Кани бона Бәрнама Щьвине, Бьжин у Хьзмәт кьн
6-12 АДАРЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | 1 ДИРОК 23-26
«Хьзмәтийа Пʹарьстгәһеда бь Щурʹе Һәри Баш те Организәкьрьне»
it-2 241
Леԝи
Даԝьд шьхӧле Леԝийа рʹьнд организә кьрьбу. Әԝи бәрпьрсийар, сәрок, һʹакьм, дәргәһван, щабдаред бона хьзне у ӧса жи гәләкед дьн кʹьфш кьрьн, кӧ пʹарьстгәһеда, һʹәԝшада у хԝарьнгәһада, ԝәʹде ԛӧрбананине у паԛьжкьрьне али кʹаһина бькьн. Ӧса жи әԝана бона чап у дьрежайа тьшта щабдар бун у шьхӧлед нобәдарийе дькьрьн. Леԝийед стьранбеж, мина кʹаһина сәр 24 кʹома һатьбун пʹарәвәкьрьне, у дор бь дор хьзмәт дькьрьн. Щабдари бь пʹәшкавитьне пʹарәвәдькьрьн. У бь ви щурʹәйи сафи дькьрьн кӧ фьлан дәргәһван ԝе бәр кʹижан дәргәһйи бьсәкьнә (1 Др. 23; 25; 26; 2 Др. 35:3-5, 10).
it-2 686
Кʹаһин
Пʹарьстгәһеда кʹаһин бьн рʹебәрийа щурʹә-щурʹә сәрокада хьзмәт дькьрьн. Щабдари бь пʹәшкавитьне пʹарәвәдькьрьн. Жь 24 кʹома һәр кʹомәк сале дӧ щара, һʹәфтеки хьзмәт дькьр. Ча кʹьфш ә, ԝәʹде щәжьна гава щьмәʹте бь һʹәзара ԛӧрбан дьани, һьнге һʹәму кʹаһин хьзмәт дькьрьн, чаԝа кӧ ԝәʹде тʹәсмилкьрьна пʹарьстгәһе (1 Др. 24:1-18, 31; 2 Др. 5:11; бәрамбәр кә 2 Др. 29:31-35; 30:23-25; 35:10-19). Кʹаһин дькарьбу ԝәʹдәки дьн жи хьзмәт кьра, һәрге әԝи кʹаһинед дьн әʹщьз нәдькьр, йед кӧ щабдарийа хԝә дьанинә сери. Ль гора әʹдәтед рабина, ԝәʹде хьзмәтийа Иса сәр әʹрде, кʹаһин ӧса зәʹф бун, ԝәки әв хьзмәткьрьна ԝанә кӧ һʹәфтеки дькʹьшанд, бь кʹом сәр малбәта дьһатә пʹарәвәкьрьне, у анәгори һәжмара нәфәра, һәр малбәтәк һʹәфтийеда рʹожәк йан һе зедә хьзмәт дькьр.
it-2 451-452
Мьԛам
Гава Даԝьд кʹаре авакьрьна пʹарьстгәһа Йаһоԝа дькьр, әԝи 4 000 Леԝи башԛә кьрьн, ԝәки әԝана ча стьранбеж у сазбәнд хьзмәт кьн (1 Др. 23:4, 5). Жь ԝана 288 һатьбун һинкьрьне, ԝәки бь стьрана шькьрийе бьдьнә Йаһоԝа, у әԝана ве йәкеда һостә бун (1 Др. 25:7). Бона һʹәму стьранбежа се сазбәндед щерʹьбанди щабдар бун, демәк Асаф, Һеман у Йәдутун (наве кʹижани дьԛәԝьмә ӧса жи Әйтʹан бу). Әв йәк кӧ һәр кәс жь ԝан жь рʹькʹьнийата се кӧрʹед Леԝи бун, демәк Гершон, Ԛоһатʹ у Мерари, дәрте кӧ нава стьранбеж у сазбәндада йед кӧ пʹарьстгәһеда хьзмәт дькьрьн, һәбун меред жь һәр се малбәтед Леԝийайә сәрәкә (1 Др. 6:16, 31-33, 39-44; 25:1-6). Бь тʹәмами 24 кӧрʹед Асаф, Һеман у Йәдутун һәбун, у һәр кәс жь ԝан дькʹәтә нава һәжмара 288 сазбәндед щерʹьбанди, бәʹса кʹижана мә жоре кьр. Һәр йәк жь ԝан кӧрʹа, бь пʹәшк һатьбун бьжартьне, ԝәки бьбьнә сәркʹаре кʹомәкә стьранбеж у сазбәнда, нава кʹижанида, хенщи сәркʹар, ӧса жи 11 сазбәндед щерʹьбанди һәбун, жь кӧрʹед ԝи у Леԝийед дьн. Бь ви щурʹәйи, 288 ([1 + 11] × 24 = 288) Леԝи кӧ сазбәндед щерʹьбанди бун, мина кʹаһина дьһатьнә пʹарәвәкьрьне сәр 24 кʹома. Һәрге 3 712 ‹шагьрт› бь ви щурʹәйи һатьбун пʹарәвәкьрьне, демәк кеми-кем 155 ‹шагьрт› дькʹәтьнә нава һәр 24 кʹома. Дәрте һәр сазбәндәки щерʹьбандирʹа, 13 ‹шагьрт› дькʹәт (1 Др. 25:1-31). Ле борʹиван нә дькʹәтьн нава һәжмара Леԝийед сазбәнд, чьмки әԝана кʹаһин бун (2 Др. 5:12; бәрамбәр кә Жм. 10:8).
it-1 898
Дәргәһван
Пʹарьстгәһеда. Һьнә ԝәхт пешийа мьрьна хԝә, Даԝьд щабдари да Леԝийа у кәсед кӧ пʹарьстгәһеда хьзмәт дькьрьн. Нава ԝанда ӧса жи дәргәһван һәбун, һәжмара кʹижана 4 000 бу. Чахе дора кʹомед дәргәһвана дьһат, ԝана һʹәфтеки хьзмәт дькьр. Ԝана нобәдарийа пʹарьстгәһе дькьр у дина хԝә дьданә ве йәке, ԝәки дәргәһ ԝәʹде хԝәда бенә вәкьрьне у дадане (1 Др. 9:23-27; 23:1-6). Хенщи ве йәке, һьнәк жь ван щабдар бун бона ван ԛӧрбана, йед кӧ щьмәʹте сәва һʹәԝщед пʹарьстгәһе дьани (2 Пʹд. 12:9; 22:4). Ԝәʹдә шунда, чахе сәрәккʹаһин Йәһойада, Йоаш ча пʹадша кʹьфш кьр, әԝи нобәдар данин бәр дәргәһед пʹарьстгәһе, ԝәки әԝана пʹадше щаһьл жь Аталйайе жьн-пʹадша хԝәй кьн, йа кӧ тʹәхте пʹадшатийе зәфт кьрьбу (2 Пʹд. 11:4-8). Гава Йошийа пʹадша кʹока пʹутпʹарьстийе дьани, дәргәһвана жь пʹарьстгәһе һур-муред һʹәбандьна Баәʹлва гьредайи дәрхьстьн у жь бажер дәр шәԝьтандьн (2 Пʹд. 23:4).
Хьзна Кʹьтеба Пироз
ԝ22.03 22 ¶10
Һʹәбандьна Рʹаст Ԝе Шабуна Тә Зедә Бькә
10 Кʹьламед мә пʹарәкә һʹәбандьна мә йә (Зәбур 28:7). Исраелийа һʹәбандьнеда кʹьлам ча пʹарәкә фәрз һʹәсаб дькьрьн. Даԝьд Пʹадша 288 меред жь бәрәка Леԝи, ча стьранбежед пʹарьстгәһе кʹьфш кьрьбу (1 Дирок 25:1, 6-8). Әм жи дькарьн бь сайа кʹьламед пәсьндайине нишан кьн, ԝәки әм Хԝәде һʹьз дькьн. Бона ве йәке, әʹсәйи нинә кӧ әм хԝәйе дәнге хԝәш у зиз бьн. Соз мәсәлә, гава әм хәбәр дьдьн, «әм һʹәму жи гәләки шашийа дькьн», ле диса жи, әм щьватада у хьзмәтеда аза хәбәр дьдьн (Аԛуб 3:2). Ләма жи, гәрәке әм нәфькьрьн кӧ һәгәр дәнге мә һаԛас хԝәш нинә, әм нькарьн бь кʹьлама пәсьне Йаһоԝа бьдьн.
(1 Дирок 25:7, 8) Тʹәви бьред хԝә, йед кӧ ԝанрʹа бона Хӧдан сьтьрандьн һатийә һин кьрьн, һәжмара һʹәмуйед кӧ бь һӧнәр бун, дӧсьд һʹәйште һʹәйшт бун. 8 У һʹәму, йе мәзьн жи, йе бьчʹук жи, йе дьдә һин кьрьн жи, йе һин дьбә жи, ԝәк һәв бона ԝәзифәйед [щабдарийед] хԝә пʹәшк авитьн.
