Кани бона Бәрнама Щьвине, Бьжин у Хьзмәт кьн
© 2023 Watch Tower Bible and Tract Society of Pennsylvania
3-9 ТИРМӘҺЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ӘЗРА 4-6
«Дәст Нәдьн Кʹаре Мала Хԝәде»
Жь Хәԝн-Хәйала Зәкәрйа Мерхасийе Бьстинә
13 Шьхӧле авакьрьна пʹарьстгәһе чьԛас һатьбу ԛәдәхәкьрьне жи, кәсед щабдар, демәк Йешуйе Сәрәккʹаһин у Зәрубабәл Ԝәли, «жь нува дәст бь авакьрьна Мала Хԝәде йа ль Оршәлиме кьр» (Әзра 5:1, 2, ИМ). Һьнә Щьһу дьԛәԝьмә дьфькьрин кӧ сафикьрьна ԝан сафикьрьна хьраб ә. Дьжмьна ԝе бьдитана кӧ әԝана чаԝа пʹарьстгәһе ава дькьн, у ԝе чь жь дәсте ԝана бьһата бькьрана, ԝәки рʹийа ԝан бьгьрьн. Ләма жи Йешу у Зәрубабәлрʹа нишанәк лазьм бу кӧ Йаһоԝа бь рʹасти пьшта ԝан дьгьрә, у нишанәкә ӧса бь рʹасти жи һатә дайине. Гәло чаԝа?
w86 1/2 29, чаргошә ¶2-3
«Чʹәʹве Хԝәдайе Ԝан ль Сәр Рʹуспийед Щьһуйа бу»
Чахе Щьһу жь Бабилоне вәгәрʹийан, ԝәкә 16 сала ԝана тьштәки нәдькьр. Һагай у Зәкәрйа пʹехәмбәр щьмәʹте һелан кьрьн, ԝәки әԝана тʹәзәкьрьна пʹарьстгәһа Йаһоԝа бәрдәԝам кьн. Ле һьнә ԝәхт шунда, сәрокед Фарьса рʹийа ԝан гьртьн, ԝәки әԝана әви шьхӧли бәрдәԝам нәкьн. Ԝана дьгот: «Кʹе фәрмана авакьрьна ве Мале у ԛәдандьна авайе да ԝә?» (Әзра 5:1-3, ИМ).
Щаба ве пьрсева гәләк тьшт гьредайи бу. Һәрге рʹуспи бьтьрсийана, тʹәзәкьрьна пʹарьстгәһе ԝе дәрберʹа бьһата сәкьнандьне. У һәрге ԝана сәрт щаба ԝан сәрока бьда, жь бо ԝе йәке жи шьхӧле ԝан дькарьбу бьһата сәкьнандьне. Ләма жи рʹуспийа (бьн рʹебәрийа Зәрубабәл Ԝәли у Йешу Сәрәккʹаһинда) шеԝьра хԝә кьрьн у щабәкә баш һазьр кьрьн. Ԝана дәрһәԛа фәрмана Корәш Пʹадша кьрә бира ԝан сәрока, бь сайа кʹижани Щьһуйа изьн стандьбун, кӧ шьхӧле тʹәзәкьрьна пʹарьстгәһе дәстпекьн. Сәрока заньбун кӧ политика Фарьси тʹӧ щар ԛануне нагӧһезә, ләма жи ԝана сәрԝахти данә кʹьфше у мьԛабьли фәрмана пʹадше дәрнәкʹәтьн. Жь бо ве йәке, шьхӧле авакьрьна пʹарьстгәһе бәрдәԝам дьбу, һʹәта кӧ Дарйус Пʹадша изьна фәрми да, кӧ әԝ шьхӧл бәрдәԝам бә (Әзра 5:11-17; 6:6-12).
Жь Хәԝн-Хәйала Зәкәрйа Мерхасийе Бьстинә
7 Ԝәʹдә шунда проблема ԝан сафи бу. Сала 520 Б.Д.М., пʹадшаки тʹәзә, Дарйус I, сәр Фарьсе һʹӧкӧм дькьр. Сала дӧда йа һʹӧкӧмдарийа хԝәда, әԝи дит кӧ ԛәдәхәкьрьна авакьрьна пʹарьстгәһе беԛануни йә. Ләма жи Дарйус изьн да, ԝәки шьхӧле авакьрьне бәрдәԝам бә (Әзра 6:1-3). Сәрда жи, пʹадша тʹәми да мьләтед дәр-дор, ԝәки рʹийа шьхӧле авакьрьне нәгьрьн у пе пʹәра у тьштед бона авакьрьне кʹомәке бьдьнә ԝан (Әзра 6:7-12). У Щьһуйа шьхӧле авакьрьна пʹарьстгәһе ԝәкә чар салада хьлаз кьрьн, демәк сала 515 Б.Д.М.-да (Әзра 6:15).
Жь Хәԝн-Хәйала Зәкәрйа Мерхасийе Бьстинә
16 Ӧса жи, Йаһоԝа бь сайа «хӧламе амьн у сәрԝахт» рʹебәрийе дьдә мә (Мәтта 24:45). Щарна дьбәкә әм рʹьнд фәʹм нәкьн кӧ чьрʹа «хӧламе амьн» фьлан рʹебәри дайә. Мәсәлә, дьбәкә мәрʹа бе готьне кӧ гәрәке әм хԝә бона тʹәшԛәләкә тʹәбийәте һазьр кьн, ле әм дьбәкә дьфькьрьн кӧ тьштәки ӧса ԝәлате мәда нькарә бьԛәԝьмә. Йан жи дьԛәԝьмә әм дьфькьрьн кӧ «хӧламе амьн» дәрһәԛа пандәмийәке бь зедәйи фәсал ә у хәмгин дьбә. Һәгәр әм бьфькьрьн ԝәки рʹебәрийа кӧ әм дьстиньн, бадиһәԝа йә, ԝе баш бә әм чь бькьн? Һʹаләки ӧсада, ԝе баш бә кӧ әм биньн бира хԝә ԝәки Исраелийа жь гӧһдайина рʹебәрийа Йешу у Зәрубабәл чаԝа кʹар станд. Щарна, рʹебәрийа кӧ хьзмәткʹаред Хԝәде дьстандьн серида бекер дьһатә кʹьфше, ле паше әшкәрә дьбу кӧ бь сайа ве рʹебәрийе әʹмьре мәрьва хьлаз дьбу (Һʹакьмти 7:7; 8:10).
Хьзна Кʹьтеба Пироз
w93 15/6 32 ¶3-5
Гәло Тӧ Дькари Итʹбарийа Хԝә Кʹьтеба Пироз Бини? Әв ԛӧрʹуш шәһәре Тарсуседа һатьбу чекьрьне, кʹижан кӧ ньһа сәр әʹрде Тʹьркйайе, алийе башур-рʹоһьлате йә. Әв ԛӧрʹуш ԛьрʹна чара Б.Д.М.-да һатьбу чекьрьне, һена сәрԝертийа ԝәлийе Фарьса бь наве Мазеус. Сәр ве ԛӧрʹуше һатьбу ньвисаре кӧ әԝ, ԝәлийе «алийе дьни чʹәм ә», демәк алийе Чʹәме Фәратейә дьн бу. Ле әв йәк чьрʹа дина мә дькʹьшинә сәр хԝә?
Әʹщебмайи йә кӧ дәрһәԛа ве йәке тӧ дькари Кʹьтеба Пирозда жи бьвини, йа кӧ щәм тә һәйә. Әзра сәре 5:6 һʹәта сәре 6:13 бәʹса ньвисандьна хәбәрдана ортʹа Дарйус пʹадша у Таттәнай, ԝәлийе «алийе дьни чʹәм» дькә. Хәбәрдан дәрһәԛа ве йәке дьчу, кӧ Щьһу гәрәке Оршәлимеда пʹарьстгәһе ава кьн. Әзра бәргьрәки һостә бу, йе кӧ Ԛануна Хԝәде копи дькьр. Әм баԝәр ьн кӧ әԝи һәр тьшт рʹаст у зәлал ньвиси йә. Әзра сәре 5:6 у сәре 6:13-да тӧ дькари бьхуни кӧ әԝи дәрһәԛа Таттәнай гот, ԝәки әԝ «ԝәлийе алийе дьни чʹәм ә».
Әзра дәрһәԛа ве йәке незики сала 460 Б.Д.М. ньвиси, ԝәкә 100 сал пешийа ве йәке, гава әв ԛӧрʹуш һатә чекьрьне. Рʹаст ә һьнә мәрьв дькарьн бьфькьрьн, ԝәки бәʹскьрьна ԛӧльхе кәсәки, йе кӧ бәре дьжит, тьштәки ӧса фәрз нинә, ле һәрге тӧ ван тьштед һурда жи итʹбарийа хԝә ньвискʹаред Кʹьтеба Пироз бини, һәмьки тӧйе итʹбарийа хԝә һʹәму тьшти бини, чь кӧ ԝана ньвисийә.
(Әзра 6:13) Ԝе гаве ԝәлийе алийе дьни чʹәм Таттәнай, Шәтар-Бозәнай у һәвалед ԝан, жь бәр кӧ ԛьрал Дарйус шандийә, һәма ль гор ԝе кьрьн.
