл бь дәнге бьльнд Голйатʹрʹа дьбежә: «Тӧ пе шур, рʹьм у тире хԝә тей сәр мьн, ле әз бь наве Йаһоԝа Хӧдане ордийа, Хӧдане рʹезед әскәред Исраеле, кʹижана кӧ тә беһӧрмәт дькьр, тем сәр тә». Һʹәта рʹожа иройин, әв щаба Даԝьд әʹйан дькә, кӧ баԝәрийа ԝийә мәзьн һәбу. Чьмки сәва ԝи ԛәԝат у чʹәкед мәрийа, һьмбәри Хԝәде тʹӧ тьшт нибун. Голйатʹ, беһӧрмәт дькьр Йаһоԝа, у Йаһоԝа ԝе щаба ԝи бьда. Чаԝа кӧ Даԝьд гот, «әв шәрʹа Йаһоԝа йә» (1 Самуйел 17:45-47).
Даԝьд кор нибу у дьдит кӧ Голйатʹ у чʹәкед ԝи пʹьрʹ мәзьн ьн. Ле әԝи нәһишт кӧ әв тьшт ԝи бьтьрсиньн у әԝ бьләрьзә. Әԝи мина Шаԝул у әскәред ԝи, шашийа ӧса бәрʹнәда, демәк нәтьрсийа. Даԝьд хԝә бәрамбәри Голйатʹ нәкьр. Дәԝсе әԝи ль сәр Голйатʹ бь чʹәʹве Йаһоԝа дьньһерʹи. Рʹаст ә бьльндайа Голйатʹ 2.9 метр бу, у әԝ жь һʹәму мәрьвед дьн зәʹф бьльндтьр бу, ле һьмбәри Хԝәдейе Һьмзор бьльндайа ԝи, тʹӧ тьшт нибу. Бәле, һьмбәри Хԝәде, Голйатʹ мина кʹезькәке бу, у Йаһоԝа ԝе әԝ кʹӧта кьра.
«Әва Шәрʹе Йаһоԝа йә»
Рʹожа иройин хьзмәткʹаред Хԝәде накʹәвьнә шәрʹед ӧса. Чьмки әԝ ԝәʹдә ида дәрбаз буйә (Мәтта 26:52). Ле йәкә әм гәрәке чʹәʹв бьдьнә баԝәрийа Даԝьд. Анәгори Даԝьд, Йаһоԝа сәва мә жи гәрәке зенди бә. Демәк әм гәрәке тʹәне ԝи бьһʹәбиньн у жь ԝи бьтьрсьн. Щарна чәтьнайед мә, сәва мә дькарьн зәʹф мәзьн бенә кʹьфше, ле һьмбәри ԛәԝата Йаһоԝа әв гәләк бьчʹук ьн. Һәрге әм Йаһоԝа дьжберьн ԝәк Хԝәдайе хԝә, у баԝәрийа хԝә ԝи тиньн мина Даԝьд, һьнге тʹӧ чәтьнайи у щерʹьбандьн ԝе мә нәтьрсиньн. Чьмки ԛәԝата Йаһоԝа дьгьһижә һʹәму тьшти!
Хьзна Кʹьтеба Пироз
it-2 871-872
Шаԝул
Паши ԝан ԛәԝьмандьна у паши кӧ Даԝьд ча пʹадше ахьрийе һатә кʹьфшкьрьне, рʹӧһʹе Йаһоԝа Шаԝул һишт. Һьнгеда «рʹӧһʹәки хьраб жь алийе Хӧданва әԝ әʹщьз дькьр». Йаһоԝа рʹӧһʹе хԝәйи пироз жь Шаԝул станд, у бь ве йәке һишт ԝәки рʹӧһʹе хьраб сәр Шаԝул һʹӧкӧм кә, кʹижан кӧ дьлрʹьһʹәти жь ԝи дьстанд у һәст, фькьр у һʹьше ԝи бәрбь хьрабийе бьр. Нәгӧһдарикьрьна Шаԝул, нет у хԝәстьнед дьле ԝийә нәрʹаст әшкәрә дькьр, у рʹӧһʹе Хԝәде ида нькарьбу сәр ԝи һʹӧкӧм кьра у әԝ хԝәй кьра. Ле чьмки Хԝәде һишт, ԝәки дәԝса рʹӧһʹе ԝийи пироз «рʹӧһʹәки хьраб» сәр Шаԝул һʹӧкӧм кә, әм дькарьн бежьн ԝәки әв «рʹӧһʹәки хьраб жь алийе Хӧданва» бу. Ләма хӧламед Шаԝул жи готьн, ԝәки «жь алийе Хԝәдева рʹӧһʹәки хьраб» һатийә сәр ԝи. Ль гора ширәта хӧламәки хԝә, Шаԝул Даԝьд кьрә странбежәки хԝә. Даԝьд гәрәке дьле пʹадша рʹьһʹәт кьра, гава рʹӧһʹе хьраб дьһатә сәр ԝи (1 См. 16:14-23; 17:15, ИМ).
(1 Самуйел 16:14, ИМ) Рʹӧһʹе Хӧдан жь Шаԝул вәԛәтийа. Рʹӧһʹәки хьраб жь алийе Хӧданва әԝ әʹщьз дькьр.