(Марԛос 6:15-29) Ле һьнәка жи дьгот: «Әва Елйас ә». Һьнәкед дьн жи дьготьн: «Әва пʹехәмбәрәки мина пʹехәмбәред бәре йә». 16 Ле гава Һеродәс әв йәк бьһист, гот: «Әва әԝ Йуһʹәнна йә, йе кӧ мьн сәре ԝи лехьстийә, жь нав мьрийа рʹабуйә!» 17 – 18 Чьмки Һеродәс Һеродийа жьна Филипойе бьре хԝә стандьбу, ле Йуһʹәнна жерʹа готьбу: «Нә рʹаст ә кӧ тӧ жьна бьре хԝә бьстини». Һеродәс жи кʹәрби Һеродийайе Йуһʹәнна дабу гьртьне, гьредабу у авитьбу кәле. 19 Ләма Һеродийайе кʹин Йуһʹәннарʹа дажот, дьхԝәст ԝи бьдә кӧштьне, ле нькарьбу, 20 чьмки Һеродәс жь Йуһʹәнна вәдькʹьшийа у әԝ хԝәй дькьр. Әԝи заньбу кӧ Йуһʹәнна мәрьвәки рʹаст у бӧһӧрти йә. Гава кӧ гӧһдарийа готьна ԝи дькьр, сәре ԝи тʹәвиһәв дьбу, ле диса бь һʹәԝас гӧһ дьда готьна ԝи. 21 Аԝа щарәке мәщал вәбу. Һеродәс бона рʹожа буйина хԝә, әʹсьлзада, сәрһʹәзаред әскәра у гьрәгьред Щәлилерʹа мәсрәф дани. 22 Гава ԛиза Һеродийайе кʹәтә һьндӧрʹ у рʹәԛьси, әв йәк ль дьле Һеродәс у тʹәглифкьрийед ль сәр сьфре рʹуньшти хԝәш һат. Һьнге пʹадше готә ԛизьке: «Тӧ жь мьн чь бьхԝази, әзе бьдьмә тә». 23 У ԝи жерʹа сонд хԝар гот: «Тӧ жь мьн чь бьхԝази, әзе бьдьмә тә, һʹәта ниве пʹадшатийа хԝә жи!» 24 Ԛизьк дәркʹәтә дәрва у чу жь дийа хԝә пьрси: «Әз чь бьхԝазьм?» Дийа ԝе жи гот: «Сәре Йуһʹәннайе ньхӧмдар». 25 Ԛизьке ләзанд чу щәм пʹадше у хԝәстьна хԝә жерʹа гот: «Әз дьхԝазьм кӧ тӧ ньһа сәре Йуһʹәннайе ньхӧмдар ль сәр сьнийе бьди мьн». 26 Пʹадша гәләки бәр хԝә кʹәт, ле чьмки ль бәр тʹәглифкьрийа сонд хԝарьбу, нәхԝәст созе хԝә бәтал кьра. 27 Пʹадше перʹа-перʹа әʹмьри сәр щәлат кьр, кӧ һәрʹә сәре Йуһʹәнна бинә. Щәлат жи чу кәледа, сәре ԝи лехьст 28 у ль сәр сьнийе ани у да кәчʹьке. Әԝе жи әԝ һьлда бьр да дийа хԝә. 29 Гава шагьртед Йуһʹәнна әв йәк бьһистьн, һатьн щьнйазе ԝи бьрьн кьрьнә тʹьрбе.
13-19 АДАРЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | 1 ДИРОК 27-29
«Бавәки бь Һʹьзкьрьн Кӧрʹе Хԝә Ширәт Дькә»
ԝ05 15/2 19 ¶9
Бир Нәкә ԝәки Тӧ Мәсиһи йи
9 Рʹастийа Кʹьтеба Пирозда избат бә. Сәва кӧ әм бь рʹасти ча хьзмәткʹаред Йаһоԝа бенә һʹәсабе, әм гәрәке Хәбәра Хԝәде рʹьнд бьзаньбьн (Филипи 1:9, 10). Һәр Мәсиһи, фьрԛи тʹӧнә әԝ чәнд сали йә, гәрәке хԝәха избат бә, кӧ баԝәрийа ԝи сәр һʹиме Кʹьтеба Пироз ә. Паԝлос ширәт да Мәсиһийа: «Һәр тьшти бьщерʹьбиньн, тьштед ԛәнщ ԛәԝин бьгьрьн» (1 Тʹесалоники 5:21). Мәсиһийед щаһьл гәрәке фәʹм бькьн, ԝәки әԝана ԝе нькарьбьн пе баԝәрийа де-бавед хԝәйә хԝәдехоф бьжин. Даԝьд кӧрʹе хԝә Сьлеманрʹа гот, ԝәки «Хԝәдайе баве хԝә бьнас ә [нас бькә] у бь һʹәмуйа дьл» жерʹа хьзмәт бькә (1 Дирок 28:9). Бәле, Сьлемане щаһьлрʹа бәс нибу тʹәне дина хԝә бьде, кӧ ча баве ԝи Даԝьд баԝәрийа хԝә һьндава Йаһоԝа ԛәԝи дькә. Әԝи хԝәха гәрәке Йаһоԝа незик нас кьра, у әԝи һәма ӧса жи дькьр. Әԝи лавайа Хԝәде дькьр: «Занин у һикмәте [биланийе] бьдә мьн кӧ әз ль бәр ве нәтәԝе [щьмәʹте] дәркʹәвьм у бькʹәвьм» (2 Дирок 1:10).
ԝ12 15/4 16 ¶13
Бьра Дьле Тә бь Тʹәмами Тʹәви Йаһоԝа бә
13 Дәрс әшкәрә йә. Баш ә гава әм тʹьме нава шьхӧлед рʹӧһʹанида ньн, мәсәлә тʹьме дьчьнә щьвата у хьзмәт дькьн. Ле Йаһоԝарʹа бь тʹәмамийа дьле хԝә хьзмәт кьн, һе зедә те һʹәсабе (2 Дир. 25:1, 2, 27). Һәрге Мәсиһи кʹурайа дьле хԝәда «тьштед пьшт хԝәва һьшти» һе һʹьз дькә, демәк тьштед ве дьне, әԝ дькарә һәләԛәтийа хԝәйә баш тʹәви Хԝәде хьраб кә (Луԛа 17:32). Тʹәне һьнге әме «һежайи Пʹадшатийа Хԝәде» бьн, һәрге әм «жь хьрабийе зьвер бьн, хԝә ль ԛәнщийе бьгьрьн» (Рʹом. 12:9; Луԛа 9:62). Ләма жи, һәр кәс жь мә гәрәке мьԛати хԝә бә, ԝәки тʹӧ тьшт жь дьнйа Мире-щьна, чьԛас әԝ мәрʹа хԝәш у керһати бе кʹьфше жи, рʹийа мә нәгьрә ԝәки әм бь тʹәмамийа дьле хԝә Хԝәдерʹа хьзмәт кьн (2 Корн. 11:14; бьхунә Филипи 3:13, 14).
Мерхас бә у Шьхӧл Пешда Бьвә
20 Даԝьд Пʹадша ани бира Сьлеман кӧ Йаһоԝа ԝе тʹәви ԝи бә, һʹәта кӧ авакьрьна пʹарьстгәһе хьлаз бә (1 Дир. 28:20). Әв гьлийед баве ԝи һʹьш у дьле ԝида ман, у рʹаст ә әԝ щаһьл у нәщерʹьбанди бу, йәкә тʹӧ тьшти рʹе ԝи нәгьрт. Әԝи бь мерхасийа мәзьн әԝ шьхӧл дәстпекьр у пе аликʹарийа Йаһоԝа әв пʹарьстгәһа мәзьн у бәдәԝ хьлаз кьр нава 7 у нив салада.
21 Бәле, чаԝа Йаһоԝа али Сьлеман кьр, әԝ ԝе али мә жи бькә сәва әм мерхас бьн у шьхӧле хԝә биньн сери, һьн малбәтеда һьн жи щьватеда (Иша. 41:10, 13). Чахе әм бь мерхаси Йаһоԝарʹа хьзмәт дькьн, әм дькарьн дӧдьли нәбьн кӧ әԝ ԝе мә һьн ньһа, һьн жи ахьрийеда кʹәрәм кә. Ләма жи мерхас бьн у шьхӧле Хԝәде пешда бьвьн!
Хьзна Кʹьтеба Пироз
Һәвале Баш бә Һәвалтийа Хԝә Ӧнда Нәкә
Диса һәвалед Даԝьд һәбун, йед кӧ ԝәʹде чәтьнайа бь амьни кʹеләка ԝи бун. Мәсәлә, Кʹьтеба Пироз Һуша нав дькә «һәвалбәнде Даԝьд» (2 Сам. 16:16; 1 Дир. 27:33). Дьԛәԝьмә әԝ ԝәзир бу, йе кӧ һәвале пʹадшайи незик бу. У щара Һуша фәрманед ӧса дьани сери, йед кӧ конфиденсийал бун.