(Марԛос 12:15-30) Ле дӧрʹутийа ԝан кӧ Исава әʹйан бу гот: «Чьма һун мьн дьщерʹьбиньн? Мьнрʹа зивәки биньн кӧ әз бьбиньм». 16 Ԝана жерʹа зивәк ани. Әԝи жь ԝан пьрси: «Әв ньвисар у сьфәт йед кʹе нә?» Ԝана гот: «Йед Ԛәйсәр ьн». 17 Иса ԝанрʹа гот: «Ԝәки ӧса йә, чь кӧ йед Ԛәйсәр ьн бьдьнә Ԛәйсәр у чь кӧ йед Хԝәде нә бьдьнә Хԝәде». У сәр ԝи әʹщебмайи ман. 18 Һьнәк садуԛийед кӧ дьготьн мьри рʹанабьн, һатьнә щәм Иса у же пьрсин: 19 «Дәрсдар! Муса мәрʹа ньвисийә: ‹Һәгәр бьре йәки безӧрʹәт бьмьрә у жьне стухар бьһелә, бьра бьре ԝи жьна ԝи бьстинә у ԝаре бьре хԝә шин кә›. 20 Аԝа һʹәфт бьра һәбун. Бьре мәзьн жьнәк станд, безӧрʹәт мьр. 21 Бьчʹуке ԝи әԝ жьн станд, әԝ жи безӧрʹәт мьр, ӧса жи һатә сәре йе сьсийа. 22 Хӧләсә ван һәр һʹәфт бьра жи әԝ жьн станд у безӧрʹәт мьрьн, пәй ԝанрʹа жи әԝ жьн мьр. 23 Дә ижар ԝе Рʹожа Рʹабуне, гава мьри рʹабьн, әва жьна ԝе кʹижан бьрайирʹа бькʹәвә? Чьмки һәр һʹәфта жи әԝа стандьбу». 24 Иса ль ԝан вәгәрʹанд у гот: «Нә һун жь дәст ве йәке хальфи нә, кӧ нә ньвисара заньн, нә жи ԛәԝата Хԝәде? 25 Гава йед мьри жь мьрьне рʹабьн, ԝе нә бьзәԝьщьн у нә жи мер кьн, чьмки әԝе мина мьлйакʹәтед әʹзмана бьн. 26 Ле дәрһәԛа рʹабуна мьрийада, чьма ԝә Кʹьтеба Мусада нәхԝәндийә сәрһатийа дара дьрʹийеда кӧ чаԝа Хԝәде Мусарʹа дьбежә: ‹Әз Хԝәдейе Бьраһим, Хԝәдейе Исһаԛ у Хԝәдейе Аԛуб ьм›? 27 Әԝ нә Хԝәдейе мьрийа йә, ле Хԝәдейе зендийа йә. Рʹасти жи һун лап хальфи нә!» 28 Ԛанунзанәки кӧ шәрʹ-дәʹԝе ԝан бьһист у дина хԝә жи дайе, кӧ Иса чаԝа ԛәнщ щаба ԝан да, незики Иса бу у же пьрси: «Кʹижан тʹәми сәр һʹәму тʹәмийарʹа йә?» 29 Иса ле вәгәрʹанд: «Әв ә тʹәмийа сәр тʹәмийарʹа: ‹Бьбьһе, Исраел! Хӧдан Хԝәдейе мә Хӧданәк ә. 30 Хӧдан Хԝәдейе хԝә һʹьз бькә, бь тʹәмамийа дьле хԝә, бь тʹәмамийа щанийа хԝә, бь тʹәмамийа һʹьше хԝә у бь тʹәмамийа ԛәԝата хԝә›.
10-16 ТИРМӘҺЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ӘЗРА 7-8
«Әзра бь Рʹабун-Рʹуньштьна Хԝә Йаһоԝа Рʹумәт Дькьр»
w00 1/10 14 ¶8
Һинбуна Керһати у Һʹәԝас
8 Бәле, һʹьзкьрьна мә һьндава Хәбәра Хԝәде гәрәке жь дьл бә. Чахе әм пʹарәкә жь Кʹьтеба Пироз дьхуньн, әм гәрәке сәр бьфькьрьн у жь ве йәке ләзәте бьстиньн. Әм гәрәке сәр фькьред рʹӧһʹанийә кʹур, рʹьнд дьшьрмиш бьн. Сәва ве йәке, әм гәрәке рʹьһʹәт бьфькьрьн у дӧа бькьн. Әм гәрәке мина Әзра, дьле хԝә бона хԝәндьн у һинкьрьна Хәбәра Хԝәде һазьр кьн. Дәрһәԛа ԝи ӧса һатийә ньвисаре: «Чьмки Әзра дьле хԝә дабу сәр һинбун у пеканина Шәриәта [Ԛануна] Хӧдан у ль Исраеле һинкьрьна ԛанун у рʹебаза» (Әзра 7:10, ИМ). Дина хԝә бьдьне, кӧ Әзра бона чь дьле хԝә һазьр дькьр. Әԝи леколин дькьр, чь кӧ педьһʹәсийа дьани сери у мәрьва һин дькьр. Әм гәрәке чʹәʹв бьдьнә ԝи.
si 75 ¶5
Кʹьтебәкә жь Кʹьтеба Пироз Номера 13—1 Дирок
5 Тʹӧ кәс мина Әзра нькарьбу ӧса рʹаст у зәлал дәрһәԛа тʹәрихийе бьньвисә. «Чьмки Әзра дьле хԝә дабу сәр һинбун у пеканина Шәриәта [Ԛануна] Хӧдан у ль Исраеле һинкьрьна ԛанун у рʹебаза» (Әзра 7:10, ИМ). Йаһоԝа бь сайа рʹӧһʹе хԝәйи пироз али ԝи дькьр. Чахе пʹадше Фарьса, сәрԝере империйа һʹәмдьнйайе дит, кӧ биланийа Әзра жь Хԝәде йә, әԝи щабдарийед гәләк мәзьн, һәрема Щьһудайеда, да ԝи (Әзра 7:12-26). Чахе пʹадша һʹӧкӧм да Әзра, у Йаһоԝа пьштгьрийа ԝи кьр, у һʹәму ньвисаред тʹәрихийейә рʹаст, йед ԝи чахи, бәр дәстед Әзра бун, һьнге әԝи ида дькарьбу дирок бьньвисә, демәк дәрһәԛа тʹәрихийе һәр тьшт рʹаст бьньвисә.
it-1 1158 ¶4
Мьлукти
Али Дькә ԝәки Рʹебәрийа Рʹаст Бьстиньн. Мәрьве кӧ хԝә бәр Хԝәде ньмьз дькә, дькарә баԝәр бә кӧ Хԝәде ԝе рʹебәрийа ԝи бькә. Щабдарикә гәләк мәзьн стуйе Әзрада бу, әԝ гәрәке бьбуйа рʹебәре щьмәʹта Исраеле, гава әԝана жь дилтийа Бабилоне вәдьгәрʹийанә Оршәлиме. Әв һәбун 1 500 мер, хенщи кʹаһин, Нәтʹиним, жьн у зарʹа. Ԝана тʹәви хԝә гәләк зерʹ-зив һьлдабун, сәва кӧ пʹарьстгәһе бьхәмьлиньн. Ләма жи лазьм бу кӧ рʹева кәсәк ԝана хԝәй кә, ле Әзра нәдьхԝәст жь пʹадше Фарьса нобәдара бьхԝазә, ԝәки ӧса нәйе кʹьфше, кӧ әԝ гӧмана хԝә дьдә сәр мәрьва. Хенщи ве йәке һе пешда, әԝи пʹадшерʹа гот: «Дәсте Хԝәдайе мә, жь бо ԛәнщийе ль сәр һʹәму кәсан ә кӧ ле дьгәрʹьн». Ләма жи Әзра гот, ԝәки щьмәʹт рʹожи бьгьрә у хԝә бәр Хԝәде ньмьз кә. Ԝана жь Хԝәде лава дькьр, ԝәки әԝ рʹева ԝана жь һʹәму ԛәзийа хԝәй кә. Хԝәде дӧайе ԝан бьһист у ԝана жь дьжмьна хԝәй кьр у әԝана сах-сьламәт гьһиштьнә Оршәлиме (Әз. 8:1-14, 21-32, ИМ). Чахе Данийел пʹехәмбәр дилтийа Бабилонеда бу, әԝи хԝә бәр Хԝәде ньмьз кьр у рʹебәрийа ԝи дьгәрʹийа. Ләма жи Йаһоԝа рʹәʹма хԝә ԝирʹа да кʹьфше у мәләк бь хәԝн-хәйаләке шандә щәм ԝи (Дн. 10:12).
Хьзна Кʹьтеба Пироз
w06 15/1 19 ¶10
Фькьред Сәрәкә жь Кʹьтеба Әзра
7:28–8:20—Чьрʹа гәләк щьһу нәхԝәстьн тʹәви Әзра вәгәрʹьн Оршәлиме? Рʹаст ә ида 60 сал зедәтьр дәрбаз бьбу, кӧ пʹарәкә Щьһуйа жь дилтийе вәгәрʹийабун сәр әʹрде хԝә, диса жи Оршәлим бь тʹәмами тʹьжә нәбьбу. Сәва Щьһуйа вәгәрʹьн Оршәлиме дьһатә һʹәсабе әʹмьрәки тʹәзә дәстпекьн у рʹасти чәтьнайа у гәләк тьштед хоф бен. Оршәлимеда алийе комфорт у материалида жийинәкә ӧса тʹӧнә бу, чаԝа Бабилонеда щәм һьнәка һәбу. Хенщи ве йәке, рʹийа һʹәта Оршәлиме жи гәләк хоф бу. Ԝан Щьһуйарʹа кӧ сафи кьрьбун вәгәрʹьн Оршәлиме, баԝәрикә ԛәԝи һьндава Йаһоԝа лазьм бу у хирәтәкә мәзьн һьндава һʹәбандьна тʹәмьз, у ӧса жи мерхаси лазьм бу, сәва кӧ бькʹәвьнә рʹекә ӧса хоф. Һәла һе Әзра жи һʹәԝще пьштгьрийа Йаһоԝа бу, у чахе Йаһоԝа али ԝи кьр, әԝи мерхасикә мәзьн станд. Гава щьмәʹт мерхасийа ԝи дит, 1 500 малбәт, демәк ԝәкә 6 000 мәрьв һелан бун, кӧ тʹәви ԝи һәрʹьн. Паше Әзра хәм кьр, ԝәки 38 Леԝи у 220 Нәтʹиним жи тʹәви ԝан һәрʹьн.