(Мәтта 14:17-33) Ԝана ле вәгәрʹанд у готьне: «Ль вьр пештьри пенщ нан у дӧ мәʹсийа тьштәки мәйи майин тʹӧнә». 18 Әԝи ԝанарʹа гот: «Ԝан нан у мәʹсийа биньнә щәм мьн». 19 Иса әʹмьр кьр кӧ әʹлаләт ль сәр шинайийе рʹунен. Әԝи һәр пенщ нан у һәр дӧ мәʹси һьлдан, бәре хԝә әʹзменда кьр шькьри да у әԝ нан кәркьрьн. Паше да шагьрта, шагьрта жи да әʹлаләте. 20 Һʹәмуйа жи хԝар тʹер бун у донздәһ сәлә жи тʹьжи һурькед бәрмайи бәрәв кьрьн. 21 Әԝед кӧ хԝарьн, пештьри жьн у зарʹа ԛаси пенщ һʹәзар мера бун. 22 Перʹа-перʹа Иса пʹейи сәр шагьрта кьр, кӧ бькʹәвьнә ԛәйьке у пешийа ԝи дәрбази ԝи бәри голе бьн, һʹәта кӧ хԝәха әʹлаләте вәрʹекә. 23 Чахе әԝи әʹлаләт вәрʹекьр, тʹәне рʹабу чу сәре чʹийе, кӧ дӧа бькә. Гава рʹо чу ава, әԝ ль ԝьра тʹәне бу, 24 ле ԛәйьк иди жь дәве голе дур кʹәтьбу у нава пелада бу, чьмки ба мьԛабьли ԝе бу. 25 Ԛәрәбәрбанге Иса сәр голерʹа пәйа дьчу незики ԝан дьбу. 26 Ле гава шагьрта дит кӧ әԝ сәр голерʹа пәйа дьчә, бьздийан у готьнә һәв: «Әв хәйал ә!» У ԝана жь тьрса кьрә ԛирʹин. 27 Ле Иса ԝе дәме дәнг да ԝан у гот: «Сәр хԝә бьн! Әз ьм! Нәтьрсьн!» 28 Пәтрус ле вәгәрʹанд у готе: «Хӧдан, һәгәр тӧ йи, әʹмьр кә кӧ әз сәр аверʹа бемә щәм тә». 29 Иса готе: «Ԝәрә!» Пәтрус жь ԛәйьке пәйа бу, сәр аверʹа чу, кӧ һәрʹә щәм Иса. 30 Ле чахе әԝи байе ԛайим дит тьрсийа у иди ԝе нӧԛ буйа, кьрә ԛирʹин: «Хӧдан, мьн хьлаз кә!» 31 Ԝе дәме Иса дәсте хԝә дьрежи ԝи кьр, әԝ гьрт у жерʹа гот: «Кембаԝәро! Чьма тӧ дӧдьли буйи?» 32 Чахе кʹәтьнә ԛәйьке, ба сәкьни. 33 У әԝед ԛәйькеда сәре хԝә ль бәр ԝи данин у готьне: «Рʹасти тӧ Кӧрʹе Хԝәде йи».
28 АДАРЕ-3 НИСАНЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | 1 САМУЙЕЛ 18-19
«Жь бо Пешдачуйинед Хԝә Ԛӧрʹә Нәбә‚ ле Мьлук Бьминә»
ԝ04 1/4 15 ¶4
Ԝәʹде Гӧһастьна Итʹбарийа Хԝә Рʹӧһʹе Хԝәде Бинә
4 Зутьрәке әԝ шьване щаһьл гәрәке нав тʹәмамийа ԝәлате хԝәда бьбуйа йәки нав у дәнг. Ԝи кьрьнә бәрдәстийе пʹадше у странбеже ԝи. Әԝи әскәрәки тәʹрьки, бь наве Голйатʹ, кӧшт, йе кӧ ӧса хоф бу, ԝәки әскәред Исраели нәверьбун мьԛабьли ԝи шәрʹ кьн. Паше Даԝьд ча сәрәскәр һатә кʹьфшкьрьне у шәрʹед тʹәви Фьльстийада сәрдькʹәт. Щьмәʹт әԝ һʹьз дькьр у кʹьламада пәсне ԝи дьдан. Һьм жи, пешийа ве йәке ширәткʹаре Шаԝул дәрһәԛа Даԝьд гот, ԝәки әԝ нә тʹәне «баш ль чәнге дьхә», ле ӧса жи кӧ әԝ «мерхасәки ԝерәк, аԛьл у льһәвһати йә» (1 См. 16:18; 17:23, 24, 45-51; 18:5-7, ИМ).
ԝ18.01 28 ¶6-7
Фьрԛийа Ортʹа Мәрьва Бьвиньн
6 Һьнә мәрьв ԛӧрʹә бунә жь бо бәдәԝбуна хԝә, йан жи чьмки нав у дәнг ьн, алийе мусикида һостә нә, физикида ԛәԝи нә, йан жи чьмки гьшк ԝанрʹа фьрнаԛ дьбьн. Бал Даԝьд әԝ һәр фәрәсәт һәбу, ле йәкә тʹәмамийа әʹмьре хԝәда әԝ мьлук ма. Чахе әԝи Голйатʹ кӧшт, Шаԝул Пʹадша жерʹа гот ԝәки дьхԝазә ԛиза хԝә бьдә ԝи. Дина хԝә бьдьн кӧ Даԝьд ча сәр ве йәке щаба ԝи да, әԝи гот: «Әз кʹи мә у жийана мьн у ль Исраеле әʹшира баве мьн чи йә кӧ әз бьбьм зәвайе ԛьрал [пʹадша]?» (1 Сам. 18:18). Гәло чь али Даԝьд кьр кӧ мьлук бьминә? Даԝьд заньбу кӧ һәр һʹӧнӧр, фәрәсәт, у ԛәдьр-һӧрмәт кӧ бал ԝи һәбун жь Хԝәде бун, чьмки Хԝәде хԝә мьлук кьр кӧ «дина хԝә» да ԝи (Зәб. 113:5-8). Бәле, Даԝьд фәʹм дькьр кӧ һәр тьштед баш чь кӧ бал ԝи һәнә жь Йаһоԝа нә (Бәрамбәр кьн 1 Корьнтʹи 4:7).
7 Мина Даԝьд, иро щьмәʹта Йаһоԝа жи мьлукти нав хԝәда пешда тиньн. Әм мәтʹал дьминьн чахе заньн кӧ Йаһоԝа, Кәсе һәри жорьн нав дьнйалькеда, мьлук ә (Зәб. 18:35). Әм алийе хԝәда дьхԝазьн әве ширәте бьдьнә хәбате: «Дьлшәԝатийе, ԛәнщийе, мьлуктийе, бәрбьһерийе у сәбьре ль хԝә ԝәргьрьн» (Колс. 3:12). Һьн жи әм заньн ԝәки һʹьзкьрьн «кʹӧбар набә, пʹьшька хԝәда наԝәрьмә» (1 Корн. 13:4). Чахе әм мьлук ьн, әԝ йәк дькарә мәрьва бәрбь Йаһоԝа бинә. Мәсәлә, чаԝа жьн дькарә пе кьред хԝә дьле мере хԝә бькʹьрʹә ԝәки әԝ бе сәр рʹийа рʹаст, ӧса жи мәрьв дькарьн незики Йаһоԝа бьн чахе бьвиньн мьлуктийа щьмәʹта ԝи (1 Пәт. 3:1).