Чахе кӧрʹе Даԝьд Абшалом тʹәхте пʹадшатийе зәфт кьр, гәләк Исраели алийе ԝи гьртьн. Ле Һуша тʹәви Даԝьд ма. Чахе Даԝьд рʹәвийа кӧ хԝә хьлаз кә, Һуша һьнге жи тʹәви ԝи чу. Дьле Даԝьд гәләк дешийа, чьмки кӧрʹе ԝи тʹәви мәрьвед кӧ Даԝьд итʹбарийа хԝә ԝан дьани, мьԛабьли ԝи дәркʹәтьбун. Ле Һуша Даԝьдрʹа амьн ма, әԝ һәла һе жи һазьр бу бона ԝи әʹмьре хԝә бькә бьн ԛәзийе. Чаԝа Даԝьд жерʹа готьбу, әԝ чу бал дьжмьна у нәһишт ԝәки нета ԝан бе сери. Һуша әԝ йәк кьр нә жь бо борщдарийа хԝә чаԝа ԝәзир, ле чьмки әԝ һәвале амьн бу (2 Сам. 15:13-17, 32-37; 16:15–17:16).
(1 Дирок 27:33) У Аһитофел мьшаԝре [ширәткʹаре] ԛьрал [пʹадше] бу у Һушайе Арки һәвале ԛьрал бу.
(Марԛос 6:30-44) У шанди вәгәрʹийанә щәм Иса, һʹәму тьштед кӧ кьрьбун у һин кьрьбун жерʹа готьн. 31 Иса ԝанрʹа гот: «Дә ԝәрьн әм тʹәне һәрʹьнә щики хәԝлә у һьнәки рʹьһʹәт бьн». Чьмки гәләк дьһатьн у дьчун, ԝана мәщал нәдьдит кӧ нане хԝә жи бьхԝарана. 32 У әԝ тʹәне бь ԛәйьке чунә щики хәԝлә. 33 Ле гәләка кӧ чуйина ԝан дит, әԝ нас кьрьн, жь һʹәму бажара пәйа бәзин у бәри ԝан гьһиштьнә ԝи щийи. 34 Чахе Иса жь ԛәйьке дәркʹәт у ԝи әʹлаләтәкә гьран дит, һьнге гӧне ԝи ль ԝан һат, чьмки әԝ мина пәзед бе шьван бун. Дәстпекьр гәләк тьшт әԝ һин кьрьн. 35 Иди чьмки дәрәнг бу, шагьртед Иса һатьн у готьне: «Әв дәр щики хьки-хԝәли йә, ԝәхт жи иди дәрәнг ә. 36 Бьһелә кӧ әԝ һәрʹьнә гӧнд у бәргед дәр-дора у хԝәрʹа тьштед хԝарьне бькʹьрʹьн». 37 Ле Иса ль ԝан вәгәрʹанд у гот: «Һун хӧрәк бьдьнә ԝан!» Жерʹа готьн: «Әм һәрʹьн ԝәкә баһе дӧсьд зиви нан бькʹьрʹьн у ԝан бьдьнә хԝарьне?» 38 Иса ԝанрʹа гот: «Һәрʹьн бьньһерʹьн, кʹа чәнд нанед ԝә һәнә». Гава кӧ пе һʹәсийан, готьн: «Пенщ нан у дӧ мәʹси һәнә». 39 Ԝи әʹмьр кьр кӧ һʹәму жи кʹом-кʹом ль сәр гиһайе шин рʹунен. 40 Әԝ жи кʹом-кʹом, сәд-сәд, пенщи-пенщи ль әʹрде рʹуньштьн. 41 Иса һәр пенщ нан у һәр дӧ мәʹси һьлдан, бәре хԝә әʹзменда кьр шькьри да, әԝ нан кәркьрьн у да шагьртед хԝә, ԝәки әԝ дайньнә бәр әʹлаләте. У һәр дӧ мәʹси жи ль һʹәмуйа бәла кьр. 42 Һʹәмуйа хԝар у тʹер бун. 43 Жь ԝан нан у мәʹсийа донздәһ сәләйед тʹьжи һурьк бәрәв кьрьн. 44 Йед кӧ жь ԝи нани хԝарьн ԝәкә пенщ һʹәзар мери бун.
20-26 АДАРЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | 2 ДИРОК 1-4
«Сьлеман Пʹадша Сафикьрьнәкә Нәаԛьлайи Дькә»
it-1 174 ¶5
Орди
Сәрԝертийа Сьлеман нава тʹәрихийа ордийед Исраеледа, гәләк мәхсус бу. Ԝәʹде пʹадшатийа ԝи әʹдьлайи һәбу, ле йәкә әԝи һәжмара әʹрәба у һәспа зедә дькьр. (Бьньһерʹә ӘʹРӘБӘ.) Һʹәчʹи зәʹф жь ван һәспа Мьсьреда дькʹьрʹин. Сәва кӧ ван һәспа у әʹрәба щи кьрана, лазьм бу нав тʹәмамийа пʹадшатийеда шәһәр бьһатана авакьрьне (1 Пʹд. 4:26; 9:19; 10:26, 29; 2 Др. 1:14-17). Ле Йаһоԝа тʹӧ щар әв кьре Сьлеман кʹәрәм нәдькьр. Паши мьрьна ԝи у пʹарәвәбуна пʹадшатийе, ордийа Исраели ԛәԝата хԝә һеди-һеди ӧнда кьр. Ишайа ньвисибу: «Ԝәй ль ԝан кӧ жь бо аликʹарийе дьчьн Мьсьре, хԝә дьсперьн һәспа. Жь бәр кӧ пʹьрʹ ьн, бь әʹрәбед һәспа, жь бәр кӧ пʹьрʹ һездар ьн [ԛәԝат ьн], бь сийара әԝлә нә. Ле ль Пирозе Исраел нанерʹьн, ль Хӧдан нагәрʹьн» (Иш. 31:1, ИМ).
it-1 427
Әʹрәбә
Пешийа пʹадшатийа Сьлеман, әʹрәбед ордийа Исраелийа бона шәрʹ һьндьк бун. Хԝәде тʹәми дабу, ԝәки пʹадша һәжмара һәспа зедә нәкьн, чьмки бехофийа Исраелийа ве йәкева гьредайи нибу. Фәʹмдари йә, әԝ дьһатә һʹәсабе кӧ изьна ԝан тʹӧнә бу гәләк әʹрәба ԛазанщ кьн (Ԛн.Дщ. 17:16). Чахе Самуйел щьмәʹтерʹа пешда гот, кӧ пʹадша барәки чьԛас гьран ԝе бькә стуйе ԝан, әԝи гот: «Ԝе кӧрʹед ԝә дайнә сәр әʹрәбәйед шәрʹ у ԝана бькә сийаред хԝә» (1 См. 8:11, ИМ). Абшалом у Адонийа, йед кӧ дьхԝәстьн пʹадшатийе бькьнә бьн дәсте хԝә, хԝәрʹа әʹрәбә ԛазанщ кьрьн, пешийа кʹижана 50 мер дьрʹәвийан (2 См. 15:1; 1 Пʹд. 1:5). Гава Даԝьд пʹадше Тсобайе зәфт кьр, әԝи 100 һәспед бона әʹрәба хԝәрʹа һишт (2 См. 8:3, 4; 10:18).
Сьлеман Пʹадша гава ордийа Исраели ԛәԝи у зедә дькьр, әԝи һәжмара әʹрәба һʹәта 1 400 һʹәви зедә кьр (1 Пʹд. 10:26, 29; 2 Др. 1:14, 17). Хенщи Оршәлиме, һәбун щи у бажаред дьн, кӧ нас бун ча бажаред бона әʹрәба, кʹидәре кӧ ван әʹрәба хԝәй дькьрьн (1 Пʹд. 9:19, 22; 2 Др. 8:6, 9; 9:25).
Хьзна Кʹьтеба Пироз
ԝ05 1/12 19 ¶6
Фькьред Сәрәкә жь Кʹьтеба 2 Дирок
1:11, 12. Хԝәстьна Сьлеман Йаһоԝарʹа нишан кьр, ԝәки әԝи бь дьл у щан дьхԝәст билани у занәбуне ԛазанщ кә. Бәле, дӧайед мә әʹйан дькьн кӧ нета дьле мә чь йә. Ләма жи гәләк фәрз ә бьфькьрьн у әʹнәнә кьн һәла әм дәрһәԛа чь дӧа дькьн.
(2 Дирок 1:11, 12) У Хԝәде Сьлеманрʹа гот: Мадәм кӧ дьле тәда әԝ һәбу у тә дәԝләмәндти, мал у шәрәф у щане йед кӧ жь тә дькәрьһьн [нәфрʹәт дькьн] нәхԝәст, нә жи тәмәна [жийина] дьреж хԝәст; ле бона кӧ тӧ даразийе жь нәтәԝа [щьмәʹта] мьн йа кӧ мьн тә ль сәр ԝан кьрийә ԛьралрʹа бькә, тә бона хԝә занин у һикмәте [биланийе] хԝәст; 12 Занин у һикмәт тәрʹа һатә дайин у әзе ӧса дәԝләмәндти у мал у шәрәфе бьдьнә тә кӧ, ԛьралед бәри тәда минака ԝе тʹӧнә бу; нә жи ԝе йед кӧ паши тә ԝәрьнда тьштәки ӧса бьбә.