(Әзра 8:1) У сәрокед мала бапира вана нә у дәма ԛьраләтийа ԛьрал Артаһшашта навниша йед кӧ тʹәви мьн жь Бабиле дәркʹәтьнә әв ә:
(Марԛос 12:31-44) Йа дӧда жи әв ә: ‹Һәвале хԝә ԝәкә хԝә һʹьз бькә›. Жь ван мәстьр тʹӧ тʹәми тʹӧнә». 32 Ижар ԛанунзан ԝирʹа гот: «Рʹаст ә, Дәрсдар! Тә рʹаст гот, кӧ Хӧдан йәк ә у жь ԝи пештьр йәки майин тʹӧнә. 33 У бь тʹәмамийа дьл, бь тʹәмамийа аԛьл, бь тʹәмамийа ԛәԝате Хԝәде һʹьзкьрьн у һәвале хԝә жи ԝәкә хԝә һʹьзкьрьн сәр һәр ԛӧрбанед шәԝьтандьне у ԛӧрбанед майинрʹа йә». 34 Иса дина хԝә дайе, кӧ ԝи бь аԛьли щаба хԝә да, жерʹа гот: «Тӧ жь Пʹадшатийа Хԝәде нә дур и». Пәй ве йәкерʹа, иди тʹӧ кәси нәԝерьбу тьштәк жь ԝи бьпьрсийа. 35 Гава кӧ Иса пʹарьстгәһеда һин дькьр, гот: «Ԛанунзан чаԝа дьбежьн кӧ Мәсиһ кӧрʹе Даԝьд ә? 36 Нә Даԝьд хԝәха пе Рʹӧһʹе Пироз дьбежә? ‹Хӧдан готә Хӧдане мьн: Ль мьле мьни рʹасте рʹуне, һʹәта кӧ әз дьжмьнед тә бькьмә бьне пʹийед тә›. 37 Аԝа Даԝьд хԝәха кӧ ԝи Хӧдан һʹәсаб дькә, иди әԝ чаԝа дьбә кӧрʹе Даԝьд?» Ԝе әʹлаләта гьран бь дьл у әшԛ гӧһдарийа Иса дькьр. 38 Һинкьрьна хԝәда әԝи дьгот: «Һʹәвза хԝә жь ԝан ԛанунзана бькьн, йед кӧ һʹьз дькьн бь чӧхед дьреж бьгәрʹьн, базарада сьлаве бьдьнә ԝан, 39 кʹьништада кʹӧрсийед пешьн бьгьрьн у шайийада жи һәрәма жорьн рʹунен. 40 Әвана аликива малед жьнәбийа һʹуфи хԝә дькьн, алийе дьнва жи бь дӧрʹути дӧайе хԝә дьреж дькьн. Диԝана ԝане һе гьран бә». 41 Иса ль пешбәри пʹәрәданга пʹарьстгәһе рʹуньшт у дина хԝә дайе, кӧ әʹлаләте чаԝа пʹәрә давитьнә пʹәрәданге. Гәләк дәԝләтийа гәләк авитьне. 42 Жьнәбикә бәләнгаз жи һат у дӧ пол, кӧ дькьрә ԛӧрʹушәк, авите. 43 Иса шагьртед хԝә гази щәм хԝә кьрьн у ԝанрʹа гот: «Әз рʹаст ԝәрʹа дьбежьм, кӧ әве жьнәбийа бәләнгаз жь ван һʹәмуйа зәʹфтьр авитә пʹәрәданге, 44 Ван һʹәмуйа жь зедәйа һәбука хԝә авитьне. Ле әве ве бәләнгазийа хԝәда чи ԝе һәбу кӧ пе әʹбуре хԝә бькьра һʹәму авите».
17-23 ТИРМӘҺЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ӘЗРА 9-10
«Ахьрийа Хьраб жь бо Нәгӧһдарикьрьне»
w06 15/1 20 ¶1
Фькьред Сәрәкә жь Кʹьтеба Әзра
9:1, 2—Чьԛаси хоф бу зәԝащ тʹәви щьмәʹтед дьн? Щьмәʹта кӧ жь дилтийе вәгәрʹийа, гәрәке һʹәта һатьна Мәсиһ, тʹәмьзайа һʹәбандьна рʹаст хԝәй кьрана. Зәԝащ тʹәви щьмәʹтед дьн гәләк хоф бу сәва әԝед кӧ хԝә ль һʹәбандьна рʹаст дьгьртьн. Жь бо ԝе йәке, кӧ һьнәка нә жь щьмәʹта Исраели хԝәрʹа жьн һьлданә, әԝана һеди-һеди дькарьбун тʹәви пʹутпʹарьста бьбуна йәк у һьн жи һини әʹйд-ԛәйдед ԝан буна. Һьнге Мәсиһ ԝе бьһата щәм кʹе? Бешьк, Әзра гәләк дьлтәнг дьбу жь бо ԝе йәке, чахе дьдит ԝәки чь дьԛәԝьми.
w09 1/10 10 ¶6
Гәло Йаһоԝа Чь жь Мә Дьхԝазә?
Гӧһдарикьрьна бь һазьрбуне, те кʹәрәмкьрьне. Муса гот: «Әʹмьр у ԛәйдә-ԛанунед Хӧдан хԝәйи ки, кʹижан кӧ әз ньһа бона ԛәнщийа тә ль тә әʹмьр дькьм» (Рʹеза 13). Бәле, һәр ԛанунед Йаһоԝа у әԝ чь кӧ әԝ жь мә дьхԝазә, бона кʹара мә нә. Кʹьтеба Пирозда те готьне, кӧ «Хԝәде һʹьзкьрьн ә» (1 Йуһʹәнна 4:8). Ләма жи әԝи ԛанунед ӧса данә мә, йед кӧ ԝе һʹәта-һʹәтайе мә бәхтәԝар кьн (Ишайа 48:17). Һәрге әм ида ньһа ԝан тьшта бькьн, чь кӧ Йаһоԝа жь мә дәʹԝа дькә, ԝи чахи әме жь дьлшкәстибуне бенә хԝәйкьрьне, у бьн сәрԝертийа Пʹадшатийа Хԝәде жийинәкә баш бьстиньн.
Хьзна Кʹьтеба Пироз
w06 15/1 20 ¶2
Фькьред Сәрәкә жь Кʹьтеба Әзра
10:3, 44—Чьма зарʹ тʹәви кʹӧлфәта, жь Исраеле һатьбун бәрʹдане? Һәрге зарʹ ԝедәре бьмана, дайик дькарьбун пашда вәгәрʹийана щәм зарʹед хԝә. Һьм жи зарʹед бьчʹук һʹәԝщә нә, ԝәки дайик бона ԝан хәм бькьн.
(Әзра 10:44, ДТʹ) Һәр кәс жь ԝан жьнед хәрибрʹа зәԝьщи бун, у ԝана жьнед хԝә тʹәви зарʹа бәрʹдан.
(Марԛос 13:1-14) Гава Иса жь пʹарьстгәһе дәркʹәт, жь шагьртед ԝи йәки ԝирʹа гот: «Дәрсдар! Һәла дина хԝә бьде әв чь кәвьр ьн у чь авайи нә!» 2 Иса ль ԝи вәгәрʹанд у готе: «Тӧ ван авайийед мәзьн дьбини? Әв һʹәмуйе жи ԝеран бьн, ль вьр кәвьре ль сәр кәвьр нәминә!» 3 Гава Иса ль чʹийайе Зәйтʹуне, ль пешбәри пʹарьстгәһе рʹуньштьбу, Пәтрус, Аԛуб, Йуһʹәнна у Әндраԝьс башԛә же пьрсин: 4 «Бежә мә, әԝ тьшт ԝе кʹәнге бьԛәԝьмьн? У бәри ԛәԝьмандьна ԝан һʹәмуйа, чь нишане бьбьн?» 5 Һьнге Иса щаба ԝан да у гот: «Һаш жь хԝә һәбьн, кӧ тʹӧ кәс ԝә нәхапинә. 6 Гәләк ԝе пе наве мьн бен у бежьн: ‹Әз ьм Мәсиһ› у ԝе гәләка бьхальфиньн. 7 Гава һун дәнге шәрʹа у бәʹса шәрʹа бьбьһен, һун хԝә ӧнда нәкьн. Гәрәке әв тьшт бьԛәԝьмьн, ле әԝ һе нә ахьри йә. 8 Мьләте рʹабә сәр мьләт, пʹадшатийе рʹабә сәр пʹадшатийе, щи-щийа ԝе әʹрдһʹәж у хәлайи-щәлайе бьбьн. Ле әв һʹәму мина еша кʹӧлфәте йә, кӧ дәстпедькә пе дьгьрә. 9 Һаш жь хԝә һәбьн! Ԝе ԝә бьбьнә бәр диԝана у кʹьништада ԝе ԝә бькʹӧтьн. Бона мьн ԝе ԝә бәр ԝәли у пʹадша бьдьнә сәкьнандьне, ԝәки һун бәр ԝан шәʹдәтийе бьдьн. 10 Гәрәке пешийе Мьзгини һʹәму мьләтарʹа бе дайине. 11 Гава кӧ ԝә бьгьрьн бьбьнә бәр диԝане, пешда хәм нәкьн кӧ һуне чь бежьн. Ле ԝе дәме чь ԝәрʹа бе дайине, ԝе жи бежьн, чьмки нә кӧ һуне хәбәр дьн, ле Рʹӧһʹе Пироз. 12 Бьра ԝе бьре хԝә бьдә кӧштьне у бав кӧрʹе хԝә. Зарʹе рʹабьнә сәр де у баве хԝә у ԝан бьдьнә кӧштьне. 13 У бона наве мьн һуне бәр чʹәʹве һʹәмуйа рʹәш бьн. Ле әԝе кӧ һʹәта хьлазийе тәйах кә, әԝе хьлаз бә. 14 Чахе һун ԝе Һʹәрамийа Ԝеранкьрьне бьбиньн, ль ԝи щийе нәщайиз сәкьни», (әԝе кӧ дьхунә бьра фәʹм бькә) «һьнге әԝед кӧ Щьһустанеда нә бьра бьрʹәвьнә чʹийа.
24-30 ТИРМӘҺЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | НӘҺӘМИЙА 1-2
«Мьн Хԝәдайе Әʹзманарʹа Дӧа кьр»
w08 15/2 3 ¶5
Бьра Йаһоԝа Тʹьме Бира Тәда бә
Щара әм дькарьн бькʹәвьнә дәрәщәкә ӧса, кӧ ԝәʹде мә тʹӧнә бә, дьреж дӧа бькьн. Щарәке Артаһшашт, Пʹадше Фарьса тедәрхьст ԝәки шәравдаре ԝи, Нәһәмийа, дьлтәнг бьбу у жь ԝи пьрси: «Тӧ чь дьхԝази?» Ве дәме Нәһәмийа «Хԝәдайе Әʹзманарʹа дӧа кьр». Әшкәрә йә кӧ ԝәʹде ԝи тʹӧнә бу, ԝәки кʹәла дьле хԝә Хԝәдерʹа бьрʹежә, ләма жи дьԛәԝьмә әԝи дьле хԝәда, кьн дӧа кьр. Ле йәкә Хԝәде дӧайе ԝи бьһист, у пʹадша изьн да ԝи, ԝәки әԝ һәрʹә диԝаред Оршәлимейә һьлшийайи ава кә (Бьхунә Нәһәмийа 2:1-8, ИМ). Ча әм дьвиньн, һәла һе дӧайед кьн жи, йед кӧ әм дьле хԝәда дьбежьн, дькарьн бенә бьһистьне.
be 177 ¶4
Чахе Кәсәк Ньшкева Пьрсәке Дьдә
Чь дькарә али тә бькә ԝәки тӧ щабәкә лайиԛ бьди, гава кәсәк ньшкева пьрсәке дьдә тә? Ве йәкеда чʹәʹв бьдә Нәһәмийа, әԝи пешийа кӧ щаба Артаһшашт пʹадша бьда, кьн дьле хԝәда дӧа кьр (Нм. 2:4). Демәк паши дӧакьрьне, дәрберʹа һʹьше хԝәда щаба пьрса ԝи һазьр кә: (1) Фькьрәке бьжберә, дәрһәԛа кʹижане гәрәке хәбәр ди (дькари ван фькьра һьлди жь Шеԝьркьрьн сәр Һʹиме Кʹьтеба Пироз). (2) Бьфькьрә кӧ кʹижан рʹезед Кʹьтеба Пироз бьди хәбате, ԝәки ван фькьра зәлал ки. (3) Бьфькьрә кӧ ча хәбәрдане дәстпеки, сәва кӧ һʹәԝаса гӧһдарван пешда бини. Паши ве йәке, хәбәрдана хԝә дәстпекә.