Хьзна Кʹьтеба Пироз
it-2 695-696
Пʹехәмбәр
Рʹаст ә пʹехәмбәр пе рʹӧһʹе Йаһоԝа дьһатьнә кʹьфшкьрьне, йәкә әԝ найе һʹәсабе кӧ ԝана тʹьме жь бина бәр Хԝәде хәбәр дьда. Рʹӧһʹе Хԝәде һьнге дьһатә сәр ԝан, гава әԝана гәрәке тьштәки әʹлам кьрана (Һз. 11:4, 5; Мх. 3:8). Әԝ йәк ӧса сәр ԝан һʹӧкӧм дькьр, кӧ әԝана һелан дьбун хәбәр дьн (1 См. 10:10; Йер. 20:9; Ам. 3:8). Әԝана нә тʹәне тьштед әʹщебмайи дькьрьн, ле ӧса жи бь хәбәрдан у рʹабун-рʹуньштьна хԝә һәстед гәләк ԛәԝи дьданә кʹьфше. Дьԛәԝьмә жь бо ве щурʹе рʹабун-рʹуньштьна ԝан, дьготьн кӧ кәсәк хԝә ча пʹехәмбәр дьдә кʹьфше (1 См. 10:6-11; 19:20-24; Йер. 29:24-32; бәрамбәр кьн Кʹр.Шн. 2:4, 12-17; 6:15; 7:55). Жь бо ве йәке кӧ һʹьш-аԛьле пʹехәмбәра, хирәт у мерхасийа ԝан бь тʹәмами сәр шьхӧле ԝан бу, мәрьв мәтʹал дьман у ԝана әʹщеб һʹәсаб дькьрьн. Мәсәлә, пʹехәмбәре кӧ һатә щәм Йәһу, ԝәки әԝ ча пʹадша кʹьфш кә, бәр чʹәʹве сәрәскәра ча кәсе әʹщеб һатә кʹьфше. Ле гава әԝана пеһʹәсийан ԝәки әԝ пʹехәмбәр ә, ԝана әʹламәтийа ԝи ԛәбул кьр (2 Пʹд. 9:1-13; бәрамбәр кьн Кʹр.Шн. 26:24, 25). Щарәке гава Шаԝул пәй Даԝьд кʹәтьбу, әԝи бьн һʹӧкӧме рʹӧһʹ ча пʹехәмбәр хԝә да кʹьфше, әԝи кʹьнщед хԝә ехьст у «тʹәмамийа шәв у рʹоже бь аԝайәкә рʹут у тәʹзи пʹал да». Ча те кʹьфше бь сайа ве йәке Даԝьдрʹа мәщал вәбу бьрʹәвә, хԝә хьлаз кә (1 См. 19:18–20:1, ИМ). Ле әв йәк найе һʹәсабе кӧ пʹехәмбәр һәр гав тәʹзи дьгәрʹийан. Кʹьтеба Пироз бәʹса дӧ дәрәща дькә, гава пʹехәмбәр тәʹзи дьгәрʹийан, ле ԝана ве йәке бона ве нете дькьр, ԝәки дина мәрьва бькʹьшиньн сәр пʹехәмбәртийа хԝә (Иш. 20:2-4; Мх. 1:8-11). Әʹйан нинә кӧ чьрʹа Шаԝул тәʹзи пʹалдайи бу, дьԛәԝьмә әԝ йәк нишан дькьр ԝәки әԝ мәрьвәки сьст ә, жь кʹижани кʹьнщед пʹадша һатә стандьне, у ԝәки әԝ нькарә мьԛабьли һʹӧкӧме Йаһоԝа дәркʹәвә.
(1 Самуйел 19:23, 24, ИМ) Рʹабу чу Найота Рʹамайе. Рʹӧһʹе Хԝәде сәр ԝива жи һат. Һʹәта гьһишт Найота Рʹамайе, әԝи жи пʹехәмбәрти кьр. 24 Шаԝул кʹьнщ жь хԝә кьрьн у ль бәр Самуел пʹехәмбәрти кьр. Тʹәмамийа шәв у рʹоже бь аԝайәкә рʹут у тәʹзи пʹал да. Лома жи дьбежьн: «Гәло Шаԝул жи кʹәтә нава пʹехәмбәра?»