(Марԛос 6:44-56) Йед кӧ жь ԝи нани хԝарьн ԝәкә пенщ һʹәзар мери бун. 45 Дәстхԝәда әԝи пʹейи сәр шагьртед хԝә кьр, кӧ бькʹәвьнә ԛәйьке у пешийа ԝи дәрбази ԝи бәри голе, Бәйтсайдайе бьн, һʹәта кӧ хԝәха щьмәʹте вәрʹекә. 46 Пәй вәрʹекьрьнерʹа рʹабу чу сәре чʹийе, кӧ дӧа бькә. 47 Гава кӧ рʹо чу ава, ԛәйьк нава голеда бу у Иса тʹәне дәве голе бу. 48 Иса дит кӧ шагьрт беркʹьшандьнеда гәләки зәʹмәте дькʹьшиньн, чьмки ба мьԛабьли ԝан бу. Незики ԛәрәбәрбанге Иса сәр голерʹа пәйа дьчу незики ԝан дьбу. Ԝи хԝәст кӧ бәр ԝанрʹа дәрбаз буйа, 49 ле чахе ԝана дит кӧ Иса сәр голерʹа пәйа дьчә, ԝан тʹьре хәйаләкә кӧ дьбиньн у кьрьнә ԛирʹин. 50 Чьмки һʹәмуйа жи әԝ дит у тьрсийан. Ле Иса ԝе дәме дәнг да ԝан у гот: «Сәр хԝә бьн! Әз ьм. Нәтьрсьн!» 51 Һьнге әԝ кʹәтә ԛәйьке щәм ԝан у ба сәкьни. Шагьрт әʹщебмайи ман, һʹьше сәре ԝан чу, 52 чьмки әԝ ԛәԝьмандьна ль сәр нен һе сәре ԝанда рʹунәньштьбу, фәʹме ԝан дадайи бу. 53 Әԝ дәрбази ԝи бәри голе бун у ль алийе Щенисартева гьһиштьнә бәже. 54 Гава жь ԛәйьке пәйа бун, щьмәʹте перʹа-перʹа Иса нас кьр. 55 Әԝ тʹәмамийа ԝе ԛәзайе вьрда-ԝеда бәзин у дәстпекьрьн нәхԝәш ньвинава данинә ԝи щийе кӧ дьбьһистьн Иса ле бу. 56 Һәр щийед кӧ Иса дьчуйе, һәгәр бажар буна, гӧнд буна, бәргә буна, нәхԝәш базарада даданин у һиви же дькьрьн кӧ тʹәне ль рʹишийед кʹьнщед ԝи кʹәвьн. У һʹәмуйед кӧ ле дькʹәтьн, жь нәхԝәшийед хԝә ԛәнщ дьбун.
27 АДАРЕ–2 НИСАНЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | 2 ДИРОК 5-7
«‹Дьле Мьн ԝе Һәрдәм› ль Ԝьр Бә»
ԝ02 15/11 5 ¶1
Щьвата Бәрʹнәдьн
Паше, гава Даԝьд Оршәлимеда пʹадшати дькьр, әԝи гәләк дьхԝәст, ԝәки бона пәсьндайина Йаһоԝа, маләкә һʹимгьрти ԝирʹа ава кә. Ле чьмки Даԝьд тʹьме дьчу шәрʹ, Йаһоԝа готә ԝи: «Тӧйе наве мьнрʹа хани ава нәки». Дәԝса Даԝьд, Йаһоԝа кӧрʹе ԝи Сьлеман бьжарт, ԝәки жерʹа пʹарьстгәһе ава кә (1 Дирок 22:6-10). Сьлеман сала 1026 Б.Д.М., тʹәсмилкьрьна ве пʹарьстгәһе бь щурʹе мәхсус дәрбаз кьр, авакьрьна кʹижане һʹәфт сал у нив кʹьшанд. Йаһоԝа әв авайи ԛәбул кьр у гот: «Мьн дӧа у лавакьрьна тә бьһист кӧ тә ль бәр мьн кьр. Мьн әв мала кӧ тә жь бо наве мьн һʹәта һʹәтайе теда һәбә чекьрийә, пироз кьр. Чʹәʹвед мьн у дьле мьн ԝе һәрдәм ль ԝьр бьн» (1 Пʹадшати 9:3, ИМ). Һʹәта кӧ Исраели Йаһоԝарʹа амьн дьман, Йаһоԝа әв пʹарьстгәһ ԛәбул дькьр. Ле һәрге ԝана пьшта хԝә бьдана ԝи, Йаһоԝа ԝе кʹәрәма хԝә жь ви щийи һьлда, у әв мал ‹ԝе бьбуйа ԛучʹа кәвьра› (1 Пʹадшати 9:4-9; 2 Дирок 7:16, 19, 20).
it-2 1077-1078
Пʹарьстгәһ
Тʹәрихи. Әв пʹарьстгәһ һәбу һʹәта сала 607 Б.Д.М., гава ордийа Бабилонийа, бьн сәрԝертийа Нәбукәднәсәр пʹадша әԝ ԝеран кьр (2 Пʹд. 25:9; 2 Др. 36:19; Йер. 52:13). Жь бо ве йәке кӧ Исраели гәләк щар дькʹәтьн нава пʹутпʹарстийе, Йаһоԝа изьн да, ԝәки мьләтед дьн һʹьщуми сәр Щьһуда у Оршәлиме бькьн, у щарна хьзна пʹарьстгәһе жи тʹалан кьн. Ӧса жи һәбу ԝәʹдә, гава пʹарьстгәһ ԛә бәр тьштәки һʹәсаб нәдькьрьн. Ԝәкә 33 сал шунда паши тʹәсмилкьрьна пʹарьстгәһе, (993 Б.Д.М.) Шишак Пʹадше Мьсьре, ԝәʹде сәрԝертийа кӧрʹе Сьлеман, Рʹәһобоԝам, хьзна пʹарьстгәһе зәфти хԝә кьр (1 Пʹд. 14:25, 26; 2 Др. 12:9). Аса Пʹадша (977-937 Б.Д.М.) мала Йаһоԝа һӧрмәт дькьр. Ле йәкә сәва кӧ Оршәлиме бьпарезә, әԝи нәаԛьлайи кьр, кӧ ча рʹӧшәт зерʹ-зивед жь хьзна пʹарьстгәһе, да пʹадше Сурйайе, Бән-һадад I, сәва кӧ әԝ пәймана тʹәви пʹадше Исраеле Бааша, бәтал кә (1 Пʹд. 15:18, 19; 2 Др. 15:17, 18; 16:2, 3).
Хьзна Кʹьтеба Пироз
ԝ10 1/12 11 ¶7
Әԝ «Дьле Мәрьва» Занә
Дӧайе Сьлеман рʹасти жи дьлбинийе дьдә мә. Мәрьв дькарьн бь тʹәмами фәʹм нәкьн дьле мәда чь йә, у «дәрд у кӧлед» мә чь нә (Мәтʹәлок 14:10). Ле Йаһоԝа занә чь дьле мәда һәйә у еша мә тʹәхмин дькә. Гава әм дьле хԝә бәр Йаһоԝа дьрʹежиньн, баре мә дьһа сьвьк дьбә. Кʹьтеба Пироз дьбежә: «Һʹәму хәмед хԝә бавежьнә сәр ԝи, чьмки әԝ бона ԝә хәм дькә» (1 Пәтрус 5:7).
(2 Дирок 6:29, 30) Жь алийе зьламәки [мәрьвәки] һәр йәк жь нав зьлама; йан жи жь алийе һʹәмуйа Исраел йа нәтәԝа [щьмәʹта] тә дӧайәк йан жи лавайәк һәбә, һәр кәс бь асиԝа [кӧла] хԝә у дәрде хԝә бьзаньбә у дәстед хԝә бәрбь ви ханийива вәкә; 30 ԝе гаве жь әʹзман, жь ԝаре хԝәва бьбьһисә у ле бьборинә у һәр зьламе кӧ тӧ дьле ԝива занә, ль гор һʹәму рʹийед ԝи бьдә; жь бәр кӧ тӧ дьле мәрьва, тʹәне тӧ зани.