Хьзна Кʹьтеба Пироз
w86 15/2 25
Һʹәбандьна Рʹаст Сәрдькʹәвә
На, чьмки һʹале Оршәлима ԝеранкьри, гәләк ԝәхт, демәк «шәв у рʹож» бьбу мәʹнийа дӧайед Нәһәмийа (1:4, 6, ИМ). Чахе мәщал кʹәтә дәсте Нәһәмийа, ԝәки Артаһшашт пʹадшарʹа дәрһәԛа хԝәстьна хԝә бежә, кӧ һәрʹә диԝаред Оршәлиме ава кә, Нәһәмийа диса дӧа кьр. Йаһоԝа бь ве йәке щаба дӧайе ԝи да, кӧ ԝирʹа изьн һатә дайине, ԝәки диԝаред Оршәлиме серида ава кә.
Дәрс бона Мә: Нәһәмийа бона рʹебәрийе тʹьме Йаһоԝарʹа дӧа дькьр. Әм жи гәрәке «һәр гав дӧа бькьн», у чахе әм сафикьрьнед фәрз дькьн, әм гәрәке ве йәке ль гора рʹебәрийа Йаһоԝа бькьн (Рʹомайи 12:12).
(Нәһәмийа 2:4, ИМ) Пʹадша мьнрʹа гот: «Тӧ чь дьхԝази?» Мьн Хԝәдайе Әʹзманарʹа дӧа кьр
(Марԛос 13:15-30) У әԝе кӧ сәр хани йә бьра жорда нәйе хԝаре у нәкʹәвә һьндӧрʹ, ԝәки тьштәки һьлдә. 16 У әԝе кӧ кʹәԝшенда йә бьра вәнәгәрʹә кӧ пʹоте хԝә һьлдә. 17 Ле ԝәй ль һʹәмла у дәстдәргуша ԝан рʹожада! 18 Дӧа бькьн кӧ әв йәк зьвьстанеда нәԛәԝьмә. 19 Чьмки ԝан рʹожада ԝе тәнгасикә ӧса бьбә, ԝәки жь рʹожа кӧ Хԝәде дьнйа әʹфьрандийә һʹәта ньһа нәбуйә у нә жи ԝе бьбә. 20 Һәгәр Хӧдан әԝ рʹож кьн нәкьрьна, тʹӧ кәс хьлаз нәдьбу, ле бона хатьре ԝан бьжартийед кӧ ԝи бьжартьнә, әԝ рʹож кьн кьрьнә. 21 Һьнге, һәгәр йәк ԝәрʹа бежә: ‹Мәсиһ ва йә ль вьр ә›, йан жи: ‹Ԝа йә дәра һан ә›, баԝәр нәкьн. 22 Чьмки мәсиһ у пʹехәмбәред дәрәԝ ԝе дәрен. Ԝе нишан у кʹәрәмәта бькьн, һәгәр дәст ԝанва бе, ԝе бьжартийа жи бьхальфиньн. 23 Ле һун һаш жь хԝә һәбьн! Мьн һәр тьшт пешда ԝәрʹа гот. 24 Ле ԝан рʹожада, пәй ԝе тәнгасийерʹа, ‹рʹуйе рʹойе ԝе бе гьртьне у һиве рʹонайа хԝә нәдә, 25 стәйрке жь әʹзмен бькʹәвьн, у тʹопед әʹзмана ԝе жь рʹийед хԝә дәрен›. 26 У һьнге ԝе бьбиньн, Кӧрʹе Инсан бь ԛәԝата мәзьн у рʹумәт әʹԝрава те. 27 Ԝи чахи әԝе мьлйакʹәтед хԝә бьшинә у бьжартийед хԝә жь һәр чар ԛӧлба бәрәв кә, жь пʹәрʹед әʹрде гьрти һʹәта пʹәрʹед әʹзмен. 28 Жь дара һежире дәрсәке һин бьн: Чахе кӧ чʹьԛьлед ԝе тәрʹ дьбьн у бәлгед ԝе дьбьшкьвьн, иди һун заньн кӧ һавин незик ә. 29 Ӧса жи гава һун бьбиньн кӧ әв йәк дьԛәԝьмьн, бьзаньбьн кӧ әԝ незик ә, ль бәр шемике йә. 30 Әз рʹаст ԝәрʹа дьбежьм, әва ньсьла дәрбаз набә, һʹәта кӧ әв һʹәму тьшт нәԛәԝьмьн.
31 ТИРМӘҺЕ–6 ТʹӘБАХЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | НӘҺӘМИЙА 3-4
«Гәло Тӧ Хԝә жь Шьхӧл Паш Дьхи?»
w06 1/2 10 ¶1
Фькьред Сәрәкә жь Кʹьтеба Нәһәмийа
3:5, 27. Әм гәрәке ви шьхӧли кʹижан кӧ әм бона һʹәбандьна рʹаст дькьн, тʹӧ щар ча шьхӧләки ньмьз һʹәсаб нәкьн. Ӧса жи әм гәрәке шьхӧле Хԝәде инкʹар нәкьн, мина һьнә Тәкоайед «әʹсьлзадә». Ле әм дькарьн чʹәʹв бьдьнә Тәкоайед мьлук, йед кӧ бь рʹәзәдьли һазьр бун, ԛәԝат у ԝәʹде хԝә бона шьхӧле Хԝәде хәрщ кьн.
Йаһоԝа бона Ԛьрара Хԝә ԝе Тә Ча Бьдә Хәбате?
11 Гәләк ԛьрʹнә шунда, ԛизед Шаллум нава ԝан мәрьвада бун, йед кӧ Йаһоԝа әԝ данә хәбате, сәва диԝаред Оршәлиме тʹәзә кьн (Нәһәм. 2:20; 3:12). Рʹаст ә баве ԝан сәрԝер бу, йәкә ԛизед Шаллум һазьр бун әԝ шьхӧле гьран у хоф бькьн (Нәһәм. 4:15-18). Әԝана нә мина меред Тәкоайа бун, кʹижан кӧ навдар бун у хԝә ньмьз нәкьрьн, ԝәки ве хәбатеда кʹомәке бьдьн (Нәһәм. 3:5). Бьдьнә бәр чʹәʹве хԝә, ԛизед Шаллум чьԛас ша бун, чахе диԝар нава 52 рʹожада һатә хьлазкьрьне! (Нәһәм. 6:15). Иро жи, хушкед хирәт шабуне дьстиньн чахе хьзмәтийа мәхсусда шьхӧл дькьн, әԝ һәйә авакьрьн у тʹәзәкьрьна ԝан авайа, кʹижан кӧ тʹәсмили Йаһоԝа кьрьнә. Сәва әԝ шьхӧл пешда һәрʹә, мәрʹа хушкед ӧса хирәт, зен у амьн лазьм ьн.
w04 1/8 18 ¶16
Ньһерʹандьна Рʹаст Хԝәй кьн
16 Һʹәму Мәсиһи, чаԝа йед щаһьл ӧса жи йед әʹмьрда мәзьн, гәрәке ньһерʹандьна рʹаст дәрһәԛа һʹӧрмәт-рʹумәте хԝәй кьн. Щьватеда гәрәке һʹәму щурʹә шьхӧл бенә кьрьне. Мьрузе хԝә нәкә гава шьхӧләки ӧса дьдьнә тә, кʹижан кӧ бь ньһерʹандьна һьнә мәрьва, ча шьхӧләки ньмьз те һʹәсабе (1 Самуйел 25:41; 2 Пʹадшати 3:11). Де-бавно, һун зарʹед хԝә һелан дькьн, ԝәки әԝана бь дьл у щан дәст бавежьнә һʹәму шьхӧла, кʹижан кӧ сәр щьвата у щьватед мәзьн гәрәке бенә кьрьне? Гәло әԝана дьвиньн, кӧ һун хԝәха жи ван шьхӧла дькьн? Бьраки мә кӧ офиса сәрәкәда хьзмәт дькә, һʹәта рʹожа иро мәсәла де-баве хԝә бир накә. Әԝ дьбежә: «Чахе де-баве мьн, Ода Щьвате у щьвата мәзьн тʹәмьз дькьрьн, дьһатә кʹьфше ԝәки әв шьхӧл бона ԝан гәләк фәрз бу. Әԝана тʹьме һазьр бун щьватеда у бона хушк-бьра һʹәму шьхӧла бькьн, у әв йәк ча тьштәки ньмьз һʹәсаб нәдькьрьн. Мәсәла ԝан али мьн дькә, ԝәки әз Бәйтʹәледа һʹәму шьхӧл бь дьл у щан бькьм».
Хьзна Кʹьтеба Пироз
w06 1/2 9 ¶1
Фькьред Сәрәкә жь Кʹьтеба Нәһәмийа
4:17, 18—Чь щурʹәйи әԝед кӧ диԝар ава дькьрьн, бь дәстәки дьхәбьтин? Бона ԝан, кʹе кӧ баред гьран дьбьрьн дьанин, әв йәк чәтьн нибу. Ԝана бар дьданә сәр сәре хԝә, йан жи сәр намьлед хԝә, у пе дәстәки дьгьртьн, ле пе дәсте дьн «чʹәк дьгьртьн». Ле кʹе кӧ диԝар ава дькьрьн, пе һәрдӧ дәста дьхәбьтин, ләма жи ԝана «шуре хԝә гьредабун» у дьхәбьтин. Гава дьжмьн һʹьщуми сәр ԝан дькьр, әԝана һазьр бун мьԛабьли ԝан шәрʹ бькьн.