(Мәтта 15:1-15) Һьнге ферьси у ԛанунзанед Оршәлиме һатьнә щәм Иса у готьне: 2 «Чьма шагьртед тә пәй рʹаԝрʹьзьмед кал у бава начьн? Дәстнәшушти нан дьхԝьн». 3 Әԝи ль ԝан вәгәрʹанд у гот: «Ле һун чьма бона рʹаԝрʹьзьмед хԝә пәй тʹәмийе Хԝәде начьн? 4 Чьмки Хԝәде гот: ‹Ԛәдьре де у баве хԝә бьгьрә› у ‹Әԝе кӧ гьлики ԛолайи де у баве хԝәрʹа бежә гәрәке бе кӧштьне›. 5 Ле һун дьбежьн: ‹Әԝе кӧ дийа хԝәрʹа йан баве хԝәрʹа бежә: Әԝ аликʹарийа кӧ гәрәке жь мьн бьгьһижә тә әԝ Хԝәдерʹа те дайине, 6 иди жь ԝи накʹәвә кӧ әԝ ԛәдьре де у баве хԝә бьгьрә›. Бь ви аԝайи бона хатьре рʹаԝ-рʹьзьмед хԝә һун хәбәра Хԝәде дькьнә хԝәли. 7 Дӧрʹуно! Ишайа бона ԝә рʹаст пʹехәмбәрти кьрийә у готийә: 8 ‹Әва щьмәʹта бь заре хԝә ԛәдьре мьн дьгьрә, ле дьле ԝан жь мьн дур ә. 9 Бадиһәԝа мьн дьһʹәбиньн, тʹәмийед мәрьва чаԝа ԛанунед мьн щьмәʹте һин дькьн›». 10 Һьнге Иса әʹлаләт гази щәм хԝә кьр у готә ԝан: «Бьбьһен у фәʹм бькьн! 11 Нә кӧ тьште дьчә дев, әԝ мәрьва дьһʹәрʹьминә, ле чь кӧ жь дев дәрте, әԝ мәрьва дьһʹәрʹьминә». 12 Һьнге шагьртед ԝи һатьн у готьнә ԝи: «Тӧ зани гава ферьсийа әв хәбәр бьһист, дьле ԝан ма?» 13 Әԝи ль ԝан вәгәрʹанд у гот: «Һәр дара кӧ Баве мьни Әʹзмана данәчʹькандийә, ԝе жь кʹокева бе рʹакьрьне. 14 Жь ԝан вәгәрʹьн! Әԝә кор ьн у рʹебәре кора нә. Һәгәр кор рʹебәрийе кора бькә, һәр дӧйе жи бькʹәвьнә чʹәʹле». 15 Пәтрус ле вәгәрʹанд у готе: «Ве мәсәле мәрʹа шьровәкә».
4-10 НИСАНЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | 1 САМУЙЕЛ 20-22
«Ча Бьбьнә Һәвале Баш»
ԝ19.11 7 ¶18
Пешийа Хьлазийа Дьнйайе Һәвалтийа Ԛәԝи Ԛазанщ кьн
18 Иро щурʹә-щурʹә чәтьнайед хушк-бьред мә һәнә. Мәсәлә, гәләк зийане дьстиньн жь тʹәшԛәлед тʹәбийәте, йан жи дьчәрчьрьн жь бо хәзәбед кӧ мәрьв пешда тиньн. Чахе тьштед ӧса дьԛәԝьмьн, һьнәк жь мә дьбәкә бькарьбьн әԝан һәвала мала хԝәда хԝәй кьн. Йед майин дькарьн алийе пʹәрәда аликʹарийе бьдьн. Ле һәр кәс жь мә дькарә Йаһоԝарʹа дӧа бькә, ԝәки али хушк-бьред мә бькә. Чахе әм педьһʹәсьн, ԝәки хушк йан бьрак дьлтәнг ә, дьԛәԝьмә әм ньзаньн кӧ чь бежьн йан жи чь бькьн бона ԝан. Ле һәр кәс жь мә дькарә тьштәкида аликʹарийе бьдә. Мәсәлә, әм дькарьн кʹеләка һәвалед хԝә бьн у тʹәви ԝан ԝәʹдә дәрбаз кьн. Һьн жи әм дькарьн бь дьл у щан гӧһ бьдьнә ԝан, чахе әԝана мәрʹа тьштәки гьли дькьн. У әм ӧса жи дькарьн ԝанрʹа рʹезед жь Кʹьтеба Пироз гьли кьн, кʹижан кӧ дьлбинийе дьдьн (Иша. 50:4). Йа лапә фәрз әԝ ә, ԝәки кʹеләка һәвале хԝә бьн, гава ԝанрʹа һун лазьм ьн. (Бьхунә Мәтʹәлок 17:17.)
ԝ08 15/2 8 ¶7
Сәр Рʹийед Йаһоԝа Бьмәшә
7 Хԝәде дьхԝазә ԝәки әм һәвалед амьн бьн (Мәтʹлк. 17:17). Кӧрʹе Шаԝул, Йонатʹан, һәвале Даԝьдә незик бу. «Йонатʹан Даԝьдва һат гьредан. Әԝи бь дьл у щан, ԝәк нәфса хԝә же һʹьз кьр» (1 Сам. 18:1, 3, ИМ). Йонатʹан һәла һе Даԝьдрʹа гот жи, ԝәки баве ԝи, Шаԝул, дьхԝазә ԝи бькӧжә. Чахе Даԝьд рʹәви хԝә вәшарт, Йонатʹан чу щәм ԝи у тʹәви ԝи пәйман гьреда. Гава Йонатʹан дьхԝәст тʹәви Шаԝул дәрһәԛа Даԝьд хәбәр дә, һьндьк мабу әԝи әʹмьре хԝә ӧнда кьра, ле әв һәрдӧ һәвал диса рʹасти һәв һатьн у һәвалтийа хԝә дьһа ԛәԝи кьрьн (1 Сам. 20:24-41). Щара пашьн гава ԝана һәв дит, Йонатʹан рʹӧһʹанида Даԝьд шьданд (1 Сам. 23:16-18).
ԝ09 15/10 19 ¶11
Дьнйа Дьлсарда Һәвалтийа Хԝә Хԝәй кьн
11 Амьн бә. Сьлеман ньвиси: «Һәвал һәр гав һʹьз дькә, бьра буйә бона рʹожа охьрме гьран» (Мәтʹлк. 17:17). Дьбәкә гава әԝи ван гьлийа дьньвиси, әԝ дьфькьри дәрһәԛа һәвалтийа баве хԝә Даԝьд тʹәви Йонатʹан (1 Сам. 18:1). Шаԝул пʹадша дьхԝәст, ԝәки кӧрʹе ԝи Йонатʹан паши ԝи бьбә пʹадша. Ле Йонатʹан ԛәбул дькьр, ԝәки Йаһоԝа Даԝьд бьжарт кӧ бьбә пʹадша. Йонатʹан чʹәʹв нәдьда баве хԝә у һʹәвсудийа Даԝьд нәдькьр. Әԝ нәдьхәйиди, ԝәки пʹадшати ԝе нәгьһижә ԝи, у бӧхдана кӧ Шаԝул давитә сәр Даԝьд, баԝәр нәдькьр (1 Сам. 20:24-34). Гәло әм мина Йонатʹан ьн? Гава һәвалед мә щабдарийа дьстиньн, гәло әм ԝанрʹа ша дьбьн? Гава әԝана рʹасти тәнгасийа тен, әм бәр дьле ԝанда тен у али ԝан дькьн? Һәгәр әм дәрһәԛа һәвалед хԝә гәвәстийа дьбьһен, әм дәрберʹа баԝәр дькьн? Йан мина Йонатʹан әм һәвале хԝә дьпарезьн у жерʹа амьн дьминьн?