(Марԛос 7:1-15) Ферьсийа у һьнәк ԛанунзанед кӧ жь Оршәлиме һатьбун, дора Иса гьртьн. 2 Ԝана дит кӧ һьнәкә жь шагьртед ԝи бь дәстед ԛьлер, аԝа готи дәстнәшушти нан дьхԝьн. 3 Чьмки ферьси у һʹәму щьһу пәй рʹаԝ-рʹьзьмед кал у бавед хԝә дьчьн, һʹәта кӧ дәстед хԝә рʹьнд нәшон, нане хԝә нахԝьн 4 у жь базаре жи чь тиньн, һʹәта аве нәхьн, нахԝьн. Гәләк әʹдәтед дьн жи һәнә, кӧ жь кал у бава һьлданә у дьԛәдиньн: Мәсәлә, мина шуштьна тʹаса, шәрбька у фьраԛед сьфьрә майин. 5 Һьнге ферьси у ԛанунзана жь Иса пьрсин: «Чьма шагьртед тә пәй рʹаԝ-рʹьзьмед кал у бава начьн у бь дәстнәшушти нан дьхԝьн?» 6 Әԝи ль ԝан вәгәрʹанд у гот: «Ишайа бона ԝә дӧрʹуйа рʹаст пʹехәмбәрти кьрийә! Чаԝа кӧ һатийә ньвисаре: ‹Әва щьмәʹта бь заре хԝә ԛәдьре мьн дьгьрә, ле дьле ԝан жь мьн дур ә. 7 Бадиһәԝа мьн дьһʹәбиньн, тʹәмийед мәрьва чаԝа ԛанунед мьн щьмәʹте һин дькьн›. 8 Һун тʹәмийед Хԝәде дьһельн у пәй рʹаԝ-рʹьзьмед мәрьвайийе дькʹәвьн». 9 У гот: «Һун тʹәмийед Хԝәде рʹьнд дьдьнә алики, ԝәки рʹаԝ-рʹьзьмед хԝә хԝәй кьн. 10 Мәсәлә, Муса готийә: ‹Ԛәдьре де у баве хԝә бьгьрә› у ‹Әԝе кӧ гьлики ԛолайи де у баве хԝәрʹа бежә, гәрәке бе кӧштьне›. 11 Ле һун дьбежьн: ‹Кʹи кӧ дийа хԝәрʹа йан баве хԝәрʹа бежә: Әԝ аликʹарийа кӧ гәрәке жь мьн бьгьһижә тә, әԝ ԛӧрбан ә›, (аԝа готи дийарик ә кӧ Хԝәдерʹа те дайине) 12 һун иди наһельн кӧ әԝ тьштәки де у баве хԝәрʹа бькә! 13 Бь ви аԝайи, һун бь ԝан рʹаԝ-рʹьзьмед хԝәйә кӧ дәрбази ньсьлед ну дькьн, хәбәра Хԝәде дькьнә хԝәли. У һун гәләк тьштед аһа дькьн». 14 Һьнге Иса әʹлаләт диса гази щәм хԝә кьр у готә ԝан: «Һун һʹәму гӧһдарийа мьн бькьн у фәʹм кьн. 15 Тьштәки ӧса тʹӧнә, кӧ жь дәрва бькʹәвә нав-дьле мерьв у ԝи бьһʹәрʹьминә, ле әԝ тьштед кӧ жь дьл дәртен, әԝ мерьв дьһʹәрʹьминьн».
10-16 НИСАНЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | 2 ДИРОК 8-9
«Әԝе Биланийе Ԛимәт Дькьр»
ԝ99 1/11 20 ¶4
Чахе Мәрʹданийе Дьди Кʹьфше
Жьн-пʹадша Шәбайе сәва кӧ һәрʹә щәм Сьлеман, бешьк гәләк ԝәʹдә у ԛәԝата хԝә хәрщ кьр. Те кʹьфше ԝәки пʹадшатийа Шәбайе сәр әʹрде Кʹомара Йәмәнейә иройинда бу. Демәк сәва кӧ бьгьһишта Оршәлиме, жьн-пʹадша Шәбайерʹа тʹәви карԝана дәвәйед ԝе, лазьм бу 1 600 километьр рʹе бьчуна. Бь гьлийед Иса, жьн-пʹадша Шәбайе «жь сәре дьне һат». Гәло чьрʹа әԝе щәфаки ӧса мәзьн кʹьшанд, ԝәки бькʹәвә рʹекә ӧса дур? Бәри пешьн, әԝе дьхԝәст «сәрԝахтийа Сьлеман бьбьһе» (Луԛа 11:31).
ԝ99 1/7 30 ¶4-5
Сәрледана кӧ Һатә Хәлаткьрьне
Чь жи һәбу, жьн-пʹадша Шәбайе «тʹәви карԝанәки пʹьрʹ мәзьн, бь дәвәйед бьһарате у һʹәта бежи бәс бь зерʹ у кәвьред һежа баркьри» һатә Оршәлиме (1 Пʹадшати 10:2а, ИМ). Һьнә мәрьв дьбежьн, ԝәки кʹомәкә бь чʹәка пәй ви «карԝанәки пʹьрʹ мәзьн» дьһат, ԝәки рʹеда ԝан бьпарезә. У әв йәк фәʹмдари йә, чьмки жьн-пʹадша йәкә хԝәйе һʹӧкӧме мәзьн бу, у гәләк тьштед ԛимәт тʹәви хԝә дьбьр, йед кӧ рʹожа иройин бәрамбәри бь дәһа милйона долара дьбә.
Ле дина хԝә бьдьне кӧ жьн-пʹадшайе бьһистьбу, ԝәки рʹумәт у навдарийа Сьлеман бь сайа «наве Хӧдан» бу. Ләма жи нета чуйина ԝе арш-верш нибу. Әшкәрә йә, кӧ бәри пешьн нета ԝе әв бу, ԝәки биланийа Сьлеман бьбьһе, у дьбәкә һәла һе дәрһәԛа Йаһоԝа Хԝәдейе ԝи жи тьштәки пебьһʹәсә. Дьԛәԝьмә әԝ жь рʹькʹьнийата Сәм йан Һам бу, йед кӧ Йаһоԝа дьһʹәбандьн, ләма жи дьбәкә жерʹа һʹәԝас бу дәрһәԛа дине кал-баве хԝә пебьһʹәсә.
ԝ99 1/7 30-31
Сәрледана кӧ Һатә Хәлаткьрьне
Чахе жьн-пʹадша Шәбайе биланийа Сьлеман у дәԝләмәндтийа ԝи дит, жь «мәтʹалбуне дәве ԝе вәкьри ма» (1 Пʹадшати 10:4, 5, ИМ). Һьнә мәрьв дьбежьн ԝәки әв те һʹәсабе кӧ жь әʹщебмайибуне әԝе нькарьбу «бина хԝә жи бькʹьшинә». Леколинкʹарәк һәла һе дьбежә кӧ дьԛәԝьмә жьн-пʹадша жь ве йәке хәрьԛи жи! Чь жи һәбу, жьн-пʹадша чь дит у бьһист, әԝ жь ве йәке зәндәгьрти ма. Әԝе гот кӧ мәщала хӧламед Сьлеман һәйә кӧ гӧһ бьдьнә биланийа пʹадша, у әԝе пәсьне Йаһоԝа да, кӧ Әԝи тʹәхте пʹадшатийе да Сьлеман. Паше әԝе пʹешкʹешед бьһа да пʹадше, тʹәне зерʹ һәрге бь баһе иройин һʹәсаб кьн, ԛаси 40 000 000 долари бу. Сьлеман жи гәләк пʹешкʹеш данә ԝе, «һәр тьштед кӧ хԝәст дайе» (1 Пʹадшати 10:6-13, ИМ).
it-2 990-991
Сьлеман
Чахе жьн-пʹадша Шәбайе рʹәԝш-рʹумәта пʹарьстгәһе у мала Сьлеман дит, у ӧса жи дит, кӧ чаԝа хԝарьн у вәхԝарьне датиньн сәр сьфьра, чʹәʹв кʹьнщхԝәкьрьна хӧламед ԝи кʹәт, у дит кӧ пʹарьстгәһеда чаԝа һәртʹьм ԛӧрбанед баш тенә дайине, «иди перʹа щан нәма». Ләма жи әԝе гот: «Ниве занйарийа тә жи мьнрʹа нәһатийә агаһи дайин [готьне] у тӧ жь нав у дәнге кӧ һатийә гӧһе мьн бьльндтьр и». Әԝе ӧса жи гот, кӧ хԝәзи ль хӧламед ԝи, ԝәки пʹадшаки ӧсарʹа хьзмәт дькьн. Чь кӧ әԝе дит, ле һелан кьр пәсьн у шькьри бьдә Йаһоԝа Хԝәде, йе кӧ һʹьзкьрьна хԝә Исраелирʹа да кʹьфше у Сьлеман кьрә пʹадша, ԝәки әԝ бь һәԛийе диԝана мәрьва бькә (1 Пʹд. 10:4-9; 2 Др. 9:3-8).