(Нәһәмийа 4:17, 18, ИМ) Баркʹеш бь дәстәки хԝә баре хԝә, бь дәсте дьн жи чʹәк һьлдьгьртьн. 18 Авакʹар, шуре хԝә гьредабун у дьхәбьтин. Борʹиван жи ль бал мьн бу.
(Марԛос 14:1-14) Аԝа дӧ рʹож шунда ԝе Щәжьна Дәрбазбуне у Щәжьна Нане Шкәва бьбуйа. Сәрәкед кʹаһина у ԛанунзана мәщаләке дьгәрʹийан, кӧ чаԝа Иса дьзива бь фелбазийе бьгьрьн, бькӧжьн 2 у дьготьн: «Бьра әв йәк щәжьнеда нибә, ԝәки щьмәʹт рʹанәбә сәр ньга». 3 Гава Иса ль Бәйтанйайе мала Шьмһʹуне кʹотида, ль сәр сьфре рʹуньшти бу, кʹӧлфәтәк һат, дәрданәкә ԝейә алабастьрейи рʹуне нардейи сафи у гәләки бьһа һәбу. Ԝе әԝ шушә шкенанд у әԝ рʹун рʹетә сәр сәре Иса. 4 Һьнәкә ԝьр һерс кʹәтьн у һәврʹа дьготьн: «Һʹәйфа ви рʹуни! Чьма әва зийана бу? 5 Мә дькарьбу әв рʹуна сесьд зиви зедәтьр бьфьрота у бәлайи фәԛира кьра». Бь ви аԝайи әԝ кʹӧлфәта рʹәзил кьрьн. 6 Ле Иса гот: «Жь ԝе кʹӧлфәте вәгәрʹьн! Чьма һун хатьре ԝе дькʹәвьн? Әԝе тьштәки ԛәнщ бона мьн кьр. 7 Фәԛире һәр гав тʹәви ԝә бьн. Кʹәнге һун бьхԝазьн, һун дькарьн ԛәнщийе ԝанрʹа бькьн. Ле әзе һәр гав нав ԝәда нибьм. 8 Чь жь дәсте ԝе дьһат әԝе кьр. Әԝе пешда бәдәна мьн дәфьнкьрьнерʹа рʹун кьр. 9 Әз рʹаст ԝәрʹа дьбежьм, дьнйайеда кʹидәре әва Мьзгинийа бе даннасинкьрьне, ԝе кьрьна ве кʹӧлфәте жи бона биранина ԝе бе готьне». 10 Һьнге Щьһудайе Исхәрйоти, йәки жь һәр донздәһа, чу щәм сәрәкед кʹаһина, ԝәки Иса бьдә дәсте ԝан. 11 Ԝан жи гава әв йәк бьһист, ша бун у пʹәрә ԝирʹа соз дан. У Щьһуда жь һьнгева мәщаләке дьгәрʹийа кӧ чаԝа Иса бьдә дәсте ԝан. 12 Рʹожа пешьнә Щәжьна Нане Шкәвада кӧ бәрха ԛӧрбана Щәжьна Дәрбазбуне дьһатә сәржекьрьне, шагьрта жь Иса пьрси: «Тӧ ль кʹӧ дьхԝази Шива Щәжьна Дәрбазбуне бьхԝи, ԝәки әм һәрʹьн тәрʹа һазьр кьн?» 13 Иса дӧ шагьртед хԝә шандьн у ԝанрʹа гот: «Һәрʹьнә бажер. Мәрьвәке рʹасти ԝә бе, щерʹе аве ль сәр мьла. Пәй ԝи һәрʹьнә ԝе мала кӧ әԝ дьче 14 у бежьнә хԝәйе мале: ‹Дәрсдар дьбежә: Кʹане әԝ ода мевана, йа кӧ әзе теда тʹәви шагьртед хԝә шива Щәжьна Дәрбазбуне бьхԝьм?›
7-13 ТʹӘБАХЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | НӘҺӘМИЙА 5-7
«Нәһәмийа Дьхԝәст Хьзмәт кә, нә кӧ Ԝирʹа Хьзмәт кьн»
w02 1/11 27 ¶3
Пьштгьред Һʹәбандьна Рʹаст Йед Бәре у Ньһа
Нәһәмийа нә тʹәне ԝәʹдә у фәрәсәтед хԝә бона кʹара мәрьва дьда хәбате, ле әԝи алийе пʹәрада жи пьштгьрийа һʹәбандьна рʹаст дькьр. Пе пʹәре хԝә әԝи Щьһуйа жь дилтийе аза дькьр. Әԝи пʹәре хԝә бе сәләф, дәйни дьда кәсед дьн. Әԝи тʹӧ щар баре гьран нәдькьрә стуйе Щьһуйа у жь ԝана һәԛ дәʹԝа нәдькьр, кӧ ԝирʹа дькʹәт чаԝа сәрԝер. Сәрда жи хенщи мәрьвед дәр-дор, әԝи тʹьме 150 Щьһу у сәрԝер тʹер дькьр. Әԝи һәр рʹож «гайәк, шәш пәзед бьжарә у мьришк» бона ԝан дьда сәржекьрьне. Хенщи ве йәке, әԝи «дәһ рʹожа щарәк», щурʹә-щурʹә шәрав дьда бәр ԝан, у әԝ һәр тьшт әԝи кʹисе хԝә дькьр (Нәһәмийа 5:8, 10, 14-18, ИМ).
«Бьра Дәстед Тә Сьст Нәбьн»
Йаһоԝа дәстед Нәһәмийа у йед кӧ тʹәви ԝи бун ԛәԝи кьр, сәва әԝана шьхӧле авакьрьне бькьн. Ԝана һәма нава 52 рʹожада авакьрьна диԝаред Оршәлиме хьлаз кьрьн! (Нәһәм. 2:18; 6:15, 16). Ԝәʹде авакьрьне, Нәһәмийа бәрпьрсийаре авакьрьне бу, ле йәкә әԝи хԝә бешьхӧл нәдьһишт. Әԝи хԝәха жи аликʹари дьда авакьрьнеда (Нәһәм. 5:16). Иро жи, гәләк рʹуспи чʹәʹв дьдьнә Нәһәмийа у аликʹарийе дьдьн ԝәʹде авакьрьна Одед Щьвата, у щьватед мәзьн. Ӧса жи әԝана аликʹарийе дьдьн ԝәʹде тʹәмьзкьрьн у тʹәзәкьрьна Ода Щьвата мьһала хԝәда. Хенщи ве йәке, әԝана тʹәви хушк-бьред сьстбуйи дәрдькʹәвьн хьзмәтийе сәва ԝан бьшьдиньн, йан жи тʹәсәлийа ԝан дькьн. Ӧса әԝана дәстед ԝан ԛәԝи дькьн, йед кӧ жь бо хәмгинийа хԝә сьст бунә. (Бьхунә Ишайа 35:3, 4.)
w00 1/2 32
Чь Те Һʹәсабе кӧ Йаһоԝа Ԝе Тә Бир Бинә?
Ча жь Кʹьтеба Пироз те кʹьфше, Хԝәде бир тинә бь ве йәке, кӧ дәстпедькә тьштәки бькә. Мәсәлә, чахе әʹрд 150 рʹожа, жь бо селаве бьне аведа бу, «Хԝәде Нӧһ бир ани, . . . һьнге Хԝәде бак ль әʹрде рʹакьр у ав сәкьни» (Дәстпебун 8:1). Бь ԛьрʹна шунда, чахе Шьмшон кор кьрьбун у дәст-ньгед ԝи зьнщир кьрьбун, әԝи Хԝәдерʹа дӧа кьр: «Йа Хӧдан, Хӧдан, әз лава дькьм, мьн дь бира хԝәда бинә у әз лава дькьм, тʹәне ве щаре йа Хԝәде, мьн хԝӧрт [ԛәԝи] бькә». Йаһоԝа бь ве йәке Шьмшон бир ани, кӧ ԛәԝатәкә мәзьн да ԝи, бь сайа чь жи әԝи ԛьрʹа дьжмьнед Хԝәде ани (Һʹакьмти 16:28-30). Ле дәрәща Нәһәмийада, Йаһоԝа хирәта ԝи кʹәрәм кьр у Оршәлимеда һʹәбандьна рʹаст һатә вәгәрʹандьне.
Хьзна Кʹьтеба Пироз
w07 1/7 30 ¶15
«Бь Ԛәнщийе Тӧ сәр Хьрабийе Кʹәвә»
15 Йа сьсийа, дьжмьнед Нәһәмийа дьхԝәстьн бь сайа Шәмайа кӧ нәмам бу, зоре Нәһәмийа бькьн, ԝәки әԝ Ԛануна Хԝәде бьтʹәрʹьбинә. Шәмайа готә Нәһәмийа: «Ль Мала Хԝәде, ль һӧндӧрʹе Пʹарьстгәһе әм һәв бьбиньн, ле әм дәрийе Пʹарьстгәһе бьгьрьн. Чьмки ԝе жь бо кӧштьна тә ԝәрьн!, ИМ». Шәмайа готә Нәһәмийа кӧ дьхԝазьн ԝи бькӧжьн, у кӧ әԝ тʹәне пʹарьстгәһеда дькарә хԝә вәшерә, ԝәки хьлаз бә. Ле Нәһәмийа кʹаһин нибу, ләма жи һәрге әԝи пʹарьстгәһеда хԝә вәшарта, ԝе гӧнә бькьра. Гәло Нәһәмийа ԝе Ԛануна Хԝәде бьтʹәрʹьбанда, сәва кӧ әʹмьре хԝә хьлаз кә? Нәһәмийа щаба ԝи ӧса да: «Кәсәки мина мьн жь бо сах бьминә, дькʹәвә Пʹарьстгәһе? Әз накʹәвьме, ИМ». Гәло Нәһәмийа чь щурʹәйи жь ве тʹәльке хьлаз бу? Рʹаст ә әԝи заньбу кӧ Шәмайа Исраели йә, ле «Хԝәде әԝ нәшандийә, ИМ». Чьмки пʹехәмбәре Хԝәдейи рʹаст, ԝе тʹӧ щар һелан нәкьра, ԝәки әԝ Ԛануна Хԝәде бьтʹәрʹьбинә. Ижар жи Нәһәмийа изьн нәда ԝәки дьжмьн ԝи бьхальфиньн. Һьнә ԝәʹдә шунда әԝи гот: «Диԝар, рʹожа пенщи у дӧдада, рʹожа бист у пенще Илонеда һатә тʹәмамкьрьн» (Нәһәмийа 6:10-15; Жьмар 1:51; 18:7).