Хьзна Кʹьтеба Пироз
ԝ05 15/3 24 ¶4
Фькьред Сәрәкә жь Кʹьтеба Йәке Самуйел
21:12, 13. Йаһоԝа дьхԝазә, ԝәки әм ԝәʹде чәтьнайа һʹьш-аԛьл у фәрәсәтед хԝә бьдьнә хәбате. Һьм жи әԝи Хәбәра хԝә дайә мә, кʹижан кӧ мә сәрԝахт дькә, занәбуне у фәʹмкʹарийе дьдә мә (Мәтʹәлок 1:4). Хенщи ве йәке, әм дькарьн аликʹарийе жь рʹуспийед щьвате бьстиньн.
(1 Самуйел 21:12, 13, ИМ) Даԝьд әв готьн хьстьн дьле хԝә у жь Ахише Пʹадшайе Гате гәләки тьрсийа. 13 Хԝә ль дәԝса дина дани у һәлԝәста [рʹабун-рʹуньштьна] хԝә гӧһаст. Дәрийед дәргәһе бажер да бәр нәһпʹучʹка у гьлез [шьртьк] жь дәв у левед ԝи һат.
(Мәтта 15:16-32) Иса гот: «Һун жи һәла һе фәʹм накьн? 17 Чьма һун фәʹм накьн, чь кӧ дьчә дев, дәрбази нав-дьл дьбә у дәрдькʹәвә дәрва? 18 Ле әԝ тьштед кӧ жь дев дәртен, әԝ жь дьл дәртен у һәма әв ьн кӧ мерьв дьһʹәрʹьминьн. 19 Чьмки жь дьл фькьред хьраб, кӧштьн, зьнекʹари, ԛави, дьзи, дәрәԝи, бӧхдан дәртен. 20 Әв ьн кӧ мәрьва дьһʹәрʹьминьн, ле дәстнәшушти нанхԝарьн мәрьва наһʹәрʹьминә». 21 Иса рʹабу жь ԝе дәре чу алийе Сур у Сайде. 22 У кʹӧлфәтәкә кәнани жь ԝе дәре һат, кьрә гази у готә ԝи: «Хӧдан, Кӧрʹе Даԝьд, мьн ԝәрә рʹәʹме. Ԛиза мьн щьна дькʹәвә, гәләки щәфе дьбинә». 23 Ле әԝи щаба ԝе нәда. Шагьртед ԝи незики ԝи бун һиви же кьрьн у готьн: «Тьштәки бежә ве, бьра дури мә кʹәвә, чьмки пәй мә кʹәтийә дькә ԛарʹә-ԛарʹ». 24 Әԝи щаб да у гот: «Әз тʹәне бона пәзед мала Исраелейә ӧндабуйи һатьмә шандьне». 25 Ле әԝ кʹӧлфәта һат хԝә авитә ньге ԝи у готе: «Хӧдан, али мьн бькә!» 26 Әԝи ль ԝе вәгәрʹанд у готе: «Әв нә рʹаст ә, ԝәки нане бәр зарʹа һьлдьн у бавежьнә бәр са». 27 Әԝе жи гот: «Бәле Хӧдан, нә сә жи ԝан һурькед кӧ жь сьфра хԝәйе ԝан дькʹәвьнә әʹрде дьхԝьн?» 28 Ԝи чахи Иса ле вәгәрʹанд у готе: «Әʹвде, баԝәрийа тә мәзьн ә. Бьра анәгори хԝәстьна тә тәрʹа бә». Һәма жь ԝе дәме ԛиза ԝе ԛәнщ бу. 29 Иса жь ԝьр чу бәр гола Щәлиле, рʹабу сәре чʹийе рʹуньшт. 30 Әʹлаләтәкә гьран һатә щәм ԝи, кӧ тʹәви хԝә гәләк сәԛәт, кор, лал, шьлушәʹт у нәхԝәшед майин анибун у авитьнә бәр пʹийед Иса. Әԝи жи әԝ ԛәнщ кьрьн. 31 Гава әʹлаләте дит кӧ лала хәбәр дан, шьлушәʹт ԛәнщ бун, сәԛәт гәрʹийан у чʹәʹве кора вәбун, зәндәгьрти ман у пәсьне наве Хԝәде Исраеле дан. 32 Иса гази шагьртед хԝә кьр у гот: «Гӧне мьн ве әʹлаләте те. Әва се рʹож ә тʹәви мьн ә у тьштәки ԝани хԝарьне тʹӧнә. Әз нахԝазьм ԝан бьрʹчи вәрʹекьм кӧ рʹева дьле ԝан хԝәва һәрʹә».
18-24 НИСАНЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | 1 САМУЙЕЛ 23-24
«Бь Сәбьр Һивийа Йаһоԝа бә»
ԝ04 1/4 16 ¶8
Ԝәʹде Гӧһастьна Итʹбарийа Хԝә Рʹӧһʹе Хԝәде Бинә
8 Даԝьд сафи кьр зийане нәдә Шаԝул. Әԝи баԝәри у сәбьр да кʹьфше, ләма жи һәр тьшт да дәсте Йаһоԝа. Гава пʹадша жь шкәфте дәркʹәт, Даԝьд кьрә гази у жерʹа гот: «Бьра Хӧдан бьбә дадгәре [һʹакьме] мьн у тә у һʹәйфа мьн жь тә бьстинә. Ле әзе дәсте хԝә ль тә бьльнд нәкьм» (1 Самуйел 24:12, ИМ). Рʹаст ә Даԝьд заньбу, ԝәки Шаԝул нәһәԛ ә, йәкә әԝи һʹәйфе һьлнәда, у нә жи әԝ беһӧрмәт кьр у тьштед хьраб сәр ԝи нәдьгот. Дәрәщед дьнда жи Даԝьд хԝә дьгьрт, ԝәки һʹәйфе һьлнәдә. Әԝи итʹбарийа хԝә Йаһоԝа дьани, ԝәки әԝе диԝана һәԛ бькә (1 Самуйел 25:32-34; 26:10, 11).