Хьзна Кʹьтеба Пироз
it-2 1097
Тʹәхт
Кʹьтеба Пирозда жь һʹәму пʹадшед Исраеле һур бь һур тʹәне дәрһәԛа тʹәхте пʹадшатийейә Сьлеман те гьликьрьне (1 Пʹд. 10:18-20; 2 Др. 9:17-19). Ча кʹьфш ә, тʹәхте ԝи ‹Әйԝана Тʹәхтда› һатьбу данине, әв авайики Оршәлимеда бу, йе кӧ сәр Чʹийайе Морийайе бу (1 Пʹд. 7:7, ИМ). Әв тʹәхт жь «дьранед фила» һатьбу чекьрьне у рʹуйе ԝе жь зерʹе хальс бу, мьлданкед ви һәбун, у пьшт ви жи пʹәрʹдәки гьловәр дардакьри бу. Рʹаст ә дьԛәԝьмә әв тʹәхт һʹәчʹи зәʹф жь дьранед фила һатьбу чекьрьне, ле ль гора методед авайед пʹарьстгәһе, тʹәхт дьбәкә жь дар һатьбу чекьрьне, рʹуйе ви зерʹкьри бу у бь дьранед фила хәмьланди бу. У гава мәрьв дина хԝә дьдане, те бежи әв бь тʹәмами жь зерʹ у дьранед фила бу. Паши ве йәке кӧ Кʹьтеба Пирозда дәрһәԛа шәш пʹепәлинга те готьне, әв ӧса дьбежә: «Ль һәр дӧ алийе щийед рʹуньштьне мьл һәбу у ль бәр мьла шер дьсәкьнин» (2 Др. 9:17-19). Әв йәк әʹщебмайи нинә, чьмки шер бь симболик һʹӧкӧме пʹадшатийе әʹйан дькьр (Дсп. 49:9, 10; Әʹнт. 5:5). Ча те кʹьфше әв 12 һәйкәлед шер, 12 бәрәкед Исраелева гьредайи бун, у дьԛәԝьмә бь симболик дьдане кʹьфше, кӧ әԝана бьн һʹӧкӧме пʹадшеда ньн, йе кӧ сәр тʹәхт рʹуньштийә, у пьштгьрийа ԝи дькьн. Ӧса жи бьнпʹикә жь зерʹ тʹәхтва бу. Ль гора гьликьрьна дәрһәԛа тʹәхте кӧ жь дьранед фила у зерʹ бу, пьшт кʹижани пʹәрʹдәки гьловәр дардакьри бу у шер пешбәри ви бун, нишан дькә ԝәки әв рʹәԝша хԝәва жь һʹәму тʹәхтед ԝи чахи четьр бу. Әв йәк ль гора леколинед археоложа, нәԛьшед сәр һәйкәлед бәре у ль гора ньвисара йә. Ләма жи ньвискʹаре кʹьтеба Дирок ӧса гот: «Ль ԛә тʹӧ ԝәлати тьштәки ӧса нә һатьбу чекьрьн» (2 Др. 9:19).
(2 Дирок 9:19) У ль һәр шәш пʹельки, ль һәр дӧ алийе ԝе, донздәһ шер дьсәкьнин; ль ԛә тʹӧ ԝәлати тьштәки ӧса нәһатьбу чекьрьн.
(Марԛос 7:17-32) Гава жь әʹлаләте ԛәтийа һатә мал, шагьртед ԝи мәʹна ԝе мәсәле же пьрсин. 18 Иса ль ԝан вәгәрʹанд у гот: «Һун һе нагьһижьнә гьлийа? Чьма һун фәʹм накьн, чь кӧ жь дәрва дькʹәвә нав-дьле мерьв, нькарә ԝи бьһʹәрʹьминә. 19 Чьмки әԝ нә кӧ дькʹәвьнә дьле ԝи, ле дьчьнә зьке ԝи у жь ԝьр жи дәртен дәрва». (Бь ви аԝайи Иса да кʹьфше, кӧ һʹәму хԝарьн жи һʹәлал ьн.) 20 У гот: «Әԝ тьштед кӧ жь дьле мерьв дәрдькʹәвьн, әԝ ԝи дьһʹәрʹьминьн. 21 Чьмки жь һьндӧрʹ, жь дьле мәрьв фькьред хьраб дәрдькʹәвьн: Ԛави, дьзи, кӧштьн, 22 зьнекʹари, тьмайи, хьраби, фелбази, толти, чʹәʹве хьраб, бӧхданбежи, кʹӧбари у беаԛьли. 23 Әв һʹәму тьштед хьраб жь дьл дәрдькʹәвьн у мерьв дьһʹәрʹьминьн». 24 Иса жь ԝе дәре рʹабу чу синоре Суре. Чу маләке у нәдьхԝәст кӧ кәсәк пе бьһʹәсийа, ле нькарьбу хԝә вәшарта. 25 Кʹӧлфәтәкә кӧ ԛизька ԝе рʹӧһʹе һʹәрамва гьрти бу, бона Иса пе һʹәсийа, ләз һат у хԝә авитә бәр ньгед ԝи. 26 Әԝ кʹӧлфәт йунан бу, әʹсьле хԝәда жи жь Финикйа Сурйайе бу. Ԝе лава жь Иса кьр, кӧ щьн жь ԛиза ԝе дәрхә. 27 Иса ԝерʹа гот: «Бьһелә бьра пешийе зарʹ тʹер бьн, чьмки нә рʹаст ә кӧ нан бәр зарʹа һьлдьн у бавежьнә бәр са». 28 Әԝе ль ԝи вәгәрʹанд у гот: «Бәле Хӧдан, нә сә жи ԝан һурькед бәр зарʹайә бьне сьфреда майи дьхԝьн?» 29 Һьнге ԝи кʹӧлфәтерʹа гот: «Бона хатьре ве готьна тә, тʹӧ дькари һәрʹи. Щьн жь ԛизька тә дәркʹәт». 30 Кʹӧлфәт чу мала хԝә, дина хԝә дайе, ԝе ԛизьк нав ньвинеда пʹалда йә у щьн жи же дәркʹәтийә. 31 Пәй ԝе йәкерʹа Иса жь синоре Суре дәркʹәт, нава Сайдерʹа дәрбаз бу, ԛәза Декаполисерʹа һатә гола Щәлиле. 32 Мәрьвәки кәрʹ у лал анинә щәм ԝи у лава же кьрьн кӧ дәсте хԝә дайнә сәр ԝи.
17-23 НИСАНЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | 2 ДИРОК 10-12
«Кʹара Ширәта Билан»
ԝ18.06 13 ¶3
Әԝи Дькарьбу Кʹәрәмед Хԝәде Бьстанда
Рʹәһобоԝам тʹәвһәвбу, у ньзаньбу чь бькьра. Һәрге әԝи хԝәстьна щьмәʹте бьанийа сери, әԝи малбәта хԝәва у йед кӧ ԛәсьра ԝида бун, дькарьбун һәбук у тьштед ԛимәт ӧнда кьрана. Алики дьнва жи, һәрге әԝи хԝәстьна ԝан пьшт гӧһе хԝәва бьавита, щьмәʹт ԝе мьԛабьли ԝи рʹабуйа. Ле гәло әԝи чь кьр? Әԝ пешийе чу бал ширәткʹаред баве хԝә, йед кӧ әʹмьрда мәзьн бун. Ле паше әԝ чу бал щаһьлед кӧ әʹмьрда ԛаси ԝи бун. Әԝи ширәтед ԝан щаһьла ԛәбул кьр, у сафи кьр ԝәки тʹәви щьмәʹте сәрт бә. Әԝи щаба ԝан ӧса да: «Баве мьн нире ԝә гьран кьр; ле бәле әзе бь сәр ԝева бьхьм; баве мьн ԝә бь ԛамчийан пʹәрԝәрдә кьр; ле бәле әзе ԝә бь тупьшканва пʹәрԝәрдә бькьм!» (2 Дир. 10:6-14).
ԝ01 1/9 28-29
Чаԝа Тӧ Дькари Сафикьрьнед Баш Бьки
Ӧса жи Йаһоԝа бьред щерʹьбанди щьватада кʹьфш кьрийә, тʹәви кʹижана әм дькарьн шеԝьра хԝә бькьн, гава мәрʹа лазьм бә сафикьрьнәкә фәрз бькьн (Әфәси 4:11, 12). Ле чахе ширәт дьхԝази, чʹәʹв нәдә ԝан кәса, йед кӧ бал щурʹә-щурʹә мәрьва ширәта дьхԝазьн, һʹәта кӧ ве ширәте бьбьһен, кʹижан кӧ дьле ԝан те, у паше жи пәй ве ширәте дьчьн. Әм гәрәке мәсәла Рʹәһобоԝам бира хԝәда хԝәй кьн. Чахе әԝи гәрәке сафикьрьнәкә фәрз бькьра, әԝи жь меред әʹмьрда мәзьн, йед кӧ тʹәви баве ԝи хьзмәт кьрьбун, ширәтәкә билан станд. Ле әԝи ширәта ԝан пьшт гӧһе хԝә авит у шеԝьра хԝә тʹәви кәсед щаһьл кьр, йед кӧ ԛаси ԝи бун. Әԝи шашикә мәзьн бәрʹда, кӧ гӧһ да ширәта ԝан щаһьла у рʹуйе ве йәкеда әԝи һʹәчʹи зәʹф пʹадшатийа хԝә ӧнда кьр (1 Пʹадшати 12:1-17).