(Нәһәмийа 6:13, ИМ) Жь бо ви кʹари, пʹәрә дабун ԝи. Жь бо әз бьтьрсьм, бь йа ԝи бькьм у гӧнә бькьм. Ԝан хԝәст наве мьн хьраб кьн у тьназе хԝә бь мьн бькьн.
(Марԛос 14:15-31) Һьнге әԝе ль ԛате жорьн одәкә мәзьнә һәвдайи у һазьр нишани ԝә кә, ль ԝе дәре шиве бона мә һазьр кьн». 16 Шагьрта да сәр рʹе чунә бажер у чаԝа кӧ ԝанарʹа готьбу ӧса жи дитьн у шива Щәжьна Дәрбазбуне һазьр кьрьн. 17 Гава рʹо чу ава, Иса тʹәви һәр донздәһа чу ԝе дәре. 18 Чахе ль сәр сьфре рʹуньштьн у нане хԝә дьхԝарьн, Иса гот: «Әз рʹаст ԝәрʹа дьбежьм, йәки жь ԝә ԝе нәмамийа мьн бькә, йе кӧ тʹәви мьн нен дьхԝә». 19 Әԝ бәр хԝә кʹәтьн у дәстпекьрьн йәк-йәк жь ԝи пьрсин: «Дьбә кӧ әз ьм?» 20 Әԝи ԝанрʹа гот: «Әԝ йәк нава ԝә һәр донздәһада йә, йе кӧ пәʹрийе хԝә тʹәви мьн тʹаседа дькә. 21 Рʹаст Кӧрʹе Инсан ԝе ӧса һәрʹә чаԝа кӧ бона ԝи һатийә ньвисаре. Ле ԝәй ль ԝи мәрьве кӧ нәмамийа Кӧрʹе Инсан бькә! Ԝирʹа һе ԛәнщ бу кӧ әԝ ԛәт дьне нәкʹәта». 22 Гава ԝана һе нан дьхԝар, Иса нан һьлда шькьри да, кәркьр да шагьрта у гот: «Һан һьлдьн! Әва бәдәна мьн ә». 23 Пәйрʹа кʹас һьлда шькьри да у да ԝан. Һʹәмуйа жи жь ԝе вәхԝар. 24 У ԝанрʹа гот: «Әва хуна мьн ә бона пәймана ну, кӧ бона гәләка те рʹетьне. 25 Әз рʹаст ԝәрʹа дьбежьм, иди әз жь вьр шунда жь бәре ве меԝе вәнахԝьм, һʹәта ԝе рʹожа кӧ әзе Пʹадшатийа Хԝәдеда жь йа ну вәхԝьм». 26 Паше ԝана зәбурәк стьра, дәркʹәтьн чунә чʹийайе Зәйтʹуне. 27 У Иса ԝанрʹа гот: «Һун һʹәмуйе жи жь мьн пʹьшк бьн һәрʹьн, чьмки ньвисар ә: ‹Әзе ль шьвед хьм у пәзе жи бәла-бәлайи бә›. 28 Ле гава кӧ әз жь мьрьне рʹабьм, әзе бәри ԝә һәрʹьмә Щәлиле». 29 Пәтрус жерʹа гот: «Һәгәр һʹәму жи жь тә пʹьшк бьн һәрʹьн, ле әз на». 30 Иса ԝирʹа гот: «Әз рʹаст тәрʹа дьбежьм, һәма ишәв һе бәри кӧ дик дӧ щара банг дә, те се щара мьн инкʹар ки». 31 Ле Пәтрус сәр йа хԝә дьма у дьгот: «Һәгәр щи бе, әзе тʹәви тә бьмьрьм жи, ле тʹӧ щар тә инкʹар накьм!» Һʹәмуйа жи аһа дьгот.
14-20 ТʹӘБАХЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | НӘҺӘМИЙА 8-9
«Шабуна Хӧдан, Һеза Ԝә Әԝ ә»
w13 15/10 21 ¶2
Әм жь Дӧайед Леԝийа Чь Һин Дьбьн?
2 Мәһәк пешийа ве щьвине, дәрһәԛа кʹижане кӧ жоре һатьбу готьне, Щьһу авакьрьна диԝаред Оршәлиме ида хьлаз кьрьбун (Нм. 6:15). Щьмәʹта Хԝәде 52 рʹожада диԝар авакьрьн, у паше ве йәке ида дина хԝә данә һʹәԝщед хԝәйә рʹӧһʹани. Рʹожа пешьн йа мәһа дьн, демәк Тишрида, Щьһу тʹәвайи тʹоп бун, сәва кӧ гӧһ бьдьнә Әзра у Леԝийед дьн, чахе ԝана Ԛануна Хԝәде бь дәнге бьльнд гәрәке бьхԝәнда у шьровәкьра (шькьле 1). Һʹәму малбәт, демәк «кәсе кӧ дькарә фәʹм бькә», «сьбе һʹәта нивро» сәкьнибун у гӧһ дьданә ԝан. Мәсәләкә чьԛас баш ә бона ԝан, щьватед кʹе жи одед гәләк рʹьһʹәтда дәрбаз дьбьн! Ле ԛә ӧса нәбуйә, ԝәки фькьред ԝә сәр щьвате дьчә сәр тьштәки ӧса, чь кӧ һаԛас фәрз нинә? Һәрге ӧса нә, биньн бира хԝә мәсәла ԝан Исраелийа, йед кӧ нә тʹәне гӧһ дьдан, ле ӧса жи гава дьбьһистьн, һесьр чʹәʹве ԝан дьбари у агьр дьле ԝан дькʹәт, ԝәки ԝана гӧһ нәдьда Ԛануна Хԝәде (Нм. 8:1-9, ИМ).
w07 15/7 22 ¶9-10
Гәло Һуне «Бь Сайа Рʹӧһʹе Пироз Бьмәшьн»?
9 Бәхтәԝари һʹиме шабуне йә. Йаһоԝа «Хԝәдейе хԝәзьли» йә, демәк Хԝәдейе ша йә (1 Тимотʹейо 1:11; Зәбур 104:31). Кӧрʹ шабуне дьстинә, гава ԛьрара Баве хԝә тинә сери (Зәбур 40:8; Ибрани 10:7-9). «Шабуна Хӧдан, һеза [мә] әԝ ә» (Нәһәмийа 8:10).
10 Шабуна кӧ жь Хԝәде йә, дьлрʹьһʹәтийе дьдә мә һәла һе ԝи чахи жи, гава әм рʹасти чәтьнайа, дәрдед гьран у пәйкʹәтьна тен. Занәбуна дәрһәԛа Хԝәде, шабунәкә гәләк мәзьн мәрʹа тинә! (Мәтʹәлок 2:1-5) Әм бь сайа достийа тʹәви Хԝәде шабуне дьстиньн, һʹиме кʹижане занәбуна рʹаст, баԝәрийа һьндава Хԝәде у ԛӧрбана Иса Мәсиһ йә (1 Йуһʹәнна 2:1, 2). Диса мәʹник кӧ чьрʹа әм бәхтәԝар ьн, әв ә, кӧ әм пʹара бьратийа һʹәмдьнйайе нә (Сефанйа 3:9; Һагай 2:7). Ӧса жи һевийа мә у шьхӧле мәйә ԛимәт, демәк бәлакьрьна мьзгинийе, шабуне мәрʹа тинә (Мәтта 6:9, 10; 24:14). Хенщи ве йәке, һевийа мәйә жийина һʹәта-һʹәтайе һәйә (Йуһʹәнна 17:3). Бәле, ахьрийа гәләк баш һивийа мә йә, ләма жи әм гәрәке «тʹәне ша» бьн (Ԛануна Дӧщари 16:15).
Хьзна Кʹьтеба Пироз
it-1 145 ¶2
Арами
Һьнә ԝәхт шунда, чахе Щьһу жь дилтийа Бабилоне вәгәрʹийан, Әзра кʹаһин ԝан Щьһуйарʹа кӧ Оршәлимеда тʹоп бьбун, Ԛануна Хԝәде дьхԝәнд, у Леԝийа жи шьровәдькьрьн. Нәһәмийа 8:8-да ӧса те готьне: «Жь Ньвиса Шәриәта [Ԛануна] Хԝәде бь аԝаики әшкәрә хԝәндьн. Ԝана ԝатәйа [нета] ԝе готьн кӧ тьшта һатийә хԝәндьн бе фәʹмкьрьне, ИМ». Ле гәло чьрʹа әв Ԛанун гәрәке бьһата шьровәкьрьне? Чьмки дьԛәԝьмә текста Ибрани, сәр зьмане Арами һатьбу ньвисаре, ләма жи әв йәк гәрәке щьмәʹтерʹа бьһата зәлалкьрьне. Дьԛәԝьмә гава Щьһу дилтийеда бун, ԝи чахи әԝана дәрбази сәр зьмане Арами бьбун. Чь жи һәбу, әв дьһатә һʹәсабе шьровәкьрьна ве йәке, чь кӧ дьһатә хԝәндьне, у һәрге Щьһуйа зьмане Ибрани фәʹм дькьрьн, диса жи лазьм бу, кӧ ԝанрʹа бе шьровәкьрьне, ԝәки ԝана дьһа кʹур нета ве фәʹм кьра.
(Нәһәмийа 8:2, ИМ) Рʹожа пеши йа мәһа һʹәфтада Әзрайе Кʹаһьн, Ньвиса Шәриәте [Ԛануне] ани пешбәри щьваке. Жьн, мер у һәр кәсе кӧ дькарә фәʹм бькә ль ԝьр бу.
(Нәһәмийа 8:8, ИМ) Жь Ньвиса Шәриәта [Ԛануна] Хԝәде бь аԝайәки әшкәрә хԝәндьн. Ԝан ԝатәйа [нета] ԝе готьн кӧ тьшта һатийә хԝәндьн бе фәʹмкьрьн.