ԝ04 1/6 22-23
Гәло Дәрәщед Әʹмьре Тә, Тә Контрол Дькьн?
Дәрса сьсийа: дәԝса кӧ принсипед Кʹьтеба Пироз бьтʹәрьбиньн сәва кӧ һʹале хԝә алийе башда бьгӧһезьн, әм гәрәке һивийа Йаһоԝа бьн. Аԛуб ньвиси: «Сәбьр жи, бьра бь думька дьреж бә, ԝәки һун кʹамьл у гьһишти бьн, тʹӧ кемасикә ԝә тʹӧнәбә» (Аԛуб 1:4). Әм гәрәке һʹәта хьлазийе щерʹьбандьнада тәйах кьн у принсипед Кʹьтеба Пироз нәтʹәрʹьбиньн, сәва кӧ зу-зу һʹале хԝә бьгӧһезьн. Ви щурʹәйи әме сәбьра хԝә ԛәԝи кьн. Һьнге баԝәрийа мә ԝе щерʹьбанди у паԛьж бә, у ӧса жи әԝ ԝе дьһа ԛәԝи бә. Сәбьра Усьв у Даԝьд һәма ӧса бу. Ԝана бона сафикьрьна проблема хԝә чʹарәки ӧса нәдьгәрʹийа, рʹуйе чьда жи ԝе ԛәбулкьрьна Йаһоԝа ӧнда кьрана. Дәԝса ве йәке, чь жь дәсте ԝан дьһат ԝана дькьр. Әԝана һивийа Йаһоԝа бун, у бона ве йәке кʹәрәмед мәзьн стандьн! Йаһоԝа ԝана дьда хәбате ԝәки щьмәʹта хԝә хьлаз кә у рʹебәрийа ԝан бькә (Дәстпебун 41:39-41; 45:5; 2 Самуйел 5:4, 5).
Әм жи дькарьн рʹасти щерʹьбандьнәкә ӧса бен, кӧ бьхԝазьбьн принсипед Кʹьтеба Пироз бьтʹәрьбиньн, сәва кӧ проблема хԝә сафи кьн. Мәсәлә, дьбәкә тӧ бәрхԝә дькʹәви, чьмки тә һәла һе һәвалзәԝаще лайиԛ хԝәрʹа нәдитийә. Һәгәр ӧса йә, һәр тьшти бькә, ԝәки әв принсипа Йаһоԝа кӧ тʹәне «баԝәрмәнде Хӧдан» бьстиньн, нәтʹәрʹьбини (1 Корьнтʹи 7:39). Йан жи дьԛәԝьмә малбәта тәда проблем һәнә. Һьнге дәԝса кӧ ль гора ньһерʹандьна ве дьнйайе ван проблема сафи ки, демәк жь һәв бьԛәтьн йан жи башԛә бьжин, дьһа баш ә тʹәвайи чәтьнайед ортʹа хԝәда сафи кьн (Малахи 2:16; Әфәси 5:21-33). Йан жи дьԛәԝьмә тәрʹа чәтьн ә әʹбура малбәта хԝә бьки. Һьнге һивийа Йаһоԝа бә у бь щурʹе нәԛануни йан жи бь ԛәлпи пʹәра ԛазанщ нәкә (Зәбур 37:25; Ибрани 13:18). Фәʹмдари йә, әм гьшк жи гәрәке чь дәсте мә те бькьн, сәва кӧ Йаһоԝа ԛәԝата мә кʹәрәм кә. Ләма жи ԝәрә әм бь тʹәмамийа дьле хԝә һивийа Йаһоԝа бьн, һʹәта кӧ әԝ бона мә дәлиләке бькә (Миха 7:7).
Хьзна Кʹьтеба Пироз
Нәһелә Тʹӧ Тьшт Тә жь Хәлате Дур хә
11 Һәрге әм бь рʹастийе бь һʹьзкьрьн ьн у ԛәнщ ьн, ԝе мәрʹа һеса бә хԝә жь һʹәвсудийе хԝәй кьн. Хәбәра Хԝәде дьбежә: «Һʹьзкьрьн думькдьреж у ширьн ә, һʹьзкьрьн һʹәвсудийе накә» (1 Корн. 13:4). Сәва кӧ һʹәвсуди дьле мәда шин нәбә, әм гәрәке сәр тьшта пе чʹәʹве Хԝәде бьньһерʹьн, у хушк-бьра һʹәсаб кьн ча әндәмед бәдәнәке, демәк щьвате. Кʹьтеба Пироз дьбежә: «Гава әндәмәк те пәсьндайине, һʹәму әндәм тʹәви ԝе ша дьбьн» (1 Корн. 12:16-18, 26). Бәле, чахе хушк-бьра пешда дьчьн у кʹәрәма дьстиньн, әме нә кӧ һʹәвсудийе ԝана бькьн, ле тʹәви ԝан ша бьн. Дина хԝә бьдьнә мәсәла кӧрʹе Шаԝул Пʹадша, Йонатʹан. Чахе Даԝьд дәԝса ԝи һатә кʹьфшкьрьне ча пʹадша, Йонатʹан һʹәвсуди ԝи нәкьр, ле дәԝсе пьштгьрийа ԝи кьр у дьл да ԝи (1 Сам. 23:16-18). Ле гәло әм жи чʹәʹв дьдьнә Йонатʹан?
(1 Самуйел 23:16, 17, ИМ) Дь ве навбәреда кӧрʹе Шаԝул Йонатʹан рʹабу чу Һорәше бал Даԝьд у ль сәр наве Хԝәде һез [ԛәԝат] да ԝи. 17 Гот: «Нәтьрсә! Баве мьн Шаԝул ԝе дәст нәдә тә. Те бьби Пʹадше Исраеле, әзе жи бьбьм аликʹаре тә. Баве мьн Шаԝул жи ве йәке занә».