Ширәта жь ԝан мәрьва бьхԝазьн, йед кӧ әʹмьрда щерʹьбанди нә, Кʹьтеба Пироз рʹьнд заньн, принсипед ве ԛимәт дькьн у әʹмьре хԝәда дьдьнә хәбате (Мәтʹәлок 1:5; 11:14; 13:20). Ԝәʹдә бьвиньн ԝәки сәр ԝан принсип у һʹәму информасийа кӧ ԝәрʹа һатийә дайине, кʹур дьшьрмиш бьн, кʹижан кӧ пьрса ԝәва гьредайи йә. Һәрге һун сәр һʹәму дәрәща, ль гора ньһерʹандьна Йаһоԝа бьньһерʹьн, сафикьрьна рʹаст ԝе бона ԝә дьһа зәла бә (Филипи 4:6, 7).
it-2 768 ¶1
Рʹәһобоԝам
Жь бо бабахи у берʹәʹмтийа Рʹәһобоԝам, һʹәчʹи зәʹф Исраели мьԛабьли ԝи рʹабун. Тʹәне бәрәкед Щьһуда у Бьнйамин пьштгьрийа мала Даԝьд кьрьн. Ӧса жи кʹаһин у Леԝийед жь һәрдӧ пʹадшатийа пьшта ԝи гьртьн у һьнә кәсед жь пʹадшатийа дәһ бәрәки (1 Пʹд. 12:16, 17; 2 Др. 10:16, 17; 11:13, 14, 16).
Хьзна Кʹьтеба Пироз
it-1 966-967
Щьнед Мина Бьзьна
Ча жь гьлийед Йешу 24:14 те кʹьфше, һʹәбандьна ԛәлп йа Мьсьрийа сәр Исраелийа һʹӧкӧм бу, гава әԝана ԝедәре дьжитьн. Ле Һәзәԛел нишан дькә, ԝәки ԝана хԝә ль әʹдәтед пʹутпʹарьста дьгьрт, һе гәләк ԝәхт паши дәркʹәтьна жь Мьсьре жи (Һз. 23:8, 21). Сәр һʹиме ве йәке зандар дьбежьн, ԝәки тʹәмийа Хԝәде кӧ әԝи бәрʹийеда дабу Исраелийа, ԛәдәхә дькьр ԝәки ԛӧрбана щьнарʹа биньн, йед кӧ мина бьзьна бун (Ԛн.Кʹһ. 17:1-7), у әԝ йәк кӧ Йәровам кʹаһин кʹьфш кьрьн бона хьзмәтийа ‹бьзьнед мина щьна у бона голькед кӧ әԝи чекьрьбун› (2 Др. 11:15), нишан дькә ԝәки Исраели хԝә ль щурʹәки һʹәбандьна бьзьнарʹа гьртьбун, йа кӧ Мьсьреда гәләк бәлабуйи бу, илаһи Мьсьра Жеринда. Ль гора гьлийед Һеродот (II, 46), бьн һʹӧкӧме Мьсьрийада, щәм Йунанийа баԝәри һьндава Пан у сатира пешда һат, хӧданед мешәйа йед бь тәме хьраб, кʹижана кӧ паше нәԛьш дькьрьн бь стьруйа, почʹ у ньгед бьзьна. Һьнәк дьбежьн ԝәки щурʹе ԝан хӧданед кӧ нивида мәри нивида һʹәйԝан бун, бу дәстпека ве йәке кӧ Шәйтʹан нәԛьш дькьрьн бь почʹ, стьру у сьма. Әԝ йәк ӧса жи нава Мәсиһийед ԛәлпда бәлабуйи бу, ԛьрʹна 5 һʹәта 10 Д.М..
Йәкә зәлал нинә кӧ әв хәбәра Ибрани (сеирим) «йед пʹьрчʹот» бь рʹасти чь те һʹәсабе. Һьнәк дьбежьн ԝәки әԝ те һʹәсабе бь рʹасти бьзьн йан жи пʹутед мина бьзьна. Ле әԝана ве йәке рʹастә-рʹаст нькарьн бежьн, чьмки рʹезед дьнда избаткьрьна ве йәке тʹӧнә йә. Дьбәкә әԝ хәбәр дьдә кʹьфше, ԝәки әԝед кӧ хӧданед ԛәлп дьһʹәбандьн, ԝан хӧдана һʹьше хԝәда ӧса дьданә бәр чʹәʹве хԝә, кӧ рʹува мина бьзьна бун йан жи пʹьрчʹот. Йан жи дьбәкә хәбәра «бьзьн» дьһатә хәбьтандьне ча нәфрʹәти һьндава һʹәму пʹута. Мәсәлә, хәбәра Ибрани, йа кӧ гәләк рʹезед Кʹьтеба Пирозда те хәбьтандьне һьндава пʹута, жь хәбәра кӧ те һʹәсабе «әʹдәбә» пешда те, ле йәкә әԝ найе һʹәсабе ԝәки пʹута бь рʹасти жь әʹдәбе чедькьрьн (Ԛн.Кʹһ. 26:30; Ԛн.Дщ. 29:17).
(2 Дирок 11:15) У бона щийед бьльнд у бона нерийа [бьзьна] у бона голькед кӧ чекьрьнә, хԝәрʹа кʹаһина данин.
(Марԛос 8:1-15) Ԝан рʹожада диса әʹлаләтәкә гьран щьвийа. Тьштәки ԝани хԝарьне тʹӧнәбу кӧ бьхԝарана, Иса гази шагьртед хԝә кьр у гот: 2 «Гӧне мьн ль ве әʹлаләте те. Әв се рʹож ә тʹәви мьн ә у тьштәки ԝани хԝарьне тʹӧнә. 3 Һәгәр әз ԝан бьрʹчи вәрʹекьмә малед ԝан, дьле ԝане рʹева хԝәва һәрʹә у жь ван һьнәк жи жь щийед дур һатьнә». 4 Шагьртед ԝи ле вәгәрʹандьн у готьн: «Ль ве бәрʹийе әме жь кʹӧ һаԛас нан дәст хьн, кӧ ве щьмәʹте тʹер кьн?» 5 Иса жь ԝан пьрси: «Чәнд нанед ԝә һәнә?» Ԝана гот: «Һʹәфт». 6 Һьнге әʹмьр кьр кӧ әʹлаләт сәр әʹрде рʹуне. Әԝи әԝ һʹәфт нан һьлдан шькьри да, әԝ кәркьрьн у паше данә шагьртед хԝә, кӧ дайньнә бәр әʹлаләте. Ԝана әԝ данинә бәр ԝан. 7 У чәнд мәʹсийед ԝанә бьчʹук жи һәбун. Иса бона ԝан жи шькьри да у гот: «Ван жи дайньнә бәр әʹлаләте». 8 Ԝана хԝар у тʹер бун. Паше һʹәфт зәмбил жь һурькед бәрмайи бәрәв кьрьн. 9 Әԝед кӧ хԝарьн, ԝәкә чар һʹәзар мәрьва бун. Гава кӧ Иса әԝ вәрʹекьрьн, 10 перʹа-перʹа тʹәви шагьртед хԝә кʹәтә ԛәйьке у чунә ԛәза Далманутайе. 11 Ферьси һатьн у дәстпекьрьн Исарʹа кʹәтьнә дәʹԝе. Әԝ дьщерʹьбандьн у жь ԝи нишанәк жь әʹзмен дьхԝәстьн. 12 Кʹур кʹәсәр һате у гот: «Чьма әва ньсьла ль нишанәке дьгәрʹә? Әз рʹаст ԝәрʹа дьбежьм кӧ ви ньсьлирʹа нишанәк найе дайине». 13 Ԝи әԝ һьштьн, диса кʹәтә ԛәйьке у дәрбази ԝи бәри голе бу. 14 Ижар шагьрта бир кьрьбу кӧ хԝәрʹа нан һьлдана. Ль щәм ԝан, ԛәйькеда пештьри нанәки тьштәки ԝани хԝарьне тʹӧнәбу. 15 Иса тʹәми да ԝан у гот: «Мьԛати хԝә бьн, һʹәвза хԝә жь һәвиртьрʹшке ферьсийа у ӧса жи йе Һеродәс бькьн».
24-30 НИСАНЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | 2 ДИРОК 13-16
«Итʹбарийа Хԝә Йаһоԝа Бинә—Чьчах?»
ԝ21.03 5 ¶12
Бьред Щаһьл – Һун Чаԝа Дькарьн Итʹбарийа Хушк-Бьра Ԛазанщ кьн?
12 Щаһьлтийа хԝәда, Аса Пʹадша йәки мьлук у мерхас бу. Мәсәлә, паши мьрьна баве хԝә Әбийа, гава Аса бу пʹадша, әԝи дәстпекьр пʹутпʹарьстийе кʹӧта кә. Ӧса жи, әԝи щьмәʹта Щьһударʹа гот кӧ бьра әԝана Йаһоԝа бьгәрʹьн у гӧһ бьдьн ԛанунед ԝи (2 Дирок 14:1-7). Гава Зәраһе Әтйопи тʹәви милйонәки әскәред хԝә кʹәтә ԝәлате Щьһуда, Аса Пʹадша жь Йаһоԝа аликʹари хԝәст. Әԝи фәʹм дькьр кӧ һәгәр Йаһоԝа али ԝан бькә, һәжмара ԝан ԛәт нә фәрз ә. Ләма Аса жь дьл баԝәр дькьр кӧ Йаһоԝа дькарә ԝи у мьләте ԝи хьлаз кә. Аса хԝә дьспарт Баве хԝәйи әʹзмани, у Әԝи дьжмьнед ԝи бьн дәст кьрьн (2 Дирок 14:8-12).