(Марԛос 14:32-46) Пәй ԝе йәкерʹа әԝ чунә ԝи щийе кӧ жерʹа Гетшәмани дьбежьн у әԝи шагьртед хԝәрʹа гот: «Вьра рʹунен, һʹәта кӧ әз дӧа бькьм». 33 Ԝи Пәтрус, Аԛуб у Йуһʹәнна тʹәви хԝә бьрьн у дәстпекьр кʹәсәр кʹьшанд у хԝәда шәԝьти. 34 Ԝи ԝанрʹа гот: «Дьле мьн һаԛас дәрд у кʹәдәр ә, мина бәр мьрьне. Вьра бьминьн у һʹьшйар бьн». 35 Һьнәки пешда чу, хԝә дәвәрʹу авитә әʹрде у дӧа кьр, кӧ һәгәр мәщал һәбә, әва сьһʹәта сәр ԝирʹа дәрбаз бә. 36 У гот: «Абба, Баво! Һәр мәщал жь дәсте тә те. Әве кʹасе жь мьн дур хә. Ле бьра хԝәстьна мьн нибә, ле йа тә бә». 37 Паше һатә щәм шагьрта, әԝ рʹазайи дитьн у готә Пәтрус: «Шьмһʹун, тӧ рʹазайи? Тә нькарьбу кӧ сьһʹәтәке тӧ һʹьшйар бьмайи? 38 Һʹьшйар бьминьн у дӧа бькьн, ԝәки һун нәкʹәвьнә нава щерʹьбандьне. Бәле рʹӧһʹ рʹази йә, ле бәдән сьст ә». 39 Диса чу дӧа кьр, хут әԝ хәбәр готьн. 40 У һат диса әԝ хәԝеда дитьн, чьмки чʹәʹвед ԝан жь хәԝе вәнәдьбун. У ньзаньбун чь щаба ԝи бьдана. 41 Щара сьсийа жи һат у ԝанрʹа гот: «Һун һәла һе рʹазайи нә у рʹьһʹәт дьбьн? Бәс ә! Ԝәхт перʹа гьһишт. Ва йә Кӧрʹе Инсан дькʹәвә дәсте гӧнәкʹара. 42 Рʹабьн әм һәрʹьн. Ва йә әԝе кӧ нәмамийа мьн дькә незик бу». 43 Һәма һьнге гава ԝи һе хәбәр дьда, Щьһудайе кӧ йәк жь һәр донздәһа бу, һат. Әԝи тʹәви хԝә жь алийе сәрәкед кʹаһина, ԛанунзана у рʹуспийада әʹлаләтәкә гьран анибу, бь дара у шура. 44 Аԝа нәмаме ԝи әʹшәрәт дабу ԝан у готьбу: «Әз кʹижани кӧ рʹамусьм, әԝ ә, ԝи бьгьрьн у бь фәсал бьбьн». 45 Һәма һьнге жи Щьһуда һатә щәм Иса у гот: «Дәрсдар!» у рʹамуса. 46 Ԝана дәст авитә Иса у әԝ гьртьн.
21-27 ТʹӘБАХЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | НӘҺӘМИЙА 10-11
«Ԝана Бона Йаһоԝа Гәләк Тьшт жь Хԝә Кем Кьр»
w98 15/10 22 ¶13
Оршәлим Лайиԛи Наве Хԝә йә
13 Әв сафикьрьнәкә фәрз, кӧ щьмәʹта Хԝәде ԝәʹде Нәһәмийа кьрьбу, ԝана һазьр кьр бона тʹәсмилкьрьна диԝаре Оршәлиме. Ле диса пьрсәкә фәрз гәрәке бьһата сафикьрьне. Ньһа Оршәлим, дәр-доре кʹижане диԝарәки мәзьн пе 12 дәргәһа бу, һʹәԝще дьһа зедә бьнәлийа бу. Рʹаст ә һьнә Исраели теда дьжитьн, диса жи «Оршәлим бәрфьрә у мәзьн бу, ле гәле [щьмәʹта] теда кем бу» (Нәһәмийа 7:4, ИМ). Сәва кӧ әԝ проблем бе сафикьрьне, щьмәʹте пʹәшк авит, ԝәки жь дәһ мәрьва йәк, һәрʹә бажаре пироз, демәк Оршәлимеда бьжи. Щьмәʹте дӧа ль ԝан һʹәмуйа кьр, кʹе кӧ бь рʹәзәдьли һазьр бун һәрʹьн Оршәлимеда бьжин (Нәһәмийа 11:1, 2). Рʹожа иройин әԝ мәсәләкә гәләк баш ә бона ԝан, мәщала кʹижана һәйә дәрбази ԝи щийи бьн, кʹидәре кӧ бәлакьрьна мьзгинийеда һʹәԝщәтийа мәзьн һәйә!
w86 15/2 26
Һʹәбандьна Рʹаст Сәрдькʹәвә
Жь бо ве йәке кӧ һьнә Исраели мьлкʹе хԝә һиштьн у дәрбази Оршәлиме бун, ԝана һьнә алийава зьрар станд у хәрщед ԝан жи зәʹф бун. Ӧса жи дьԛәԝьмә бьнәлийед ԝи шәһәри, дькарьбун рʹасти щурʹә-щурʹә дәрәщед хоф бьһатана. Жь бо ве йәке кәсед дьн һʹәсаб дькьрьн, кӧ әԝана һежайи пʹайа нә, у дӧа дькьрьн ԝәки Йаһоԝа ԝана кʹәрәм кә.
Хԝәде йед Амьн Ԛәбул Дькә
15 Чахе әм хԝә тʹәсмили Йаһоԝа дькьн, әм соз дьдьнә ԝи ԝәки әме тʹьме ԛьрара ԝи биньн сери. У әм заньн кӧ сәва анәгори ви сози бьжин, лазьм ә тьштәки ԛӧрбан кьн. Ле һеса нинә әԝе йәке бькьн. Чьмки щара дьбәкә жь мә бе хԝәстьне кӧ тьштәки ӧса бькьн, чь мә хԝәш найе. Чахе әм тьштед ӧса ԛӧрбан дькьн, у Хԝәдерʹа ӧса хьзмәт дькьн кӧ накʹәвьнә һʹәйра комфорта хԝә, бь ве йәке әм амьнийа хԝә избат дькьн. Ле кʹәрәмед Хԝәде тʹьме жь ԝан һʹәму ԛӧрбана кӧ әм дькьн мәзьнтьр ьн (Малх. 3:10). Ле әм чь дькарьн һин бьн жь ԛиза Йәфтаһ?
Хьзна Кʹьтеба Пироз
w06 1/2 11 ¶1
Фькьред Сәрәкә жь Кʹьтеба Нәһәмийа
10:34—Чьрʹа жь щьмәʹте дьһатә дәʹԝакьрьне ԝәки дара биньн? Ԛануна Мусада дәрһәԛа ве йәке тʹӧ тьшт нәдьһатә готьне. Ле әԝ дәʹԝакьрьн һьнә дәрәщава гьредайи бу. Сәва кӧ ԛӧрбан бьһатана шәԝьтандьне, гәләк дар лазьм бу. Ча кʹьфш ә, нава щьмәʹтеда кʹе кӧ жь Бабилоне вәгәрʹийабун, гәләк Нәтʹиним тʹӧнә бун, демәк хӧламед нә Исраели, йед кӧ пʹарьстгәһеда хьзмәт дькьрьн. Ләма жи пʹәшк давитьн, кӧ һәр кәс дор бь дор, дар банийана пʹарьстгәһе.
(Нәһәмийа 10:34, ИМ) «Ль сәр горигәһа Хԝәдайе мә Хӧдан, ль гори кӧ дь Шәриәтеда [Ԛанунеда] һатийә ньвисандьн, жь бо шәԝате у ль гори бьнәмалед мә кӧ һәр сал дь дәмед дийаркьрида, жь бо горийе дара биньн горигәһа Хԝәдайе мә, кʹаһин, Леԝи у гәл бь һәврʹа пʹәшк авит.
(Марԛос 14:47-59) Ле йәки жь йед кӧ тʹәви ԝи сәкьни бун, шуре хԝә кʹьшанд ль хӧламе сәрәккʹаһин хьст у гӧһе ԝи пәканд. 48 Һьнге Иса ԝанрʹа гот: «Те бежи ԝә сәр ԛачахәкида гьртийә, кӧ һун бь дара у шура һатьнә мьн бьгьрьн? 49 Нә әз һәр рʹож тʹәви ԝә пʹарьстгәһеда бум мьн һун һин дькьрьн, ле ԝә әз нәдьгьртьм. Ле бона кӧ ньвисар бенә сери, әв йәк ԛәԝьми». 50 Һьнге һʹәму шагьрта әԝ һьшт у рʹәвин. 51 Хортәк пәй ԝи дьчу, пʹарчʹәки кʹьтане ль бәдәна ԝийә тәʹзи пʹечʹайи бу. Әʹлаләте әԝ гьрт, 52 ле ԝи әԝ кʹьтан һьшт у рʹут-тәʹзи жь дәсте ԝан рʹәви. 53 Иса бьрьнә щәм сәрәккʹаһин. Һʹәму сәрәкед кʹаһина, рʹуспи у ԛанунзан ԝьр щьвийан. 54 Пәтрус дурва пʹе-пʹе пәй ԝи чу, һʹәта кʹәтә һʹәԝша сәрәккʹаһин. Ԝьр тʹәви нобәдара ль бәр егьр рʹуньшт у хԝә гәрм дькьр. 55 Сәрәкед кʹаһина у тʹәмамийа щьвина гьрәгьра жи ль шәʹдәтикә мьԛабьли Иса дьгәрʹийан, ԝәки ԝи бькӧжьн, ле нә дьдитьн. 56 Гәләка мьԛабьли ԝи шәʹдәтийа дәрәԝ дьда, ле шәʹдәтийа ԝан һәвдӧ нәдьгьрт. 57 Һьнге һьнәк рʹабун у мьԛабьли ԝи шәʹдәтийа дәрәԝ дан у готьн: 58 «Мә бьһист кӧ ви мәрьви дьгот: ‹Әзе ве пʹарьстгәһа кӧ бь дәста һатийә чекьрьне һьлшиньм у се рʹожада пʹарьстгәһәкә дьнә бе дәстлекʹәтьн чекьм›». 59 Ле шәʹдәтийа ԝан жи һәвдӧ нәдьгьрт.