(Мәтта 16:1-13) Ферьси у садуԛи һатьнә щәм ԝи кӧ ԝи бьщерʹьбиньн у же хԝәстьн кӧ жь әʹзмана нишанәке нишани ԝана кә. 2 Әԝи ль ԝан вәгәрʹанд у гот: «Гава дьбә евар, һун дьбежьн: ‹Һәԝа ԝе хԝәш бә, чьмки әʹзман сор буйә›. 3 Ле сәре сьбәһе дьбежьн: ‹Иро һәԝа ԝе хԝәш нибә, чьмки әʹзман хӧмам у сор ә›. Һун рʹуйе әʹзмен әʹнәнә дькьн кӧ һәԝайе чаԝа бә, ле нишанед зәмана әʹнәнә накьн. 4 Ньсьле хьраб у хальфи нишанәке дьхԝазә, ле жерʹа нишанәкә дьн найе дайине, пештьри нишана Уньс пʹехәмбәр». У әԝи әԝ һьштьн у чу. 5 Гава шагьртед ԝи дәрбази ԝи али бун, бир кьрьн хԝәрʹа нан һьлдана. 6 Иса ԝанарʹа гот: «Мьԛати хԝә бьн, һʹәвза хԝә жь һәвиртьрʹшке ферьси у садуԛийа бькьн». 7 Ле әԝана нав һәвда хәбәр дьдан у дьготьн: «Нане мә тʹӧнә, ләма аһа дьбежә». 8 Ле әв йәк Исава әʹйан бу у гот: «Кембаԝәрно! Һун чьма нав һәвда хәбәр дьдьн, кӧ нане ԝә тʹӧнә? 9 Һун һе фәʹм накьн? Найе бира ԝә, чаԝа пенщ нана тʹера пенщ һʹәзар мәрьва кьр у ԝә чәнд сәлә бәрмайи һьлдан? 10 У һʹәфт нана жи тʹера чар һʹәзар мәрьва кьр у ԝә чәнд зәмбил бәрмайи һьлдан? 11 Һун чаԝа фәʹм накьн, ԝәки мьн бона нан ԝәрʹа нәгот? Ле бона ԝе йәке, кӧ һун һʹәвза хԝә жь һәвиртьрʹшке ферьси у садуԛийа бькьн». 12 Шагьрта һьнге фәʹм кьр, ԝәки әԝи бона һәвиртьрʹшке нан ԝанрʹа нәгот, кӧ һʹәвза хԝә бькьн, ле жь һинкьрьна ферьси у садуԛийа. 13 Иса чу алийе Ԛәйсәрийа Филипойе у жь шагьртед хԝә пьрси: «Бь тʹәхмина мәрьва Кӧрʹе Инсан кʹи йә?»
25 НИСАНЕ-1 ГӦЛАНЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | 1 САМУЙЕЛ 25-26
«Тӧ Сафикьрьнада Ләз Дькʹәви?»
ia 78 ¶10-12
Әԝе Сәрԝахти Дьда Кʹьфше
10 Гәло әскәред Даԝьд һьндава ван шьвана ча бун? Ԝана һеса дькарьбу кәрийед ԝан зәфти хԝә кьрана, ле ԝана тʹӧ щар ӧса нәдькьр. Дәԝсе, ԝана шьван у пәзед Набал дьпараст. (Бьхунә 1 Самуйел 25:15, 16.) Ван щийа шьван у пәз рʹасти гәләк дәрәщед хоф дьһатьн. Ԝедәре һʹәйԝанед бәйани тʹьжә бун, у һьм жи алийе синора Исраелейә башуре, гәләк ԛачах у дьз һәбун.
11 Даԝьдрʹа һеса нибу бәрʹийеда һʹәму әскәред хԝә тʹер кә. Щарәке Даԝьд дәһ әскәред хԝә шандә щәм Набал, ԝәки хԝарьне жь ԝи бьхԝазә. Даԝьд бона ве йәке ԝәʹдәки баш бьжарт. Һьнге Набал пәзед хԝә һәвринг дькьр у ль гора әʹдәт хԝәйе кәрийе гәрәке дәствәкьри буйа у сьфьрә вәкьра. Даԝьд ӧса жи хәбәред рʹаст у бь ԛәдьр бьжарт. Әԝи һәла һе жи хԝә нав кьр ча кӧрʹе ԝи, дьбәкә сәва кӧ һьндава ԝи ԛәдьр бьдә кʹьфше, чьмки әԝ әʹмьрда мәзьн бу. Ле гәло Набал хԝә ча да кʹьфше? (1 Сам. 25:5-8)
12 Әԝ гәләк һерс кʹәт у әскәред Даԝьд беһӧрмәт кьр. Хӧламәки дәрһәԛа ве йәке Абигаилерʹа гьли кьр. Набале тьма, дькьрә ԛарʹә-ԛарʹ ԝәки чьрʹа әԝ гәрәке нан, ав у гошт бьдә мәрьвед нәнас. Хенщи ве йәке, әԝи сәр Даԝьд гот ԝәки әԝ һәйә хӧламе кӧ жь ахайе хԝә рʹәви. Те кʹьфше ԝәки мина Шаԝул, Набал жи Даԝьд нәфрʹәт дькьр. Ле ньһерʹандьна Йаһоԝа жь ньһерʹандьна ԝан щӧдә дьбу, әԝи Даԝьд һʹьз дькьр у ԝи нә кӧ ча хӧламәки рʹабәр, ле ча пʹадше Исраелейә ахьрийе һʹәсаб дькьр (1 Сам. 25:10, 11, 14).