ԝ21.03 5 ¶13
Бьред Щаһьл – Һун Чаԝа Дькарьн Итʹбарийа Хушк-Бьра Ԛазанщ кьн?
13 Гава милйонәк әскәр мьԛабьли Аса Пʹадша дәркʹәтьн, әв йәк бь рʹасти жи проблемәкә мәзьн бу. Аса жь Йаһоԝа аликʹари хԝәст, у әв йәк сафикьрьнәкә баш бу. Ле сәд һʹәйф кӧ гава проблемәкә бьчʹук пешда һат, Аса жь Йаһоԝа аликʹари нәхԝәст. Ԝәхта кӧ пʹадше Исраел Бааша дьхԝәст һʹьщуми Щьһуда бькә, Аса жь пʹадше Сурйайе аликʹари хԝәст. Ахьрийа ве сафикьрьне гәләк хьраб бу. Йаһоԝа бь сайа Һанани пʹехәмбәр Асарʹа ӧса гот: «Мадәм кӧ тә хԝә сьпарт ԛьрале [пʹадше] Сурийе у тә хԝә нәсьпарт Хԝәдайе хԝә Хӧдан, ләма артеша ԛьрале Сурийе жь дәсте тәва рʹәвийа у хьлаз бу». Жь ԝе дәме, Аса Пʹадша мәщбур бу кӧ тʹьме шәрʹ бькә (2 Дирок 16:7, 9; 1 Пʹадшати 15:32). Жь сәрһатийа ԝи әм чь һин дьбьн?
ԝ21.03 6 ¶14
Бьред Щаһьл – Һун Чаԝа Дькарьн Итʹбарийа Хушк-Бьра Ԛазанщ кьн?
14 Мьлук бьминә у тʹьме хԝә бьсперә Йаһоԝа. Ԝәхта кӧ тӧ һати ньхӧмандьне, тә баԝәрикә мәзьн әʹйан дькьр у тә хԝә дьспарт Йаһоԝа. У Йаһоԝа тӧ дь малбәта хԝәда ԛәбул кьри. Ньһа жи гәләк фәрз ә кӧ тӧ бәрдәԝам ки хԝә бьспери ԝи. Гава тӧ сафикьрьнед гәләк фәрз дьки, һьлбәт һеса йә кӧ тӧ баԝәрийа хԝә Йаһоԝа бини. Ле гава тӧ сафикьрьнед һәррʹожи дьки, тӧ һьнге жи рʹебәрийа Йаһоԝа дьгәрʹи? Мәсәлә, гава тӧ хԝәрʹа хәбатәки дьгәрʹи, ԝәʹдәдәрбазкьрьне дьжбери йан жь хԝәрʹа нета датини, тʹӧ щар хԝә нәсперә аԛьле хԝә. Принсипед Кʹьтеба Пироз бьгәрʹә, йед кӧ ԝе али тә бькьн ԝәки тӧ сафикьрьнед рʹаст бьки, у пәй ԝан принсипа һәрʹә (Мәтʹәлок 3:5, 6). Һәгәр тӧ ӧса бьки, тӧйе дьле Йаһоԝа ша бьки у бона хушк-бьра бьби мәсәла баш (1 Тимотʹейо 4:12 бьхунә).
Хьзна Кʹьтеба Пироз
Бь Һʹәмуйа Дьле Хԝә Йаһоԝарʹа Хьзмәт кьн
7 Һәр кәс жь мә дькарә хԝә бьщерʹьбинә, һәла дьле мә бь тʹәмами Йаһоԝарʹа амьн ә йан на. Мәсәлә, пьрсед ӧса бьдьнә хԝә: «Гәло әз тʹьме гӧрʹа Йаһоԝа дькьм? Гәло әз чь дькьм сәва һʹәбандьна рʹаст у рʹӧһʹанийа щьвате тʹәмьз хԝәй кьм?» Бьфькьрьн дәрһәԛа сәрһатийа Аса. Әԝи мерхасийа гәләк мәзьн да кʹьфше чахе мьԛабьли пирька хԝә Маака дәркʹәт, йа кӧ дийа пʹадша бу! Щара дьбәкә тӧ жи мина Аса рʹасти дәрәщед ӧса бейи кӧ тәрʹа мерхаси лазьм бе. Мәсәлә, бьдә бәр чʹәʹве хԝә, мәрьве тәйи незик йан жи һәвале тә гӧнә кьрийә, ле гӧне хԝә найнә рʹуйе хԝә у гәрәке жь щьвате бе дәрхьстьне. Тӧйе чь бьки, гәло тӧйе диса тʹәви ԝи мәрьви һәвалтийе бьки? Гәло һьнге дьле тә ԝе тә бәрбь чь һелан кә?
(2 Дирок 15:16) У Маакайа дайька ԛьрал [пʹадша] Аса жи жь ԛьраличәтийе рʹакьр, жь бәр бона Ашәра пʹутәки мәкруһ [һʹәрам] чекьрьбу у Аса пʹуте ԝе жекьр у кьр тʹоз у нәԝала Кидронеда ԝе шәԝьтанд.
(Марԛос 8:16-32) Ле әԝана нав һәвда хәбәр дьдан у дьготьн: «Нане мә тʹӧнә, ләма аһа дьбежә». 17 Исава әʹйан бу кӧ әԝ чь дьбежьн у ԝанрʹа гот: «Һун чьма нав һәвда хәбәр дьдьн, кӧ нане ԝә тʹӧнә? Һәла һе һун фәʹм накьн? У сәре ԝәда рʹунани, һәла һе нагьһижьнә гьлийа? 18 Чʹәʹве ԝә һәнә, һун набиньн? Гӧһе ԝә һәнә, һун набьһен? Чаԝа найе бира ԝә, 19 чахе мьн пенщ нан бона пенщ һʹәзар мәрьва кәркьрьн? Ԝә жь һурькед бәрмайа чәнд сәләйед тʹьжи бәрәв кьрьн?» Ԝан ле вәгәрʹанд у готьн: «Донздәһ». 20 «У гава мьн һʹәфт нан бона чар һʹәзар мәрьва кәркьрьн, ԝә чәнд зәмбилед тʹьжи бәрмайи бәрәв кьрьн?» Ԝан гот: «Һʹәфт». 21 Иса ԝанрʹа гот: «Ле чьма һун һе фәʹм накьн?» 22 У әԝ һатьнә Бәйтсайдайе. Һьнәка мәрьвәки кор ани щәм Иса у лава же кьрьн, кӧ дәсте хԝә дайнә сәр ԝи. 23 Әԝи жи дәсте мәрьве кор гьрт, жь гӧнд дәрхьстә дәр, чʹәʹвед ԝи бь тʹука хԝә шьл кьрьн у дәстед хԝә данинә сәр ԝи, пьрси: «Тӧ тьштәки дьбини?» 24 Әԝи жи ль жоре ньһерʹи у гот: «Әз мәрьва дьбиньм, ле мина дара нә, кӧ дьгәрʹьн». 25 Диса Иса дәстед хԝә данинә сәр чʹәʹвед ԝи, мәрьв зурʹ бу ньһерʹи у чʹәʹвед ԝи вәбун, һәр тьшт зәлал дит. 26 Иса әԝ шандә мала ԝи у жерʹа гот: «Нәкʹәвә нава гӧнд». 27 Иса тʹәви шагьртед хԝә чу гӧндед Ԛәйсәрийа Филипойе у рʹеда жь шагьртед хԝә пьрси: «Бь тʹәхмина мәрьва әз кʹи мә?» 28 Ԝан ле вәгәрʹанд у готьн: «Һьнәк дьбежьн Йуһʹәннайе ньхӧмдар ә, һьнәкед дьн дьбежьн Елйас ә, һьнәкед майин жи дьбежьн йәк жь пʹехәмбәра йә». 29 Иса жь ԝан пьрси: «Ле һун чь дьбежьн? Бь тʹәхмина ԝә әз кʹи мә?» Пәтрус ле вәгәрʹанд у готе: «Тʹӧ Мәсиһ и». 30 Әԝи тʹәми ль ԝан кьр, кӧ дәрһәԛа ԝида кәсирʹа тьштәки нәбежьн. 31 Пәй ве йәкерʹа Иса дәстпекьр шагьртед хԝә һин кьр, кӧ гәрәке Кӧрʹе Инсан гәләки щәфе бькʹьшинә, жь алийе рʹуспийа, сәрәкед кʹаһина у ԛанунзанада бе тʹәхсиркьрьне у кӧштьне, ле рʹожа сьсийа жь мьрьне рʹабә. 32 Әԝи әв йәк зәлал гот. Һьнге Пәтрус әԝ да алики у ле һьлат.