28 ТʹӘБАХЕ–3 ИЛОНЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | НӘҺӘМИЙА 12-13
«Чахе Һәвала Дьжбери Йаһоԝарʹа Амьн бә»
it-1 95 ¶5
Амони
Чахе Тобийа жь һʹәԝша пʹарьстгәһе һатә дәрхьстьне, щьмәʹтерʹа ԛануна Хԝәде жь кʹьтеба Ԛануна Дӧщари 23:3-6 һатә хԝәндьне, кʹидәреда ньвисибу, кӧ Амони у Моԝаби нькарьн бьбьн пʹара щьвата Исраелийа, у щьмәʹте дәстпекьр ве йәке һьлдә һʹәсаб (Нм. 13:1-3). Әв тʹәми ԝәкә 1 000 сал пешда һатьбу дайине, чьмки Амони у Моԝаби нәхԝәстьн али Исраелийа бькьн, гава әԝана незики Әʹрде Создайи дьбун. Ча кʹьфш ә әв йәк дьһатә һʹәсабе, кӧ жь ван мьләта тʹӧ кәс нькарьбу бьбуйа пʹара щьмәʹта Исраеле у жь ван тьшта кʹар бьстанда, жь чь жи Исраелийа дьстанд. Ле әв йәк нәдьһатә һʹәсабе, кӧ тʹӧ кәс жь Амонийа у Моԝабийа нькарьбун тʹәви Исраелийа хәбәрдана йан жи нава ԝанда бьмана у ԝан кʹәрәма бьстандана, кʹижан кӧ Хԝәде дьда щьмәʹта хԝә. Мәсәлә, Кʹьтеба Пирозда те готьне дәрһәԛа әскәрәки Даԝьд бь наве Тсәләк, йе кӧ Амони бу, дәрһәԛа кʹижани жоре һатьбу готьне, у ӧса жи дәрһәԛа Рʹутʹе, йа кӧ Моԝаби бу (Рʹтʹ. 1:4, 16-18).
w13 15/8 4 ¶5-6
«Һун Һатьнә Бӧһӧрти-Жьбарәкьрьне»
5 Бьхунә Нәһәмийа 13:4-9. Рʹожа иройин щурʹә-щурʹә тьшт дькарьн сәр мә һʹӧкӧм кьн, жь бо чь жи дьбәкә мәрʹа чәтьн бә рʹӧһʹанида ԛәԝи бьминьн. Ԝәрә әм мәсәла Әлйашиб у Тобийа биньн бира хԝә. Әлйашиб сәрәккʹаһин бу, ле Тобийа Амони бу у дьԛәԝьмә ԝәлийе пʹадше Фарьса бу, бьн һʹӧкӧме кʹижанида әʹрде Щьһудайе бу. Тобийа у бәргьред ԝи нәдьһиштьн ԝәки Нәһәмийа диԝаред Оршәлиме ава кә (Нм. 2:10). Изьна Амонийа тʹӧнәбу бькʹәвьнә һʹәԝша пʹарьстгәһе (Ԛн.Дщ. 23:3). Ԝәки ӧса нә чьрʹа сәрәккʹаһин, хԝарьнгәһа пʹарьстгәһеда щи да Тобийа?
6 Тобийа бу досте Әлйашиб йе незик. Тобийа у кӧрʹе ԝи Йәһоһанан, ԛизед Щьһуйа хԝәрʹа жьнти анибун, у гәләк Щьһу дәрһәԛа Тобийа тьштед баш дьготьн (Нм. 6:17-19). Нәбики Әлйашиб ԛиза Санбаллатрʹа зәԝьщи бу, йе кӧ сәрԝере Самәрийайе бу, у досте Тобийайи лапи незик бу (Нм. 13:28). Әв һәләԛәтийа ԝан избат дькә, кӧ чьрʹа Сәрәккʹаһин Әлйашиб изьн да йәки нәщьһу, йе кӧ дьжмьне щьмәʹта Хԝәде бу, сәр ԝи һʹӧкӧм кә. Ле Нәһәмийа амьнийа хԝә Йаһоԝарʹа да кʹьфше, кӧ һʹәму һур-муред Тобийа жь хԝарьнгәһа пʹарьстгәһе гьрт авит.
w96 15/3 16 ¶6
Нава Чәтьнайада жи Амьн ьн
Һәрге әм бь дьл у щан Йаһоԝарʹа амьн ьн, әме тʹәви дьжмьнед ԝи тʹӧ щар һәвалтийе нәкьн. Ләма жи Аԛубе шанди ӧса ньвиси: «Беәʹсьлно! Һун ньзаньн кʹе ве дьне һʹьз дькә, әԝ нәйартийе ль Хԝәде дькә? Аԝа кʹи дьхԝазә бьбә йаре дьне, әԝ хԝә дькә нәйаре Хԝәде» (Аԛуб 4:4). Әм жи дьхԝазьн Хԝәдерʹа амьн бьн, дәрһәԛа чь жи Даԝьд ньвисибу: «Хӧдан, әз ча нәжәньмә йед дьжәньнә Тә? Ча зьвер нәбьм, жь рʹабәред һьмбәри Тә? Әз ԝан бәр чʹәʹве хԝә лап давежьм, әз ԝан хԝәрʹа дьжмьн һʹәсаб дькьм» (Зәбур 139:21, 22). Әм ԝан мәрьва, йед кӧ һʹәмде хԝә мьԛабьли Хԝәде гӧна дькьн, чаԝа бьра һʹәсаб накьн, у тʹӧ һәләԛәтийа мә тʹәви ԝан тʹӧнә. Ләма жи амьнийа мә һьндава Йаһоԝа, гәрәке изьн нәдә мә, ԝәки әм тʹәви дьжмьнед Хԝәде хәбәр дьн, ча шәхси ӧса жи бь сайа телевисйоне.
Хьзна Кʹьтеба Пироз
it-2 452 ¶9
Мьԛам
Пʹарьстгәһеда стьрандьна кʹьлама гәләк фәрз бу. Әв жь ве йәке те кʹьфше, кӧ Кʹьтеба Пирозда гәләк щар дәрһәԛа стьранбежа те готьне, у кӧ әԝана жь шьхӧлед Леԝийайә дьн аза бун, сәва кӧ дина ԝан бь тʹәмами сәр шьхӧле ԝан бә (1 Др. 9:33). Һәла һе паши вәгәрʹандьна жь Бабилоне жи, әԝана дьһатьнә һʹәсабе кʹомәкә Леԝийайә мәхсус. Әв жь ве йәке те кʹьфше, кӧ рʹезнәʹмәйа кәсед вәгәрʹандида, әԝана башԛә һатьбун ньвисаре (Әз. 2:40, 41). Пʹадше Фарьса Артаһшашт, һәла һе фәрман жи да, ль гора кʹижане әԝана у кʹомед дьнә мәхсус, жь хәрщ дьһатьнә азакьрьне (Әз. 7:24). Паше фәрмана пʹадше дәркʹәт, ԝәки һәр рʹож бона һʹәԝщед стьранбежа хәм бькьн. Рʹаст ә әв фәрман жь Артаһшашт пʹадша һатьбу дәрхьстьне, ле ча кʹьфш ә әв йәк жь Әзра бу, чьмки Артаһшашт щабдари дабунә дәсте ԝи (Нм. 11:23; Әз. 7:18-26). Фәʹмдари йә кӧ һʹәму стьранбеж Леԝи бун, ле Кʹьтеба Пироз ԝана ча кʹомәкә мәхсус кʹьфш дькә, гава бәʹса стьранбеж у Леԝийа дькә (Нм. 7:1; 13:10).
(Нәһәмийа 13:10, ИМ) Һәрԝьһа мьн фәʹм кьр кӧ пʹаред Леԝийа нәданә ԝан у Леԝи у стьранбежед кӧ хьзмәт дькьрьн жи вәгәрʹийанә зәвийед хԝә.
(Марԛос 14:60-72) Һьнге сәрәккʹаһин рʹабу нава ԝанда сәкьни у жь Иса пьрси: «Бона ван шәʹдәтийа кӧ әвана мьԛабьли тә дьдьн тӧ чьма щабәке нади?» 61 Ле әԝи дәнге хԝә нәкьр у тʹӧ щаб нәда. Сәрәккʹаһин диса жь ԝи пьрси у готе: «Тӧ йи Мәсиһ, Кӧрʹе Йе Пироз?» 62 Иса готе: «Әз ьм. У һуне Кӧрʹе Инсан ль кʹеләка Йе Һәри Зор, ль мьле ԝийи рʹасте рʹуньшти у ль сәр әʹԝред әʹзмен те бьбиньн». 63 Һьнге сәрәккʹаһин кʹьнщед хԝә ԛәлаштьн у гот: «Иди шәʹдә чи мәрʹа нә? 64 Ԝә кʹьфьрийе ԝи бьһист! Ԝәва чаԝа хӧйа дьбә?» Һʹәмуйа жи әԝ нәһәԛ кьрьн готьн, кӧ әԝ йе кӧштьне йә. 65 Һьнге һьнәка дәстпекьр тʹуйи ԝи кьрьн, рʹуйе ԝи ньхамтьн, данә бәр кʹӧлма у жерʹа готьн: «Дә пʹехәмбәртийе бькә!» Нобәдара жи әԝ бьр у данә бәр шәмаԛа. 66 Гава Пәтрус ль жере һʹәԝшеда бу, жь щарийед сәрәккʹаһин йәк һатә ԝьр. 67 Әԝе кӧ дит Пәтрус хԝә ль бәр егьр гәрм дькә, ль ԝи ньһерʹи у гот: «Тӧ жи тʹәви әԝи ньсрәти буйи, тʹәви Иса». 68 Ле әԝи инкʹар кьр у гот: «Әз ньзаньм у фәʹм накьм кӧ тӧ чь дьбежи». Әԝ жь һʹәԝше дәркʹәтә сьвдәре, дик банг да. 69 Гава кӧ щарийе әԝ ль ԝе дәре дит, диса готә йед дор-бәра сәкьни бун: «Әва жи йәки жь ԝан ә». 70 Ле әԝи диса инкʹар кьр. У һьнәки шунда, йед кӧ ԝьр сәкьни бун, диса Пәтрусрʹа готьн: «Һәбә-тʹӧнәбә тӧ жи жь ԝан и, чьмки тӧ жь Щәлиле йи у хәбәрдана тә жи тә дьфьрошә». 71 Ле Пәтрус дәст бь ньфьрʹа кьр, сонд хԝар у гот: «Әз ԝи мәрьви нас накьм, бона кʹижани һун дьбежьн». 72 Перʹа-перʹа дик щара дӧда банг да. У Пәтрус әԝ готьна Иса кӧ ԝирʹа готьбу ани бира хԝә: «Бәри кӧ дик дӧ щара банг дә, те се щара мьн инкʹар ки». Ль сәр ве йәке дәстпекьр гьрийа.