ia 80 ¶18
Әԝе Сәрԝахти Дьда Кʹьфше
18 Абигаил нәһәԛийа мере хԝә һьлда сәр хԝә у жь Даԝьд бахшандьне хԝәст. Әԝе гот, ԝәки мере ԝе йәки сәрһʹьшк ә у наве ԝи жи ве йәке избат дькә. Дьԛәԝьмә бь ԝан гьлийа әԝе дьхԝәст Даԝьдрʹа нишан кьра, ԝәки нәһежа бу әԝ һʹәйфе һьлдә. Абигаил Даԝьд ча бьжартийе Хԝәде һʹәсаб дькьр у заньбу, ԝәки әԝ «шәрʹе Хӧдан пешда дьбә». Әԝе ӧса жи нишан кьр, ԝәки созе Йаһоԝа дәрһәԛа Даԝьд у пʹадшатийе занә, ләма готе: «Хӧдан . . . тә ль сәр Исраеле бькә сәрԝер». Паше әԝе лавайа Даԝьд кьр кӧ бадиһәԝа хуне нәрʹежә, чьмки ӧса әԝ ԝе бәр чʹәʹве Хԝәде нәһәԛ буйа, у ахьрийеда әԝ йәк бона ԝи ԝе бьбуйа мәʹнийа «хәмгинийе», демәк исафа ԝи ԝе әԝ бьчәрчьранда. (Бьхунә 1 Самуйел 25:24-31, ИМ.) Рʹасти жи гьлийед чьԛас билан ьн!
Хьзна Кʹьтеба Пироз
ia 80 ¶16
Әԝе Сәрԝахти Дьда Кʹьфше
16 Гәло әв дәрәщә дьдә кʹьфше, ԝәки Абигаил ԛәдре принсипа сәритийе нәдьгьрт? На. Набал беԛәдри нишан кьр һьндава бьжартийе Йаһоԝа у рʹуйе ԝида мәрьвед бесущ жи дькарьбун бьһатана кӧштьне, демәк малийед ԝи. Һәгәр Абигаил хԝә кәрʹ кьра у тьштәки нәкьра, әԝе жи тʹәви мере хԝә нәһәԛ дәркʹәта. Чь жи һәбу, әԝе гәрәке бәри пешьн нә кӧ гӧрʹа мере хԝә, ле гӧрʹа Хԝәде бькьра.
(1 Самуйел 25:18, 19, ИМ) Ль сәр ве йәке, Абигаил йәксәр дӧсьд нан, дӧ мәшк шәрав, гоште пенщ мьһед амадәкьри, пенщ сәа гәньме ԛәланди, сәд ԝәши мәԝиж у дӧсьд кадькед бастиԛе һәжира һьлдан у ль кʹәра бар кьрьн. 19 Пьштрә жи хӧламед хԝәрʹа гот: «Һун бәрийа мьн һәрʹьн, әз ль пәй ԝә тем.» Мере хԝә Набалрʹа тʹӧ тьшт нәгот.
(Мәтта 16:14-28) Ԝана гот: «Һьнәк дьбежьн Йуһʹәннайе ньхӧмдар ә, һьнәкед дьн дьбежьн Елйас ә, ле һьнәкед майин жи дьбежьн Йерәмийа йә, йан жи йәк жь пʹехәмбәра йә». 15 Әԝи жь ԝан пьрси: «Ле һун чь дьбежьн? Бь тʹәхмина ԝә әз кʹи мә?» 16 Шьмһʹун-Пәтрус ле вәгәрʹанд у готе: «Тӧ Мәсиһ и, Кӧрʹе Хԝәдейе сах». 17 Иса ле вәгәрʹанд у готе: «Хԝәзи ль тә, Шьмһʹуне кӧрʹе Йуһʹәнна, чьмки хун у гошт әв йәк әʹйани тә нәкьрьн, ле Баве мьни әʹзмана. 18 Әз тәрʹа дьбежьм, кӧ тӧ Пәтрус и, аԝа готи ԛәйак и у ль сәр ви ԛәйайи әзе щьвина хԝә чекьм у ԛәԝата мьрьне ԝе пе нькарьбә. 19 У әзе кʹьлитед Пʹадшатийа Әʹзмана бьдьмә дәсте тә у чь кӧ тӧ ль сәр әʹрде гьреди, әʹзманада жи ԝе гьредайи бә у чь кӧ тӧ ль сәр әʹрде вәки, әʹзманада жи ԝе вәкьри бә». 20 Һьнге Иса тʹәми шагьртед хԝә кьр, ԝәки кәсирʹа нәбежьн, кӧ әԝ Мәсиһ ә. 21 Пәй ԝе йәкерʹа Иса дәстпекьр шагьртед хԝәрʹа әʹйан кьр кӧ гәрәке әԝ һәрʹә Оршәлиме, жь алийе рʹуспийа, сәрәкед кʹаһина у ԛанунзанада гәләк щәфа бькʹьшинә у бе кӧштьне, ле рʹожа сьсийа жь мьрьне рʹабә. 22 Ле Пәтрус әԝ да алики, ле һьлат у готе: «Дури һьндава тә, Хӧдан! Әԝ тьшт ль тә нәԛәԝьмә!» 23 Иса сәр Пәтрусда вәгәрʹийа у готе: «Дури мьн һәрʹә, Щьно! Тӧ кәвьр и пешийа мьн, чьмки әԝ нет-фькьра тә нә жь Хԝәде йә, ле жь мәрьвайе йә». 24 Һьнге Иса шагьртед хԝәрʹа гот: «Һәгәр йәк дьхԝазә ль пәй мьн бе, бьра хԝә инкʹар кә, хаче хԝә һьлдә у ль пәй мьн бе. 25 Чьмки кʹи кӧ дьхԝазә әʹмьре хԝә хьлаз кә, әԝе ӧнда кә у кʹи кӧ әʹмьре хԝә бона мьн ӧнда кә, әԝе бьбинә. 26 Чь фәйдә һәгәр мәрьв тʹәмамийа дьнйайе ԛазьнщ кә, ле әʹмьре хԝә ӧнда кә? Йан жи мәрьв чь дькарә бәр әʹмьре хԝәва бьдә? 27 Чьмки Кӧрʹе Инсан ԝе бь рʹумәта Баве хԝә тʹәви мьлйакʹәтед хԝә бе. Һьнге ԝе анәгори әʹмәлед һәр кәси бьдә ԝан. 28 Әз рʹаст ԝәрʹа дьбежьм, һьнәкед ль вьр сәкьни һәнә ԝе мьрьне нәбиньн, һʹәта кӧ Кӧрʹе Инсан бь Пʹадшатийа хԝәва те нәбиньн».